北海道食堂 (已結業)

朋友生日，佢想食放題。於是，我就帶咗佢去呢間餐廳。餐廳提供3種不同價錢放題，有特上放題，極上放題同極盛放題。我地就揀咗中間價錢個個極上放題，佢都有80款食物提供，都夠曬我地食。~~刺身全部都好新鮮，特別係三文魚同帶子。三文魚好厚切。帶子大大粒，食落好爽口。~~極上鐵板見到師傅即叫即整，熱辣辣。特別推介，鐵板蝦，好大隻，食落好彈牙。鐵板野菜，炒得好入味，d菜好甜，估唔到咁好味。鐵板香煎廣島蠔，煎得啱啱好，好香口。鐵板帶子，好大粒，食落好有口感。~~極上串燒/燒物燒牛舌好好味，食落好爽口。燒雞肉串，個燒汁好入味。燒雞中翼燒得好香，食落好嫰滑。~~極上炸物海老天婦羅，炸得啱啱好，唔會有好厚嘅炸粉，隻蝦都好大隻，食落好彈牙。炸甜薯，真係好甜，唔係講笑。餐廳環境好舒服，位同位之間都好闊，坐得好舒服。員工都好有禮貌。值得一讚，餐廳都提供多款無糖飲品選擇，包括無糖汽水，無糖茶等等。

好耐未食過鐵板燒了，呢間真係讓我哋好回味。😍🦐 :必食海鮮刺身，佢嘅刺身有好多種選擇。特別推介甜蝦，好大只好鮮甜。三文魚都特別好味，因為係魚腩部分，食落去油脂好香。我推介大家要嗌嘅榮螺刺身，好甜👍🏻 而且擺盤仲好靚Tim!🍣 壽司都非常之多選擇。手卷飯嘅分量比例唔多，所以呢食多幾個都ok，推介大家試下佢嘅芒果鵝肝手卷。⭐ 重點嚟了佢嘅鐵板燒！一定一定要叫佢嘅鵝肝，帶子，生蠔。必試！會送兩件燒大蝦🤙 推薦鐵板羊架同埋西冷扒。好味！仲有雞串，牛舌同埋雞軟骨，冬菇等，仲有鐵板燒炒飯，炒蔬菜。真係好齊全。各位男士女士嘅需要。🍤 除咗鐵板燒，仲有種天婦羅選擇。琴日方面仲有我哋女士最中意食嘅炸芝士年糕炸紫薯波波，我南瓜薯餅餅等。🍲 窩物熟食有，各種肉類火鍋，清酒煮青口等🥗 仲有刺身沙律，豆腐沙律等。🍦 🍻 嘢飲選擇多雪糕都係任食嘅。

今日在沙田行街睇戲食飯，到左晚飯時間，朋友話想食日本野，見到呢度有間就入去試下，叫左最貴但最豐富既極盛放題。點菜就自己用箱頭筆填上去，唔洗下下用紙仔甘唔環保，而且店員落order既速度都好快，餐牌選擇都ok多而且難得又有鐵板燒，花多眼亂。刺身每件都好大隻，好足料，而且亦都好新鮮，我地起碼點左5、6次最正既鵝肝！估唔到放題都有得無限點鵝肝，仲要煎得夠晒香，食幾轉都真係值回票價。呢度既鐵板燒物都做得好出色！羊架面個層少少脆既皮加埋滑嫩既肉質，叫左好多隻食。燒帶子都大大粒同新鮮～我最愛既天婦羅都唔錯，特別推介天婦羅炸茄子，另外仲有鐵板炒野菜，火喉夠又夠香！

工作壓力令我很想放縱一下，於是便到沙田市中心鬆一鬆，行經沙田中心正好遇上北海道食堂，日式放題任食吸引了我們。北海道食堂的日式放題任食有幾個級別，由於壓力太大一於要食得痛快，因此選了最高級別的極盛放題：卷物、手卷、刺身、鐵板、串燒、炸物、料理、沙律、火鍋等近一百款食品可供任食。極盛放題一開始有一隻鐵板大蝦，大蝦的香味已打開了我們的食慾。大蝦肉質豐厚彈牙，大蝦蝦頭帶有蝦膏非常可口。我們來個熱身，先選了一些刺身及壽司。刺身方面我們先選上了甜蝦、三文魚、螺肉及墨魚，甜蝦鮮甜，墨魚肉清新，特別一提是螺肉，十分可口。壽司選了鰻魚壽司及芒果炸海老卷，壽司的大小較一般店的壽司為細，這正好適合放題選擇。芒果炸海老卷是正常水準，而鰻魚壽司是十分出色，軟滑而且肉汁十足，喜歡鰻魚的朋友是可以放心多點幾份呢。炸物選了炸雞軟骨、炸多春魚、炸生蠔及炸冬菇。炸物可說不過不失，炸多春魚及炸冬菇能保留它原有的香味，而炸雞軟骨卻比較老火一點，不過值得一讚是炸生蠔保留了大部份肉汁，，食用時不用再加調味已是足夠味道了。再下單便選用燒物了，我們分別選了秋葵、大蔥、冬菇及直菇。燒物的火候控制剛好，秋葵燒得香脆，大蔥、冬菇及直菇亦是

