前門飯莊 (已結業)

中午經過青衣城，都見此店有人等位，大多趕時間下，都不會選擇此店。剛巧今日平日中午，只需等一，兩人，便決心試試，睇門口餐牌，算可以柯打 銀芽炒鱔糊 + 五香烤魚，另外 是 四川擔擔麵 + 薑蔥醬汁牛肉，豆漿五香烤魚，薑蔥牛肉，屬前菜小食，份量都不多，烤魚味道不錯，而醬汁牛肉 ，則非常普通，又不算難食。擔擔麵，幾好味可以推薦下唯一又加收，每人五元茶錢，感覺差些

在青衣城食物選擇不是很多，好多都係大集團，食都食都有悶，去不同地方都係果幾間，但有天經過見到有間叫前門飯莊的飯店。是吃上海菜，對於我喜歡吃上海食品的我當然開心，在星期五時找了其他同事一起去試試這間上海店。因為12點吃午餐關係，人不多而可以拿到大桌（當然早少少打去留了桌），地方裝修都好乾淨，待應態度都夠快同有心（因為有次食獅子頭覺得未熟，佢地都細心講解和說擔心都可以換），而茶方面，佢地有正常的茶也有一種叫四寶茶的茶，但飲完吾覺有什麼特別，但最後我地去都是叫這茶來飲。這間餐廳有不同的餐，有麵餐，泡飯，菜飯（加8元），炒飯之類。而每款都會有不同，會有湯，飲品。而每款大約價錢由＄58﹣＄68左右都好合理。而因為同事多的關係，差不多每款都試過而大家都覺整體好，所以差不多一星期左右都會來。每款套餐都會有前菜小食，今次是酸蘿白。今次我叫了排骨粗麵套餐！～可以有前菜和飲品：前菜麻醬雞原來是芝麻醬雞，味道不錯，但可能汁倒在雞度，所以雞不太入味。飲品：薏米水係失望，似水多，沒有薏米味。薏米只有幾粒。排骨粗麵：（因粗麵關係好似加了3元），排骨炸都都脆口又吾淋，排骨夠厚肉吾多骨，但麵就偏油的感覺，湯都偏油，所

每次經過青衣城都見到這家前門飯莊, 但從未及理解飯店吃什麽。這次同事生日說要來這裡吃, 心想也不錯。看看餐牌原來是根據北京旅遊點 - 前門大街作餐廳點題。吃著是京菜, 混入的是川滬菜式。同事點上一個套餐, 便食一點。前菜拼盤, 一個四喜烤麩。麵筋, 冬菇, 筍同茨都無問題。不太甜, 也入味。但不知為何用上炸花生粒, 口感怪怪。個人對肴肉有點要求, 這個並不理想。肉質嚡, 瘦肉不香, 啫哩部分容易比開。醉雞的酒味還可, 雞肉也滑, 是三個之中較好的。京蔥羊肉, 羊肉羶但不香, 用料一般。京蔥太老, 嚡口。京式蔥油餅, 也算鬆脆, 有淡淡的蔥油香惹味。這個炒雜蔬, 味清淡, 配搭又不似京川滬式, 感覺怪怪。有點濫於充數的效果, 不過總得有點蔬菜平衡。炒拉麵, 樣似上海粗炒, 但用幼烏冬。口感韌中有勁, 炒麵用油不少, 但不太膩口。加點豆辧醬不錯。小籠包是滬菜點心。皮不薄也無所謂, 肉汁餡料有, 但差點鮮。尚算可以。然而生煎包卻更不錯。包底煎得脆香, 內餡有汁, 也有肉香。效果比小籠包好, 是餐廳中首選。環觀各樣菜式, 感覺點心比菜式做得好。整體來說, 作為街坊食肆水平, 不過不失吧！前門飯

山長水遠去到青衣工作，順道試一試這間餐館。本以為是普通中餐館，但原來係食上海菜我地叫左兩份午餐再用coupon換左一碟炒菜味道不錯, 湯很鮮甜，不會太油，配料亦都好多有驚喜的素餃，味道比其他地方食的不同，估計可能係特別的醬料令這裡的素餃加分。用coupon換的菜色，本以為會好細碟，誰不知份量和付費的一樣多，最喜歡食蓮藕，好甜好爽口Ok la酸辣湯又唔酸又唔辣，友人有點失望，唯一好處是配料多。總括而言，價錢和食物質素，用餐環境成正比。

