創發潮州飯店

营业中

休息中

記得上一次光顧創發, 是上個月的事, 跟朋友到了九龍城街市打完badminton之後, 就到這裡宵宵夜創發歷史應該很悠久了, 我返小學已經去食過, 當時真的很多人, 仲成日等位, 不過近年來已經無咁多人, 店的環境都變得愈來愈陳舊了 因為是宵夜關係, 只隨便點了炒麵線, 豬肚湯及炆腐皮紹菜(冷吃)炒麵線雖然有很地道風味, 但到桌時已經不太熱, 味道當然打了折扣, 以前食, 上桌時碟麵會冒煙的豬肚湯味道都變得很淡, 無論是胡椒, 咸菜都下得不夠多, 所以根本不惹味炆菜是很平凡, 跟"好食"二宇根本談不上以前的創發那裡去了, 可能今次只點小吃, 大菜希望不是太過退步啦

個蠔仔粥ok；蠔餅太過多油； 凍大眼雞可以，不過$150是否值得就見仁見智；鵝片不俗 - 肉嫩；炸蝦丸味道是很好、香甜并帶濃郁玉米味。不過非常不彈牙....= ="炒魚麺 - 還是湯魚麵比較好吃；食物不俗、價錢偏高。

星期2下午，與一位好友到九龍寨城公園考察。聽說附近有好多「平靚正」既美食，於是為食一群既我們就四處搵好野來食。我同好友第1次到九龍城，可說是「人生路不熟」，我們經過這間「創發潮州飯店 」—打冷店，未食過打冷既我地於是膽粗粗推門入去啦，一開門，見到七﹑八個伙計，場面壯觀在無面係無客的，我們入到去，他們好熱情咁招呼我地去坐卡位。一坐低，2個熱情既阿姐又倒茶又放低d小食。 同好友商量一番之後，我們決定叫3味潮州打冷既海鮮—"凍蟹"﹑"椒鹽大蝦" 同 "大眼雞"，我們叫完之後，個阿叔就拿左張單去比門口個阿姐(應該係間野既事頭婆)，連價錢都唔同我地講一聲。我們叫完之後，d伙計好招呼到令我地懷疑自己係唔係入錯酒店。小食有 "菜莆" 同 "小黃魚"。呢2個小食都幾好食，"菜莆"唔算太咸，而且加左d豆腐仆，都幾入味。而"小黃魚"都幾香口，雖然唔係熱拿拿，但都食得出都幾新鮮。 等左5分鐘，"大眼雞" 勁大隻，都幾好味，幾鮮甜，無咩腥味，令本身唔鐘意食魚既我都食左半條有多。之後隻細細隻既"凍蟹"都來埋，見到d肉都幾實，同埋d肉質都幾有彈性，而且都幾鮮味。

從來不寫食評，但見到一間有二十幾年感情的食市玩完真有的不忍，創發以前成日食，近十年以經不復當年，但總算有水準的潮菜，今晚再去食，嘩...以為去錯左鋪頭，看下的侍應又熟口熟面，同平時一樣咁寸，唉..來食得就預左受下氣，都未叫野枱面個碟花生以經吾掂，一食都吾脆，跟住叫佢比碟鹹菜，佢話枱面個碟就系，吾糸話.....同以前吾同色既，吾系黃色糸青BB咁，好似碟青瓜咁，個侍應話得呢d,算啦做人乜都要試下，嘩好似食鹽咁，好啦d小食吾掂吾緊要,來到梗系食佢d拿手野,馬上來3個潮洲翅,3碗翅到左想即刻走當無來過，一望d色水已經吾對版好似溝淡左幾倍咁，又無色又無味又無料，同我一直食左二十幾年完全吾同哂，吾通頂左手，問個亞姐糸咪轉左廚房，佢仲用好鄙視眼光話一直都系咁，吾通我幾個月前嚟個間糸假創發，其他的餸都吾駛多講，惟一開心既系以後都吾駛再受d侍應氣，因為以後都吾會再來，一間咁有歷史既食店就咁玩完，可惜！

叫鵝片佢就sell我地加鵝腸，我自己就唔食內臟嘅，不過阿奶奶話要少少喎，咁咪要囉。點知黎到嘅時候，鵝片得五薄片，鵝腸就一大碟！同果個點菜嘅女人講話得五片咁少，果個人竟然話比多你啦！ 另外，個咸菜豬肚湯重咸過海水加鹽！仲唔知點解會有大量未清理嘅豬腸喺度，見到都反胃！最後果個女人仲竟然問要唔要點糖水！仲唔快d走咩！已後都冇回頭啦！

