勝記酒家 (已結業)

家人1個月前訂了16人冬至晚飯, 去到变左6人booking, 個1字被人擦走了, 最後要分2檯. 屋企人話早2日仲 whatsapp 確認十幾人菜單. 坐落之後, 隔離16人檯的客和個女經理好熟絡, 相信佢賣左我哋張檯俾佢的熟客. 咁都得? 其實閒時贪佢就脚又可代客泊車, 都有幫襯, 今次之後都咪攪.

出名乳豬，名不符實，肥膩又份量少，價錢不公道！醬燒乳豬半隻只有10件！其他食物又油又多味精！服務其差，上菜極為混亂，主菜未上，單尾的粉麵郤先來！碗碟亦不清潔！伏中之伏！

今天放假和老公到銅鑼灣shopping 買聖誕禮物，買完已經是晚飯時間，經過杜老誌道見到勝記，記得之前到過食飯，D乳豬和小炒都好好味，而且老公又鍾意食中菜，所以我們就上樓入座了。勝記酒樓地方很大，但亦座無虛席，食物的質素一定吾錯。懷舊醬烤豬：來到勝記，梗係一定要食乳豬，乳豬有2款，之前我來過食勝記即燒乳豬，食法有點像食北京填鴨，用餅皮加D醬包住乳豬食，非常好味。今次就試試另一款，懷舊醬烤豬，而且尼款乳豬做緊特價，比平時平左一半，甘底食當然不能錯過，要了半隻，份量都幾多，尼種食法就傳統的，只需點乳豬醬就食得，皮脆肉嫩，香口又惹味，美味極了！椒鹽鮮魷：外層酥脆，內面鮮魷有口感，加上椒鹽很惹味！星洲炒米：夠穫氣，米粉是幼身爽口的，配料亦很豐富，有义燒、蛋、韮黃、大隻又爽口的蝦，咖哩味帶少許辣，十分美味！嘉士伯啤酒：有美食，老公一定要啤一啤！

聽講灣仔有間菜館有得食好好味嘅乳豬，平時食到嘅時間真係好少，例如係新年或者結婚先有得食， 一般用於來做重點嘅中菜基本上都好少。今次黎呢度主要係食乳豬同埋一啲海上鮮。勝記即燒乳豬 1/4隻 $193乳豬嘅味道非常之香脆，本身以為淨係有乳豬可以食，原來隔離都有一個麵包嘅底，感覺有少少似片皮鴨個底綠色既，都幾鬆化，配合好香脆的乳豬食，連同乳豬醬就真係正！薑蔥南非鮑魚煲四隻＄392鮑魚有南非鮑魚以及大連鮑魚，南非鮑魚價錢就比較高，質素應該比較好，薑蔥之外原來仲有蒜頭，爆到好香，個煲仲要係非常保溫，令到裏面嘅鮑魚可以keep住熱辣辣非常之彈牙而且又入味，一早已經切晒及去殻，簡直係懶人包。生滾潮式蠔仔粥$88裏面除咗有好多粒細細地嘅蠔仔之外，仲有好多肉碎及香蔥。店員仲直接攞埋啲胡椒粉俾我哋，味到就更加香啦。不過裏面嘅粥其實都係普通嘅飯嘅質感差唔多，但同樣非常之好味。值得一讚嘅係餐廳裏面有好多客人，但係裏面嘅侍應同埋公關服務態度都係非常好，除咗嘢食質素其實服務態度都會非常影響顧客係唔係返轉頭，真係值得一試！PS.茗茶＄9一位酸菜＄4一位固定收費要硬食㗎啦🤣

約好左  fd, 諗住帶佢食好少少，勝記乳豬以前對佢印像都唔錯，上左去呢間，點知中晒伏!中伏一: 脆皮乳豬凍過水佢嘅脆皮乳豬啲皮都仲係脆，不過夠乳豬好似燒起放咗喺度三個鐘頭然之後再上碟，已經凍晒，啲蘇味即刻出晒嚟。後來佢上咗包皮俾我夾乳豬，點知啲包皮都係凍嘅！激死我啦！中伏二：星洲炒米都係凍！真係唔知廚房係唔係煮好左就放喺度等人叫，都好似食緊啲放咗幾個鐘頭嘅星洲炒米，而且又油又有雪味，唉然之後我哋叫咗最低，金菇肥牛煲，炸豆腐。不過味道就麻麻哋，其實冇乜特別同茶餐廳差唔多。埋單嘅時候＄504，抵唔抵食就見仁見智啦，我比我個朋友鬧死咗，話以後唔再嚟食乳豬。勝記做乜事會搞成咁？

