南翔饅頭店 (已結業)

話說晏晝想食小籠包, 本身諗住去酒樓, 但一諗到要等位就不如攞左我條命佢。上OPENRICE搵, 見到有尼間野, 就行過去睇, 出奇地唔洗等位, 心諗唔通中左伏? 但都照入去睇下佢到底係咩料子。入到去坐底就有一碟酸菜同花生, 我面都青埋, 因為我真係好憎食酸菜。雖然佢地外表好似好得意咁, 但我係唔會中計, 而且去之前都有睇過下食評, 好似話雖然佢放係度好似係俾你食咁, 但係要收錢既, 我就馬上叫人收番佢XD咁小食方面朋友就叫左個唔知咩野, 我見佢個樣成個酸菜咁所以無食過, 俾張相大家睇下算。叫左個炒幼面, 但大家唔好俾佢既色澤而呃左, 係無味嫁。本身一樣無咩配料既炒面, 係好講求調味同埋炒既功夫, 但佢兩樣都個得唔好, 真係中伏。跟住就到必講既小籠包, 正所謂有圖有真相, 小籠包最重要係咩? 無錯, 就係入面爆汁, 咬落去會漏湯, 但佢三個漏一個乾咁算點? 我同個朋友邊個食個乾既? 不過從個乾既睇, 佢地D皮都算薄, 尼一點都可以贊下既。最後講埋個湯, 無味不解釋, 都係飲水啦。

某日，行下行下，發現了荃灣也有分店。之前我已去過銅鑼灣分店食過好幾次，也曾介紹過其午市套餐。今次，光顧這兒的晚市套餐，價錢中等，食物尚可。但勝在店子大，平日不是太多人，不用等位。而且又鄰近港鐵店，非常方便。二人套餐約二百元，有六道菜。包括﹕湯又夠酸又不是太辣，味道剛剛好。完全合我口味，我個人不喜歡太辣，有些餐廳的酸辣湯勁辣，完全嘗不到其他味道。前菜不過不失，合格的雞絲粉皮和肴肉，沒有驚喜也沒有失望，算交了功課。點心夠熱，有少少湯，味道尚可。蔬菜賣相求其了一點，汁的味道又不夠濃，稍為遜色。肉類我不食牛肉，朋友話都算軟身，汁也算濃，但有少少咸。甜品有少少桂花味，再香一點就更好了。

昨午相約了一位多年無見的朋友午聚，隨意在綠楊坊選了南翔饅頭店用膳。此店貴為米芝蓮推介餐廳，多少也令人有點期望，但結果令人覺得言過其實。鎮江水晶肴肉肴肉絲絲插出，賣相一般。雞絲粉皮麻香食味普通。黑魚子煙燻蛋煙燻香氣足，蛋亦流心，但蛋香稍弱。南翔小籠包湯汁欠奉，以招牌掛名很令人失望。素蒸餃及清湯菜肉雲吞無乜特別，食味合預期。什菌魚湯浸時蔬菜底腍身，又有什菌吃，OK。薑汁芥蘭入口帶點薑辣，芥蘭綠嫩爽口。嫩雞燴麵湯底稠身，麵質亦帶黏糊壯，個人覺得普通，但同枱好友則愛此麵食。咸肉菜粒炒飯飯粒明顯較乾硬，麻麻地！

聽過南翔小籠包多時, 終於可以一試!!!  結果...這只不過又是一間名多於實的米芝蓮推介....我就要在這裡不推介!!!!!小籠包是我其中的喜愛, 但今晚我吃了一些淡而無味的小籠包!!!  小籠包獨特的味道竟然無, 我也不知如何事好!!!  我不禁地問朋友, "這是什麼?"  皮雖然薄, 但汁不多又無肉味!!!   非常差勁的小籠包!!!!  我們也order咗個蟹皇小籠包. 不用多說, 味道也是差!  少少的蟹皇放在皮上面, 內裏一點也沒有!  蟹皇一點也不香!!!  差!  一心來食美味小籠包, 反而變了無味小籠包!!!!   生煎包和碢貼內的餡也是乾乾的!!!  一點也不美味!!!上海粗炒, 炒年糕也都只是普通貨色, 味道一般!  上海粗炒太濕, 不夠乾身!  點了一個小菜:香辣雞, 這個味道可以, 個汁有少許辣, 雞肉夠嫩, 但可惜只是一碟細細碟的小菜!!!! 真係細得離譜!!!! 總括來說, 品質不佳, 而價錢貴!  物非所值!!!!!  不推介, 也不會有下次!!!!  

