南記粉麵 (已搬遷) 新店位置

雙拼(春卷+墨丸)米線 $28加配生菜$6Total$32⋯初嘗南記粉麵，對於新界的朋友來說是非常陌生。嘗過後實屬不錯，起碼價值合宜，在銅鑼灣中的學生好選擇，而且快餐店的迅速形式，令上班一族也可一嘗。其實整體與譚仔相差不遠，只是較便宜點但同時質素沒譚仔好。以墨丸為例，或者真的吃慣了譚仔的墨丸，覺得南記不夠彈牙和味道沒了鮮味。但招牌春卷卻讓我驚豔。其實所謂「春卷」是腐皮包魚肉卷，是有特色，而且能魚肉鮮味，索湯後更特別。不過⋯⋯春卷並不脆，由一開始就已經「淋」，稍有失望。生菜和米線正常份量，加生菜後也只是$32，我覺得可以接受又能吃得均衡☺️。假日中午時間，也有不少外籍傭工來吃喝相聚。下次到銅鑼灣多一個選擇，希望也能嘗嘗這裡的辣湯底。@hktpy 《K》

下午茶時間食野真係特別平，一碗連豆漿都係$25，傻的嗎？又係我最愛的春卷！一如既往，我每次都係食瀨粉墨丸春卷，都係正既，墨丸爽口彈牙，春卷係出面食唔到既味道，真係食上隱！豆漿就係細杯既，份量剛好~

啱啱經過南記粉麵，見到舖頭係樓上。口痕痕就上了樓上試下！好耐無食過佢哋個d 春卷！有些懷念！於是，我就叫了招牌河，不過轉了米粉。春卷尚算不錯！裡面有魚肉，但皮不脆！牛丸幾彈牙，有口感，牛肉味！魚丸同樣彈牙，無乜魚味！湯底不夠魚味！所以自己要加辣汁同鼓油！不過廿幾蚊就算啦！

係銅鑼灣30蚊食一餐飽嘅，真係有D難，南記係食得飽之餘又好吃嘅，30蚊唔洗一大碗招牌河，太令人感動，落單之後稍微等左一陣已經食得，招牌魚蛋食極都唔厭，係第二到食唔到呢種味道，好彈牙完全唔會覺得淋，外面層皮好似食緊響鈴咁，河粉好彈好滑，雖然係清湯底但唔會覺得無味，就算無哂魚蛋，就咁撈湯都可以，食完成碗粉之後連湯都想飲埋

一個人食lunch,天氣嚴熱，又落雨，想食D濃味D既野，一諗就諗起南記米線，湯底濃味辣味適中酸菜又夠味，仲有佢既招牌既魚肉春卷，其實係魚肉炸腐皮卷，但只此佢一間有得食，真係未食完已經諗住過幾日再食過， 見隔離食緊牛腩，我下次又試下先！銅鑼灣店仲要坐得舒舒服服好過旺角好多，旺角店我成日都覺得佢冷氣唔夠，每次係旺角食全身都流哂汗！

平時中午落灣仔南記都大排長龍，今日係銅鑼灣濕平完都成八點幾，餓餓地黎到南記柯打左碗酸辣小鍋腩肉春卷米線，碗米線酸辣程度恰到好處，酸酸地唔太辣，腩肉薄薄地，加埋招牌春卷，呢碗野係今晚濕平完既最好ending，好味同唔洗等位，讚！

今次來食發現新麻辣口味...珍寶小窩米線，鐘意食麻辣嘅我當然要試試。小辣食落都算幾辣，不過麻辣辣少少都可以接受，而起南記第一次食珍寶小窩，每款餸有三粒，有魚蛋、墨魚丸、牛丸、魚皮鮫、春卷，又幾多餸，都祇食，好味，我較喜歡墨魚丸同春卷，墨魚丸夠彈牙明顯有墨魚粒粒，春卷一直都係南記中至愛，脆脆地又幾香口、浸落湯唔會好熱氣，米線唔會太'林'適中。

睇完戲，大家都想食少許嘢再返歸！粉麵都係一個好選擇！大家一致認為想食呢間！去到呢度人山人海，好在有3層，先帶小朋友行到上頂先至搵到位，一張圓枱坐晒7個人！一、二樓係四方枱！三樓係圓枱！地方裝修簡潔！不過人太多，抽氣唔太夠，比較焗！坐低之後再落一樓落單兼取食物， 雖然幾層之間有𨋢！但𨋢又唔上3樓！取咗食物之後我搭𨋢上2樓再行多一層！上上落落！落單後食物極速出菜，廚房極有效率！取好食物可以在每層樓梯位一個櫃度落調味料，但⋯⋯自家製辣椒醬同冬菜已經見底！無店員有時間補充！ 招牌河粉（$26）：叫比肥髀食！河粉太淋，一夾就斷，湯底唔太鹹，魚蛋唔彈牙，無魚味，牛丸少許彈牙，但牛肉味唔濃！春卷外層腐皮索晒湯，中央魚肉彈牙！好味！ 大腸小窩米線（$34）：自己最喜歡呢度嘅大腸，鹵得入味，大腸彈牙！湯底少辣香濃，配菜韭菜香，腐皮滑，今日可能無芽菜，轉咗黃芽白，雖然索湯但自己唔鍾意食黃芽白！今日米線太淋，唔彈牙！ 凍柚子氣泡茶（$15）：柚子味道唔太濃，無冰唔會太凍，氣泡唔多，不過茶味清爽！解膩比豆漿好！客人太多，所以收銀同廚房都極快手！車輪手唔停！簡單快食！

