北京水餃皇

营业中

休息中

呢間嘢真係差到令我踩上來寫篇差評！=入店時間12點八個字左右，小店非常擠逼。兩位呀唔該！哦，來呢邊啦——安排佐兩個勁窄既位，背靠冰箱，印象分已經大減。凍可樂呀唔該！哦，可樂賣曬wor。凍奶茶少甜呀唔該！哦，我地冇呢D嘢wor。咁唔該要凈水餃，雞絲粉皮，蔥爆牛肉la！終於有得賣la，落單勁快手，點知呢。。。吃苦在後頭水餃，等15分鐘，畢竟人多，尚算可以理解！點知幾粒餃子落肚之後，就係生無可戀的等待！想有嘢食呢，需要你動用廣東話，再普通話，問下靚姐，再問第二個靚姐，再問靚一靚既老闆娘，最終都係答你「趕緊外賣，再等等la！」 終於，10分鐘後，又10分鐘後，眼見隔離檯遲過我地入來既人都食完，終於有個阿叔循例塞碟粉皮過來，可以醫下肚。兩個人對住一碟粉皮，嚼一嘢等3秒，生怕食得太快，未能感受到這艱苦等待過後，來之不易的小幸福。食完兩樣，眼見已經成粒鐘，都冇人理過我地碟蔥爆牛肉，怒而走去cancel&埋單。點知埋單仲有難度！「你等等la！蔥爆牛肉來緊！外賣拎返去食la！」。。。。。。冇爆粗，已經系我極限。其實唔該你地，靚姐靚姨靚叔叔，打工仔食個lunch姐，你整唔切可以講聲，我等到既自然會入去等l

吃一回绝不会吃第二次了，水饺淡而无味，上菜慢态度差，中午时间没有可乐我觉得是管理上的问题，环境混乱，后边饮品雪柜上还沾了半只压扁的蟑螂尸体，其他油腻的污渍我可以忽略，毕竟每个餐厅都有，但是半个拍扁的小强我实在是呵呵，可以配成一道菜的意思吗，差评

今日同同事去吃午餐，念住食水餃。坐下發覺桌子髒了讓服務員清潔一下。她說剛剛已經清潔了。但是桌上還有食物明顯不乾淨。說了幾次才不甘願的拿布來擦一擦。問她水餃有多少顆如果不要面。很不開心的答9顆。服務明顯不好👎。他家的水餃普普通通。

水餃麵無味  餃子又細味  好失望本身好中意食水餃呢類食物，但呢間係我食過最最最最差的店。 如果大家係灣仔，反而龍鳳餃子就值得一試。講番呢間所謂的上海麵，湯底好似滾水，只靠後加的雪菜調味，麵是實的的，無味的羊肉餃無羊味。 垃圾！朋友點的魚香茄子，油到無語倫比，男生而言，唔會夠飽。都知道類似呢種舊式舖係無服務，無禮貌可言，但佢地的態度真係比不上雲貴香，潭仔d姐姐一半。我都支持老舖，不過呢間野我一定唔會再黎囉灣仔其實仲有好多老店，後悔選左呢間

中午時段，灣仔區一間普通的餐廳通常不至於沒人問津。這間餐廳是這條街少數一定找得到空位的餐廳。在我到訪過大約5次的經驗中，原因應該是是它的食物質素只是一般，然而服務卻超差。1)每次去一定會被侍應呼喝坐進牆角，哪怕你腳長進不了去(本人身高166cm，身高中等)。2)然後一定會再叫你轉位，務求把最多的人數塞進餐廳中，但明明還有吉位。今天我最高紀錄被轉了2次坐位，單還未落。3)身邊有兩個女人在埋怨叫了20 分鐘也沒有食物。終於等到小菜，侍應跟她們說飯沒了，要再等。本人很愛水餃。給了它不少機會。可是受夠了不會再去。