一入到餐廳就有好好客嘅公關招待，好開心！我哋幾個人乜都食啲，最近冬天一定要補下潤下。杏汁燉白肺$388估唔到個份量咁大，裏面有好多豬肺，出面買豬肺都好貴，佢整到好林，好食過牛肺。而且裏面都會有其他豬肉、雞腳等等嘅材料，都真係幾吸引。杏汁味道好香，但係又唔會太過濃郁，搶去其他鮮味。分量至少飲到10碗左右，好多人飲都可以。勝記即燒乳豬 1/4隻 $193基本上嚟到呢度一定要食即燒乳豬，啲乳豬皮好香脆，除咗醬汁之外仲有麵包配搭，有少少似片皮鴨。喺其他地方都未食過咁香脆！乾燒伊面＄88伊面份量好鬼大，至少都夠四個人食，雖然乾身但係唔會乾爭爭，啲伊面都幾香！不過都要留意番茶位＄9 ,酸菜＄4一位，依啲係一定要嘅消費。

認識三十多年的同學回港探親，怎忙也要抽空一聚，兩對夫婦的四人飯局就此敲定，同學移民到西方國家生活，常舞刀弄叉，來到香港，難道又帶他們去吃西餐？他們去年來港，饕以北京填鴨，而今年轉轉口味，選了一間以乳豬聞名的酒家，地方稱不上富麗堂皇，但也窗明几淨，商務酬酧要講排場，而良朋相敘以舒適隨意較合適。先來開胃小吃，知道她喜歡吃牛扒，點了蒜片牛仔粒，肉質尚可，入口不韌，蒜片香味出眾，惟加了茨汁，減輕了肉的焦香。想吃乳豬，經理介紹了懷舊醬烤豬，特價半隻$198，皮脆如薯片，肉也軟嫩，調味怡口，同學伉儷也滿意。在外國習慣吃生蠔，相信薑蔥美國桶蠔煲會帶給他們另一番滋味，肥美巨大的桶蠔，以瓦煲耐熱保溫，薑蔥去腥，蠔肉鮮甜多汁，味道比吃生蠔多了些層次。招呼好朋友，不可食無魚！見價格相宜，清蒸一尾沙巴仔也不過二百元，便點一尾試試，約斤來重的石斑，蒸的時間掌握得剛好，沒有過火，也沒有黐骨，澆以每家酒樓特別泡製之蒸魚豉油，味道無以尚之，雖則現今好魚難求，濃郁魚味略有虧欠，新鮮蒸好的石斑也令大家食指大動。奉行均衡飲食，來一道銀杏鮮腐竹浸時蔬以解肉膩，時蔬是白菜仔，配以白果，鮮腐竹，清淡平實，喜有唐芹的芳香，也很受落

餐廳本來就好多人 , 聽講出名係豬咁就試下d豬啦!餐廳咁多人實有其理由, 基本上都無咩地方係唔滿意~ 位置十分多, 但來既客人仲多 所以好易無位, 最好有得book就book定位啦XD呢隻小豬呢肉質係好新軟, 肉質夠滑, 我覺得作為佢地既標誌係岩既,基本上我覺得一定要試, 比較特出既位係肉質方面, 對比起出面個d黎講係滑過出面好多!四季豆, 份量奇多,  有小小炒香, 味道偏香, 口感係爽口帶硬多.配飯食係ok既!雞有小小肉比較乾, 對比起豬既話, 都係豬好食好多,呢個份量就正常返, 肉都唔夠新鮮呢隻牛味道上黎講超正, 但係有小小咸, 唔知係唔係味精問題,但味道上的確好刺激, 醬汁係好濃, 岩中意味濃既人士, 牛肉軟硬正常 唔會太難咬, 基本上呢道菜好正, 食完會仲想黎多碟.但係濃味既關係最好配碗飯 會比較好,中和返個味會更好食~2者配係一流的!

