匠心廚房 (已搬遷) 新店位置

好耐無幫襯呢間美孚匠心廚房，今日同屋企人過黎食～～石庫門老式燻魚($68)之前食過上海燻魚，覺得太多骨就唔太鍾意～但係呢到同上海燻魚做法唔同，揀既魚相對少骨，而且炸過好香脆，淋上甜甜地既汁係上層更加好食到停唔到口！醬香茄子燘鴨架($288/兩食）醬汁好香濃，而鴨肉肉質新鮮爽口，連平時唔太鍾意食茄子既我，都食左好多件😆😆雙冬炒鴨鬆伴菜片($288/兩食）呢個好特別，鴨肉切粒，炒到好香，用生菜夾埋一齊食，可以中和油膩感～蒜蓉炒菜心($58)熱辣辣超有鑊氣，而且超香蒜蓉味，非常好食！欖菜肉碎缸豆炒飯($88)呢個配搭好特別，但味道出奇地夾，又健康又好食！靈芝山渣烏梅茶($18)無諗過靈芝同烏梅都可以咁match，苦中帶甜酸，正！最後賣單五百幾，計番每人二百幾蚊～雖然價錢看似唔平，但食物質素高，呢到侍應亦好主動，服務態度有禮，令成餐飯食得都好舒服，所以完全對得起呢個價錢！

與朋友約了在美孚見面聚舊，由於事前沒有決定到哪間餐廳，於是在附近逛了一逛，看到這間餐廳環境不錯，就決定了到這餐廳吃飯。餐廳主要吃粵菜，看到介紹，廚師在高級餐廳做過，信心保證。點了幾道小菜和牛肉羹，當歸參片四珍雞肉質嫩滑，有淡淡藥材香味。脆皮松露蘑菇卷很脆口，鬆脆的外皮包住不同的菇類，又有濃濃的松露味。美極牛肉鬆炒飯很好吃，米飯炒得乾身，粒粒分明，加上美極令整碟炒飯更加香，難怪現場所見有不少食客都會點這個炒飯。

今晚一行6人家庭聚餐, 有老有幼, 所以試試新餐館匠心廚房叫餸食飯. 好彩未夠7點已到...店員安排了一角很舒適的大檯給我們. (不過大檯不多, 如人多建議先預訂) 餐牌上的菜式也很特別, 每款都想試, 最後點了在食評較多人點既菜式.

美孚，從來都是中轉站，完全沒有在這邊下過車，沒想到今天被朋友邀請到這裡一起吃，只是一家中式小菜店，卻超多人！裝潢算是十分乾淨企理，而且題字的「匠心」很有勁，令人十分有期待。食物：石庫門老式熏魚$68石庫門是什麼？其實是上海的一種建築風格。這中西合璧，其實是在說江門跟英國的糅合。抱歉說多了，所以說這道燻魚其實是上海燻魚的改版，先把三文魚外層炸個清脆，用蜜糖當配料，份量不少，三文魚比一般燻魚更多肉，油香更重，意料之外的好吃！燉湯$38這個就是用上菲排跟冬瓜的燉湯，排骨燉至極稔，冬瓜一咬即化，還帶不少雪耳，亦是出色。花甲肉末蒸滑蛋$98滑蛋本身很清淡，主要味道來自帶點辛辣的肉末，跟花甲，不得不說這一剛一柔的組合真的得不錯，不會太油膩也不太清淡，也可自行調節。侍應們的服務也不錯，雖然人數很多，但還是有注意到客人想點菜的「眼神」，讚

美孚新邨呢個小住宅區都有好多唔同嘅食店，今日黎食匠心廚房。先叫咗個滋補燉湯，都幾足料夠味。入邊有杞子、雪耳及節瓜等。秋冬飲就幾滋潤。另外叫咗粟米魚肚羹，好多粟米同蛋花，仲有魚肚添。前菜叫左老醋木耳拍青瓜，木耳同青瓜都好爽口。叫咗個菜拍蒜醬油豆角，呢個偏濃味，醬油味可能太多，同埋有啲炒到燶燶地嘅味道，份量都算多。當歸參片四珍雞，有蟲草花、參片、冬菇及杞子。當歸味幾重，蒸雞夠熱辣辣。冬天食嘅話幾暖笠笠。欖菜肉碎缸豆炒飯，呢個我覺得最好食。因為炒飯炒得夠乾爽，而且幾足料，個味幾香，不過就略嫌鹹咗少少。呢間小菜價錢算經濟，適合一家大細食。