初初開張時已經試過，所以想重溫當年的美好。但經過左幾年既時光，食物質素下降了，。叫了最喜愛既上海粗炒賣相不比當年差，而且幾吸引，但食落去卻相差太遠，一放入口已經覺得鹹，成個除左鹹冇另一個詞可形容。經此一試大大破壞了在我心中美好的片段。

初頭諗住「南翔」呢間上海老字號，應該唔會令人失望。可惜，荃灣店呢間可能係最難食嘅南翔店。我可以話：如果唔係在上海食過南翔饅頭店，我可能以後都唔會在地球上食南翔！有其他會員話呢間店服務差，我都一早唔抱咁大期望。叫侍應沖茶都好辛苦；枱面竟然無鎮江醋，問佢地攞又搞一輪先拎到…總之就符合大家所講的：服務麻麻。食物方面，我地食咗鮮肉小籠、蘿蔔絲酥餅、蔥油餅同鱔糊炒粗麵。小籠包：唔好同上海比，根本兩回事。同香港其他上海食店，我可以講太古城的君頤、將軍澳中心的霞飛，甚至於連鎖店翡翠拉麵都好食過佢。不值一試。蘿蔔絲酥餅：同平常食的完全唔同，個皮又硬又無味，裡面又無乜蘿蔔絲，仲要唔熱！蔥油餅：好似食唔熱的包，又唔香又無味！一碟三件，我地一家三口先勉強食咗一個，你話難唔難食？鱔糊炒粗麵：本來味道不錯，但個侍應一放低我地就食，都可以覺得唔夠熱。鱔糊又唔多，唔抵食！BTW 坐我地隔離枱都有人投訴條魚有魚腥味，證明唔只我果枱有問題。總括而言，掛住「南翔」的旗號去做啲咁嘅質素的食物，只會影響佢名聲。如果上海人嚟食肯定笑死佢地！希望佢地改善下啦！

之前食過一次, 味道真的很普通! 但今日去飲茶又好多人, 所以又去到這食店食lunch, 因為貪佢無嘜人! 唔知個經理係唔係想趕客呢? 明明7位就俾6個位我地, 坐得好唔舒服, 多次要求都無反應...離譜!!!!!! 人多就話無所謂喇, 大家幫幫忙, 但個刻真係好多位...我想他們真係要好好檢討下佢地的服務態度!!!!!!!

行完川龍遊走幾個地方後就出番來荃灣來個下午茶，最後決定食小籠包，於是入左去南翔饅頭店，老闆(我估)招呼一流，見有檯就走就俾個卡位我地，坐低後就叫了幾樣野...01. 我唔多LIKE食甜點，但食落又唔係話好甜，可以一戰。02. 蟹肉小籠包，食左唔駛多講野，食力就係咁。03. 哩個粗炒又估佢唔到，睇落以為好油好重味啦，點知又唔油，味道剛好，可以再戰。04. 雖然哩味素包我冇食，但睇到係皮薄料足，都係用心做果隻。05. 哩度係最早到的一味，可惜有點失望，可能我唔識食，但又冇酒味咁，雞就夠滑。

記得初開業時，因為挾著直上海豫園城隍廟直營店過江龍之名，都想試一試，不過每次嚟都人山人海（星期日午市時段），漸漸打消咗個幫襯嘅念頭，興致亦隨時間減退。今回唔喺刻意嚟搵食，只喺撞啱老婆教會有嘢搞，完咗之後同另一對夫婦食餐飯，綠楊坊港鐵上蓋，勝在方便，過嚟南翔望望，無人排隊仲即刻有位，所以二話不說就入去。綠楊坊內嘅食肆，以南翔裝修最雅致，仿明清古建築，燈光柔和，卡位寬敞，通道闊落，感覺唔侷促又幾好坐。而價位屬於中檔次，三幾個老友聚一聚，傾吓長偈，喺個幾唔錯嘅選擇。不過，同樣都喺星期日，跟以前人多時嘅情境好不一樣，難道味道走下坡？ 鮮肉小籠 $40 / 6隻（$30 / 4隻）小籠包分4隻 / 6隻分量，當然買得多平得多。肉味挺新鮮，質感刴得幼細，湯汁則稍為少，而外皮夠薄，只喺收口位摺起嚟略厚。雞絲粉皮 $48粉皮柔滑，芝麻醬下得夠狠，有人覺得重手，但以個人口味，小弟食腸粉要麻醬多過甜醬，所以依雞絲粉皮變得好啱我胃口，添上青瓜絲，多份清新口感。炸饅頭 $26既為饅頭店，大抵心理作祟，總要叫一客試試囉。炸饅頭，一客6個，炸得甘香唔油，色澤閃爧，趁熱咬，絕對喺外脆內軟，再點啲煉奶，變得似個甜品！

