南記粉麵 (已搬遷) 新店位置

真係街知巷聞男女老少都會去食，喺lee個環境吓仲有咁經濟既粉麵食，確實難得。平日下午茶時段去，每次叫碗招牌麵，份量足夠一個人食簡值係窮人既恩物。招牌麵內既牛丸魚旦都好爽好彈牙，春卷也是必食，絕對唔差！加埋辣椒油真係正到飛起😆😆😆😆😆

什錦招牌河是春卷，牛丸，魚丸，魚丸魚味濃，有彈力，牛丸爽口，但牛味不濃,魚肉春卷一貫軟淋,是南記的特色.湯底味道較淡,最後要狂下冬菜同吃,用來伴麵吃是不錯的.食得津津有味,喝口湯，感覺師傅不太重手，可以接受。春卷腩肉米線是招牌菜，中辣果然夠辣，腩肉都唔錯，魚肉春卷很香口，軟綿入味，口感不錯，米缐份量多，米線幾好，彈牙，配料充足，米線連配料一齊食，好正，好醒胃。先喝一口湯，即時被嗆到， 果然夠刺激呢!南記的小鍋米線的確出色

香港仔南記粉麵(銅鑼灣店)月尾，窮小子，下午茶恩物三寶河，招牌春卷，魚片，牛丸！下午茶21元就可以了，你也想不到銅鑼灣也有平民小食粉麵吧？招牌春卷今次沒有炸至太乾身，依舊美味！魚片頗爽口彈牙也頗大一塊！牛丸多汁有彈性！河粉每條分明，沒有煮沸爛掉。必食辣醬，加入河粉可以把淡而無味河粉加辣！

南記@#foodki銅鑼灣肥牛河(7/10)($26)南記都講??因為foodki真係好鍾意食南記既肥牛河,最緊要係平又好食。雖然係急凍肥牛,係係成碗都係牛肉真係食得好爽河粉煮得腍但不失口感,最正係個清湯,表面層油真係J死人。大家叫肥牛河,記得講明清湯底,佢地有時會叫左酸辣湯底架。

成日黎南記食麵，今次第一次寫。叫了一碗清湯大什錦轉米線，有春卷，魚蛋，牛丸，魚皮餃，墨魚丸。黎親都叫清湯，因為我成日溝埋佢既辣椒醬一齊食，咁個湯就會好香辣。春卷好好味，煙煙韌韌咁。魚蛋，牛丸呢d普通野，起碼唔似X寶果d 丸咁就ok啦。魚皮餃普普通通，墨魚丸好好咬，味道也濃。

大辣春卷魚皮餃小窩河粉魚皮餃彈牙有魚味魚肉春卷 - 招牌嘢都做唔好！！！炸到縮埋一舊搞咩呢？？？？？？酸菜好有咬口嘅!!!!原來大辣係唔辣嘅!!!味精已經輕手咗環境 - 裝修全部新嘅!!! very clean, very organised但有啲懷念佢以前喺糖街嘅日子而家有啲似大家樂冇街坊味服務 - 姐姐們見客食完即收, very efficient

一人在銅鑼灣，去食麵最啱，有諗過去魂，但戶外氣溫卅幾，若唔好彩多人等的話真係等到熱死，所以最後行咗去捃我另一至愛南記。依間南記有三層，可以排隊落單或者用自助售賣機都得，我今次就試咗自助售賣機，可以用八達通比錢，又可以揀加不同配料和餸菜。春卷小鍋米線小辣走酸多蔥（另加半份豬腩肉、芽菜、腐皮）， 望落都幾大碗。最愛炸腐皮魚肉春卷同辣豬腩肉個湯底無以前食開咁濃烈， 個湯底薄咗，但食完相對無咁口渴

曾幾何時在銅鑼灣工作，南記是我的飯堂今日重臨，沒想到已不能以20元搞掂一餐，而且沒有鹹菜供應！四寶小鍋米線：論米線真的不及譚仔，沒很彈牙，但餸料就不相伯仲。招牌麵：南記的招牌麵味道已不用多說，多年水準保持不變，但沒有了鹹菜的任添就失色不少。不過這等價錢，我還是會幫襯下去啊。

每次去銅鑼灣, 必定會去依度食, 貪佢選擇多同價錢相宜, 隔左一段時間冇黎, 原來已經裝修過, 枱櫈唔同晒位, 不過反而少左位坐. 今日上到去, 特別多人, 要企好耐先有位.最鍾意食招牌春卷加紫菜, 春卷好香, 但又唔會太重味精~又有牛丸同魚丸, 都係$30有找~至於朋友點個個都係$30左右, 不過牛腩就唔夠淋.

