半熟工房 (金馬倫道) (已結業)

謝謝友人請食《半熟工房》新出的半熟朱古力撻，一咬開已經感到好軟身，撻皮仍然脆口，散發著特濃的朱古力香，半熟狀態口感好軟綿，內餡朱古力的軟綿程度好似微微塌下感覺但又未似流心效果般的澎湃感，真是好有趣，沒有死甜感覺，朱古力味的香氣在口腔中仍有陣陣餘韻，回味無窮讓人感滿足。

次次行過見到都想食！不過每次一係就去緊食飯，一係就已經食飽左，所以一直都無緣試到！今次真係好想食，即使已經好飽，但都堅持要入去食個飯後甜品！哈哈！我地好好彩，撞正佢新鮮出爐，熱辣辣咁！咬落好Creamy，軟綿綿，入口即溶嘅感覺！超正呀！！！佢個撻皮同芝士嘅配搭簡直天衣無縫！聽落好似好誇張？但事實真係有種完美嘅感覺！少左其中一樣，都出唔到個效果！！

情人節限定的禮盒，心心圖案的粉紅色禮盒，內裏包含三款舊有口味及兩款新口味，適合心多多想試齊多款口味的我！ 一盒有新的藍莓芝士、朱古力味，及已絕版的抹茶味、黑糖栗子味及原味！結論我們還是鐘於原味最特別，最無可取代。黑糖栗子味早前在美食博覽限定時出現過，內有原粒栗子！帶淡雅黑糖香亦不錯。朱古力味則首次推出，味道不夠香濃。抹茶味同樣是我們的最愛，抹茶味突出微甘。藍莓芝士比較普通，感覺好像在吃一般的藍芝士蛋糕。婚紗展(12-14/2)及分店(14-21/2)情人節期間限定！

沒人排隊，可來一試。之前每次路過都大排長龍，本地及內地人士也有。 熱燙燙而流心的芝士撻，賣相就像小型焗飯，以為咬落脆的？非也，一咬便是流心的芝士。 芝士味道一般，還有點酸酸的不太美味。餡料夠好，不斷咬還是有流心芝士流出。餅底呈酥皮般，而我較喜歡厚如蛋撻的曲奇皮。 芝士撻索價$22一個，比蛋撻貴四五倍，又肥膩又不好吃，試一次夠了。我想只是因為少女都喜歡芝士及流心食品，所以芝士撻才會大賣吧。

第二次光臨，星期六下午去都比上次十二月食冇咁多人排隊，一入去排三至四個人度。自從呢間既芝士撻出現，都多左好多芝士撻出現係其他舖，作為芝士愛好者都有係其他地方食，出面其他舖食$13-18/1隻，又真係始終唔及呢隻$22/1隻。水準keep到!第一個開心:個面焗得好靚，薄薄一層包實入面準備流出黎既半熟芝士，有強迫症既人真係會唔捨得咬開，但最後一咬果下都幾爽，同真係好香。第二個開心:如果認為自己唔鐘意帶少酸味既芝士就可能覺得唔值，始終每個人口味唔同，我就好鐘意，覺得咁先係芝士，我會用好creamy同好香去形容個半熟芝士第三個開心:平時食撻我都係prefer牛油曲奇皮，佢做得好好唔會太油既感覺令到整件事唔會好"陋"買兩隻拎走食就用紙盒，如右邊。單隻就紙袋，如左邊。

之前已經試過芝士撻好正既。今次見佢出抹茶味。當然要試試啦，當日都唔算多人，排左5分鐘就買到黎試。買2個以上才有盒包裝外帶, 如果買1個試試就環保d 即場食, 店內有提供紙巾.抹茶芝士撻:熱辣辣出爐, 立即試食係最好. 因為凍左冇甘香, 要焗返熱食.食落口感同原味芝士撻一樣, 甘香芝士味, 又軟滑餡料, 不過唔係流哂心個款.抹茶味食落冇甘甜, 唔苦, 反而有濃濃抹茶味. 個撻皮少少脆唔會好硬既牛油撻皮, 本人好中意, 覺得好味.食哂一個都係少少膩都岩岩好既.不停有新鮮既芝士撻出爐.

