北京水餃皇

营业中

休息中

一入到門口，望到d裝修風格，好有舊時內地傳統小店嘅style，跟住迎面而嚟係一個操半咸半淡嘅廣東話大媽，站入面兩枱客人都大大聲咁用普通話交談，完全有一剎那覺得自己好似唔喺灣仔，而係翻左內地。先叫左個牛肉韭菜餃食下，有9粒，食落去韭菜味唔太重，而牛肉味亦唔突出，同普通韭菜豬肉餃嘅味差唔多，但牛肉係貴d。至於個湯亦只係一般雞湯嘅味道，52蚊嚟講，可能轉做牛肉韭菜餃面會飽肚d。食上海菜必點一定係炒年糕，但好失望!d年糕完全無彈性，係煮到軟淋淋，d汁亦太鹹，偏重口味，唯一優點就係多菜。。。整體嚟講，咁嘅價錢，咁嘅質素，係唔會再幫襯

今日晏晝食得太多雜食，攪到晚餐都無乜胃口，本來諗住响灣仔求其揾間餐廳食個輕量晚餐，但原來紅假好多鋪頭都唔開㗎☹️好彩呢間北京水餃皇都仲營業，我哋嗌咗上海炒年糕同埋羊肉水餃，兩款都好好味，年糕煙韌入味，羊肉水餃內有許多京葱，香氣四溢。整個環境都好有北京風味，一定還會再來👍🏻

同事介紹說這間店不錯，便來吃吃看。在天橋上望過去，見門口人頭湧湧，心想說早知等到1點半才食飯，應該少人。去到發現原來人群是等隔離的西餐，剛好有幾人在店內離開，馬上有位子。店內坐位比較逼，坐得不太舒服。點了韭菜豬肉水餃麵，只有4隻水餃，水餃飽滿，但不算大件，味道正常。試食了一隻羊肉水餃，不太蘇，可以接受到。感覺麵多水餃少，多少少水餃就好。

我曾在灣仔區工作，酷愛吃北京水餃。每當我再次往灣仔區，我都會抽空光顧「北京水餃皇」。舖位不算大，大約有10張桌，平日中午吃飯時非常火旺。男老板及眾職員應該是北京地道人，飯後每每前來閒聊，餸菜可囗否？2018年12月我們一家四人往會展參加美食節，故先往「北京水餃皇」「醫肚」，連我二名10歲及14歲的兒子都豎起母指稱讚。我特別推薦蒜蓉炒白菜、蔥爆牛肉、糖醋魚片、蝦仁三鮮水餃麵、韭菜豬肉水餃、煎羊肉餃……好味道！

堂食和外賣也有食過，他們的服務態度極差到極點，外賣訂單亂哂龍又亂派發和錯外賣，外賣要等半小時，之後還來罵人"唔係你的做嘢拎咗人''。堂食還差，本身可坐6人枱可變8人，又會迫你急速食走人。一看見你剛食完，即刻執碗趕你走。

自問自己對食物要求已經較為寬鬆，但這店子的食物質素確實可稱之為垃圾級別。第一次來到這店子，見坐滿了老外及裝修十分老北京格調於是入內光顧，坐下便有一名操北方口音貌似老闆娘的來問我點什麼吃，老實說看上價錢不算是十分便宜，於是我便點了一客水餃麵。一會兒水餃麵便送上來，賣相普通無甚特別，開動便先試一試湯底。。。嘩！當堂天然呆中了伏，湯底完全係雞粉湯底，而且麵質跟超市買到的上海麵無乜分別，水餃更加是超市賣的包裝水餃格局。簡單來說整碗麵是日常在家吃到的味道，完全可以自己在屋企整到一模一樣的，我想只可能是中國風格局裝修才吸引到鬼佬來光顧吧！既然是如此垃圾級數，為何要花幾條野幫襯你？