最近舅仔搬咗，連帶佢太太有身孕，唔適宜走得太遠，地點就一於佢哋話事。原先揀咗青衣城嘅I- thai，原來執咗，結果改去前門飯莊食晚飯賀姨仔、舅仔牛一，一餐生日飯請晒佢兩個，就最益我俾少次錢。以前曾同小組組員嚟過，不過已經都成年前嘅事，但環境無咩大變，紅襯白，一室古雅柔和，所以唔陌生。前門飯莊主打滬菜，亦夾雜少少京川菜，冷盤、前菜、熱葷、點心、粉麵、甜品，款式超過70、80，部份圖文並茂當參考，今餐大部份菜式由舅仔發辦，因為佢口刁有要求嘛，哈哈，等佢揀唔使大家煩。茶錢無變，都喺收$7位，另收加一，之外就無其他雜費。五香烤魚 $58上海菜中有一道「燻魚」，煙燻香濃，幾鍾意嘅冷盤之一；晌前門飯莊就無燻魚，不過，就有一道近似嘅「五香烤魚」，魚件以五香粉醃透再炸，好入味，肉質實淨得嚟又帶點鬆化。花素蔥餅 $37一客3件嘅花素葱餅，類似啲蒸銀絲卷，口感鬆軟唔黏牙，裡面捲住啲蔥粒同蛋皮，素得嚟唔會太寡。京式蔥油餅 $37有別滬式大大件嘅蔥油餅，京式個皮較為酥脆，因為並非煎，而喺炸，內裡包住好多蔥絲，好濃香嘅蔥味。灌湯小籠包 $50一客5件，唔使爭，一人一粒。薄身嘅外皮包住濃鮮嘅湯汁，不愧為「灌湯」，

四寶茶，其實應該用桂圓丶杞子丶紅棗等焗水而成， 但呢度就比較古怪， 因為佢的確係一壺茶， 再加桂圓丶杞子丶雪耳等， 坦白講，加雪亙真係有d古怪。 故且勿論佢嘅配方， 作為一間中式食肆， 壺茶係非常重要， 唔明點解佢啲茶葉可以咁碎，聞+飲都係無味!! 仲要飲到成口茶葉碎，so bad, 下次寧願飲鐵觀音!!是日叫咗個肴肉，得兩條薑絲鋪喺面， 醋要問佢先有。大佬呀！薑絲黑醋係 must go , 唔應該要客人問先有。好彩個肴肉嘅水準都 keep 到，三層分明，表層滑丶中層淋丶底層有口感+肉味，夾起唔會散。

星期日到青衣城晚飯，其實也有心理準備一定多人，結果便選了這間最快交枱但都等了45分鐘的食店，卻给了我意想不到的驚喜，同行友人是素菜支持者，所以便嘗試了二人全素套餐，餸菜也沒有太浮誇的名稱或食材，簡簡單單，清清淡淡才是食素菜的宗旨，素餃味道很好，皮薄 一碟名為"荷花上素"食材非常豐富。 桂花杞子紅荳糕也是用心的制作。整體而言，比在其他只食素菜的食店更高質素。更正宗

探完親戚來到這裡晚餐姑媽發扳叫餸最欣賞以下幾款片皮鴨，皮質爽，刀功利害、留下適量油脂最好仲有少許肉令到口感十足點上醬料同吃味道不錯小籠包頗太隻保持湯汁有肉味醉雞夠滑，酒味清香雞肉也很嫩滑其他仲有幾款小菜也不錯環境都不錯，古式古鄉味服務亦好好，個個都有笑容不過距離市中心太遠我要坐一小時車先來到除非下次探親先會來

若非小組成員搞活動，都甚少入到嚟青衣，我哋先飯聚，再打波。每次入到嚟都有朋友負責晒所有事，安心食，安心玩，而揀前門飯莊作為飯聚地點，朋友話貪佢有個房仔，可以自成一角，又無消費要求。餐廳環境幾雅致，燈光柔和，牆上掛有好多中式提字。而我哋所處嘅「廂房」，其實喺半開放式，無實心嘅牆，亦無門，只喺有啲間柱，又晌角落位，騷擾性比坐大堂低好多。前門飯莊主要賣上海菜，亦有少少京菜同川菜，由冷盤前菜、熱葷大菜、點心粉麵、甜點糖水，款式超過70、80，選擇多多，部份菜式有圖有相作參考，而且，睇落價錢亦唔算貴。除茶錢收每位$7、加一之外，都無其他雜費。冷盤前菜多達23款，好多知名嘅滬式冷盤都有，如四喜烤夫、蔥油海蜇、雞絲粉皮……，而京式嘅北京水晶肉，川式嘅四川口水雞，均有供應。醬香凍茄子 $45凍茄子口感腍腍滑滑，冰涼清爽，所謂「醬香」，有點鹹鹹辣辣嘅味道，又滲出絲絲蒜香，食落都幾醒胃。香糟醉雞 $70醉雞晌滬式冷盤中一向都喺好受歡迎，而依道香糟醉雞亦喺冷盤嘅廚師推介之一。一客醉雞份量不少，酒糟香氣撲鼻，外皮好爽，雞肉頗滑，果然有水準。京蔥醬汁牛肉 $53牛肉喺用上牛展，滷煮後，配上京蔥及醬汁，都算一道簡