<<南翔>>是媽媽認為荃灣區中, 味道算不錯的上海菜館之一上月中, 我和男友約媽媽到那邊晚飯, 試試有多好味<<南翔>>室內裝潢, 氣氛都有點<<和民>>影子燈光昏暗, 中庭有一排高背卡座而靠牆則時一張有長梳化, 可坐到四至五檯四位客當日我們點了二人套餐 ($219) : 三鮮豆腐羹除了大量豆腐, 和小許蝦仁外吃不到(亦見不到)有其他料這個羹除了滑之外, 也真的夠普通鎮江小排骨上檯時, 發現排骨面鋪了一層結成膏狀的油心想涼一點就算了吧, 所以我夾了一件嚐嚐吃過後覺得不止涼, 簡直是冷冰冰的向侍應要求跟進, 但侍應只係伸伸手摸摸碟底, 再質疑我說"暖喎?!"我再重申排骨是凍的, 她繼續堅持碟是暖的, 就抽身離開去service另一檯客我食的是碟上面的排骨, 而非隻碟, 碟暖有何用?!如斯小事, 也得找上經理, 才能拿我碟排骨去"翻熱"翻熱過後, 排骨無錯是熱, 而且還因過度受熱而變韌蔥爆牛肉賣相很住家Feel牛肉尚算嫩滑, 不過我和媽媽大愛大蔥淨低的牛肉全留給男友享用薑米海鮮炒飯驟眼看以為橙色

已經好一段時間沒有在綠楊坊搵食，如今再次踏足，就揀選了南翔饅頭店，因為這商場，除了板前外，這裡是最多人排隊的了。我們人不多，胃口不大，只點了少許東西吃。冷盤有醉雞，明顯是雪了九年的出品，雪到凍冰冰，咬落死實實。小龍包的皮不算太厚，裡頭是有點湯汁，但肉味不鮮；炒鱔糊是最正常的了，起碼味道沒大問題，是我吃得最多的一味；火腿津白就最大鑊，芡是厚厚的，驟眼看還以為有層保鮮紙蓋著，挺倒胃口的。個人不懂欣賞這裡的菜色，真不明白為何會長年有咁多人排隊等吃。

先不論食物質素如何單單是環境就已經令人不能容忍餐廳內嘈雜非常~我同我女友對著坐，傾計就好似要鬧交咁樣食完一餐飯就好似鬧完一場交咁.........之後再講食物質素鮮肉小龍包不知所謂個皮厚到難以咬開豬扒菜飯的豬扒有一陣陣好難味同奇怪既味道東坡肉煮得太老，味道亦非常之難入口而且臨近九點半左右餐廳內竟然容許一架垃圾車由正門進入去倒垃圾......咁d食客仲點食野呀總而言之........無下次~~~~~

八月中的時候去了南翔饅頭店食了豐富的一餐，今次一行六人，點了多款美食：1~茶：選擇多多，揀了玫瑰花茶，每次到這食店必選的2~鎮光肴肉：二人餐的頭盆，份量夠六人食，味道很好，不會過咸。3~餐的豆腐羨：味道一般，像快餐店貨式，感覺上味精極多，而且上菜前已加了胡椒粉，好spicy...最終我們只是食了豆腐，放棄了那個生粉水。4~回鍋肉~極油膩，上海菜特色，啱晒朋友的口味！5~賽磅蟹~蛋白加豆炒得過火，没有了柔口的口感。6~芝麻腰果酥，賣相好好，放耐咗先食都好鬆脆。7~雞火炒飯，套餐跟的，好多蝦。8~散點的膳糊炒麵，我至愛，一如以往的好！

質素參差'招排菜饅頭令人失望,炸饅頭外軟內軟!鷄絲粉皮不夠凍,醬汁濃而無味!京葱爆牛肉生粉太多無晒肉味!砂碢金華火腿飯一D香味也沒有,飯唔夠乾身/整体失望…女侍應服務態度差。無下次！！！

我很久沒有去綠楊坊,原來綠楊坊最上層有許多食店,其中呢間總店位於上海城隍廟的南翔饅頭店.位置在商場最尾段.人流較少.,正當食飯時間入座率有5成.環境面積都算大,坐得相當舒適.服務亦不俗只是店員人手有點不足.豆漿12元有少少過甜,但豆香味重,豆漿較杰,真材實料.好飲.菜肉包38元.賣相美觀3個飽大小一樣,熱辣辣.成份豬肉,菜同冬菇,入口相當乾身.肉味是有但不算強,反而冬菇的香味最重.小籠飽30元,4粒.當然沒有鼎泰豐似波的賣相.皮薄.相當易穿.一夾湯汁已流出來.肉味亦不鮮甜.而且相當薄弱.但味道我也收貨.薑汁湯丸23元:真係好矜貴,4粒細細粒,料芝麻,不算太甜.薑汁味道不辣.十分溫和,埋單不加茶錢.仲有一碟上海粗炒172元,不算便宜,想便宜,應該下午2點吃下午茶.