千房 (已結業)

今晚同朋友去開旺角，又到食飯時段，就梗係要找下美食啦。朋友建議去位於T.O.P的千房。果然係明確選擇。晚飯時段，已坐滿客人，需排隊等入座。等约幾分鐘便入食店內。店內環境清潔，坐位又夠寬。冷氣又夠。店員很有禮貌地帶我們入座。看完餐牌，買相好吸引。最後點咗什錦廣島燒和芝味廣島燒。這家食店又有得食，又可以玩，又可以加木魚、紫菜和奶酪醬。材料新鲜又好味，蛋又滑又有口感而且是甜甜地。熱熱地，風味非常好。另加咗個味噌湯，同樣有水準。味道剛剛好。飲品方面，叫咗白提子疏打，提子味道好回味，非常好飲。至於山梨葡萄疏打，買相就好正，印象深刻。味道特出而且很有香味。價錢又大眾化，综合各方面，值得推介给喜歡食阪燒的朋友。绝對是明智之選。

今日去到真系超級失望，原本既好心情都冇曬，服務態度超級趕客，落單同埋單既時候都好唔耐煩，加上人地明明仲系度食緊野，服務員就系隔離洗爐，勁大陣油煙吹過黎，食欲都冇曬。佢地d野性價比都幾低，大阪燒入面既輔料超少，肉啊，魔芋啊，蝦啊等等一個入面兩個人分，每人都食唔到多過兩嚿，仲有食第一啖就已經好鹹，要系錦飲水！一句講曬，好伏！

本人是回頭客，第一次印象唔錯，都幾好食，又可以DIY，幾有趣。今日下午茶時間第二次去食，我地已經食左午餐，不過想再試下其他味，兩個人凈系ORDER一份廣島燒，個幫手落單既職員竟然話一個唔夠，叫我地再睇下MENU叫多份。到左埋單，收錢時個職員竟然又話下次叫多D，我地冇人叫甘少，找錢既時候又講多次話下次可以叫多D試下？WAHT？？黑人問號！你地又冇寫到有最低消費，憑什麽三番四次要求客人叫多D，唔通想食幾多唔系我地既自由？總之，我唔會再去

千房係大阪食過，果時覺得好好食！！但香港咁大分別既😫·🌶激辛特製醬汁日式炒麵（$78）味道唔錯，不過小小辣度都無！蛋加麵係無得輸既組合🤤但份量好少🥴🦐千房燒（$108）店員送黎時已經煎好，放上熱板保溫～但食落口時，唔熱既？🥺粉漿過多，唔建議點啊🥺🥺🥬芝味烤蘆筍菠菜（$38）唔知自己食緊咩🤖菠菜溶哂咁⋯蘆筍又勁淋.

作為一個鍾意煮野食 又自以為自己煮野食好叻既我 有機會係朋友面前大顯廚藝 DIY當然唔會錯過☺️☺️但係原來依到有得自己燒既野唔多 首先我地嗌左既蛋包麵 佢地整得靚靚再拎黎 冇得自己燒有啲可惜😢😢另外嗌既就係大阪燒 佢地都有好幾款 大家可以跟喜好嗌～ 黎得依到既人都係絕大部分都會叫🙈🤣因為就係diy既重點 佢有哂step同文字解說 教大家點樣整 但係大家都可以發揮創意喔🤣最緊要反個陣小心啲 唔好整散佢🤗🤗完美既製成品😆😆😆整體黎講啲野都好好食 不過如果有多啲燒既選擇就更加好啦🥰

