南翔饅頭店 (已結業)

去了上海兩次, 每次必到的, 就是"南翔饅頭店". 今日無意中行過荃灣發現了同名同姓. 當然馬上拉小吉去試試.因為已是8時多, 所以不用等得久, 便有位 一坐下, 二話不說, 點小籠包. 跟住還有久違了的鎮江餚肉. 餚肉是冷盤, 不用五分鐘, 已到了. 味到不過不失, 是中上之選.大槪十分鐘左右, 小籠包來了. 樣子和上海食的是一致的. 一貫的上海品種, 皮肉均秤. 急不及待, 咬一口. 唔...肉汁很鮮甜, 肉又彈牙. 比上海總店還要出色. 可以香港的肉好一點吧...還要了兩個上海總店無的小菜. 黃金四季豆和排骨炒粗麵. 始終不是原袓所有, 味道不提也罷. 還是吃那些上海總店有的才是上算.最後要一提的. 店舖的龍井茶質量不錯. 可惜, 大貴, 每位要八大元.

尋晚係荃灣想食小籠飽，於日黎左呢到。兩個人唔使等位，因為有張真係只可以坐兩個人既檯。叫左以下食物：1. 手拍青瓜：最先到，個賣相差到好似食剩亂放係隻碟咁樣，份量亦唔多，可幸是青瓜還算爽脆，但味道欠奉。2. 小籠飽：諗住上海店主打小籠飽唔會差得去邊，點知錯晒。飽黎到中間唔係凸起，反而個樣似生煎飽。飽咬開無乜汁，舊肉仲唔新鮮兼無質感，味道亦差。3. 煎窩貼：個底煎得唔夠香，一D都唔脆，舊肉同小籠飽一樣咁難食。4. 酸辣湯：開粉太多，太傑，只得酸味，一D辣味都無，晒氣。其本上講真係無樣得，唔止唔得，實情係差。唔明點解仲不時有人入黎幫襯，埋單兩舊幾，絕對無下次。

多年前到上海遊玩時,第一站就是豫園,園裡人氣長龍店南翔饅頭店冷雨下依然長龍,結果兩名港仔跑了到附近咖啡店取暖及謀殺時間;多年後她落腳香港,結果在一個平日下午到來一親芳澤。下午四時多的南翔饅頭店幾乎空無一人,驟眼以為落場休息中,幸好店裡女侍應出言招呼,還安排我自成一角的就座,其實桌子放得蠻擠迫的一列長沙發沒其他客人,多輕鬆的用餐環境!最妙是燈光設計得每張桌子都有射燈直接照明,這種燈光拍照是不錯的嘛。平日不用排隊之餘還有蠻相宜的下午茶餐,最重要是包括其馳名饅頭(小籠包)嘛,點!!餐牌中有多款上等茶葉可供挑選,還想開口點心水茶葉時,女侍應已送來一壺熱茶,哦.....原來沒得選的嗎?? 看清楚原來晚上六時後才可以選擇餐牌裡的茶,當然就要收一點茶錢嚕!現在不用茶錢的熱普洱一大壺任飲,普洱茶色濃郁但茶味普通也不太滑溜,不過免茶錢就收貨了。三粒小籠包竟然比炒麵更快送到!只佔不大的蒸籠一半位置的三個小籠包新鮮蒸起,以筷子夾起摺得細緻的包頂也有蕩鞦韆的效果,只是當一咬其包子頂,肉團自動在包底跌出,那麼自動化?! 包子很有麵粉香,做得夠薄只是底部太易穿,豬肉餡全瘦的沒肥肉,伴豬肉時水份充足令豬肉團很鬆軟,

前幾日有個大學同學想敘舊，於是在南翔饅頭店book了位，請我吃飯。我去過上海出差兩次，也去過城隍廟，早就知道南翔饅頭店在上海好出名，不過就只是在它前面影過相，沒上去吃過，多少都有點遺憾。今次同學請去果度吃，都可算是彌補了那次遺憾啦！小籠包：扁扁的，由垂墜感，應該是湯汁較多造成的。啖之，皮薄，但唔會麶底，豐滿的雞汁通通流進口入面，夠香。肉都幾好味，但是感覺顏色怪怪，不知怎麼加工的呢？素菜包：這個包皮挺厚的，餡比較少，但都ok，幾香菜味，夠頂肚嘛。蘿蔔絲酥餅：熱辣辣，都幾多蘿蔔絲，酥皮夠松化，跌到台面都系。雞絲粉皮：感覺多油左d，同埋口味較為清淡，多翻點醬油會好d。豆漿：豆味濃郁，很暖和。高力豆沙：我的至愛，應該是高筋麵粉做的，很煙韌，表面炸得很均勻，顏色也很漂亮，撒上幼糖，裏面的豆沙也很新鮮很香，簡直就是一精品！

