利苑酒家 (德福廣場1期)

营业中

休息中

上海老細嚟香港, 當然要同佢食餐好啦, 我們一早訂左一個八人套餐, 自訂一些菜式, 訂左6:30, 去到唔算多人, 仕應說開一壼茶可免四位茶錢, 兩壼免八位, 我們剛好八位, 就叫左一壼人參烏龍同埋一壼鐵觀音呀. 茶壼好靚, 透明的, 如果用火熱住仲正.我好鍾意人參烏龍的味道, 甘甘甜甜咁, 好香, 鐵觀音都唔錯, 唔會好濃. 好飲. 前菜: 冰燒三層肉, 好好味, 又香又脆, 細細件好食呀. 五香牛展, 好香, 夠淋, 好食, 爽脆海蜇, 金蒜拍青瓜, 好多蒜粒, 夠酸夠開胃原盅燉靚湯: 這個燉湯係天麻, 好甘甜, 夠晒熱, 飲完成身暖晒, 又足料, 原來天麻又幾好味喎, 有點似淮山, 淋淋地的米網芝蘭炒生元貝, 元貝大粒又爽甜好味, 甜豆都好爽口蠔皇扣原幅花膠扒百靈菇, 這個花膠好大幅呀, 仕應先攞俾我們睇下, 然後就即場用鮑魚汁嚟煲, 好香呀, 煲左一陣就分俾我地食啦, 仲有百靈菇, 都好大隻的, 花膠充滿鮑汁, 好好味, 充滿膠質, 食完成口都好膠呀. 個百靈菇都好好味, 又夠晒香, 又大件, 成個扒咁呀. 好滿足的一道菜XO醬金菇金蒜蒸老虎斑件, 這個老虎斑都好味, 辣辣地咁

五一長假期開始，同屋企人飮茶，特登訂咗間米芝蓮一星嘅德褔利苑，因為夠近，平時去開IFC利苑飲茶，諗住呢間有返咁上下保證，點知中伏！先講訂位，我地訂咗12:45枱，但早到咗12:20左右，同reception 小姐講低個名登記，佢叫我地12:45 再返來因為第一輪未完.... 於是我地12:45返到去，點知超多人... 原來reception 12:45 先開始幫訂咗枱嘅人登記同派枱, 於是啲客癫哂喺到爭攞位... 我問返reception 先知原來我依家先算登記，頭先唔算.... 於是我明明早到變成要排隊等廿張枱.... 都算.... 跟住reception 小姐終於皇恩浩蕩派枱，但係佢地無system無number淨係嗌乜生幾位都唔知邊個打邊個仲要最攞命個reception 小姐鬼咁細聲商場又嘈，搞到啲客要一齊迫到好前等派枱，仲慘過去輪米... 好彩最後都係等咗十分鐘，唔係一定走人。跟住帶位嗰個staff, 又係一個經典，佢帶我地同埋另一個客，先俾咗張窗邊枱嗰個人，跟住我見到隔離有張窗邊空枱，就問可唔可以坐，點知佢眼尾都無望下我地就一邊話你地𥚃面一邊急急腳帶我地入去.... 我問佢點

話口未完我地一家又黎到利苑飲茶了重複既野我就唔再寫lu, 今次寫d新野上面個牛柳卷好好食, 脆卜卜加上牛柳好入味又唔un, 值得一試!下面既係蜂巢芋盒, 好多芋頭, 芋頭夠香, 有些黏口, 食完佢就飽晒再黎就係補番我地最like既雪頂餐包相, 一定要熱食, 咬一下, 入面d甜蛋黃汁會流出來, 個包又少少脆, 好正啊~~~~~~~~~