這間餐廳開了不久，這幾天老媽子不在家，便與弟弟來這裡吃晚飯!店舖面積空間頗大，客人越晚越多，似乎有不少捧場客! 食物款式不算多，今晚也走志在來玩味一下! xp 最後選了兩款來試試!芝味豚平燒 ($55) 是以雞蛋包著豬肉簡單的一種日式料理，雖說看介紹寫著是半熟的蛋，但端上時已是熟了的蛋餅，幸而我們選了這款加入芝士的豚平燒，半溶的芝士有拉絲效果，更豐富了味道層次，皮帶點微脆，加上大阪燒醬汁，味道不錯呢!原以為每款大阪燒也可以自行製作，但只有兩款才能親身製作，可能因為有些是海鮮的關係怕自己弄不好會有狀況吧! 為了可以自行玩一下，故選來了豚肉燒 ($68)。店家更有一張DIY教學流程圖呢!店員端來兩碗大阪燒材料，一碗是豚肉，一碗包括雞蛋，麵粉和椰菜。自行把材料搞拌後，便可放上鐡板烤煎，煎至一段時間便可把豚肉放上去煎，再放上大阪燒上，每邊都煎上幾分鐘，各自燒兩次左右便可以了，最後當然要淋上大阪燒醬汁和沙律醬，自家製的大阪燒便大功告成了!自行製作就是覺得不錯吃! 哈哈 其實味道就是普普通通，沒有什麼特別，旨在玩一下呢!

今日同男朋友仔在朗豪坊看戲後，知道附近有大阪燒餐廳，聞說特別之處是可以給顧客自己親自下廚炒大阪燒。入到餐廳後，服務員已經立即招呼我們就坐，服務態度一流。餐廳燈光好柔和，而且客人與客人有足夠的空間感。我地點了餃子，炒麵和大阪燒。餃子皮好脆口，肉汁鮮甜，配合醬汁令餃子的味道更加提升。炒麵配上雜菜和煎蛋，麵質有咬口，把蛋黃混入炒麵當中令炒麵黏上蛋黃的香味，這種味道都很配合。大阪燒的食材充足，有魷魚，牛筋，魷魚好有咬口，而牛筋則大件和整得好鬆軟，想不到牛筋都可以和大阪燒咁夾。下次必定試試自製大阪燒呢！

第一次去T.O.P.呢個商場食野，估唔到會黎左呢個咁得意既地方！以前去大阪🇯🇵旅行試過食一次，而家係香港都有得食餐廳不難找，日式風味的感覺一入到去會見到多個師傅煮野食，開放式廚房，想睇佢地煮野食記得要坐吧檯，但冇得自己整diy大阪燒的。我同朋友都揀左二人座，每個setting都會有一個迷你鏟，好cute睇完menu就可以自己寫紙落單。當然要試下玩diy大阪燒啦！點左呢個特盛海鮮大阪燒（$88），海鮮包括蝦、帶子、魷魚。感覺黎到唔多料，但食落就好豐富好飽。計時器俾埋你可以自己慢慢玩！其實一啲都唔難，應該好少人會失敗😂最後唧醬灑木魚花就點影都靚仔！食落好足料，仲以為唔大塊會唔夠食，好彩嗌左一塊咋！味道都唔會太重麵粉味，有蛋香！海鮮幾新鮮，可能係因為我火候把握得好😈除左大阪燒，當然要試埋其他食物啦。小食方面點左呢個香脆鐵板餃子（$50）。外型好可愛，鐘意香口重口味呢個必點然後都點左一份醬燒日式炒麵（$68），佢會成份係你面前放上鐵板，然後再即場唧沙律醬表演，好有趣又靚。炒麵色水均勻，感覺有心機炒，多幾塊豚肉會再開心啲！總結係大約每人一百幾，有得玩有得食仲要好味，冇得輸！不過唔太適合一大班人黎

旺角最近開咗個新商場，收工特登同男友嚟行下。行到餓，就上咗去搵野食，見有間DIY大阪燒就入咗去試下。呢間鋪都幾細心，有得揀自己整抑或由廚房代整，手殘嘅都可以食到個靚靚大阪燒😋除咗大阪燒之外，其他食物上枱都會上落鐵板到，保持食物嘅溫度1. 特盛海鮮大阪燒（$88）我地揀咗自己DIY, 煮嘅時候有個計時器，大約每4分鐘反一次。跟住指示整都會成功！特別要提嘅係佢嘅大阪燒醬，似係特別調製過，加埋大量嘅沙律醬，好食2. 蔥香鹽味日式炒麵（$78）炒麵係廚房煮嘅，好有鑊氣、好香口！佢係我比較喜歡炒得乾身個類，唔係日本落大量醬濕濕個種。其實自己整大阪燒都幾有成功感，一般又唔會係屋企整到。所以係一個幾好嘅體驗