我係一個人睇舖嘅小員工，日前見到呢度有各式水餃就好想一試。因為自己一個睇舖咁想打去問下有無得送外賣或者叫定我再去拎la⋯⋯點知電話久久不通一通就⬇️⬇️⬇️💁🏻喂，我想問你地送唔送外賣咖？🍜@#^*€*#€+¥^€!@$不送 (因為我真係聽唔到前面講咩)💁🏻咁我叫........🍜拍。嘟嘟嘟我☄️cut我缐？！我都未問完！想點丫啊姐姐一日嘅心情咁就破壞左。 我寧願餐餐譚仔都唔會去試

位於灣仔的北京水餃皇煎餃最出名：位於灣仔的北京水餃皇煎餃最出名，有三鮮水餃、羊肉水餃、韮菜牛肉水餃、韮菜豬肉水餃、芹菜豬肉水餃等等；他們還有很多地道小菜也不錯。值得推薦！

夜晚同朋友去會展聽歌，睇show前要醫吓肚先。見到呢家水餃王好似好得，入到去仲係爆滿！必叫鱔糊炒飯！出面好少北京/上海舖仲有鱔糊食，亦有試過一家係啲鱔唔夠實凈又無咩味。久違鱔糊嘅味道今次點都要試吓！仲有炒飯配，相當新鮮！啲鱔肥嘟嘟，食落膠質好似好重，實凈得嚟易咬開嘅。味道咸咸地，夾雜住啲魚味。炒飯炒得夠乾身。另外叫咗蒜泥白肉，蒜泥未夠多未夠澎湃，肉就大片嘅，同埋徧肥無乜肉感。肉下面仲有啲粗身粉皮，過長，食得都幾狼狽。叫多碟芹菜豬肉煎餃，芹菜味無乜，但煎得幾香，稍為多油咗少少。建議加啲辣醬提升味道，幸好有老闆娘嘅朋友喺度，有機會淺嚐吓私家秘制辣椒醬，好有麻味，夠香而小辣！！

行完書展啦，買左好多書呀!超平超抵! 係時候要祭下五臟腑啦!! 不過出到黎都10點幾啦，都唔知有d咩食，出去行一行睇睇啦，行完一個圈之後，我地揀左北京水餃皇!因為係屈小姐之前既上司推介過嫁!入到去，裝修幾老上海feel下，木枱木櫈，牆上面掛住一幅富有中國特色既畫，好中國feel，但環境就窄d同埋有d污糟特別係出餐位置!好啦，由於有d餓，我地叫左3碗野 - 蝦仁三鮮水餃麵，芹菜豬肉餃子，白菜豬肉餃子…d餃子都食得過既，個味道都幾好味既，但加左味精，食完有d口渴…!蝦仁三鮮水餃麵 :個麵中中中大伏sssss， 原本打算肚餓，所以叫碗麵食……點知個麵唔係上海麵黎，係兒時既噹噹烏冬…好難食! 蝦仁三鮮水餃呢…都幾好味既，但我食唔出有蝦仁既，最好食係d雪菜好好味!!芹菜豬肉餃子一入口超強芹菜味，好正，不過就唔係好食到肉，而且餃子皮偏厚，餃子餡偏少…所以2個人要食3碗白菜豬肉餃子呢款最重肉味，最好食，不過同樣皮偏厚，餡偏少…屈小姐中意清淡野就會覺得咸左啲題外話，cp值偏低，豆漿要10蚊杯，而份量偏細…#一齊食餃子 #一齊包餃子

上次太趕食唔到... 今次幫番數~ 去書展前要食飽先有力行~ 今次入到去幾台都開緊餐... 所以落完 order 都好快就有得食~煎白菜豬肉餃一碟九隻~ 味道都唔差... 但真係超多油~上海菜肉雲吞煎左餃所以試雲吞... 雲吞夠晒足料大大粒~ 但無論點夾上來都係個皮會散左... 皮唔硬... 個餡好紮實無散開~蒜蓉炒白菜無奶油律白... 老闆叫我地試蒜蓉炒... 確係唔錯既... 最遲叫但最快上台~豆漿咁熱要解渴飲番杯豆漿~