是日年廿七，大少遲收工，所以約大少中間點-尖沙咀等，搵食時行經半熟工房，見無人龍，即問大少想唔想試，因為每次都排長龍，因為無人龍，大少當然非常想試~其實我一向都唔係太愛食芝士類食物，只係大少咩都想試，就陪佢食吓~當大少排隊買撻，我當然行行企企，最後俾我見到有芝士蛋糕買，年廿八婆婆屋企團年，反正次次大少上去都係買生果，我就提議佢不如今次買蛋糕上去做甜品，佢都話好，不過我開頭係想買10個裝原味，點知……賣晒，最後就買左5個綠茶、5個原味，屋企人話味道都幾香濃，但係唔係最好食，而且綠茶味完全食唔到有芝士味~綠茶半熟芝士撻 - 呢個綠茶味濃過芝士味好多，我比較鍾意呢個，不過……比較苦，無原味咁流心原味半熟芝士撻 - 呢殼比較流心，當然，我係最唔鍾意呢啲質感，大少話唔係太特別，唔知咩原因可以賣到$22一個，佢唔覺得特別好食，佢啲朋友個個食過都話好食到震我就覺得個撻底唔錯，幾香，另外芝士我都有食到少少，鹹鹹地，其實唔係太濃烈芝士味，其實唔錯，不過，如果唔係咁流心……我會覺得好味啲~

3 FEB / TST難得今日放假，又係星期三，所以自己獨遊下尖沙咀，本身想試下慢煮工業既三文治黎做lunch，點知食完呢個芝士撻已經有啲滯，哈哈。芝士撻熱潮已經蔓延到香港好一段日子，曾三次平日到訪銅鑼灣bake，都被佢地既人龍嚇壞了，實在長得太驚人，所以我都係等到熱潮減退先去買，半熟工房也是，熱湖剛迭起時也是排了一條長長的人龍，二月初到訪時，人龍已經減了不少，所以是日去到，立即就有得買了。芝士撻索價22元，其實都頗貴，畢竟好評如潮的bake也只是20元，美心的cake lab也好像只是14元，旺角candy shake也推出買奶昔就優惠半價9元食到芝士撻，唯獨這間定價22元，似乎對撻的質素頗有信心。去到時，盤子裡只剩下兩個撻，所以已一拎上手只會是微暖，果真如是，員工分工合作，一個收錢，一個小心翼翼拎個撻出黎，說時遲那時快，芝士撻眨眼已到我手。快速拍了一張照，一放進嘴裡，先嚐到脆口的餅皮，有牛油的香味，而豐沛的芝士餡好像山泥傾瀉般瀉出來，不會太酸，是適中的酸味和濃郁的芝士香互相配合，加上撻本身也有溫度，令我對它很有好感，而且質感也很軟滑，老實說，我覺得比bake還好吃呢。

前幾日買左“半熟工房”既芝士撻去探班，好在唔係好多人等左一陣就買到了，買完隔左15分鐘先食個餅底都仲好脆,芝士味濃，中間半熟嘅芝士仲好好味，令到我好似去咗撒哈拉沙漠度游水咁爽皮呀15分鐘就搏到紅顏一笑，又食到好西抵晒啦

早幾日去左海港城返PART TIME, 男朋友仔好好帶左“半熟工房”既芝士撻黎探班😍😍😍可能因為係3點幾TEA TIME, 加上多左間”芝士麵包”對手舖的關係, 男朋友話人龍唔長(幾個) ,唔駛排出舖;等左一陣就買到了(因為岩岩賣晒要等佢出爐😝!)雖然係外賣,外賣仔送到嘅時候都仲夠熱,同同事忍唔住即食😂😂😂芝士撻真係好邪惡AH!!!!!!HAHAHHAAA特別係中間半熟流心嘅芝士部分令人又愛又恨(可惜忘了拍照🙈🙈🙈)芝士餡料口感唔錯，芝士味濃得黎唔太咸👍🏻如果要我將佢同其他芝士撻專門店比較的話, 個人覺得最大分別係 “BAKE”的芝味較濃, 檸檬味較突出, 撻較特別(硬身點,脆身點),而“半熟工房”的芝味就清一點, 撻皮跟平時曲奇皮蛋撻類似,但較“BAKE”的流心而且唔駛排咁耐.因為仲淨番一個，夜晚又再食😝😝😝呢次凍食(室溫)食落又唔同感覺，有啲似芝士蛋糕，中間無咁流心，不過都好味😋😋😋(再咁食法想唔肥都幾難😂😂😂)總括而言, 半熟工房的都唔錯呀,值得一試!下次要試埋佢個綠茶味先ppp