講真水餃就一定唔係咩隱世美食我定位佢為北方人老麥囉地方就唔係乾淨 都意料之內今次點左羊肉煎餃同酸辣水餃講味道 正常...無話「好好味呀」...我諗我想食水餃都未必再揀呢間完

灣仔收工打算食埋飯先返屋企，經過呢間水餃王就入去試一試，入面大多都係外國人，入到面向老闆娘示意一位，老闆娘安排左一張空既枱我坐。我就點咗擔擔面，韮菜水餃，凍豆漿。唔知係我重口味定點，佢的野食覺得都比較淡，擔擔面算ok，但花生醬味唔太出。水餃就好淡，要點豉油食，豆漿唔太甜都ok。食食下突然黎左兩枱外國遊客，需要答枱，所以就快手食完就埋單走埋單正數100，唔算平。總結：間野睇黎做遊客生意，可以唔洗再試

灣仔謝斐道食晏時段其實間間餐廳都滿咁濟，唯獨呢間有好多位，不過落雨費事再搵，心感不安咁入去🤤檯面同餐具都係有一種油淋淋既感覺好似唔多乾淨，而且店員既態度亦都唔太友善，大多時候都呼呼喝喝🤪👁‍🗨 韭菜豬肉水餃麵（6/10）💲39四隻餃子，比人煮到個皮無曬嚼勁，韭菜豬肉餡味道尚算可以🥟同埋個人麻麻地佢個麵底，口感大概係腍身既烏冬，而且無湯底可言，就算加上雪菜，整體既味道依然過於單調，比較可取既係份量適中🍜👁‍🗨 拌海蜇絲（5/10）💲59食食下麵覺得太過齋，所以就叫左個冷盤🤔但係呢個海蜇口感有別於平時，膠膠地咁唔得爽脆，有種唔識形容既怪，而且配上淡而無味既紅椒，仲衰過個麵🤢🔛 整體評分（5.5/10）

又係頭痕今日LUNCH食咩好，毫無頭緒咁由金鐘行咗過黎灣仔，見呢間北京水餃皇都幾多人食門口呀姐又話有位就入咗黎啦。不過入到去係無位既其實，我哋就企咗喺收銀位，呀姐就利用我哋作壓力迫走兩個啱啱食完既OL，最唔鍾意呢啲食完就迫人走趕頭趕命既餐廳。 坐低都唔係好敢將手同手機放喺枱面，枱面好多污垢。唉，算啦都入咗黎就試一試佢，我哋叫咗韭菜豬肉水餃面同白菜豬肉水餃面。 白菜豬肉水餃面好一般既水餃，無咩肉得好碎既白菜，唔知係咪煮得耐定包得唔好，仲有一兩隻爆開咗。淡淡的一碗面，唯有加返少少豆板醬拯救吓，個豆板醬個瓶都污污衊衊咁，睇見都無咩胃口。 唔係幾明點解咁多人食，明明附近有咁多其他正嘢其實

呢條間好多間餐廳都食過啦，因為LUNCH真係好難諗食咩，今次又再挑戰一啲係出面望入去感覺不太討好既餐廳，呢間北京水餃店，全部姐姐都操國語(可能真係北京口音，唔識分)，我同意頭先睇到一個食評話佢地冇禮貌，真係幾冇禮貌，入到去啲枱枱椅椅都唔太乾淨，燈光又好似唔夠咁，奇奇怪怪。好隨意咁叫左個韭菜豬肉水餃面 $39，姐姐話有粗面同幼麵揀，揀左粗麵，個麵好快就到左，有餃子4大隻，勁多雪菜，麵既份量適中。呢間麵個樣都幾得意，好似食緊烏冬，個賣相又有啲似九仔粉，食落去冇咩味，至於餃子雖然得4粒，但都算大隻同埋入面幾足料，我覺得煮得霖得濟，一夾就散散地，韭菜豬肉都好正常，冇咩特別好味唔好味，所以整體黎講都係麻麻，好似冇咩特別吸引既地方令人想黎多次。