我今晚約6點半已在這店門外，有許多人已在排隊等位....我知道我需要等一段很長的時間...差不多約7時20分，我才進去，雙腳終於可以休息，就讓胃開工吧^^我三人叫了三人套餐，另外再叫一籠素菜包 (4個) $28落單5分鐘後...暖豆漿 - 真是暖，甜度剛好，有很濃郁的豆香味雞絲粉皮 - 雞絲混合一些青瓜絲雞絲不太乾，青瓜絲較腍。粉皮，切得小小的，難以夾起而且不太滑身。麻醬，很香麻味，正2分鐘後...彩椒炒牛柳絲 - 彩椒，當然是指三色椒吧，但在那道菜，我竟發現只有數條黃椒絲，真是氣憤。我最愛吃黃椒絲的彩椒，鮮甜，爽口。牛柳絲挺嫩滑，不乾身。那裡還有一些豆腐乾絲，淡淡的豆香3分鐘後...三鮮豆腐羹 - 每人一小碗，湯裡有豆腐粒(滑身)、雞絲(眼看乾身，但它內裡有汁的)、蛋絲(陣陣的蛋香，而且真是一絲絲的)、蝦仁(小顆，但爽口)、少許金華火腿片(乾了點)、毛豆(硬度適中)和冬茹粒(很香)。總括來說，材料多，味道好。蝦仁雞火炒飯 - 飯粒粒分明炒得挺乾身。蝦仁爽口。雞粒份量太小所以被人吃光。飯中還有零零碎碎的金華火腿碎，顏色豐富點，但味道較淡3分鐘後...蘿蔔乾酥餅 - 芝麻沾滿在酥餅上口感

上海年糕.買相一般..年糕係夠軟身易咬..不過亦覺得有粉味雞中間係酸辣麵.麵質唔係淋(papa)個d..都ok啦..麵e 樣嘢.其實係比較難有驚喜..酸辣湯個味道酸同辣..平衡得幾好..材料都幾充足....唯一有點意見係上桌時唔夠熱..前面係上海肴肉..口感係鬆軟....唔會一夾就散..同埋最好係夠凍..肉味夠鮮.咸味剛好像上海粗抄...都係一舨既濃醬油味..略多佐油..只係味道就無咩驚喜..

在團購見到呢間店做團購餐, 由於餐牌里面的每碟餸都係我的飛佛, 而且小籠包仲有6隻, 所以亳不猶豫就買左張二人餐了.預早幾日打去卜, 點知接線生話7點打後已經FULL BOOKING, 但就有6點半, 唯有食6點半啦.坐落枱, 茶就點了西湖龍井, OK喎, 幾好飲, 但D水温略嫌太熱喇, 接近啱啱煲起既滾水.我都未試過去飲茶, 要打開壺蓋去散墊降温. 侍應見到我地打開蓋以為要加水添, .經我地解釋後, 侍應好細心地比左隻匙羮我地掠住個壺蓋, 以免再有另一位侍應誤會.跟住點了團購餐單里面的餸, 然後陸陸續續上枱了.雞絲粉皮 -- 唔太夠麻醬, 好似好淡口咁小籠包 -- OK幾好食, 但包內的肉色比較怪怪, 鮮粉紅咁既色, 但就肯定熟透的. 皮薄而且多湯汁.上海粗炒 -- 都唔錯, 調味適中高力豆沙 -- 即製的, 上枱發仲散發住油的熱力. 味道都OK.總括黎講, 呢間店既食物質素都幾好, 侍應服務態度又好.席間, 唔知係咪因為係頭輪太早既關係, 未開哂冷氣. 越食越熱, 之後同侍應反映左, 立即去開番冷氣, 跟住就感受到陣陣涼風了, 哈哈.

呢篇係我第一篇食評，估唔到一嚟就要開火之前買咗團購優專券，試過打去book位，點知侍應話只可以提前3日book位，唔可以太早book，話為咗保障客人book 到位喎, 佢建議我朝早11點左右好打嚟，因為好多時一朝早已經俾人book晒... ok, 咁都無所謂，下次確定邊日再book 啦咁上星期打算今個星期五去試吓，我又好乖呀，聽個侍應話今日（星期二），11點打去book位，點知打咗幾次都無人聽，諗住佢寫住11點半營業，可能忙緊準備無人得閒聽，咪11點半先再打去囉，但依然係打極都無人聽電話，再唔係通咗都無人聽....約11點40分終於有人聽，點知已經full晒!!有無咁誇呀?想打去再問個侍應究竟幾點開始book位，又係出現以上情況，接近一點終於有人聽，我問佢究竟幾點開始有人聽電話，佢一味話個電話成朝無停過，ok，完全無答過我問題，之後最火係佢話上星期上頭交帶落話唔駛限定3日前book位！規矩話改就改，話保障客人，通通癈話，一係一開始就唔好限定要3日前啦！雖然都唔係太關個侍應事，但個侍應好悔氣一味話佢只係打份工，要聽上頭指令，叫我自己打去總店反映，呢d態度咪唔專業囉！我仲未book位，未知