同食友逛完菜欄，最後一站到創發吃些潮菜。家常便飯，不叫鵝肉，在「冷檔」走走，見了一碟魚春，無不試之理，見到燻鴨，足足幾年無吃，雙眼發光又來一碟例，囑咐老闆細碼就好了。這夜吃的都是不上宴席的平民美食，是尋常真味，吃到最後老闆送來一碟炸豆腐，普寧來的，香鬆、軟滑，蘸韭菜汁吃，是人間美食來的。亂寫一番，最精采的部份請留以惡男的網誌＠http://foodxfile.blogspot.com食友作東，在此謝過。

餐前小食.....小黄花個樣好正, 顏色金黄, 小脆香口蠔仔粥: 配料有大地魚料, 好香, 蠔仔漲仆仆, 好有口感!最正都係條三刀魚, 鱼皮又滑又厚, 魚肉好嫩, 緊緊熟, 每両成60蚊, 真係貴得有道理豆醬雞就嘛嘛, 不試也罷。第二正就係木薯清心丸, 小甜有益, 可以添食!

前菜分別有：煎獅頭魚仔 - 不錯 鮮製鹹菜頭 - 過鹹不吃也吧 辣蘿蔔 - 好味 炸花生 - 夠脆及功夫茶。豬腳凍 - 沒有味道都沒有。滷水鵝片并墨魚 - 祇得兩片鵝片其餘都是鵝件，滷水唔入味，鵝肉一般。墨魚算好味。潮式薄殼 - 用沙爹醬及金不換炒的，味道很好。忘記拍照的有：煎蠔餅 - 用薯粉及鴨蛋製作，煎得外脆內軟好味。煎牙帶魚 - 又是那句煎得外脆內軟好味。沙爹牛肉炒介蘭 - 沙爹牛肉唔得，介蘭好食方魚介蘭 - 介蘭幼嫩沾炒得火喉剛剛好。蝦蛄王 ：材料新鮮。

晚上八點半, 去到創發都仲有位, 今時今日的創發, 已經沒有以前的氣勢了一坐低, 例牌一底功夫茶先, 茶味勁勁甘, 兩杯落肚, 精神為之一振! 今晚最想食川椒雞, 另外芥菜煲, 炒麵線, 胡椒豬肚湯同埋大地魚芥蘭係必選的川椒雞的雞肉比較鞋, 個汁黑椒味太重, 以前食會好食d因為個味會有少少蜜糖的甜味, 但今次就炒到有d燶同苦, 同埋只得咸同辣芥菜煲保持水準, 粒冬菇仲係好入味炒麵線味道就ok, 但份量依然係咁細碟, 麵線好彈牙, 不過d韮黃好似少左; 胡椒豬肚湯咸菜好淡, 同芥菜煲入面的芥菜黎比, 只係咸過佢少少, 直接令到湯唔夠味, 差了大地魚芥蘭鑊氣唔係咁夠, 唔通個師傅換了人? 又唔知係唔係因為咁, 客人的數量少了

好憤怒!!!都唔知點解金貴...3人叫3餸1湯....右無menu..都唔知點叫餸..最後叫了:1.胡x豬肚湯2.水瓜烙3.青衣(煎完再蒸)魚4.鹵水併盤(得4塊鵝片,鵝腸好難食,好厚好似擦指膠好難咬斷,7-8塊墨魚)賣單居然要$444...(都無叫貴野)...然後check單...比d職員"胸"lor....跟著看單都唔知寫咩...只看到$150...我估係鹵水併盤...洗唔洗金貴呀..人家全隻鹵水鵝都係$80渣..$120...這個落單前職員早巳說了是青衣魚但之後看到3個分別寫廚部 $45... 即係$45 x 3.....係完全唔知係咩來(如果係一入來桌面上的小食....金就應該一早講明ar.....好唔老實 lorrrr.......)我去太子凌發...6人去..食度超飽..都係$80each 之 ma...所以巳經blacklist 了這間店....我真係會幫該店好好promote 下, 大事宣揚!!!!!