今日同一家人來到位於灣仔的勝記酒家，係為左呢隻即叫即燒的乳豬！勝記好有八九十年代舊式茶樓的感覺。在座的都是一家大細來食飯的，好有愛的感覺。甘啱即燒乳豬做緊優惠，都係百幾蚊有交易。其實皮好香脆，而且肥瘦適中，應該一家大細都啱。過吓癮都唔錯！西芹爆牛柳粒牛柳粒好嫩滑，加上是綠色的西芹菜，清新得來又幾健康。送飯來講絕對係一流。其他小菜相對就冇乜特別，所以直接跳過介紹甜品。最後當然要叫返一籠流心奶黃包，熱辣辣蒸氣好暖胃。而且奶黃餡，雖然流心心不多，但作為甜品也是一個好選擇。對我來講，食咩餸都係其次，最緊要都係一家人開開心心，身體健康，間唔屎去下呢一類令家人有唔少回憶嘅酒樓食飯，咁就最幸福了。

好妹妹生日正日,一家人來到~勝記酒家慶賀她生日! 店裝潢是傳統中式酒樓裝修,座位寬敞。**這個冷冷天氣, 最適合飲湯暖胃【胡椒豬肚湯】 $108 這道湯煲呈現白色,飲落有淡淡胡椒味,而酸菜味比較重味,如多點胡椒會更好, 而軟滑的豬肚冇腥味,帶點酸好微辣,有健脾暖胃的功效。**因媽太餓, 點住【蜜汁豬仔骨】 (小) $38 食住先 這豬仔骨的表面黏著醬汁,味道適中唔會過甜,而肉質好腍鬆, 有點點焦香,味道不錯。**【勝記即燒乳豬】 1/4隻 $193 燒到金黃色的乳豬,外皮酥脆得很, 肉質多汁嫩而不乾身,可沾點甜醬及沙糖, 並可配附送包包同食,可減輕肥膩感, 忍不住吃多幾件,齒頰留香。**【紅酒燴牛尾】 $108 牛尾吸收紅酒及紅蘿蔔秘汁,夠晒入味, 而牛尾肉質夠晒軟腍,不自覺食多幾口, D汁送飯不錯。**【清蒸花尾躉頭腩】 $198 這頭腩蒸得剛剛好不會過老, 清蒸的方法可保留魚的鮮味,入口嫩滑得來滿是魚油的香味,而魚皮有厚厚膠質,最重要啖啖魚肉冇乜魚骨及腥味,好味到食不停。**【翡翠酒槽蝦球】 $168 因想試酒槽是咩味,所以點了。蝦球口感彈牙爽脆,加上酒槽一同入煮,散發淡

​ 屋企人想去酒樓食嘢，諗咗好耐都唔知去邊間， 呢一日係重陽節紅日，擔心會好滿座， 驚喜地嘅係嚟到呢間酒家都仲有少量嘅枱。 我哋已經係比較遲嘅時間入咗，但係酒樓都非常之多人， 證明左佢嘅受歡迎程度。 我哋叫咗少量菜式，第一樣係生滾潮式蠔仔粥＄88 呢一款嘅蠔粥充滿潮州嘅特色， 原因係米還米，汁還汁，唔係話煲得好綿密。 幸好，米飯嘅質感都比較林，唔會話讓人食得好辛苦。 粥汁好夠味，而蠔仔嘅青草味都好重， 配上味道超級香且爽口嘅芹菜粒，令到粥嘅味道更上一層樓。 第二樣點的菜式是菜譜蠔仔煎蛋＄98 菜譜的味道鹹鹹的，跟這個味道比較淡的蠔仔煎蛋十分匹配， 蠔仔雖然係細細隻，但是味道十分香濃， 每一隻的口感也是香滑的，水份亦都好充足， 那個煎蛋的口感同時亦不會太老。 期待已久的枝竹龍躉頭腩煲$198 終於到來，茨汁非常之香濃，色澤啡啡的。 龍躉的口感非常之厚肉，而龍躉魚皮亦都非常之厚身， 好鍾意嘅係食落唔係話好多骨，食得非常之方便。 另外，旁邊配嘅係大量多汁的枝竹，味道非常之好食， 豆味都幾重。 另外設有茶位＄9 /位前菜$4/位，價錢合理，值得再來！勝記酒家地址 灣仔杜老

