力天冰室

营业中

休息中

力天冰室今次要介紹何文田一間叫「力天冰室」，呢間冰室超多人，好多旅客同香港人食，可能近酒店關係，搞到旺上加旺，我都等咗起碼超過半粒鐘先入到去食，入面熱鬧過任何一個夜市！店名幫我搵近門口嘅位置比我，入面真係好逼，唯有坐近門口位，餐廳裝修時已經預留位置整斜路，呢個老闆特別細心，抵讚！午市叫：1.鐵板黑椒牛柳絲炒麵$70+凍奶茶$10（8.5/10）呢個炒麵炒得好香，咬落去「卜卜聲」又唔會油，諗起兒時食嘅童心麵，牛柳嫩滑帶少少辣，我嫌唔夠汁，如果多少少汁就更好！凍奶茶：夠香滑，茶同奶比例啱啱好，好飲！2.焗鮮茄豬扒飯（大火）（炒飯底）$66+凍鴛鴦$10（10/10）之前睇電視學到叫焗豬扒飯一定要叫「大火」，「大火」意思係大火得嚟令飯焦多d，呢個焗鮮茄豬扒飯勁香勁好食，豬扒都有兩大塊，肉質鬆軟唔鞋，飯仲係炒飯底，好彩無三色豆（最怕青豆），佢哋簡單用蛋絲炒，鮮茄汁唔酸，鮮茄大約兩舊，應真嚟到何文田點都要試下焗鮮茄豬扒飯！凍鴛鴦：鴛鴦其實係奶茶加咖啡，飲落口係奶茶味，到喉嚨就係咖啡香濃味，好飲！1430下午茶叫：3.芝士咸牛肉炒蛋菠蘿油配沙律+熱咖啡$46（9/10）菠蘿油就食得多，夾住芝士咸牛

💗最近发现了一家令人惊艳🤩的餐厅，它就是力天冰室，位于九龙城区艳马道与梭丫道交叉口东约60米。这家餐厅的美食真的是让我大呼过瘾！平价且宝藏！今天我就来给大家分享一下我的探店体验吧！🎉一进入力天冰室就能感受到它独特的氛围。店内的装修简约而不失时尚，用餐环境十分舒适。淡蓝色墙上装饰着西式花草🪴，窗台摆放着乐器🎷与雕塑模型，一进去就感觉全身心的放松，艺术气息扑面而来🥩我尝试了他们的招牌菜—XO酱炒牛河，真的是让我惊艳到了🌟！！牛肉喷香软嫩，河粉吸收了所有的酱汁，一口下去超满足！另外爱吃吐司的朋友们真的有福啦！星洲炒米混合着炒鸡蛋，咸口的炒面配上辣椒油简直是天堂！🥪我们还点了他家的小吃和沙律🥙力天冰室的芝士牛油西多真的是人间绝味💫！一口下去首先是芝士的咸香，紧接而来的是菠萝沁人心脾的果甜！整个味蕾都沉醉在这美味中！每一道菜都做得非常精致，口感更是绝佳！三文鱼🍣沙律真的真的超大超大的四片三文鱼，而且非常新鲜！港式奶茶☕️更不用说，丝滑细腻，点了菜只需要加3元就可以得到加冰丝滑奶茶啦！💋而且这家店非常非常平价！两个人不到240元吃到撑！昨晚和朋友吃得太满足都要走不动路了！😝太值了！💁‍♀️服务员态度也

何文田附近放工，搵咗間冰室食埋晚餐先走，咁岩見到呢間喺窩打老道嘅冰室，叫咗啲中式小菜食，又整得幾有鑊氣喎，店舖招牌大大隻字，行過一定見到～食物：蜜椒薯仔牛柳粒$88蜜糖味超香，每一粒薯仔同牛柳粒都比蜜糖包住，牛柳粒份量都好多，而且唔會韌，撈飯食一流！XO醬西蘭花炒蝦球/鮮魷/帶子 $86XO醬西蘭花我哋揀咗跟炒蝦球，蝦球好大隻，西蘭花爽脆，XO醬夠香，唔想食蝦都可以揀鮮魷或者帶子以上嘅中式小菜都會奉送白飯+中湯或紅湯，白飯可以轉意粉添，今日嘅中湯係西洋菜豬骨湯😝家的味道另外飲品方面：熱飲加$8，凍飲加$10，仲可以加$13飲啤酒，忍唔住加咗$13飲咗罐藍妹🤭飲住啤酒食中菜先夠爽㗎嘛🤣另一個餐亦都加咗$8嘅熱華田，冬天飲👍🏻環境及服務：店員都好有禮貌，冰室來講都比較整潔，上菜速度夠快！

