割烹 櫓杏 (iSQUARE國際廣場)

营业中

休息中

今日同同事去左附近食間高級日本料理😋因為最近愛上左食和牛，午餐比較經濟，一於試下個黑毛和牛Shabu shabu 先😋一心以為有6片黑毛和牛，點知原來得3片，有3片係火之本豚。黑毛和毛真係好好食，入口即溶，油脂比例剛剛好，得3片好珍貴😹好想食多幾片！另外有個迷您刺身飯，材料都好新鮮，好鮮味。茶碗蒸都好出色，蛋好滑好香濃。shabu shabu 入面的日本野菜都好新鮮，加埋入面有粉絲，食埋都好夠飽，好滿足！

朋友同我慶祝生日，揀左呢間大家都第一次食嘅日本菜，餐廳唔算大，大大嘅落地玻璃望到好靚嘅海景，食物選擇都好多，有刺身、壽司、串燒、燒物、天婦羅、火鍋、丼飯，係冇乜甜品😆🐟原條油甘魚刺身我不太鐘意食魚生，只會食三文魚刺身🫢覺得其他魚質地好怪又腥，原來係我冇食過好食嘅魚生🥹呢條油甘魚真係好好食，唔腥，有魚鮮味，肉質彈牙，原來靚嘅刺身係好食嘅😙🦪熊本生蠔朋友叫嘅生蠔，佢話又大隻又好食🐡炙烤魔鬼魚魚翅烤魚翅唔會太乾，有脆脆口感，有魚香味🍳煎蛋卷淨係得蛋嘅蛋卷，出奇地好食，熟晒嘅蛋但好滑，蛋味香濃，質地鬆軟🐣炭燒天草大王雞肉成個烤爐上枱，燒住燒住咁好香，雞肉份量好多，肉質外脆內軟，肉汁豐富，好食🍛吉列熊本黑毛和牛「和王」丼呢個丼又係超好食，又係之前食過一次唔好食嘅吉列牛就怕左唔敢再食🤪原來我又係未食過好食嘅吉列牛，呢個和牛好好食，好淋，好香油花，一啖一舊好快就食晒總結食物質素高，環境靚，服務好，又多款式揀，可以再黎食🤤

12月17日下午2:08和朋友入座，是慶祝朋友生日，本應是高興的。2:15點好餐，2:26朋友的鐵板雞套餐到，2:31我的海鮮火鍋套餐到。因為海鮮鍋內的食物要時間煮熟，等到2:44才起筷。誰知，3:05一位女店員走過來，叫我食快D，我呆了一呆。隔了一陣，另一位男店員又走過來，用不耐煩不專業的態度催促我食快D，說3:00他們要落場，我開始無名火起，那男店員再說 "只係叫你食快D啫!"嘩! 我去過很多高級日本的餐廳，從未遇過這樣無禮貌店員。第一，由訂位、入座、以至點菜，無人告訴我們3:00前要食完，否則就是阻礙員工落場。第二，如果你要客人盡快食完，你應該提示客人火煱到1:30就截單不供應。這間所謂高級日本餐廳，什麼過江龍，收費不菲，但只能提供九流的服務，我提議你改名做 "割烹櫓杏偽日本快餐店" 比較貼切。

嘢食與價錢不符，又吾好食！明明book咗窗口位，去到話full晒，咁嘅價錢我去任何一間都得啦，係食評到睇講到環境幾好咁，點知去到安排坐係角落位，簡直係離晒譜！絕對冇下次！

食物質素差！明明book窗口位，recfm booking都話有晒窗口位！點知去到就話窗口位full 晒，下次吾會再去😡，已經冇晒心情，嘢食極少沒有選擇！去呢間食都係食個環境，沒有下次！