知唔知咩叫”香港仔味既魚蛋粉?”，係港島區我地可以成日見到呢句口號，因為係出自「南記」既，我呢D新界人好少過海，如果要我諗食咩，我通常都會話食南記啦!好耐無食啦，今次黎懷緬下個「牛腩春卷小鍋米線」，個湯酸酸辣辣，十分開胃，而且唔會有層油浮面，所以次次我都飲一半湯，呢個湯同上海既酸辣湯唔同，呢個比較稀，但酸辣味都重!D米線軟林林，煮得岩岩好，唔會太硬身，仲有D彈牙!牛腩比起我以前食就差左D啦，今日D牛腩有D”UN”，放入口好耐都哎唔開，感覺上D牛腩唔係咁靚，同時牛腩無乜味，吸收唔到個湯既酸辣味。至於春卷，我一向都覺得南記既春卷好好味，平時聽春卷就會諗起酒樓既春卷，脆脆既，入面係素菜，但係呢度既春卷入面唔脆架，入面應該係類似魚肉既東西，食落有D魚肉既少少腥味同彈牙! 林林既春卷浸係湯入面，吸收左個湯既酸辣同精華，兩條春卷真係唔夠喉呀!

響銅鑼灣睇完專科醫生，窮到燶左，但都要食飯架，惟有搵間平平地既，彌補一下荷包既嚴重創傷。一向都知南記評分高，又就腳，就去試下。南記門口好窄，但入到去原來有兩層，大把位，唔駛等，正！四寶紫菜河 ($37)，有招牌春卷、牛丸、魚蛋、墨丸，清湯湯底夠味，唔會水鬼尿，已經成功左一半；三種丸都夠彈牙，魚蛋絕無腥味，唔錯；最後試下招牌春卷，面頭係炸過既，入面係魚肉，好惹味，加埋紫菜，好好味！酸辣小窩 ($34)，揀左魚腐同招牌春卷。湯底酸多過辣，啱我食；個底有唔少芽菜、酸菜等配料，夠爽口；魚腐夠腍，有魚味。相比起清湯，酸辣湯更滋味。兩碗夾埋先$71，合乎經濟原則，而且味道確係唔錯，下次要再黎先得。

越出越開得多分店真係好易出事,水準難保持,招牌河湯底冇味河粉都新鮮軟滑,春卷已經食唔出入面係咩餡,魚蛋鬆泡泡都係冇魚味,牛丸爽口都ok,牛腩麵牛腩夠林又入味不過牛肉太貴越來越小,有牛湯底濃味返好好多,麵爽滑彈牙,調味吧入面成日冇放碗仔,個個用自己匙裝好污糟,辣椒醬味道特別食得辣一定要試試

每次落堂後都特別肚餓，一個人想不到吃什麼就想起南記。吃南記的次數比較少，因為分店的位置對我來說都不大方便。雙拼粉麵只是$25，很久沒有吃南記都忘記了她的價錢竟是這麼相宜，能在銅鑼灣吃到$25 的晚餐，突然有點感動。原本想吃得低脂一點的，但看到招牌春卷，還是按捺不住，最後點了招牌春卷魚旦米線。2條春卷加4粒魚旦，抵食得很，又再一次感動，招牌春卷口感煙韌，沒有過多味精，魚旦彈牙，配上清湯，感覺健康一點，吃完又不會口渴。不過，米線的份量比較少，對於女孩來說份量剛好，男生或會不夠，希望荔枝角的分店快點開張，這樣上班又多一個午餐選擇。

對於新界人來講，南記要過海先食到但都重係成日想食唔會嫌遠。此舖有兩層，但朋友好快就搵到角落位朋友話想食四寶河粉好耐，俾佢等到哈哈，我買飛後唯有耐心等候期待以久既春卷加酸菜揀埋大豆漿，很新鮮所以等一下都值得很喜歡酸菜我睇到宣傳紙話荔枝角開分店，太好啦，要去探探路啦

其實早於幾年前在上環工作時，公司對面就是南記，當時經同事介紹曾吃過一次，但你要知道上環分店其實就是在中環與上環次間，午餐時間往往是極難找位子的，所以雖然蠻喜歡它的酸辣米線，之後幾年也沒再光顧。直至上年轉了新工作，有時候會在銅鑼灣上班，那裡的同事很喜歡吃南記，每星期都會吃一次，而那工作的午飯時間又頗為彈性，所以我又再有機會吃南記了。很多人拿南記和譚仔比較，更有人說喜歡南記的多不喜歡譚仔，反之亦然，而我其實兩者都喜歡的。雖然這裡跟譚仔一樣，送菜選擇不及車仔麵檔多，但這裡有我的最愛－豬大腸，和第一次吃過就喜歡上的春卷，而且其實這裡的送菜選擇還是比譚仔多了一點點。至於米線，個人覺得這裡的米線不及譚仔的彈牙，但又不算非常軟腍，都是可接受的。而份量就不及「貴版」的譚仔多，但與一般「平民版」的譚仔還是差不多的。而最愛當然是它的酸辣湯底，這裡的酸辣又與譚仔的酸辣不同。譚仔的酸辣比例大約是一半一半的，而南記的酸辣其實是酸多於辣，它的酸比譚仔的酸辣更酸，但辣度又沒有譚仔的辣，所以有些不吃辣的同事能吃南記卻吃不了譚仔。而其實我也吃過南記的小辣和中辣，南記的辣沒有譚仔那麼多等級，但這不是重點，重點是它的辣度是

Lunch時間喺銅鑼灣都幾麻煩，周圍都爆晒，走去怡和街間南記碰下運氣。好彩呢間有兩層地方咁大，有位坐。叫左個招牌春卷牛腩小碢米線，加凍奶茶($50)，份量依然夠多～招牌春卷每次都會叫～小碢米線都足料，酸菜芽菜腐皮等～係米線本身差少少總结：味道唔錯，價格唔貴好抵食