果日我地係Lunch時間去到千房，其實唔多人，亦有幾多吉位添，但我地企係門口示意左幾次都冇人理我地，最後係門口等左大概5分鐘至安排到枱俾我地；坐低後亦冇主動介紹或送上水，作為一間日本過江龍餐廳，服務真心麻麻。雞腎本身整得唔錯，唔會太熟，但醬汁堅咸！咸到以為自己食左啖鹽落口🤦🏻‍♀️份量唔大，但味道ok，豚肉尚算嫩滑，包住必碎嘅蔬菜🥬一齊煎，上菜嘅時候醬汁唔多，侍應就提醒枱有樽醬，可以自己加 😣激辛？係一d都唔辣架！🤣 差d就佢呃左～ 非常普通嘅炒麵，自己去買枝日式燒汁、加少少辣椒🌶️、係屋企都整到。可以唔駛！成餐最正常！其實係基本嘅雜綿大阪燒，咩都有d，蝦🦐、魷魚🦑、豚肉🐖、蔬菜🥬等等。味道OK、份量正常！食到一半至發現原來可以自己DIY架🤦🏻‍♀️🤦🏻‍♀️🤦🏻‍♀️ 張枱無寫📝、侍應又主動提醒🔔 最終我地係見到隔離枱自己落手整至恍然大悟😓今次嘅經驗有點伏，味道亦無驚喜，所以試一次就夠！

伏中之大伏個場望落正常，點知跟住發生既所有野都唔正常！1. 個場大，侍應少又無服務本身想叫個人幫我地落單，佢行埋來叫我地自己寫紙落，咁我地係疊紙到搵左陣都無午市既單，要自己係隔壁台拎2.成功落單，點知一等就40分鐘唔好意思，我地係普通打工仔放個飯，食飯時間唔多，呢間野可能要經理級以上既人先食得起，忍唔住叫侍應跟跟張單，佢連入去廚房都唔行，直接企我地隔離話佢地整緊嫁喇，連扮行去問下都唔扮，你收咩加一呀3.張台漏油！！！d油慢慢咁滴到地下，連同事既鞋都整濕左，即場同經理反應，畀左幾張紙巾我就算（？！？！！？？！4.無抽油煙機！！！所有客人就係抽油煙機，個場既建設根本就唔岩做大阪燒，我地5個人去食，個個都一身油煙味，淨係得油煙味唔係食物味5. 熟食仲要放上煎盤，燶晒我地食午市，好多野都已經係熟食，佢都仲要放上煎盤，再加熱，d野都燶晒喇食到大家好唔開心，咁樣做餐廳，對得住d食物咩？

有時覺得食日本嘢都幾貴，細細碟價錢唔平，要食好多碟先會有飽肚感， 但大阪燒堅屬抵食又飽肚!對大阪燒有情意結，去旅行係日本食過，真係番唔到轉頭，千房聽過大名，但未食過，見價錢定價唔算貴，呢晚同朋友黎燒番幾個食夠本4個人食，原先驚唔夠食所以一人點左一個共點左4個大阪燒分別係，特盛海鮮大阪燒、芝士廣島燒、什錦廣島燒+豚肉燒點知發現大阪燒料好足下，真係食到飽，差D食唔晒各有特色廚師整好過自己DIY，上面仲唧咗沙律醬同埋日式醬汁，鍾意大阪燒嘅可以再自己喪落多D醬。估唔到呢個都令人有所驚喜，唔會鬆散夾唔到亦唔會過實硬綁綁，入面嘅麵粉+蛋另有菜絲蘿蔔絲，份量平均特盛海鮮大阪燒大阪燒有好多椰菜和章魚，再淋上燒汁和沙律醬，再加上很很多紫菜和木魚絲落埋醬食，味道岩岩好大阪燒燒得剛剛好，麵糊不會過乾過鞋，中間都有幾多章魚肉，大阪燒醬自己落到好足足夠，食落甜甜，幾惹味燒一切開裡面滿滿的蔬菜與章魚，口口都可以吃到爽彈的章魚外層煎得焦焦脆脆呢個係豚肉燒，茶上燒汁，有大量椰菜和豚肉燒到好香，表面再為自己灑上好多柴魚乾先再食先至係真正既大阪燒粉漿夠綿密，餡料夠實在，味道剛剛好什錦廣島燒味道唔錯，賣相幾好 (醬自己動手