位於尖沙咀嘅割烹 櫓杏主打日本料理，見到有好多日本籍嘅師傅喺度🇯🇵 ，而且仲對住個無敵大海景食飯，對正個海，環境清靜私隱度高🥳，而且目測見到好多日本人都過嚟食，所以質素絕對有保證👍🏻👍🏻不過價錢就真係偏貴，但一分錢一分貨所以🖤黑白配⚪️都覺得合理😛天草直送鮮魚 刺身之漁師盛 $898大大盤嘅刺身上碟已經擺盤好靚，食落去全部都好新鮮🤩櫓杏廚師發辦 極味壽司12件 $498壽司方面，佢個壽司飯食落去甜甜地，整體水準中上，其中印象最深刻係大拖羅。食落去油脂味好重😋櫓杏特製 火炙火之本豚肉角煮 $188侍應會擺喺你面前叫你自己燒，豚肉🐷食落去好新鮮同埋都幾肥膩，入口爽口彈牙👍🏻炭燒天草大王雞肉 $198雞肉🐔都係要自己燒，但係就算燒咗都食得出嗰個雞肉勁嫩，雞肉上面鋪咗黑椒，食到好惹味🥹忌廉可樂餅 $188咬落口滲出啖啖可樂味但係唔會too much，再溝埋忌廉炸出嚟個口感好creamy 🙊

屋企人生日想食好啲, 特登揾間有景的餐廳黎食返餐好星期日大約12:20入座, 因為有訂座, 所以安排了窗邊的卡位, 每個卡位之間還有簾子分隔, 私隱度十足3個人分別都叫了不同的定食, 定食是一至日都有提供, 種類繁多, 一定有一款岩心水最推薦鐵板和牛以及烤地雞定食鐵板和牛是每日限量並且幾乎每枱都有一份, 所以遲去都可能會賣哂~鐵板和牛定食附有小鐵板可自行控制熟度, 兩面輕輕烤至五成熟即可享用~ 入口即融但和牛的份量又不會令你有太油膩的感覺, 唯一小缺點是烤和牛時油會有可能濺到自己烤地雞定食都有驚喜, 雞肉結實彈牙, 絕非平日一般食到的雞肉, 肉味濃郁, 配上柚子胡椒一起食用更是加分不少整體感覺良好, 環境舒適, 想食得好啲都會再黎

聽講呢間omakase好好食❤️，但係怕冇錢所以都係試吓個lunch set先🤤・　熊本地道特色御膳🍱 ($348)佢嘅日文名係鄉土料理，我就好想試吓啦！因為本身都鍾意啲比較貼近自然嘅嘢🤭🤭。呢個套餐好特別，佢嘅飯並唔係白飯，而係菜乾炊飯，既特別又好食💕，佢嘅湯都唔係麵豉湯，而係雞湯，好足料😍，佢嘅刺身亦都好新鮮，回味無窮💯，另外佢仲配有茶碗蒸、天婦羅、沙律、草餅 等等配菜😍😍。擺盤方面，我超級鍾意！佢啲餐具好靚，配色又靚，又精緻✨✨✨・　吉列熊本黑毛和牛「和王」西冷御膳🍱 ($298)見到幅圖咁吸引，好多朋友都想叫呢個套餐！✨✨✨真係好好食，吉列牛已經是先炸過，炸得唔會太熟所以仲會見到有少少粉紅色，因為佢炸嘅時間調配得啱啱好，所以個牛唔會好韌，口感鮮嫩💕💕，和牛脂肪分布平均🤭，食過返尋味💯💯💯・　熊本產抹茶奶凍🍵 ($48)個拉動用咗個木盒仔裝住，好得意❤️❤️，抹茶奶凍好濃郁🤤，苦甜苦甜的，又唔會太甜，好好味💕💕💕💕・　環境🏡我哋一共7個人去食，餐廳就預留咗間房仔俾我哋，間房好開陽🌅，係城市海景🌊。所以環境真係好靚💯💯💯💯店員服務都好好，雖然佢哋係日本人唔識講廣東話🥹，但係都盡力講英文😍