老實講，去得利苑而唔去同一商場的翠苑和美心皇宫都係想坐得舒服 D, 同埋食好 D... 結果真係失望中的失望！座位：好迫，同二三線酒樓一樣咁迫食物：價錢收得貴，味道一般，細碟。服務：無乜服務可言。叫左一個龍蝦二食，$638。。值唔值？自己睇相。。無錯，你見果少少拆左肉的龍蝦再加個湯飯（無影）就 $638。我世都估唔到細得咁交關！另外叫左牛肉，魚，甜品。普通過普通。埋單四個人 $1600。喊三聲！

同阿媽去德福兩個人飲茶, 利園呢到環境好坐得闊落又舒適係我地最愛.可惜係員工成日黎sell野食. 一坐底就問我地要唔要芒果布丁, 邊有人食左甜點先食正餐架, 仲要$4x一杯咁鬼貴.一坐底必定先點一龍雪頂餐包 – 利園招牌食物, 2秒食晒無影到; 同埋牛肉球- 全香港人都知佢咩樣, 所以唔影了.再來一碟鴨舌 – d xo汁好正, 推介比鍾意食鴨舌既人!旁邊係拍青瓜, 幾十蚊食一碟都幾貴架, 但入味都幾好食.今次特別點左呢個牛柳卷, 脆卜卜好好食, d牛夠林.

早一晚訂好位星期日中午跟老媽兩人來飲茶. 因做2場的關係我們等到過了1點方才入得去.當天很開胃,兩人叫了7龍點心. 一坐下先叫這裡最好吃的雪頂餐包, 是波羅包加流沙包的組合物, 也是我最愛吃的一味. 然後鴨舌也是必叫, 好入味. 之後叫的芋絲春捲(分成4大條)和牛肉球也不錯.比較差的是無辣味只有好酸甜的紅油抄手(感覺係食緊甜酸雲吞咁), 好咸的三丁包和無咩特別的腸粉.

在2014年版的米芝蓮, 利苑一共有六家分店得到一星的榮譽. 另外還有三家分店曾經得到一星的榮譽, 一家分店曾經得到必比登的榮譽, 這個成績, 實在是相當出色. 在這十家分店中, 其中一家我很喜歡的就是德福的分店, 環境舒適, 食物水準也令人滿意, 先在2010年得到必比登, 然後由2011年起, 已經連續四年得到一星的榮譽. 是晚就跟文迪兩口子來這裡晚餐.龍華豆腐 $78: 8分, 其實在利苑, 有一個好處是豐儉由人, 不一定要點選貴價菜式. 如是晚, 我們就揀了家常菜龍華豆腐, 份量不少, 豆腐質感是幾滑溜的, 加上點點菜蔬, 簡簡單單, 就是很好下飯的菜式.葡式炆牛尾 $128: 8.5分, 說到很好下飯的菜式, 另外一客主菜葡式炆牛尾也是一例. 個汁是相當香濃, 把汁撈飯同吃, 相當惹味. 牛尾炆得夠淋, 火候控制得不俗, 而蘿蔔吸引了醬汁的味道, 也是不能錯過的呢.日本金菇照燒聖子皇 $38: 7.5分, 另外也揀選了一客日本金菇照燒聖子皇, 就稍嫌個照燒汁味道偏濃, 把聖子的鮮味掩蓋了, 還好的是聖子質感對辦, 配上日本金菇, 是幾匹配的組合.棗皇鮮百合燉天山雪蓮 $28:

With a hankering for Peking Duck I unsuccessfully tried to order a quarter serve. Thanks to a nearby diner we overcame some language barriers and I settled on a half duck (8 pieces). The skin was crispy, light and delicious and attached was just a hint of flesh. Just when I thought I'd finished eating for the night they brought out the Peking duck meat - I'm glad I pushed through the fullness barrier as this was also very tasty.This place knows how to do Peking Duck.

