南丫海景民豐海鮮酒家

营业中

休息中

12月5日（星期六）晚，我已經很久沒試過星期六日皆不用上班，難得有假，決定和女友去南丫島渡假，輕鬆一下。下午坐船到南丫島，在預先訂好的渡假屋待至晚上才出外吃晚飯。因我們實在太肚餓和沒有在OR做功課，就隨意在近碼頭的地方其中一間海鮮酒家坐下來，豈料出事了！整晚人客不算多，我們看過餐牌後，決定點芝士焗龍蝦、西蘭花炒帶子和豉椒炒蜆，但侍應說蜆太小不好吃而婉拒下單，於是我們就改了點宮保蝦仁。在落單後不久，侍應就突然出現並放下膠桶，裡面有隻龍蝦，然後祇說$26元一兩，跟著我問他那隻龍蝦共多少兩和價錢，他卻支吾以對，沒有回答問題，一時大意下就點了頭，然後他就帶著龍蝦走了。等了不消五分鐘，兩個小菜就先來。宮保蝦仁是用豆瓣醬去炒，不夠辣，而且味道不夠濃，下得不夠豆瓣醬，蝦仁尚算大隻和肉質爽口；西蘭花炒帶子的西蘭花雖然翠綠，卻沒有味，女友說帶子不錯，我始終覺得很怪，又腥又咸，不過應該不是雪藏貨。芝士焗龍蝦很大碟，芝士汁香濃幼滑，用加了錢的炸饅頭醮來吃，很美味，吃完饅頭還剩很多汁，多到可以用來做芝士火鍋，龍蝦肉質爽滑且份量不少。我倆吃完都很飽，跟著埋單，我看了單才知道那隻龍蝦原來價值六百大元，生平從未吃過

去到南丫島，緊係要試下海鮮...椒鹽瀨尿蝦←老闆介紹，飛機空運....無得走la>.不過要$18蚊斤，好似貴左d.......清酒煮炒蜆、辣酒花螺、蝦醬通菜、沙拉骨無想像中咁好lo>>>>其他餐廳應該會好d.....

有年多沒寫食評, 最近在update回2009吃過的, 2009年頭吃過這一家飯店, 我覺得也不錯. 但上來一看, 盡是激烈的批評... 究竟事隔這半年間這餐廳發生了什麼事呢???說回我這個一月頭的飯局, 一向食開天虹的我, 是第一次在南丫島上幫襯其他餐廳. 這一個晚上, 大伙兒雖然都覺得有點貴, 卻異口同聲的說要再來幫襯.是晚菜單:白灼蝦: 大大隻的白灼好鮮味! 一道只要料靚就一定會好食的菜!豉椒炒蜆: 不過不失, 但如果不是好"渴"這味菜, 其實可以不點.芝士焗龍蝦: 對上一次吃到覺得好吃的芝士焗龍蝦真的不知道是何時了... 記憶中其實沒有一次是覺得要"哇!!!"一聲的, 但這個龍蝦做得到! 也是大伙覺得一定要再來的原因! 龍蝦一入口, 肉質彈牙鮮甜不用說, 那濃濃的芝士香味更是令人為之一振!!! 喜歡吃芝士的我一吃就知不是一般的貨色, 找來侍應一問, 原本他們用的是法國的芝士, 所以才有這個難得出現在香港的芝士焗XX菜色上的絕香! 花蟹糯米飯: 有創意, 不過頗貴, 好食但不至於物有所值.

噚日一行十四人去咗南丫島，本來諗住去索罟灣食海鮮做lunch但係趕唔喥船期唯有去榕樹灣，咁就俾咗個「機會」呢間黑店喇！本來同個伙計講話預每人七、八十蚊budget叫佢同我哋寫餸，點知佢已經好粗魯咁話：「咁得炒粉麵飯咋喎！不如您哋自己睇餐牌啦」於是我哋睇餐牌叫嘢食，都已經發覺唔係太抵食，但叫做坐低咗，咪諗住叫幾個餸，食少少，再戰街頭小食囉！以下係我哋叫嘅嘢食，全部係"中"，即係唔係例牌：炒蟶子 - $168 (佢落單講明價錢，但無講明份量係咁少 -- 得十八隻好似尾指咁大隻囉！)福建炒飯 - $120 (真係！份量得嗰啲茶樓碗六、七碗喥，仲要咪裝滿先係喎！)生炒骨 - $98 (好似係)粉絲雜菜煲 - $98 (好似係) (嘩！個煲勁大，面頭有兩個蕃茄切開晒舖面，跟住下面啲餸勁少，大佬！菜都咁孤寒？就住食 -- 「係就住食！」每人應該有兩條菜同一匙羹粉絲嘅)椒絲腐乳通菜 - $85 (好似係) 呢個份量最多，每人有一碗喥星州炒米 - $88 (好似係) 每人又係得嗰啲茶樓碗六、七碗喥，仲要咪裝滿先係喎！淨米粉一碗 - $15、汽水一罐 - $15 (唔駛咁搶狂呀！)上面六樣嘢加埋米粉一碗