現實係好殘酷的，就好似女神冇永恆既觀音兵咁。你以為你好受歡迎咩？原來人地只係貪新鮮。你以為你好靚咩？原來人地只係post相呃like。你以為你好獨特咩？原來人地只係人排我排試完就算。當另一個比你「索」既新女神出現既時候，兵係會毫不留情咁揀個新戰場既。金馬倫道芝士撻曾經風靡一時，聖誕個期仲見排隊人龍排到去隔離地盤。不出兩個月，同一街開左另一間芝士麵包店，人龍隨即「過檔」去到新舖。寒風中剩下人龍不再的半熟工房，買撻唔再使排隊，舖面簡直冷過香港天氣。想想當日車水馬龍排隊排到癲，不傻嗎？基於突如其來的側忍之心，我入左去幫襯。即買即場食，務求比外賣攤凍左再comment公平些。首先形容下佢，溫度約莫七分熱，出爐不算久但又不燙口那種。香味方面，撻香大於芝士香。撻皮雖然鬆脆，但甫咬下有一部分會自動粉碎。食食下，表面的「焦皮」又會同中間分離，呢幾點都係扣分位。再講下個餡，有人話芝士撻中間係流心，我食落唔太覺，因為成個撻中間其實都係同一種軟趴趴的水潤質地，我會用「水蛋」質地黎形容佢。而不是心太軟那種中間流汁的情況。（如果係外賣，凍左後餡係會凝固左的）有食過另一間佢的「死對頭」The Bake，响「芝士味

嚐過日本過江龍, 人氣一時的流心芝士撻後, 好想試試本地薑出產同樣人氣的半熟芝士撻一作比較, 但每次經過尖沙咀分店都是大排長龍, 怕排隊的我念頭隨即打消, 失望而回。 前一陣子半熟工房推出新口味 - 抹茶味半熟芝士撻, 這個新產品非常吸引抹茶粉絲, 為了要品嚐, 決定跟人龍搏鬥一番! 星期六下晝到達, 人龍已經排到出門口, 不過都比高峰時短。 店內以簡約淺木色為主, 除了芝士撻外, 玻璃櫃內還有售賣半熟蛋糕等甜點, 很吸引好想試試呢! 不過今次主要目的是芝士撻, 唯有留待下次再嚐吧!排隊的人龍向前邁進得很快, 約二十分鐘已排到櫃檯。 玻璃屏風後放著焗好的芝士撻, 焗到金黃色的原味半熟芝士撻非常之吸引。 而隔離放了新出的抹茶味半熟芝士撻, 比預期深色和焦燶的表面, 感覺似班蘭, 而且非常搶手, 只剩下幾個!前面還有兩位顧客才到我, 弄得我也慌張起來, 心裡不停念著: 不要搶光留下給我啊! 一個都好啦, 等我呀! 幸好他們都是買原味, lucky! 排了這麼耐, 當然要買回家分享, 所以每款味道各買了六個。 一邊包裝一邊收錢, 店員包得較為快手, 很快12個芝士撻已放入盒中了!究竟有什麼原

星期六下午六點零路經半熟工房, 排隊人數唔多, 只有5,6個, 趁機排隊買黎試下先! 新鮮出爐既TART 外形漲卜卜, 有2款口味: 同抹茶, 當然2款口味都要試! $22一個唔平, 但熱辣辣確實加分!率先試左芝士味TART, 好CREAMY,一啖咬開芝士流心, 芝士味唔係好濃, TART皮好香牛油味, 好鬆化呢~抹茶味TART, 好香濃, 有抹茶既甘味但唔係苦, TART皮一樣又脆又鬆, 可能帶有茶甘味, 所以比起芝士係冇咁滯.一口氣食左2個TART 係極滯, 不過總算一試呢個大熱既TART!

芝士撻終於吃到半熟工場的芝士撻這裡的芝士撻係曲奇底，個曲奇底實淨，不會一觸即散。但也不失香脆！芝士撻表面脹卜卜，咬下去，芝士不其然流出來！芝士不太濃！有點乳酸味。味道不錯！價格郤是其他芝士撻之最！而且吃一個勁濟！吃時，要小口的吃，如果唔係d芝士會勁快流哂出來，令你狠狽萭分！ 綠茶半熟芝士撻這個緑茶芝士撻係新產品，每次出爐，很快就掃清光。而這個撻係以綠茶為主角，翻焗後，竟然重有小小流心，有淡淡的綠茶味，微甘。綠茶味不濃，而芝士味也不重，雖然無咁濟！但就無原味咁香咁好吃！

今日又來一個 半熟芝士撻竟然...唔洗排隊 就行左入去幾分鐘就有得買 仲係啱啱出爐拎上手 熱辣辣 撻皮好鬆化 大力拎上手就碎左所以要即刻食左佢由於佢係 半熟 又香又滑 有啲酸味，芝士 半溶咁 唔油膩 like 呀