1月27日廣州大老細落嚟同我們開會同食飯,本來係訂陶源的,但係因為我們要遲半小時,陶源話FULL晒唔可以改又要限時1小時,所以臨時改了呢間,又有位,不過要食套餐,照食.10個人叫左個八人餐,因為有一個食素,所以個餐叫仕應改9位,跟住叫左一個羅漢齌俾個同事.我們的套餐要24XX架,好貴,首先叫左一壼人参烏龍茶,都唔算太重人参味,幾滑幾香的.套餐有川弓XX湯,個湯都好甜好濃的藥材味道,好滋補呀, 之後有春卷同埋小籠包,春卷好香脆好好味,小龍包係小小一隻的,都好多汁好食.之後係隻,都幾滑身,唔算好肥,顏色係自然顏色,唔係加重色素的,跟住有鴨掌配帶子,個帶子好大粒架,用刀叉切開,好好味,好鮮甜又唔會過老,剛剛好,鴨掌都好好味,唔會淋晒又唔會好生,啱啱好呀.鐵板海参,好香,咁樣食海参我都係第一次炸,用薑蒽炒,海参好爽口彈牙,真的做得幾好.石班切件配木耳一齊食,都好滑身啖啖肉呀,好味. 最後的甜品係杏仁蛋白,這個好好味,蛋白係好多,好香又滑,好滿足呀.老細都話做得好好,雖然價錢係貴左D,但係一年食一次都OK啦.

一行五人，去到九龍灣利苑酒家，吃一餐團年飯，來到這裏吃的目的，就是為了吃片皮鴨……可惜……首先講下其他菜式，大部分味道剛剛好，不會太鹹，亦不會太淡，例如 生炒排骨 ，外面脆 ，內裡嫩，恰到好處，非常惹味。閃而最後那個甜品更是非常好吃旳…南瓜露，南瓜蓉非常滑溜,甜度亦剛好，十分出色。但最失望的就是那一個片皮鴨，可能期望太高，愈是失望，外皮是脆的,但連肉太多，好像吃燒鴨一樣， 如果得地道來吃這個，真是有點失望。

星期一同老細食飯,我地揀左呢度,因為夠HIGH及好味,原來咁啱都係老細既心水呀!! 咁當然由佢落單啦,佢點左一些幾特別的菜式,話係利苑做得比較出色的.首先有三層肉拼叉燒,三層肉真的好好味,細細粒但非常香脆呀,叉燒都係出色的,又係好淋身,好香,甜甜地好好味.半隻半鴨,米鴨係食米大的,個肉質好厚身,好似鵝咁,啖啖肉及好滑,好味呀.黑山羊腩煲,好香呀,羊肉真係好淋,入口即溶,但又唔係煲到爛晒咁,好好味呀,支竹入晒味,好正.點心點左一個芋角,燒賣同埋魷魚酥,芋角的芋頭蓉好香,GOOD. 燒賣入面好幾隻蝦的,唔會有肥豬肉,魷魚酥都新鮮香口呀.蠬蝦湯脆米泡飯,呢個湯勁深色,好香好鮮甜的味道,飯入面有一些蠬蝦肉,脆肉,好好味呀.食完個人暖晒. 仲有脆麻花都好香口好鬆化呀.今次可以試左呢度的特式菜,佢地中午時段都爆滿,食物有一定的水準.

上個星期四同同事去了利苑食中午飯,我都係第一次嚟的呀,我地八個人可以安排坐房入面,我地叫左一個套餐再加左一個紅燒豆腐,因為有同事食齋.茶係龍井及鐵觀音,連茶壺都好漂亮架,茶都好飲過人呀!!套餐都非常豐富呀,有上素蒸粉果,芋角,煎蓮藕餅,老火湯係藥材湯,蝦球,生炒肉排,紅燒班腩,臘腸蒸雞,雞肉都滑身的,炒菜,泡米飯.碟碟份量都好大的呀,好味道,食到好鬼飽.芋角好好味,炸到好香口,但唔係好油呀,我鍾意呀,粉果都好足粉同埋唔會好硬身,好軟綿綿,正呀. 其實整體的食物都好出色,服務都好好.最尾還有黑糯米,唔會好甜,好足料呀,我地都食唔晒D嘢,都要打包.