上海菜我也蠻喜歡吃的,其中有小籠包和上海粗炒月初在團購網看到南翔饅頭店有團購餐賣,一來好想試南翔很久了,二來套餐內容正正全是我喜愛吃的!!極速買了一份二人餐.然後在用餐日的三日前訂位,幸好午市還未滿,(那天晚市已滿座).是了,接線的男人非常有禮,蹤使訂團購位,他也有禮貌地和我對答,未食已經給我一個良好的印象了餐廳是十一點開門,過了十分鐘還未開啊,店外已有十數人在等侯了(很多早晨派呢).一開門後,服務生逐一帶位,我們幾對客人也自行說上有沒有訂位,之不過服務生們是有理無理照帶進埸,是見位就坐=_=...唔..那訂位的手續如同多餘?坐下後隔離枱由服務生A派上團購餐牌及奉上茶壺,我們則沒有,等了五分鐘無動靜,就叫服務生B攪攪,一陣她才施施然奉上兩者.問清楚使用方法就落單,鮮肉小籠包、雞絲粉皮、上海炒粗麵、桂花拉糕加兩杯中國茶就是今日的我們的午餐囉中國茶是一人一杯,茶杯裝了茶隔隔住茶葉,沖入熱水後再將蓋子蓋上,保熱亦保茶味.我飲南翔茗茶,清香的香片帶點點荔枝味,幾特別呢.友人飲玫瑰果茶,幽幽的玫瑰香,給人舒適的感覺.期間服務生A定時將杯中加滿熱水,她的服務,後段再談.等食期間,服務生B前來說麵條

怕多人麻煩~ 所以選左6點呢個鐘數去食~去到1750~ 等到1805左右順利坐底~個時都好多人等位下~ 都有期待~叫左個四人餐 + 小籠包四人餐我既選擇如下蘿蔔絲酥餅 南翔糟雞 雜菌雞湯 紅燒獅子頭 寒磅蟹 蔥爆牛肉 清炒時蔬 上素炒粗麵 豆沙窩餅 豆漿 蘿蔔絲酥餅: OK, 係好似差D D熱, 再熱D會好食D南翔糟雞: 未食過真係唔知係乜, 用D酒整既冷盤, 幾好味雜菌雞湯: 我覺得似味精湯紅燒獅子頭: 幾好, 唔錯寒磅蟹: 差!!!成台四個人都覺得食緊無味既炒蛋白蔥爆牛肉:不過不失, 蔥真係好多下清炒時蔬: 幾好味, 清得黎又甜甜D, D 菜OK上素炒粗麵: 不過不失, 無特別豆沙窩餅: 個人覺得差, 可能我食過一D好佢好多豆漿: 普通小籠包: 普通, 個人有D失望, 不過都係OK既埋單$465.1餐415 + 小籠包28 + 加一 + 8點前埋單95折PS: 入面D人好似做得好燥下, 無乜禮貌, 有個阿姐直情係好串, 叫佢地寫野要等到出年, D男仔反而NICE D

個素菜包四個$26，其實唔係幾抵.. 味道ok，個包面摸落去有d油...大家黎E個鋪記得食桂花拉糕啦!!

小時住在上海，旁邊就是城隍廟，『南翔饅頭店』的總店就座落於此。外婆極疼我，見我喜歡吃小籠饅頭（上海人稱小籠包為小籠饅頭），便隔三差五的帶我去，每次都是在地面的鋪子購買，雖說那會排隊的人沒現在這麼多（那時最多老外逛城隍廟，其次是本地人，外地人最少，也許還未改革開放吧），可外婆七十來歲的高齡，還拖著我排隊是很不容易的，我們從沒上過一樓點餐（從前還沒擴張到二樓、三樓），不知是外婆覺得貴還是因為地面的廚房有扇玻璃窗，可以看見師傅現包現蒸現賣較可靠些，反正當時我小小年紀也不懂問婆婆。買了小籠饅頭後，外婆讓我坐在店前走廊旁的一條石凳上，替我吹吹燙熱的小籠饅頭，待涼了點便夾起來喂我吃，每回只有我一個人吃，我問婆婆為什麼不吃，婆婆說她不吃豬肉的，年少不懂事的我信以為真呢！聽媽媽說外婆為了省錢給我用，她不舍得買包裝好的‘大前門’牌香煙，而是幾根幾根的買，因為便宜很多！若干年後，我來了香港，再後來『南翔小籠』也來港發展了，可我的外婆卻早已不在了！從遙遠的從前回到現在，在『南翔饅頭』位于荃灣的店剛開張時我就迫不及待的去光顧，當時印象並不好，故此我沒再去過，今天路過突然想再吃吃看，於是一個人走了進去。不假思索