勝記酒家是間走懷舊廣東海鮮菜路線既食府, 馳名懷舊乳豬! 不過今次我哋主力食既係海鮮! 無得頂!薑蔥美國桶蠔~煲仔上, 隻隻肥美, 全部都有三吋長! 而且全部都非常厚肉! 𧐢肚位置仲好飽滿, 桶蚝先走油再放入煲裏同薑蔥ㄧ併爆香, 香氣撲鼻, 真係絕冇取巧, 非常惹味!鹽香鮑魚~ 香囗無比, 用粗鹽醃製過鮑魚後炸, 少少鹹鹹地中帶些脆口, 雖然炸過但仲好彈牙, 即係代表新鮮!豉椒炒聖子皇~ 稱得上皇ㄧ定有獨特之處, 真係冇花冇假, 足足成隻手掌長, 認真誇張, 口感豐富, 加上豆豉青椒、洋蔥ㄧ齊炒, 惹味非常!

今晚一家人在灣仔嘗了多年的老字號酒樓，原名叫兜記，依家改名勝記。先吸引到我的是啤酒，以為是普通玻璃杯，但原來用上戰鬥碗，還是冰凍的，真特別！前菜點了青瓜海蜇頭，麻油味香，青瓜和海蜇十分爽口。乳鴨皮燒得香口，最重要是好乾淨，一條毛都沒有，而且肉嫰juicy。點上椒鹽味道更突出。重點是乳豬登場，外皮燒得十分香脆，不太油。再來雞煲翅，實在不得了！真材實料睇相已經見到非常多翅，飲完滿口膠質，非常滿足。雞湯鮮味濃郁，湯渣也可以食到味道。北菇鮑汁鵝掌煲，鵝掌炆得好軟，北菇亦夠厚身，啖啖肉好精彩。令人意料之外的美味，大大勝過預期，味道好而價錢合理，我們都決定會「翻兜」！

去完灣仔打波, 唔想去食拉麵, 突然間好掛住食中式野, 就一於去酒樓食餐好啦!我一向鍾情食湯𡙡, 這個龍皇大子𡙡 材料有豆腐粒, 紅蘿蔔粒, 草菇粒及蝦仁。湯𡙡味道鮮, 蝦仁爽囗, 好有老香港風味!金牌炸子雞, 這間酒樓, 除了乳豬出名外, 炸子雞既質素都好上乖! 皮脆肉滑, 熱辣辣嘅外皮, 炸得非常香口及脆卜卜外, 肉質滑嫩, 唔㑹感覺乾身, 最重要係雞好新鮮! 菜遠炒牛肉, 係經常都會叫既餸菜! 菜遠炒牛肉配上少許芡汁, 色, 味, 美俱全! 牛肉岩岩熟, 所以肉地嫩滑, 好JUICY! 一點都唔老 菜遠不太"林", 又不太硬, 咬口爽脆, 恰到好處!

今日係灣仔做野，老婆過左黎接我收工，6點左右見食飯時間到，就係附近食埋晚飯先回家，見好耐冇食過中餐，老婆就話不如去勝記食乳豬，好耐冇食過。上到去坐低，因為我地之前都有黎食過，所以餐牌都冇點睇，立即叫左店員寫菜嗱我地分別點左勝記即燒乳豬例牌、辣子雞煲同埋菠蘿咕嚕肉3個餸。即燒乳豬：即燒乳豬熱辣辣，外皮脆卜卜，加埋一塊即蒸既中式包皮，配以甜醬，食左幾塊都唔會覺得油膩辣子雞相：服務員超貼心，可能落單時我地講錯左俾店員聽，店員以為我地要加辣，其實我地係要小辣，店員落單後回頭再確認一次是否要加辣嗎？好彩佢再三問一問我地，如果唔係真係會辣到頭都痕了辣子雞由乾蔥、椒絲、豆豉配合醬料炒成。雞件走過油，所以將雞既肉汁封左係肉入面，嫩滑多汁，伴飯十分開胃，但建議要叫bb辣,因為小辣都幾辣㗎菠蘿咕嚕肉：份量多，有青黃椒，紫洋蔥，菠蘿，色彩豐富，正式色鮮味香，未食已被賣相同甜甜酸酸既味道所吸引咬落脆卜卜，淡淡肉，酸甜適中，唯一不足的是，粉漿多左小小。