今晚剛好有事去何文田, 順道和朋友一起吃晚餐.干炒牛河 ($66) : 炒得非常香口, 好正, 好有穫氣, 牛肉份量夠多又好食, 又唔會韌, 好有水準, 幾出色.黑椒牛仔骨煲 ($88) :送上來時熱辣辣, 炒得非常香. 黑椒味都好香濃, 非常好吃. 牛仔骨都好滑, 完全不會韌, 超正. 黑椒牛仔骨煲還可以配白飯, 所以一定夠飽. 牛仔骨份量都好多, 所以幾抵食.中湯: 跟餐送中湯, 幾好飲, 又足料, 清甜, 不錯.鐵板黑椒牛柳絲炒麵 ($70) : 炒得好香又唔會好油, 牛柳絲又好香滑, 好好食. 這間餐廳炒野都真的不錯, 非常香口, 幾好食.懷舊紅豆冰  : 甜甜地幾好飲, 不錯.熱柑桔蜜  :酸酸甜甜幾好飲,不錯.吃了這麼多食物都覺得水準不錯, 特別是炒野真的很香口, 而且價錢不貴, 份量夠哂多, 真的是不錯的平民飯堂.

行完勝利道路經見到呢間冰室， 見到佢有個麻辣海鮮烏冬鐵板燒覺得幾有趣就入咗去試吓。麻辣海鮮烏冬鐵板燒 特色❤️烏冬軟硬適中，一上菜就咋咋聲，仲有平時扒房嘅鐵板燒嘅焦香味！ 裏面有真係有魷魚，大蝦同青口。 食落去個味道好特別，真係有啲麻辣，少少辣好惹味。裏面仲有啲芽菜同蔥爆香過。 呢個麻辣烏冬真係第一次試！ 蜜汁薯仔牛柳粒估唔到咁大碟，薯仔夠晒林而且油炸過入口脆卜卜，裏面仲要好軟熟。蜜汁味道包圍成個薯仔🥔，忍唔住一粒一粒食晒！ 牛柳粒調味剛剛好，鹹鹹地加啲黑椒仲有少少蜜汁。成道菜嘅火候好夠，有爆炒嘅味道。叫餸送白飯同埋例湯，呢度嘅白飯偏硬身，好適合我個人口味。紅湯 羅宋湯裏面餡料好豐富，西芹薯仔蘿蔔咩都有。 味道偏辣應該落咗不少黑椒，飲落去幾惹味。 檸檬利賓納好耐都冇飲過，好有誠意，檸檬都有四片！ 利賓納唔會太甜，份量啱啱好。

去完九龍中央圖書館借書，見到對面有間力天冰室，一於去試吓先。冰室環境都幾大，座位舒適，店員服務也不錯。❤️不論中式、西式，食物種類真係好多好多。⭐️必食常餐-招牌沙茶公仔麵、煙腩片炒滑蛋、香草蒜香牛油多士，香濃惹味的沙茶醬，加上柔嫰多汁的牛肉，好味😋，平時出面茶餐廳只有炒蛋或者火腿炒蛋，第一次食到煙腩片炒滑蛋，煙腩片令口感更豐富，最令人喜出望外就係塊多士，香草加埋蒜香，酥香惹味👍🏻⭐️招牌黑椒牛柳配焗薯（黑椒汁）叫左七成熟，牛柳肉質好軟腍，毫不嚡口，牛柳同黑椒汁係絕配！而且配搭咗好多蔬菜同焗薯，既健康又好味。⭐️星洲炒米，黃薑粉味很濃， 配上了蛋花、叉燒碎條、火腿絲、青椒燒、紅椒絲等，配合幼細嘅米粉，非常之惹味！⭐️鐵板餐有餐飲同餐湯，中湯不錯，而檸蜜茶的茶味濃郁。

今日放假約咗朋友一齊去行山,行山前,食返個豐富嘅早餐。早餐A$38仿鮑魚絲火腿通粉通粉份量都多,有口感,唔會太淋,又有大量仿飽魚絲和火腿絲,十分足料。西煎雙蛋煎蛋如果煎到週邊都有少少焦香,但可惜沒有,有就好食得多。黃金丹麥多士丹麥多士烘到鬆脆,上面放咗煉奶,好好食。早餐B$39招牌沙茶牛肉麵牛肉大大件,又有咬口,麵就有D淋左,希望下次再食會好D。3.6牛乳炒蛋拼腸仔用3.6牛乳炒蛋,雞蛋炒得更滑,味道更香。芝士火腿牛角酥牛角酥加左芝士和火腿,酥脆好食。以上套餐都有一杯熱飲,凍飲加$3