有家人由外地回港，親友訂了枱說在isquare 吃飯，沒問太多便參與了。到了該層樓才留意到是日本菜，還有維港景色呢！定食款式算多，吉列豚肉、刺身、魚生飯、鐵板燒、天婦羅都有，總有一款啱食～主食來前，咖啡先到☕️ 我點了一杯白川水泡沫咖啡，除了用上較日本feel 的杯，並沒有什麼特別😆然後主食到了，我選了刺身御膳，鮮魚刺由熊本天草直送，有五款刺身各兩片，有茶碗蒸、小食、沙律和麵豉湯刺身中有我喜歡的吞拿魚和帶子，而且味道不錯👍🏻 在這個位處於尖沙咀，而且環境挺舒適的地方，一個定食都是二百多元，性價比不錯，值得再來～ 😉

在疫情前，我已光顧了這餐廳很多次，之前一次是半年前，那時服務態度仍好，這個價錢，食物質素佳，但最近幾天光顧的經歷實在很差～食物方面，訂了$398一個餐的和牛x豚肉鍋，肉質佳，但湯底較淡味，微微帶辣，鍋入面蔬菜新鮮，茶碗蒸鮮味，丼飯的魚生新鮮。但可惜甜品失色，今次是朱古力味的蕨餅，味道不太相配～以前是抹茶蕨餅，相比之下失色很多。是次友人替我慶祝生日，訂了午餐，到了2:30pm，侍應已不停催我們3:00pm落場，我們都加快速度。但侍應收剩一套仍在用膳的餐具，遲遲又不抹檯，又不向我們講聲會幫我們拿蛋糕出黎，便唐突地拿出點了蠟燭的蛋糕，我們大為驚訝，朋友只差兩口，我地明白落場時間快到，但應該禮貌上要同客人講聲。之後短髮女經理的很mean 的回應更無助處理事件，只是加速讓客人覺得餐廳很沒有禮貌～記得以前有日本人經理，落場都會溫馨提示，不會以這樣的行為逼人走🥲埋單每人連切餅費$150加一，每人$501，這樣的收費，服務質素欠佳，有難以吸引人再光顧～

有位朋友約左過嚟飯聚，由於佢係常客已經嚟到好熟，介紹比我地先知呢間位於isquare既店係由日藉夫妻主理，老婆係經理，老公就係專門做會席料理嘅師傅。店舖裝修以實木為主，隔住落地玻璃可以見到尖沙咀海景，格局亦好分明，一入去走廊兩邊係open area同會席料理嘅bar枱，沿住走廊最入面就係包廂卡位，好有privacy。朋友嚟得咁熟，當然由佢發辦推介食咩啦！太刀魚味醂乾咬落甘香，唔會好難嚼，係唔錯嘅佐酒小食鯖魚剌身好少食鯖魚刺身，味鮮肉實份量唔少，$248呢個價錢絕對抵食剩返嘅魚頭魚骨仲可以另外整成炸物或湯可惜我地食得太晏師傅已經收左爐喇火炙鯖魚壽司配海苔海苔好脆，有一種天然嘅香味，鯖魚連埋部分嘅皮，壽司係連飯都有燒香，夾埋一齊食好有層次感芦北產足赤蝦配時令蔬菜天婦羅盛合學蔡瀾話齋，天婦羅係日本菜當中最有難度嘅菜式，要外皮薄而香脆，裡面熟而不老，呢碟天婦羅絕對滿足到，最特別係有埋金菇天婦羅熊本黑毛和牛「和王」蒸籠料理呢道料理用左雙層蒸籠，蒸煮嘅過程中將上層和牛嘅肉汁同油脂滴落下層嘅日本時令蔬菜，和牛油脂分布好平均好嫩滑，各款蔬菜都好鮮甜，仲有迷你蒸豆腐，配上柚子胡椒、味醂醬油、同濃郁嘅芝麻