一向都知道青衣有好東西吃的地方不多，但偶爾也會來到青衣遊逛，順道在青衣吃東西。這一天，又是個在青衣出沒的日子，看看開飯的食評，「前門飯莊」笑臉多哭臉少，評價似乎不差，便決定一試，在這兒吃頓午餐。可惜這頓午餐充其量也只是ok而已，未能給予一個笑臉，也在某程度上或多或少印証了自己覺得青衣沒有多少好東西吃的觀點。其實這天所叫的都是基本的上海菜「四喜烤麩」、「小籠包」和「上海粗炒」，但吃來卻只感到不外如是。也許這兒的食物質素在青衣區已算是較好的，但與真正美味的上海館子出品相比，卻著實在點距離。首先，是「四喜烤麩」味道太甜，而且大部分都是麵筋，其他材料相對地並不太多。其次，是「小籠包」皮偏厚，湯汁也不夠多，只是普通之作而已。最後，「上海粗炒」算是較好的，雖然始終難免較為油膩，但吃得「上海粗炒」，這一點是早已預計得到的，問題倒不太大，味道也算可以。不過，這天所叫的三樣基本上海菜中，只得一樣較好，其他兩樣都只是平平而已，又怎能值一個笑臉呢！

其實唔係第一次黎食, 會再三幫襯係係因為佢真係好食!今次屋企人決定食砂鍋雲吞雞, 所以其他餸菜唔叫咁多先講左重點 砂鍋雲吞雞個湯唔咸, 仲有濃濃嘅雞味, 好味!但雞肉就唔係好夠滑我好中意食津白, 而佢D津白吸哂D雞湯, 真係淨係食津白都得另外叫左 生拆蟹肉豆腐蟹味好重, 對我尼講唔咸, 好夠味, 送飯一流!!而尼個係鮮肉蒸餃其實係前門, 比起小籠包, 我更中意鮮肉蒸餃熱辣辣, 而且一咬肉汁咇哂出黎!!價錢唔算貴, 所以再想食北京菜我會揀尼度

態度很差，但食物卻一般， 上海食物制作沒有驚喜，又沒有特別招牌菜，D生煎包皮又厚又油，D肉又細又唔底，香糟醉雞簡直細到呢，北京水晶肉一般，炸春卷唔香，四川担担麵無味

二人晚飯想食辣，去到青衣，揀左呢間剁椒大魚頭--正，一D都吾腥，魚頭都好多肉，好鮮甜，食得辣嘅人先好叫呢個，配上湯都幾開胃。炒㰖角--夠火喉，調味濃，㰖角不太淋，剛好，份量亦大碟。

和男朋友同母親大人吃飯，老人家當然要食中菜去左前門，是不是好有北京味呢？ 片皮鴨不錯，夠熱有鴨味，皮脆不過有D咸，而且餅皮太厚。母親吃了幾件就濟了。叉燒用鐵板上，夠熱夠淋，最正是焦糖粒，好甜。而中式牛柳就一般，太硬。而且牛肉有雪味，用了厚汁也可以吃到。不過牛肉好少用新鮮了。吃了接近1000 元，母親開心就得啦，不過未來老公比錢

在青衣工作多年,但一直沒有留意這店,因為位置較為偏僻朋友介紹下試一試銀芽炒鱔糊白飯軟硬度適中,銀芽同鱔糊都好多,份量足夠可惜唔夠醬汁濃郁,太水,加上熱度不足和鱔糊太太太淋....有點扣分合格之作反觀同事叫的食物精彩好多包括是海鮮炒面(面質有咬口,加上辣味令個面更加好食!)小食-鍋貼極之推薦,外脆內裡能夠保持肉汁! good good!