有幾個服務差到一個點，第一次食，問個問題有幾多個餃子都黑面。餃子平淡無味，同價錢不成正比。可一不可再。杯個啲勁污糟，仲有蹟係上面。倒瀉個湯，但係用抹台布抹地 得一個老啲既姐姐，講廣東話既好好。有一個幾高，後生啲識講廣東話既態度無敵差

我響附近返工、平時間中會去北京水餃皇食下水餃。食左好幾年、由以前午市有冷麵同紅燒肉麵食到依家冇。咁講真食開都知呢間野咩事、坐得逼、午市仲會逼你調位、真係唔好響Service方面有任何期望。不過$39碗水餃、味道Ok所以我間中會食。但就係今日、真係好痴線、我食食吓碗排骨麵、食到一半撈到隻原隻大曱甴！係原隻！有匙更咁大！真係好彩排骨麵係清湯底睇得極淸楚、如果係酸辣湯真係隨時撈唔到...不過真係好大隻 >_< 應該都會撈到....咁我好驚好驚下就同店員講、佢都嘩咗出來、二話不說收左我碗麵話換碗水餃比我。由於太驚好快搵咗店員我影唔切相...然後我Lur咗口𥚃面啖麵出來、話我走了...我真係唔想食佢任何嘢了...重有同枱有三個日本人唔識中文、見到我碗麵有曱甴都嚇咗一大跳。其中一個重向其餘兩個道歉、話「ごめん、こんな所に」即係話唔好意思呀嚟咗D咁嘅地方 >_<雖然冇影相、其實就算影咗我都唔會報食環趕盡殺絕ge、佢都態度好地馬上offer換其他野比我、只不過真係太scary、我想抒發下、又當係警惕大家如果去食有湯嘅ge記得撈清楚OK先好開始食...>_<

已經好耐沒有黎食了..因為每次來都好多人..又坐得迫..明明一張五人枱係要迫迫迫迫多個人坐落黎..試過明明叫左五個餸配五個飯.唔夠數問佢拎.反問番你食唔食得晒（可能佢出於唔想浪費掛）食都未食完就想收走你啲野.要喝住佢先唔收.之後答你一句睇唔到.😒 同佢講多左碟野就比多對筷子你(唔通佢想一齊食?哈哈).唔知好嬲定好笑.又成日夾硬攝埋黎.成個人撞落你到.佢地既服務態度真係有待改善.至於食物方面..有時會失準~平時會叫蝦仁炒蛋~因為炒得岩岩好~蛋夠滑~可惜...之前試過三次~一次炒老了~一次太咸或冇味~之後沒後沒有再叫~而今次同同事再去~就叫左糖醋魚, 炒四季豆, 回鍋肉, 螞蟻上樹同宫保雞叮再加多碟白菜豬肉煎餃~糖醋魚塊 - 味道不錯..但魚塊份糧較少回鍋肉 - 炒得好入味~豬回鍋肉有肥有瘦炒四季頭 - 普通官保雞叮 - 同回鍋肉差不多未~但一粒粒撈飯一流螞蟻上樹  - 整得不錯~不乾身~但多點肉碎會好啲白菜豬肉煎餃 - 一般餃子~邊有點厚個人覺得食物是不錯~但係招呼態度方面真係要改善~

不知所謂，對待客人態度其差。肆應自己落錯單，錯食物上台，硬要食客照食。及後又怕得失客人，主動前來問是否想取消餘下未上台之食物。（都唔知係咪鬼拍後尾枕，驚自己落錯曬d單）客人說取消，肆應隔一陣又前來話食物已下鍋煮緊，不能取消。大佬，係你問我取唔取消㗎嘛，俾我選擇權，揀完又話咁唔得。根本佢都唔知自己想點。我唔反你台真係算修養好，鬧你又話我蝦你老。總之一句到尾，無下次。反正d嘢食只係普普通通，但係價錢又唔平。衛生同環境更加係麻麻。