特登揀咗呢間可以望海景嘅餐廳relax一下，心情很治愈。我叫左熊本黑毛和牛「和王」及特選「火之本豚」伴櫓杏特製辣湯涮涮鍋配迷你角切魚生丼御膳，非常豐富，一次過可以試哂熟食同魚生類😜黑毛和牛同埋豚肉切得非常薄，望落去已經見到好新鮮，雪花分佈均勻，肉質鮮嫩，肉味濃，湯底微辣唔會搶咗啲肉味，配料（菇、娃娃菜、翠玉瓜）份量好多。角切魚生飯有驚喜，魚生粒非常新鮮和鮮甜，有油金魚、吞拿魚腩、劍魚、甜蛋等等，魚生種類豐富，配埋少許即磨Wasabi，日本米入口鬆軟。

食物質素高的日本料理，價錢尚算親民。而且環境舒適，坐在落地玻璃窗邊位置還有獨立房間的卡位。望著大海景享受日本菜，整個性價比大力上升。  食物方面 - 刺身定食︰主食割烹刺身新鮮就必然。吞拿魚跟三文魚脂身肥美，厚度切得剛好，不會太薄吃不到肉質感，也不厚很口感變油膩。帶子爽脆，不過只是將一塊分半，有點不夠 甜蝦蝦頭多膏，魷魚同樣是爽脆，兩者的肉質十分鮮甜。所有刺身根本不用點醬油都已經鮮美夠了，配上熊本縣珍珠米更加變成飯盜賊。一般我可以幾個月不吃任何米飯，頓時大口大口珍珠米飯塞進肚定食配送︰茶碗蒸蛋，很滑順，入口即化比豆腐更嫩。高湯已經將清淡蛋味調整，是爽口不膩的口感。日式沙律醬汁微酸帶甜，一小碗前菜已經十分開胃。高濃度醬油已經把汁煮茄子煮得很腍，也變成飯盜賊之一。家人點餐方面 - 鮨六貫配天婦羅定食︰壽司上的刺身看上去油光充足，厚度也是切得滿口滿足，米飯不會太多而搶走它們的鮮味。應該跟刺身定食一樣高質吧！餐附手打烏冬一定要特別表揚 十分彈牙，也很掛高湯味，算是我烏冬排名磅上頭五位吧！蝦天婦羅雖然外層炸粉算薄，但同時蝦肉也很小，是套餐的美中不足。櫓杏鰻魚丼定食︰鰻魚很厚度，兩大塊舖滿整碗飯面

剖烹櫓杏既lunch set一向都好有保證😍餐廳裝修靚之餘仲有海景😉價錢亦好合理，性價比極高💯Book左12點半第一輪，唔太多人，早左小小都有得入座👍🍲特選「火之本豚」辛辣味噌湯涮涮鍋御膳 ($238)天氣涼返啲叫左個涮涮鍋，之前試過和牛，今次就試下豚肉😊質素好唔錯，個set都好豐富😍有2款唔同既豚肉，前菜有蒸蛋同沙律😄2款都好食，薄薄地好易熟，而且好軟林😋火鍋既料都算多，有唔同既蔬菜、菇、南瓜等😛味噌湯底唔算好辣，亦唔會太濃蓋過晒啲味🥳仲有埋粒朱古力麻糬，煙煙韌韌幾好食😙性價比超高👏/😋食物質素：8.5/10🍽️用餐環境：8.5/10💰性價比：8/10👣回頭率：8/10

One of my personal fav join for omakase. Chefs are super friendly and professional. They interact a lot with diners and staff in general is attentive. Food is amazing of course. Fresh, in-season fish and seafood sashimi & sushi and some cooked to perfection seafood/steamed egg custard too. I have to mention, their salad is very fresh and tasty…I cannot remember what kind of dressing they use but it was fantastic. Extremely satisfied after meal with motivation to return. Value for money although