是日大兇日本來到南丫島跟朋友準備吃暍玩樂, 住進恐怖渡假屋還不止...還到了這裡破財六個人一共點了6個菜式芝士焗龍蝦 (本地龍, 3斤)朋友介紹, 到南丫島, 都是為了吃這個芝士龍蝦, 在金融海嘯下未見價格回落. 澳龍比本地平2蚊/兩, 那當然選本地 雖略貴, 但不要緊, 一場來到,就吃吧. 芝士汁倒是不錯.很creamy很香很濃, 份量亦多, 用黎淘飯 / 伊麵 / 菜 都很美味, 但龍蝦份量有打斧頭之嫌, 皆因吃下的時候, 龍蝦球很少, 頭的部份佔多數, 龍蝦身體比例不乎. 辣酒煮花螺很奇怪, 花螺本身白煮也很有螺味, 但為什麼味道很淡呢?? 而且沒什麼鮮味. 我倒是第一次吃到既沒味道又不爽口的花螺, 辣酒味道調得怪怪, 唔辣, 有中藥味, 難道辣酒是跌打酒煮出來嗎??? 最後還剩下多隻....只好放棄.豉椒炒聖子鑊氣不足, 調出來的只是豆豉水, 幸好聖子很新鮮, 味道清新得像白水煮一樣避風塘瀨尿蝦(3隻)收我地$170一隻, 肉質既不彈牙, 又淡而無味, 亦冇糕. 避風塘炒法亦不夠火喉, 連最基本的鑊氣都沒. 完全感受不到原是熱氣的菜式 很多洋蔥粒, 比蒜泥還要多, 跟喜記

同男朋友去南丫島玩兩日，夜晚諗住食下海鮮，行左好耐都唔知去邊間好,見到呢間0係大街,一落船必經,應該唔會有問題入到去坐近海邊，再睇下menu，見價錢同大排檔差不多，而海鮮多數市價，叫左雞容粟米羹：幾個餸呢個最好＄５ｘ西蘭花炒鮮魷：鮮魷白雪雪，好似象膠好假咁，冇鮮味＄６ｘ麻婆豆腐：炒得幾香，唔會太辣，唔錯＄５ｘ椒鹽焗中蝦：見餐牌＄１２８，侍應話１２８係急凍蝦，新鮮既就市價，我地要左一斤，大約有１２隻，唔知幾錢，由於太熱氣．我只係食左３隻，炸得唔夠脆，唔可以連殼食到埋單，我地仲估可能要３，４百張單埋到黎，多謝＄５５２原來碟蝦要＄２８８無下次！

星期六晚, 一行8人去南丫島食海鮮, 心中對該地海鮮都滿有信心!經過幾間店後(由街尾行到街頭), 決定左呢間最多人嘅黑店叫左以下餸:1. 糯米焗蟹 - $532 好明顯唔係我地簡果2隻囉, 大小SIZE都唔咁, 明顯縮水2. 蒜蓉蒸扇貝粉絲底 - $140-4隻, 叫左8隻, 唔明點個壳咁大, 啲肉咁細, 仲有高低不平嘅切口, 好似一分為二3.蝦醬通菜- $90 厄錢得好離譜囉4. 豉椒聖子... 成17x /例5. 白灼蝦... 230/一斤

健kin生日中午同佢食完文華嘅朱古力teabuffet~好好味!懐住愉快滿足嘅心情,諗住去南Ｙ島再食餐美味嘅海鮮餐喇！點知就.....嘢啦！本來想去嗰間酒家係喺索罟灣,不過去錯咗榕樹喎！第一次嚟南丫島見呢度都多嘢食,又好似幾旺場,算吧！就簡呢間啦！待應招呼一般~個個都coolcool哋串串哋！勝在夠快手快腳！見呢度Ｄ游水中蝦都鮮鮮哋,就叫咗,$19蚊兩(超掠水,不過算啦！)叫咗一斤呢度巳經要$304蚊,因為我鍾意有粉絲底,所以就算要加多$30蚊都照加....食嘢最緊要開心唔好太計較嘛！再叫咗豉椒炒蜆、福建炒飯同等咗45分鐘先有得食,點知一見到蒜蓉蒸開邊中蝦已經覺得離晒譜,加$30蚊先得少許粉絲,我唔會要求你俾成碟粉絲我,但都唔好少到夾兩吓就無晒~一匙羹粉絲要$30蚊太過份吧？忍唔住投訴後....個待應好串話：加咗好多啦！收你$20蚊囉！豉椒炒蜆....見到賣相已經唔惦~一pet啡漿包住蜆殼蜆肉,有沙粒無豉椒味,無蜆味！成碟得七粒蜆肉！福建炒飯....茶餐廳快餐一般~材料少,炒飯底差！$88蚊絕對揾笨！椒絲腐乳....Ｄ通菜炒到過火梅晒~都係無味兼好油膩！呢D質素連向來要求唔高嘅健ki