小時候家住黃大仙下村, “創發”就在樓下, 那時旺場的是第一座的 "適香”, “創發”不太好生意, 隨著清拆, "適香”沒再辦下去, “創發”遷到九龍城後就發了,間有去幫襯, 怎知最近一次真的很失望！朋友想食潮州野, 帶他去過 "樂口福” 、 "澄海老四”, 今次帶他去“創發”, 已事先聲明一般而已。 兩個人只叫了鹵水鵝翼拼鵝片、打冷枱上煎好了的一尾約長6吋的魚、豬腳凍、春菜、另加兩碗白粥。 可恨沒有帶相機….豬腳凍令我非常非常失望 , 完全不是那回事, 有10件弄成2吋x3/4吋像南棗合桃榚的模樣, 外型不是重點, 但竟然每件只有小小的一片豬皮或肥膏, 左拼右湊也沒能出現任何形似豬腳。 鹵水鵝翼拼鵝片…哈哈…有四片鵝片, 春菜是小小的一碗。食物水準一般，亞姐招呼OK, 樓上那位亞叔就…叫了白粥, 完全無應你, 以為聽唔到, 再叫, 再無應你, 走埋, 當準備叫其他亞姐時, 亞叔攞住兩碗白粥嚟…結賬要HK$390, 我不是做東但也忍不住查單…嘩, 那尾約長6吋的煎魚竟然要HK$150, 太過份了, 一點也不值！ 此次為朋友第一次去創發，朋友好有品地說, 下次都係去返"樂口福"！

本人已經係創發食過好多次,每之也覺得無問題,所以平均每1-2個月會去食一次. 但5月27日晚上約7.30-8.30再去,2個人叫左倉魚($80), 肉碎粥($50),凍龍蝦一隻,啤酒($20), 全部味道都OK,3個前菜中有個魚仔都好食,不過咸菜就太咸, 伴粥食都太咸.我ORDER凍龍蝦時有問過創發內伙記凍龍蝦幾多錢,當時伙記回答: 好平,有限錢,咁細隻. 結帳共$540, 發現果隻得6舊肉,約8寸長的凍龍蝦是$300一隻, 但我一年半哉前都食過一次,當時是$150一隻.......加價了一陪無論係伙記有心定無心攪錯單,定係物價騰價,佢迫住加價,我都唔會再幫親.

一向知道創發以打冷出名好, 同男友試胡椒豬肚湯, 滷水鵝及炸豆腐D湯微辣, 但非常足料, 好飲滷水鵝夠大碟, D鵝尚算嫩滑, 炸豆腐就一流, 外皮好脆, 而內裏仍嫩滑,同男話下次再同我試凍龍蝦添, good!

老婆細個時同家人常去的食店，多年冇去想重拾童年回憶，怎知多年後竟變成......！很不愉快的一餐，實在不吐不快！一家四口去為外母預早慶祝母親節，叫左鹵水鵝肝、鹵水鵝件、胡椒豬肚湯、炸雙棗、豬腳凍、水瓜烙、另加一碗白飯兩碗清心丸豆爽，完全冇叫貴價菜。環境同食物水準只算一般，但價錢上就......，冇Menu，菜單全寫在四面牆上，見到有價錢的都算ok，但有好多冇寫價錢，如果唔問清楚到結賬才知中蕉已經太遲，例如鹵水鵝肝和鹵水鵝件，見到張賬單竟收$500，眼都突晒，感覺被騙同唔值！以此價錢在其他食店一定食得好好多！此次為本人第一次去創發，但今生只此一次，一定冇下次！

幫親戚搞好D野都5點多. 約左另一班親友一齊食晚飯. 九龍城想去食果幾間餐館都滿坐, 有排等. 有親友提意去創發, 打電話去咁啱又有枱, 於是一行十人就行過去創發. 我地坐另外一邊, 地方幾逼, 不過稔住有好野食就無咩所謂, 始終都算係名店. 親戚落order叫餸, 我就坐係度等食. 餸就一路上枱, 我食落就唔覺得特別好食(亦唔係難食), 有D餸係偏咸添. 最後上埋個炒通菜, 忽然有隻小小强係碟底度走左出黎, 好唔衛生呀. 拿拿聲食埋D野就走人囉.又係親戚請, 真係唔好意思.PS 進食期間有枱後生係度鬼殺咁嘈(好似係生日飯). 開心還開心, 佢地都要睇吓隔離枱D人既感受架, 地方又細又逼.