正所謂唔食飽邊有力氣做運動，做gym前行過美孚新邨嘅呢間餐廳，畀佢個招牌吸引到，側面大大隻字寫住「匠廚」，而且似乎係新開，同兩位朋友諗都唔諗就行咗入去。餐廳門面好簡潔，雖然地方唔大，但配上簡約嘅裝修，俾人感覺幾有空間感。幸好我哋嚟嘅時間較早，等咗大概5分鐘就可以入座。連menu都非常簡潔，雖然只有一張紙，但食物選擇都幾多，頭盤、湯羹、海鮮、小食、粉麵飯類，甚至甜品都一應俱全。銀耳無花果薏米水非常清甜，兩位朋友揀咗凍嘅，而我就揀咗熱飲，非常足料，銀耳煮到起膠，飲落有少少黏口，感覺非常滋潤，呢排秋風起就最啱飲😊肉鬆豆腐松花蛋係食台灣菜必點嘅涼拌小碟，松花蛋即係皮蛋，伴上鮮味嘅肉鬆同清新嘅香蔥，連埋軟滑嘅豆腐一齊放入口，非常清爽開胃！仲加入咗白芝麻同少許辣椒油，令鮮味更加突出😋霧蝦蠔仔肉碎泡飯係朋友揀嘅，非常足料，有大量蠔仔、冬瓜粒同菜心粒，仲有蝦毛同香蔥調味，湯底非常鮮甜，我哋三個一致認為比葵涌廣場嘅「一泡而紅」更好味，而且份量超級多，三個人分享都綽綽有餘🙌🏻蠔仔粒粒飽滿，非常鮮甜，鍾意食蠔仔嘅朋友千祈唔好錯過。鮮茄魚湯酸辣肥牛同樣係大大兜，一個人嚟切勿以身試法，有好嘢一定要同朋友分享🙈湯

今日行經美孚揾朋友，諗住順便醫埋肚先返歸，朋友話屋企附近開咗間新嘅，菜式特別嘅中式餐館，於是去嚐鮮。餐廳空間大，稍嫌枱與枱之間距離少，隔黎枱嘅對話都聽得一清二楚。「偷食」就小心d喇haha。先黎個頭盤，陳皮牛𦟌，以往食牛𦟌都係滷水嘅多，佢地呢到嘅加咗陳皮，酸酸地，好香好開胃，牛𦟌厚薄適中，每塊都入曬味。跟住係鹽酥珍珠蠔，鍾意食蠔嘅朋友呢個必叫，連平日唔食蠔嘅朋友都話好好食，炸粉好薄好脆，蠔仔炸嘅生熟程度啱啱好，好鮮嫩多汁又唔腥。呢味小菜叫山楂柚子汁脆腩片，睇賣相同咕嚕肉差不多，本來有少少怕食呢類，但朋友想試就叫啦，呢個汁唔醬口，唔過鹹，酸酸尾尾，食落唔油膩。終於黎到主食，作為飯桶，見到飯就最開心，湯飯更係我最鍾意食飯嘅一個煮法，呢個飯勁好食，料又多，完全無令我失望，有魚片，蠔仔，瓜粒，湯頭好鮮味，食完唔會係咁飲水，真材實料，如果你都鍾意食湯飯，不妨一試。呢到店員亦非常殷勤親切，招呼周到，值得一讚！

爸爸間中也會來到這邊的泳池游水, 這天剛巧我也在附近, 就相約爸爸來吃飯, 在美孚區, 吃飯沒什麼頭緒, 找一找中式的小菜餐廳, 發現到這家好像是新開不久, 就試試。木瓜銀耳眉豆排骨燉湯$38難得見到有燉湯, 來個一人一盅吧, 用料十足, 青木瓜和排骨也甚多,  用燉的方法把材料的味道都迫出來, 十分濃郁滋味。脆皮松露磨菇卷$58這個手工菜, 在家不容易做到, 黑松露加上菇片在中心, 用腐皮包著再炸, 新鮮熱辣辣脆口, 不鬆散, 餡料很香, 有層次感, 蠻出色的。年糕燜大閘蟹$168今年還是第一次吃大閘蟹, 想不到是吃醬汁煮的, 大閘蟹的膏融入在年糕汁中, 金黃濃香的滋味, 大閘蟹的肉也很鮮甜, 飽肚又美味的一道海鮮菜。欖豉蜜餞焗肉排$88鹹鹹甜甜的醬汁, 厚厚的包圍著每一粒肉排, 肉都焗得很香,  細細粒, 方便一口一件, 用來送飯甚合適。欖菜肉碎缸豆炒飯$88爸爸甚為欣賞這個炒飯, 炒到不乾也不濕剛剛好, 令人留意到的是切到一粒粒的缸豆, 像豆角的東西, 混到炒飯中, 在濃味的炒飯中, 帶到一點清新的作用, 還有點蛋碎和像豆乾的東西, 份量也甚多, 我們吃不完, 打包回去給媽媽享用