睇食評都唔錯，所以決定午餐時候試試。兩個人點了常餐，因為天氣熱唔想食飯。要咗豬膶通同膶牛麵。咁就出事了。豬膶同牛肉都好難食。茶走少甜都係好甜。如果午飯時段做唔到茶餐唔好勉強。或者如果唔能夠好好處理某類食材亦都唔使勉強放上menu。對食客同食材都係一種尊重。侍應友善，但都彌補不了。

第一次来香港，这家冰室就在酒店附近，环境好，吃的也不错，奶茶很好喝，扒饭料也很足，就是中午需要排队，下午两点多去吃就不用排队了。服务员态度也好，人均五十吃得很饱了

📍地址：力天冰室 (何文田)何文田窩打老道73號地下D號舖🍚食物同朋友經過果頭去揾野食 見而間等嘅人都幾多 就入去食 入去叫咗個常餐加野飲53蚊 其實都幾抵 一個午餐嚟講滷水雞翼超好食 滷水味入哂落隻雞翼到雞蛋好彩冇加牛奶落去炒 超級好食 又夠熱即時整檸檬茶太甜 下次要叫少甜其實都幾抵食🤵🏻服務叫拿餐具比較耐同水 但情有可願 果陣真係好多人 全場坐滿 🌟總結推介指數：⭐️⭐️⭐️⭐️環境指數：⭐️⭐️⭐️服務指數：⭐️⭐️⭐️⭐️

一入去已經即時落單 叫咗早餐等半個鐘野飲都未嚟 隔離遲過我嚟一樣叫沙嗲牛肉麵都食完 舉手全部扮見唔到 行出去問佢仲要惡過我 話過咗11點 即時走人 以後都唔嚟 永不錄用 請我都唔去 垃圾餐廳

去過三次，每次都有新體驗，我相信冇乜邊間茶餐廳既洗碗部會係收銀旁邊，有味不在話下，員工態度差，果種唔耐煩可以話係一絕😤當你話三文治要比一般早餐耐，叫我諗過，我呆左，最後咪轉眼上餐😥不知所謂🤬

今日帶住兩個小朋友去呢間餐廳度食晏，坐喺門口附近嘅卡位。嘢食都好快嚟到，正準備食嘅時候聞到有煙味。原來佢哋個洗碗範圍有位男職員食煙，洗碗範圍裝有冷氣同風扇，啲煙味直接吹晒出嚟。我即刻企起身望住個男員工表示不滿，示意佢唔好再食。點知佢望住我再抽多口煙。跟住我再向樓面嘅阿姐投訴有煙味，佢話冇，呢度冇人食煙，我即刻指住個男員工，佢先叫佢唔好再食。啲嘢食還可以，不過咁嘅服務同埋有人食煙，感覺污糟，下次一定唔會再幫襯。

作為一個土生土長嘅香港人，間唔中去下港式冰室簡直係指定動作。 何文田呢間冰室係用清新嘅藍綠色作為主色，都幾吸睛🤩，入面位置幾多，不過都差唔多坐滿，店員們亦非常忙碌。入到去二話不說，梗係嗌番個常餐先啦🤭。其實除左常餐，仲有好多款中式小菜可以揀，而且價錢都好親民，係真。茶餐廳價格👍。❤3.6牛乳炒蛋拼腸仔， 煉乳丹麥多士炒蛋真係落左好多牛奶，食入口滑嘟嘟，可以直接滑入喉嚨😋。腸仔係用左我最喜歡嘅廚師腸，微微煎過好香口。 丹麥多士比一般茶餐廳多士更加鬆軟酥脆，加埋煉奶真係邪惡又好味呀😜。❤仿鮑魚絲火腿通粉通粉份量都唔少，係比較厚身有嚼勁嘅。上面有非常大量嘅火腿絲同鮑魚絲，幾足料。❤招牌沙茶牛肉麵公仔麵硬度啱啱好，非常掛湯。湯底又夠濃味，牛肉好大塊而且係滑同腍嘅，係味道唔錯嘅一碗招牌牛肉麵。❤凍華田隨餐附送嘅飲品都幾大杯。整體黎講，食物質素唔錯，一個常餐50蚊唔駛，係好抵食嘅🏅。

住喺呢度附近，來來去去都係得一兩間相對比較好食嘅茶記。這間茶記開之前，佢嘅上手，我都試過，試過一次都冇第二次，咪就係啲嘢唔得！可能有啲陰影，今次「力天」新開，我都等咗一段時間觀察下先去幫襯。終於有一日放假，做完運動回來食個早餐，好嘢！又多一個選擇，一食過早餐就覺得佢掂豬膶公仔麵有好多薑絲，多士係丹麥多士，又有牛角包🥐⋯⋯仲有啲中式早餐可選擇之後都有再去幫襯食午餐，人都好多，又要搭枱，價錢，味道，款式全部都滿意