不知從何時起，利苑變成了我們和家人的飯堂，在中秋節前，我們竟然在一周內來吃過了兩餐飯，不過是日要跟大家分享的，就是它們的酥皮奶黃月餅。大家都知道現在除了興冰皮月餅外，就是奶黃月餅了，年年半島月餅都賣得有市有價，聞說更有炒風的出現，不過究竟又是否真的有這個需要呢？究竟大家追求的，是食物的味道，還是月餅背後的品牌包裝呢？這品牌雖然在中式餐飲的地位頗高，不過在奶黃月餅這個界別而言，相信只能說是一名新丁吧，在介紹這個月餅之前，在此先多謝親友的禮贈，某夜晚上吃過了晚飯，看多一會兒電視之後，就泡好杯茶，開動焗爐，讓奶黃月餅可以以最佳狀態示人。經過烘焗之後的奶黃月餅，其表面酥皮突出的部份變成深啡色，酥皮的牛油味、及那陣輕輕焦香撲鼻也不止，月餅未取出來未經切開，其蛋黃的香味已經衝着大家的鼻孔而來，大家都在嘀咕，何解它可以香得如此誇張！急不及待的將它放入口，酥皮是夠乾身得來又酥香鬆化，帶着滿滿的牛油香，感覺香脆而實在，不會輕易就散開，而且大家從圖中可見，其奶黃餡跟酥皮緊貼非常，而且其乾濕度控制得宜，但同時保留着靚蛋黃的粉潤，所以絕不會予人嗆喉的感覺，入口後蛋黃香味十足，坦然實在非常出色。如果真的要彈的，

平時去利苑多數飲茶，今次就食晚飯，過千蚊餐晚飯黎講只屬OK啦!先黎燉湯 - 金銀菜燉白肺，利苑燉湯有信心保證，好少會唔好飲。德州煎牛柳 - 我地好多時都會叫lee個，ok幾好食。士多啤梨汁鳳尾蝦 - 本來以為好似咕嚕蝦球咁，原來佢只係炸左d蝦另加d士多啤梨汁，即係自己點汁食，但個蝦既炸粉皮又厚又難食，d蝦又唔新鮮，真係比佢扣哂分!鴨舌，燒味拼盤，蒜容炒油麥菜 ，瑤柱蛋白炒飯 - 不過不失。

今日約左寶貝喺九龍灣嘆下午茶,佢知道我對酒樓食品都有點要求亦得知呢個集團酒樓的出品相當唔錯,所以特登訂枱一試~去到門面玄關光亮洁淨,接待小姐相當大方有禮,問左我地姓乜名乜有冇訂枱之後,就轉左手比第二個阿姐帶我地入去.一轉手我就覺得去左第二間茶樓..係~由酒樓變茶樓大堂好嘈,D枱擺得好密,體會到茶樓想盡量用晒所有空間做生意阿姐帶左我地去一條柱旁邊的摺枱.上面當然有直直枱布,不過感覺NO GOOD寶貝仲話好有個人空間感.. ~_~"我真係好中意食點心~所以二話不說就出手,寶貝突然叮囑我先點几碟小試牛刀於是我地點左精美蝦餃,小龍包,鳯爪,牛肉腸,爽口豬腸,同紫薑皮蛋…唔知係茶樓地方大定係冷氣太涼,所有蒸點上枱都已經冇左熱騰騰的感覺,碟邊只有點點微暖..紫薑皮蛋 – 超級簡單的前菜,佢的擺法都相當簡單~ ~紫薑一D都唔紫,只係一般浸醋的薑,皮蛋就咁一開二…味道..,以呢個賣相賣呢個價錢真係超級唔值精美蝦餃 – 冇呃你真係好’精美’~大細係一般蝦餃的3份2, 蝦肉爽甜,夠新鮮,但係蝦餃皮相當有口感,要趙好耐先食到~小龍包 – D皮一樣的硬~當中的肉湯可能放得太耐而比D肉吸收返,所以好似食蒸鍋貼咁