最近多了在屋企附近食店食飯，前幾日就去了美孚匠心廚房食飯。親切的店長告知原來老闆以前是酒店大廚，一直醉心研究特色美食，所以開設此店跟食客分享他的用心製作。這裡以粵菜為主，京川滬為副；菜式及環境則以現代中餐的簡潔和優雅爲基石。食物價錢介乎HKD38～HKD168，街坊價，可接受！川蜀口水雞 (HKD58)肉質嫩滑，辣味夠香夠惹味，伴飯一流，嗜辣的可要求加辣。欖豉蜜餞焗肉排 (HKD88)一口一粒，肉質鬆化，酥香味美，食完一粒再一粒。拍蒜醬油豆角 (HKD58)送來時蒜香撲鼻，豆角由醬油包著，跟拍蒜互相輝映，我鍾意食香口的拍蒜，而老豆則愛食豆角。招牌雪菜龍躉麵 (HKD88)碗麵好大碗，內有6塊龍躉魚塊，魚皮膠質豐富，煙韌彈牙，無骨啖啖肉，魚湯鮮甜，一問之下，原來個湯用了幾種蝦、蝦米、龍躉魚骨等煲足幾小時，唔怪得咁鮮甜啦！(左) 靈芝山楂烏梅茶 (HKD18)入口酸味味，消滯解渴。(右) 銀耳無花果薏米水 (HKD18)超級足料，清甜潤喉。雙色布甸杯 (HKD38)這是老闆用心設計的甜品，上層有新鮮酸甜芒果粒，下層有芒果加雲尼拿布甸，香滑少甜而不膩，作飯後甜品真不錯。

［美孚］匠心廚房.椰子栗子雞燉湯食剩指數：0/100(足料)屋企人鐘意燉湯湯有好多料食到有雞肉椰子落得好足一打開個盅就聞到椰香.椒鹽爆單骨雞翼食剩指數：5/100 雞翼炸得幾脆單骨算幾容易夾黎食(唔洗用手)配料有微辣都算幾開胃.牛油海鹽煎焗大閘蟹食剩指數：0/100 店員推介大閘蟹就叫左一隻share (因為我唔係好識處理，怕浪費）店員都好好俾左食蟹工具我地用個牛油味好重好香大閘蟹既膏都唔錯估唔到呢個煮法又幾夾.羅望子乾蔥燜腩排食剩指數：0/100 乾蔥爆得幾香腩排味好濃但唔會好咸肉質都幾腍又唔會有碎骨.拍蒜醬油豆角食剩指數：0/100 最後叫返個菜豆角好腍幾入味送飯一流.甜品有個雙色布甸食剩指數：30/100賣相唔錯可惜個人覺得硬左少少芒果肉都份量幾多~~

美孚新村原來都臥虎藏龍，位於美孚新村裏面有間以京川菜為主的餐廳，小菜全部都是幾十至百元起。石庫門老式燻魚燻魚有別於平時食到的柴皮又乾身，用了鯇魚腩炸至皮脆肉嫩，再加上陳醋汁調味，魚骨少又不會太乾。宮保澳帶子帶子表面薄粉炸至外面帶點脆，中間還呈刺身狀，以川菜的手法爆炒，帶點微辣又惹味。蝦米銀魚肉碎伴脆片蝦米銀魚仔令整碟肉碎帶鮮，加上自加調製的醬汁，伴上脆口蝦片，惹味帶點微辣，不過就比較油膩。美極牛肉鬆炒飯炒飯乾爽咸味剛好，裏面有粒粒牛肉碎及菜粒，耐且不會油淋淋。