見到水餃店，總會諗起煙煙韌韌既餃子皮，包住飽滿既餡料，爆出來既湯汁，所以一見到北京水餃四個字就衝左入去韭菜餃麵（$39）韭菜餃有4粒，餃子皮食得出係自己磋既，有煙韌度，而且略厚。咬落去有肉汁，但韭菜略嫌太少。餃子點上醋及豆瓣醬更提起味道。麵則不甚出色，所以只食左半碗。見餃子不錯，與朋友share多一客三鮮煎鍋貼。鍋貼唔係一條條既 ，而係類似韭菜盒子咁，兩面煎得金黃脆卜卜，一咬落去肉汁噴射出來，好食。但三鮮口味同韭菜餃一樣有韭菜如豬肉，只係多左粒蝦，食唔到有咩鮮！？

成日走入去民豐買餃子，都唔係辦法，有時無時間，都要係就腳地方買！ 今日係灣仔呢間小店買，見佢有時都有人排下隊，應該唔差得去邊。 買左盒白菜豬肉餃同一盒素菜餃，入度去都三個員工都無咩人理過我，一個計緊數，一個邊講電話邊包餃子，一個行黎行去！最終要我開聲問有冇生餃賣，先有人理下我… 20隻一款起計，每盒都70-80蚊，平時我買都係十隻或者一打打買！買兩盒數我154蚊！ 都算，反到屋企打開，已經見到有D未包好，開口…咁都得，已經知滾完唔會有好下場，自己試下封口！ 再用滾水煮…更加唔洗講，穿皮、爆口醜態盡出，不知所謂。素菜餃素菜好小，菜滾後收縮就得番泡水係入面。白菜餃就無咩味道，餡料極少。唔好食都已經係其次！ 1. 包餃子個員工又唔集中，講住電話，餡小其次，漏口先緊要，40隻有3隻要我自己收口！唔係偶然既錯 2. 煮完有2隻爆皮，如果多餡爆皮可以理解…無餡都爆？？？ 3. 全無招呼，我買既時候得一個人幫襯，三個員工可以當我隱形，勁！

經常出入會展....開飯總是遊走於灣仔一帶, 幸好這裡的餐廳都挺多的今天在菲林明道揀了北京水餃王, 一間不起眼但開業多年的餐廳店內的老闆是北京人, 落order 都要用普通話...haha! 他們會自己每天包水餃, 今天有幸俾我見到, 可以拍照留念他們的餃子皮不是自己做的, 是外來皮, 有點厚身但餡料都幾飽滿新鮮! 每次叫餃子總不會讓人失望白菜豬肉水餃這個是每次必食的, 餡料都弄得很碎, 飽滿好味, 不過沒有很多湯汁 韭菜豬肉水餃麵韭菜豬肉水餃一定香口, 如果香煎應該更好味, 但麵也是外來的, 不是手打, 完全不彈牙, 只能說勉強可以拌海蜇絲這個很失望哦.....完全覺得有點 hea 做之作....只有蒜蓉同麻油....下次還是叫番佢地平時品質保證的小炒好了豆漿...整熱後只可以說好難飲, 苦的

今日去了看期待已久的狂揪夫妻。 非常好看，演員個個的用心演出得非常出色。舞台劇在灣仔的香港演藝學院舉行，看完大約已10點幾，在行返屋企既途中尋找宵夜! 剛好經過這間北京水餃皇。就試一試~我們2人叫了一個香菜水餃和煎韮菜水餃。白菜水餃-皮不算太薄，但適中餡料比例也好!好味!煎韮菜水餃-比較油，也不夠香脆，白菜水餃好吃好多。地方尚算乾淨，可能夜去冇咩人，上菜也很快!

同男友去會展睇婚展，雖然已經去過好幾次，今次最認真。行左成日，拎左好多資訊。由3點行到差不多8點，肚仔餓。去左我地去過又OK的北京水餃皇醫肚。今次男友食酸辣水餃麵，我食左個三鮮水餃麵，有驚喜!個雪菜湯底好正，夠鹹! 三鮮水餃有成5粒，不過我覺得裏面的蝦如果唔係原隻上，而係刴碎會更好更鮮味!我鐘意食鮮味野，所以三鮮水餃麵正過酸辣麵!