行街行到好肚餓又想食日本嘢，揾間日本放題食就啱哂，我哋就揀咗去沙田北海道食堂食。😍佢哋嘅食物包括有刺身、壽司、串燒、日式bbq、天婦羅、鍋物、烏冬等等包羅萬有。而且飲品種類又多，無限量供應，仲有雪糕做甜品。😍壽司我就冇叫但叫咗好多剌身，分別係白玉豚、八爪魚、北寄貝、希靈魚、魚、鮑片、帶子、蠑螺、三文魚、青魚。😋另外極上鐵板我亦叫得好多轉，因為有鵝肝、炒雜菜、魷魚鬚、三文魚扒、香煎廣島蠔同埋帶子等等，最值得推介係廣島蠔同帶子、鵝肝及蝦。😋串燒就order咗燒牛舌、日式海螺串燒、雞中翼、燒直菇、燒冬菇及雞肉串，全部都好惹味。😋而天婦羅我就叫咗海老天婦羅同埋茄子天婦羅， 好有水準之作。😋另外清酒煮藍青口一定要叫，日式火鍋有牛肉、雞肉、豚肉選擇，鍾意食鍋物嘅朋友唔可以錯過。😋

-今日同老公去咗沙田shopping 🛒隨手醫肚去咗位於沙田中心嘅北海道食堂食個豐富嘅放題😝我地要左個"極盛放題" $318🐮安格斯牛排、羊架等, 美食多達近100款, 更每位送鐵板燒大蝦🍤一隻啲刺身都幾新鮮、而且連白玉豚都有，好少見D串燒幾好食🤣唐揚軟骨粒、🐙炸墨魚咀都好食🦪鐵板香煎廣島蠔同清酒煮藍青口都好入味估唔到3百幾蚊放題都有鵝肝食😍老公勁開心😆同埋可以睇到師傅整鐵板燒😌好少放題可以咁嘅樣🤣佢係沙田唯一以席前鐵板燒主打的日式放題🤩Overall 食物質素唔錯而且好多選擇好值得大推😆💗

唔知道點解咁多人推介，可一不可再可能係我黑仔💢💢💢食物等好耐💢💢💢7:30坐低，即刻已經叫咗串燒等等嘅食物等咗三個字先有三件壽司到8:30D串燒都未到重點係隔離枱遲過我哋坐低遲過我哋叫嘢食，佢哋D串燒已經上咗枱，有啲仲要係一樣嘅食物追咗幾次，員工D態度差💢💢💢食物質素差💢💢💢叫咗鐵板雞扒，個雞扒係生㗎，講多次個雞扒係生㗎，最後我要將塊雞扒浸落去個火鍋度整熟佢❗️鐵板豬肉乾到咬唔到，咬到牙痛，朱咪咪黎食都搞唔掂👍👍👍👍👍佢都有佢好嘅地方，佢個火鍋都OK，係啲肉肥咗少少，不過不失；佢個鵝肝都唔差， 200幾蚊任食都算係咁，不過太油，我要將佢整落啲沙律菜度吸下啲油；天婦羅都做得唔差

開心任食 #串燒 #刺身 #放題好耐冇出街食過 #日本嘢 ，上個星期帶住肉丸朗 ，去沙田 #扒龍舟 之後，就諗住去食 #日本放題，出咗身汗要食飯飽啲呀嘛🤣#OpenRice search 一下 #沙田中心 有間日式放題 🏯#北海道食堂，open kitchen 睇住鐵板燒料理師即叫即燒🍢，又幾得意！餐廳環境有日本居洒屋feel ，我地揀左極上放題plan，有80款日式食物任叫任食，如刺身/ 鐵板燒物/ 牛肉火鍋 / 炸物 / 煮物等…立即order一round 刺身，點左幾款包括三文魚、帶子、池魚、希靈魚等～入口鮮甜，刺身質素👍🏻 happy 任食串燒感覺好正，食到成枱竹籤先過癮！食物熱辣辣上枱～我最欣賞佢個鵝肝，燒得好香，追加咗幾碟～仲有燒帶子。你睇下幾大粒！必點燒大蝦同埋燒蠔專登叫咗個走汁嘅秋葵俾 #肉丸朗 試下，但係佢似乎唔識欣賞😅 我就覺得燒蔬菜入口幾Juicy飲品任取，雪糕/ 雪糕糯米磁任食咁搞法就算做完運動都肥返幾磅🤣 90cm以下小朋友唔使錢～呵呵～我哋好快用唔到呢啲優惠北海道食堂 Hokkaido Syokudo📍沙田中心商場3樓50及57號舖