新開既食店，見菜式獨特，價錢都合理 (太平又怕低質，太貴又怕唔抵)六點晚市一開就嚟，即刻被安排入座旁邊梳化位。冰涼既拌菜，螺肉清爽彈牙，有青瓜同蟹籽點綴，好清新。略嫌沙律醬太多太甜，係味道上有點霸道。老闆娘送上麵後叫我地先趁熱飲咗個湯先，湯用鮮魚煲，淡淡奶白色。麵質唔太淋好好食，而龍躉約有6-7小片，魚肉爽口新鮮，非常喜歡。起初以為椒鹽會係乾身D，原來都有配菜同少少汁。雞亦炸得幾香口，整體好惹味。但8件單骨即係4件雞翼，而且當中有D較細隻，所以感覺偏貴。煎蛋角好家庭FEEL，蛋煎得香而內裡仲保留到少少半生熟，好好食，但蠔仔蠔味唔算突出，肉碎份量亦唔多，係肉眼見到而食唔出既肉碎，如果足料D會更好。最後老闆娘誠意推介既甜品，芒果屬清同椰汁一樣唔太甜，擺盤都好靚，將平時無乜美感既芒果糯米飯提升。味道、環境、服務都尚算滿意，菜色選擇係同區嚟講算好有特色，餐牌清楚分類，容易搵到啱食既菜式。唯獨係哩個價錢會期望用料/份量多少少，或者出二人餐/四人餐，可以一個更經濟既價錢去試更多菜式。

一行6人的家庭聚餐頭盤 - 必試脆皮松露蘑菇卷濃濃既松露味 加埋啲伴菜不油膩平時出街食牛𦟌多數都係食麻辣今次食既係 - 陳皮牛𦟌 拎黎做頭盤都幾開胃 原來陳皮同牛𦟌係夾到甜酸虎蝦伴花卷未試過咁樣既配搭 應該係Fusion菜式酸酸甜甜 配埋個花卷岩岩好見好多人都推薦既燉湯 值得一試 入味椒鹽爆單骨雞翼入曬味 同行家人唔係好食辣 只叫小辣如果再辣啲就正薑蔥蟹？呢個蟹加左蘿蔔糕係底 第一次試啲蘿蔔糕吸左啲鮮味 都幾有特式鮮茄魚湯酸菜魚落左蕃茄既酸菜魚 個湯可以就咁飲 岩曬小朋友魚用左龍躉 啖啖肉又無骨銀耳無花果薏米水我的最愛❤️ 唔單只有得飲 仲有得食 多重口感當晚都嗌左唔少野食 不能一一盡錄總括黎講：份量適中 菜式有創意相比起出去食小菜 價錢差唔多 但係試既野多左個賣相完全睇得出用心 會再去

新開的餐廳，為食貓當然要試試。店員服務好好，可能是新開張的關係吧，留好印象是應該的。推介虎蝦伴花卷，擺碟好精緻，雖然價錢略為貴，因為只有一隻蝦及一個小花卷，但味道不錯，蝦是新鮮彈牙的，而汁酸酸甜甜辣辣好味道，配上花卷，汁唔好浪費。山楂柚子汁脆腩片，食不出有柚子味，味道及外相比較似酸甜骨，而汁也沒均勻的沾在腩片上，因翻到底下是沒汁的。青瓜，燻魚都夠入味，擔擔麵小辣好食呀～店員好熱情好客，送了一客糖水給小朋友吃，不是甜，不錯的餐廳。

屋企人話美孚最近新開左一間新既中菜館，琴晚就落黎試一試呢間水準先講講呢到裝修，風格幾別緻，而且環境幾企理，不過坐得有少少窄，同隔離枱完全纏埋一齊，私隱度欠奉呢度主要供應唔同款式既功夫小菜，甚至有d菜式係自創，幾特別～呢碗「椰子栗子燉雞湯」，湯式十分清甜，散發著濃濃椰子香，煲左咁耐雞肉就偏鞋口，淨飲湯唔食渣就得～「脆皮松露蘑菇卷」十分有驚喜，炸得香脆又不會過分油膩，裡面松露味十足，配埋蘑菇，口感同味道都十分夾！最後，我地仲叫左「鮑魚紅燒肉」，鮑魚好新鮮，大概有4-5隻，而紅燒肉炆到好稔，一咬就入口即溶，非常正！