我同老公都好鐘意食南記，成日都會買春卷返屋企煮麵，仲有辣椒醬都係居家必備!春卷小窩米線+腩肉春卷小窩米線+牛小窩米線嘅酸菜真係好好味，所有配菜同湯嘅濃度都恰到好處! 落order嘅時候次序一定唔可以錯，一定係春卷小窩米線做膽再額外加餸，例如: 如果叫春卷牛小窩米線或者牛小窩米線加春卷，春卷只有兩條，到喉唔到肺…價錢只係差幾蚊但多兩條春卷喎!

標題係好甜？冇錯啊 係好甜食飯時間想食啲飽肚嘅 就試下間南記 我口味比較重 好辣好咸 所以就叫左個腩肉酸辣小窩米線 講真 其實賣相已經好一般 味道食上去係好甜！我估係因為佢加左好多甜酸菜 所以先搞到禁甜zzzz三十幾蚊 我覺得真係唔扺囉

是日過嚟南記醫肚，點了一個招牌米，有牛肉丸，魚旦，春卷加配一杯凍豆漿，碗裡每粒丸都有兩粒，春卷都是打孖的，春卷用腐皮包着魚肉炸香非常香口好味，魚蛋很彈牙，可惜魚味不夠，唯現在的冬菜不再是自己除意要多少而是要問廚房取而且一包量很小。但整體味道依舊。

猶記得上次到來是吃三寶河 今次是衝著招牌春卷回來南記的辣豬腩肉酸辣米線$34 加招牌春卷 $8湯底酸菜有開胃作用 湯底有麻辣的風味 芽菜作為陪襯撘酸菜一流 米線煮透易入口 酸辣豬腩米線惹味 切到薄身豬腩肉完全唔痴牙 豬腩肉片瘦肉佔多 鹵汁入味配酸辣及辣湯底叫口中的舌尖就像被燃點起食慾一樣 一直在喝那湯底 但不會覺得嗆喉豆漿很好解渴:>評分:8/10

如果無病無痛，酸辣小窩米線是我胃食鵝的首選，辣味的程度可分大，中，小辣，初時試小辣，現在進步可吃中辣，真的食到鼻涕都流出來，但真的辣得過夾yy有新鮮感，從未見過南記會有火鍋。如果2~3個人不吃米線時，可改火鍋又不錯。希望下次記得點(^ω^)有時胃口不好，我多會是吃得太肥膩時，選擇清湯麵，招牌河hkd 24,河粉改米線，可清淡一下，簡簡單單又一餐菜肉雲吞小鍋米線hkd32（中辣）真的辣到出鼻涕。米線有點梗身，雲吞一般，內的肉有點鬆散，超愛多多的酸菜，爽口又醒胃。另一個受歡迎的辣豬腩肉小鍋米線（小辣）hkd34.腩肉大大塊，有5塊到,真的覺得不夠吃~大什錦河（改米線）hkd39春卷，魚旦，牛丸，魚皮餃，墨魚丸，加配上少少蔥花，春卷，魚旦彈牙，墨丸內有墨魚肉在內，而且米線的數量多，今日13度，吃飽就暖笠笠

麵麵麵我鐘意食，酸辣豬腩米線惹味，百吃不厭，切到薄身豬腩肉完全唔肥，入口有張力，加埋勁多酸辣及辣湯，令到本身無味的米線一下子豐富起來。雜丸清湯米線準備比唔食得辣架人， 有魚丸墨丸魚腐牛丸，岩曬d貪心架人， 咪以為幾十蚊一碗d丸會質素差，食落原來好彈牙。餃子辣湯米線，個餃皮發左身淋左少少。