成日經過呢間北海道食堂，今日想食日本野，不如來試下啦，揀左極上放題plan。食物種類唔算太多，不過有刺身，有炸物，有火鍋，我地想食嘅野都有嗮。我地7:15去到，佢原來有分自選時間同限定時段7:30-10:00，唔想等多3個字，於是問下店員可唔可以入，店員又比我地入，服務都唔錯。環境都幾舒服，飲品、雪糕自取，飲品有凍有唔凍。第一時間order左刺身、沙律、炸物、小食同一個牛肉火鍋。d野都係即叫即整，等左一陣先嚟兩碟小食，墨魚咀同雞軟骨，熱辣辣，好滋味。刺身好新鮮，我最愛三文魚同帶子，叫左10幾份，三文魚入口即溶，帶子大粒又清甜。其他刺身好似白玉䐁、喜靈魚都好好食，叫左好幾round，值回票價。炸物方面，海老天婦羅金黃酥脆，啖啖蝦肉好滿足。蔬菜天婦羅都唔錯，解饞一流。其他食物味道清淡為主，如果好似我咁鐘意食辣嘅人，檯面有七味粉可以自己調味。食飽後食埋個雪糕，整體來講都算滿意。

今日想食日本野，又想食魚生，又想食串燒，然後經過見到呢間日本餐廳門口，竟然係食放題，見呢個價錢有魚生食，仲有串燒同炸物，於是乎就入去試吓。落單係用marker落，而家都好少放題仲用紙仔落單。款式都幾多。冇諗過刺身都有咁多款選擇😍叫咗幾件壽司，睇相都知道個三文魚係腩位👍🏻吉列炸蠔、咖喱角同炸餃子都炸得好脆👍🏻香蔥吞拿魚手卷同埋軟殼蟹手卷都好有質素，同壽司店嘅質素一樣👍🏻👍🏻呢間餐廳仲有好多款串燒可以選擇，但我覺得相比起魚生同埋燒物，串燒有少少比下去，唔算入味同較乾身。啲刺身好靚仔😍件件都好新鮮，真係要大力推薦👍🏻好有驚喜😍連最容易出事嘅甜蝦都好鮮甜👍🏻呢個係每人得一隻，冇得單點嘅燒海蝦。隻蝦燒得好入味，拆哂殼最方便我🤣鐵板類又係好好味！燒蠔、燒蝦夠哂味，燒西冷扒亦都唔靭口有牛味，但最驚喜係有燒鵝肝❤️❤️鵝肝燒到外邊有啲脆，內裡好肥美juicy❤️❤️仲有飲品自取，另有啤酒可以揀。甜品選擇就唔算多。縱觀呢個價錢有新鮮嘅刺身食，又有鵝肝食我覺得都幾好👍🏻

今日去完沙田做嘢，超攰又肚餓！一收工就即刻想食餐好啲嘅日本🇯🇵嘢😂.最後去咗沙田唯一以席前鐵板燒主打嘅日式放題✨北海道食堂✨鐵板燒料理師於席前表演，即叫即燒，滿足視覺味覺！呢度環境舒適，座位寬敞，店員嘅服務好好，有禮貌，上菜又快👍🏻食物款式選擇多，有新鮮刺身、壽司、日式炸物、串燒、日式鍋物等等，就算喺蠑螺、油甘魚、白玉豚等貴價食材都可以任食😉刺身夠新鮮，好鮮甜，鐵板燒勁好味！日式炸物唔會好油膩，串燒燒嘅時間啱啱好唔會太乾～飲品、啤酒🍻雪糕櫃都喺自助任拎任飲！而且收費唔貴，CP值高👍🏻小朋友仲有85折添，真喺啱晒一家大細嚟開大餐啊！加一後人均消費唔使$300 (極上放題 $268/位) 就已經可以食到鵝肝、廣島蠔等回本鐵板燒美食😋如果加多少少錢揀(極盛放題A $318/位) 仲有安格斯牛排、羊架等美食，多達近100款選擇！每位會送鐵板燒大蝦🍤一隻添😍