兩個人叫左三碟送1. 牛油蒜蓉龍蝦2. 豉椒聖子3. 腐乳通菜點菜開始已經嬲，問個貌似老細既人有咩好介紹，佢話「我實話樣樣都好架啦！」跟住樣樣講下幾錢，我無眼睇咩！跟住等左好耐好耐先上菜，黎左兩碟海鮮先唔好食囉，無鮮味，炒出黎又唔夠熱最嬲係碟菜，叫左兩三個鐘都無黎！催左不下五次最後發現，佢係等有幾檯人叫同一款送，佢先去炒最最最嬲既係，兩個人食左一千蚊！！憑咩收咁貴呀？

酷熱的天氣，和朋友到南丫島行山，完成了行山的旅程，便走到這酒家吃飯，本來預訂了六點，但我們五時多到達。我們的位置正正在海邊，而在留座的桌子上，竟意外發現有一個牌子寫明了是貴姓的留的，感覺很專業哩！看著餐牌，便order了蟹肉粟米羹、瑤柱蛋白炒飯和豉椒炒蜆。其實價錢覺得蠻合理的，也許我們沒有叫太多海鮮吧！蟹肉粟米羹，有大塊大塊的蟹肉，好味！味道恰宜～瑤柱蛋白炒飯清清的，沒有太濃烈的味道，也蠻好吃的。豉椒炒蜆汁醬較多，亦稍鹹了一點，不過一試無妨，跟瑤柱蛋白炒飯剛好恰到好處～吃完了再喝杯茶，人生一樂也～侍應的服務態度有讚亦有彈，讚的是當我們蟹肉粟米羹上桌的時候，主動舀到碗上給我們，這點值得讚！彈的是，店員有的閒著，有的忙著，忙著的店員除了招呼其他人客人外，連我們揚手叫賣單也忘記了，如是者等待了很久，整個賣單過程約用了十五分鐘。這點有待改善哩～我如無意外，有機會的還會再到訪試試其他菜式哩！

一落船第一時間去食午餐, 而且honey上船前沒食野,差d又暈. 所以就腳就簡了近碼頭呢間露天酒家.叫了咸旦肉片湯(果然是名副其實,好咸,瘦肉好大片,但是用蘇打粉"拿"過);魚香茄子煲(茄子好新鮮,不錯,伴飯佳品)辣酒煮花螺(有成十幾隻螺,隻隻都好大隻,肉厚,另加了好像是木薯粉在內,都幾飽肚,但只是微辣,沒有酒香);一枝青島。承為$329.都幾貴.我們好彩找到了海邊位置,好舒服,那天天氣很好,有陽光,微風,就食個景都正喇.

我地三個人食左三個1)西蘭花炒鮮魷--好似象膠咁,完成無鮮味,份量少,但要$68,又貴又唔好食。2)薑蔥蟹--一上已經即刻食,但一d都唔熱，完全冇鑊氣，蟹唔係好新鮮，兩隻蟹要成四百幾蚊，我覺得好似俾人厄咁，好食就話姐,但係一d都唔好味呀!!3)蒜蓉扇貝--$80六隻，很多油,通常d粉絲都會好好味,但係佢o個d就只係得蒜蓉味，同食冰鮮ge差唔多。我十分強烈地建議，千其唔好去，分明是做遊客生意，開頭見到佢好似好多食咁，於是就試下。以後都冇幫襯!!!最唔抵又唔值ge就係碟蟹喇!!!

假期想和男朋友休閒的去離島一日遊行下.今次揀左呢度.我地真係冇黎錯呀,風景好靚好舒服,就算多遊客,但個感覺都係好優遊自在.心想,唔怪得咁多外國人0係度住啦!男朋友話想食海鮮,咁就揀左間望到靚靚日落的餐廳.ORDER 左蝦/炒蜆/炒菜:蝦------好似呃砰喎! 不過肉質都很爽,很新鮮.炒蜆-----普普通通.炒菜------很香口,炒得很好食.都幾貴,做遊客生意.不過同心愛的人一路望住日落一路食海鮮真係好有Feel.好多謝你啊!

今晚食0左上湯龍蝦(約斤半)加麵, 炒聖子, 腐乳炒通菜. 味道普通. d龍蝦d肉唔夠爽同埋無mug龍蝦味, 一共$796. 服務一般, 洗手間情況又唔好...我寧願去布袋澳食啦.

1)豉椒炒蜆~ Very small.2)Steam crab (Recommended by waiter) ~ Not fresh enough but costs $270.3)Waiter is not helpful. Not friendly.Overall: Not recommend to you.