放工呢日，同朋友黎到呢個新商場，見到有好多新潮同有特色嘅舖頭。不過我地既目標唔會行街，而係開餐去食大阪燒。黎到都幾多人下，要等一陣位坐得幾舒服，同朋友食飯預左想邊食邊傾下計既話，唔迫同唔係食即起身即走人真係重要大阪燒最有名既大阪燒非千房莫屬，之前去大阪旅行，見到旅遊書介紹千房食大阪燒，但唔識訂位人龍又長，食唔到，而家開左點都要黎一試MENU好多燒選擇鐘意DIY既朋友仔可以按住教學自己炮製，有得食有得DIY，但因為太肚餓同埋唔多相信自己既手藝，唔想麻煩自己整，點單叫廚師整，整埋先拎出黎上枱就食得最方便，黎食就係想食到原味正宗既千房大阪燒麻旁邊有齊曬DIY大阪燒的材料有甜醬、奶酪醬、木魚、紫菜自己鐘意點加都得由廚房整好後扲出黎，上枱有個鐵阪仲熱住，醬料可以自加呢到係會整埋先拎出黎俾你，然後自己煎下佢反下佢，煎到咁上下就自己落醬。分別點左特盛海鮮大阪燒同廣島燒兩個價錢都算好親民好滿嘅醬汁+  好厚嘅蛋皮，見到都吸引食落又真係幾好味喎，蛋香又滑，甜甜地仲有隻大蝦攝咗喺裏面大阪燒材料豐富，自助加入好多好多既木魚絲，令到口感好豐富，我好貪心落左好多木魚絲店員有問使唔使由佢落醬定自己落，今次我地選擇

旺角T.O.P. 有好多新食店，千房來自大阪有45年歷史，每枱都有鐡板自己可以做大阪燒，又可以熱住D食物，佢仲有鐵板燒bar 枱可以望住師傅做鐡板燒。點個DIY 特盛海鮮大阪燒，材料有魷魚，帶子，蝦，同八爪魚加大量菜及配合雞蛋小麥粉醬先要將雞蛋，小麥粉同埋蔬菜混合好再要煎香啲海鮮咁就可以將一半嘅蔬菜小麥粉混合物到落去個鐵板度。再加上海鮮，再於上層放上餘下嘅粉醬。等待正式開始要等4-5分鐘，待面層都有少量成型才可以反轉，每面要煎三次，每次4分鐘，所以要幾多時間。最適合朋友聚會慢慢玩。

一向鐘意食大阪燒，知道呢間開左之後一直都想黎！間店位於旺角新商場，地方方便，環境都好舒服。由於無位，坐左係bar枱位，望位師傅整又別有一番趣味！初次黎，點既食物吾多，試下味先～叫左個關西蔥鷄蛋大阪燒～都整左一段時間～食大阪燒最怕太多醬，呢間師傅一開始吾會放得太多醬，枱面有吾同醬及木魚比你自己加，都幾細心！見到其他枱有人自己整埋成個大阪燒，又幾得意另外叫左鷄腎及魷魚，味道都吾錯！呢間大阪燒黎講未到超級好味，但黎一試都係可以的，味道吾差，環境又舒服👍🏻