刺身：三文魚、帶子、希靈魚、北寄貝、𩶘魚、鮑片等等，各適其適，包羅萬有，即叫即製，尤其三文魚和北寄貝都新鮮啖啖肉！絕對是放題的仲要頭炮！鐵板：所有鐵板食物都由廚師即時煮理，可以從外看到廚師無停手，食物包括有魷魚鬚、帶子、廣島號、大蝦和不能錯過的鵝肝，每樣食四件已經值回票價！炸物：天婦羅款式多多，青椒、海老、茄子、南瓜等等樣樣都大大件。火鍋：牛肉火鍋明火煮，有四大片牛肉和雜菜、豆腐，湯底好味，任點任食，肥牛控不要錯過！一品料理：可以點選藍青口、叉燒拉麵和枝豆等等，當中牛肉烏冬最好吃，一大碗被我們吃光！放題當然不少得任飲汽水果汁和雪糕，最重要是時間足足兩小時半，最適合朋友知己慢慢吃，慢慢談！

朋友睇完片話好吸引所以去試試，不過去到價錢已經變咗，專登揸車唻到照試下，要有港島蠔同 鵝肝揀咗$248加一，lunch time 時間大部分人都係食定食，眼見得兩枱選擇放題，食物出得太慢，咁熱天熱刺身無冰塊鮮味一般，串燒好鹹而且好老超難食，天婦羅太厚粉，鵝肝半40分鐘先上6件，之後寫多啲又話每人限三件，問佢點解一開唔講又唔答，三個人第二次已經寫多仲要得5件，投訴完唻一碟應該有10幾件，咬落去中間仲凍，退返去應該係攞去丁下攞出唻就算，都唔知食咗D乜，食唔飽但真心再坐落去都無野想食提早埋單走人總數＄818 ，呢個價錢去食lunch buffet 都相差無幾，但肯定開心好多，故事仲未完之後3個人分別痾嘔，真唔知係食物唔乾淨定鵝肝唔熟，貼錢買難受

沙田區嘅放題選擇不算很多，不過原來沙田中心嘅<北海道食堂>都有日式放題供應，晚市都係二百幾蚊人頭起，街坊朋友實在值得試下。今晚由於我哋都好想食鵝肝，所以我哋比多少少錢試左極盛放題，時間由7:30pm食到10pm，足足食足兩個半鐘，一d都吾趕，Last order係9點半左右，不過都冇乜趕客，絕對可以輕鬆食。餐廳有別於一般嘅傳統日式放題店，因為環境比較闊落，而且有大張四人枱、六人枱同卡位供應，坐得非常舒適，唔會覺得好迫。放題食物嘅選擇，都有幾多種，有壽司、卷物、手卷、刺身、鐵板燒、串燒、和風沙律、燒物、天婦羅、炸物、拉麵、烏冬、一品料理、日式火鍋等等。必食回本刺身推薦：帶子：新鮮肉厚，吾係薄切，味道鮮甜白玉豚：坊間放題比較少見，呢間竟然有得食，而且仲非常新鮮好味！！油甘魚、劍魚：新鮮、有鮮甜味甜蝦：新鮮、有鮮甜味好味鐵板燒推薦：安格斯西冷扒：簿切西冷好有牛味鐵板蝦：爽彈惹味鐵板帶子：肉厚惹味羊架都好大塊，而且醃得非常香口，非常惹味。必食高質好味推薦：再來鐵板帶子，因為太好味，所以再三order鐵板鯖魚：魚肉非常嫩滑魷魚鬚：魷魚鬚又爽又彈牙又惹味廣島蠔：脹卜卜好juicy好

weekend 去沙田「食好西」，今次想吃日式放題，上網找到日式鐵板燒放題，而且還有壽司🍣、刺身、串燒、鐵板燒及鍋物等，飲品當然也是任飲，啤酒🍻汽水🥤烏龍茶都有，好多元化。餐廳環境寬闊，都坐得都很舒服，而食店內有個Open Kitchen，師父會根據我們的order 即叫即燒，非常新鮮，當中燒帶子、燒魷魚🦑、燒雞軟骨粒及燒鵝肝必吃，熱辣辣又入味，真是encore 又encore 😆；還有天婦羅、刺身、燒雞翼、燒大蝦🦐手卷等⋯⋯就連小朋友喜歡吃的燒炒飯都有😋；更有日式火鍋，分別有牛肉、雞肉及豚肉選擇；餐後甜品是糯米磁，味道分別是綠茶、雲呢拿及芝麻，真正是飽到不得了！😬