本來都唔打算幫襯, 因為諗起響上海城隍廟排隊排到癲先買到果d小籠包實在太厚皮, 好驚又係食返同一樣既野, 不過裝入鋪頭, 見到其他食客食緊果d小籠包都好正常, 先至放心入去試下。我同大少都唔係太肚餓, 所以只係叫左少少野食。馬蘭頭係一種前菜, 其實我真係唔知駛唔駛伴d咩一齊食先叫正宗, 因為我只係一大匙咁畢入口! 麻油味好香濃, 如果叫碗白飯黎撈, 應該都會好好食!鮮肉小籠包既皮比預期中薄, 因為響上海食果d真係厚到好似食緊一舊麵糰咁! 雖然汁唔算多, 不過d肉都好新鮮, 但係我始終都覺得翡翠拉麵果d小籠包比較皮薄多汁。蒸饅頭好軟熟, 點鍊奶食真係一流!鱔糊有好多鱔, 唔油膩, 最怕有d鋪頭剩係得銀芽同韮黃, 兼且炒到成碟油。

南翔饅頭店，是來自上海豫園的過江龍，驟眼看荃灣分店的地方不大，簡約的環境裝修中，仍透出一絲中國典雅風格，五人獲安排坐在卡座，間隔亦不焗促，感覺舒適。先來的是四喜烤夫 ($38) 及椒鹽腰果酥 ($28 / 4 只)，前者烤夫入口少許煙韌感，但毛豆和冬筍都下得不多，比較單調，後者是這裡的招牌作，酥餅外層做得相當鬆化，舖滿了黑芝麻粒，本以為是鹹點，入口卻發覺內裡的腰果餡甜甜的，感覺挺特別的。吃上海菜，小籠包是不可不點的，這裡的鮮肉小籠 ($35 / 6 只) 看上去比較扁身，包皮做得很薄，輕咬開後，鮮肉餡味鮮帶汁，挺吸引。另外也試了野菜小籠 ($30 / 6 只) ，以菜作餡，相對上比較健康，口味也沒有肉餡的重。接著是糟溜魚片 ($62)，桂花魚片以黑雲耳作伴，魚肉富酒香，但調味可以再甜一點，肉質也可再滑一點。砂窩津白 ($55) 例牌份量足五人用，這回沒有雲吞沒有雞，換上最基本的津白豬肉，味道比想像的清甜呢～薺菜松茸炒年糕 ($55) 則有點失望，年糕炒至軟腍腍，毫無煙韌口感，薺菜粒和肉條也放得太少，以上海菜館的水準來說，這一味是不合格的！南翔在菜式選擇上比較正路，味道卻沒大驚喜，看來得

上星期六, 去了荃灣的南翔饅頭店食小籠包. 計算起來, 都有一段日子沒有光顧了. 最主要的原因是由於唔想排隊, 因為很多時一等就要一個鐘或以上, 肚子都餓了. 但當天老婆很想食, 所以即使要等都沒有辦法啦, 但出奇地今次不等太久, 只需差不多半小時就有位.其實話說回頭, 這裏我們之前已經幫趁過很多次, 覺得都幾好食, 但是我發現這兒等位的人數好像有越來越少之勢, 還記得初期的時候, 每晚都有二十至三十人在門外等位, 場面非常之壯觀. 初時我認為有部份原因是這種食小籠包的店子現在已經越開越多, 它已經沒有之前咁獨家了, 加上論名氣, 南翔小籠包始終跟鼎泰豐有些距離, 所以才會沒有當初咁多人等位, 但上星期一段日子沒有來之後再次光顧, 竟然發覺質素跟以前有了極明顯的分別, 可能這才是人流少了的主因.當天點了三款食物, 分別是回窩肉, 小籠包及排骨擔擔麵.回窩肉這是老婆最愛的京滬小菜, 很多時都會叫, 尚幸當天的回窩肉算是keep到以往的水準, 味道幾濃, 椰菜同啲豬肉都好好味.小籠包身為鎮店的招牌點心, 之前食過很有水準, 但當天的小籠包可以用走樣來形容. 小籠包個皮一看上去就知唔掂, 又