博多拉麵別天神 (已結業)

放工吾知食咩好，就行左去亞士厘道搵野䭍食，見到一間拉麵店牆身掂滿字句，咁我就入去食野啦👏🏻👏🏻入到去，第一件事，我都貼埋一份先🤣跟住先叫野食，我叫左豚骨湯拉麵，女朋友叫左蝦味噌拉麵。套餐會包埋饀子同龍蝦沙律。個龍蝦沙律好好味，啖啖都食食到龍蝦肉👍🏻用紫菜包住嚟食非常好味，食到停唔到口😋餃子都係新鮮即時煎嘅，熱辣辣非常香。每隻餃子入面都有豐富嘅餡料，可以講係鄙薄餡靚，當然味道都非常之好，我會建議先齋食饀子兩隻，最後兩隻加入醬油，食到晒兩種味道。主菜豚骨湯拉麵上菜，豚骨湯係用好多豚骨長時間煲成，非常濃味👍🏻而且拉麵爽口彈牙，沒有放湯太耐嘅感覺，好似去左日本食拉麵咁😂而蝦味噌拉麵，女朋友話個湯好香蝦嘅味道，好似海鮮湯咁。而麵上面嘅櫻花蝦吸左啲海鮮湯，好似食緊海鮮薯片一樣非常嘢味，女朋友都大讚，不過佢話鍾意豚骨湯多啲👍🏻如果大家冇時間去日本旅行，又想食到拉麵，可以試吓去呢一間別天神拉麵試下👍🏻👍🏻

一入店見到食券機，越黎越多日式拉麵店有呢部機了，但有幾多真係做得好日式呢？我覺得呢間係其中一間，而最得意嘅係佢唔係淨係抄日式果套，佢都融入一啲香港嘅嘢，好似八達通！似日本得黎又勁有親切感。買完飛坐低，都好日式地放齊哂料，筷子，紙巾同埋嘢飲。佢唔係冰水，係茶，稍濃，勁解油膩。筷子都寫明係天然竹割，無漂白，夠衛生。上面盒tempo再次感受到日式得黎有啲親切！枱吧位更正，放咗係上面，勁善用空間。叫咗兩個餐，先黎小龍蝦蟹子沙律，望落唔似有沙律，食落就知收埋係中間。好鮮味，有壽司店感。連埋紫菜食又幾特別。另一個餐跟餃子。佢啲餃子望落幾綠，應該係因為皮薄，透出饀料頻色。食落都係日式餃整法，即係幾隻一齊用嘢壓住煎果種，所以餃子充滿肉汁。豚骨拉麵，湯底濃郁香口。啲肉勁腍，超夾啲麵。配菜勁大份，流心蛋堅正。成碗面真係好似番咗日本食咁！呢個係豚骨拉麵加蝦味噌，個湯更濃，多咗重味，更開胃！佢仲有蝦乾同粟米，中和偶爾會覺得濃得滯嘅感覺，真係好正！佢仲有啲獨家食法提議，好似落拉麵汁，芝麻同埋辣芽菜等，我無試，因為就咁已經好正！朋友試咗辣芽菜，佢勁鐘意食，食咗好多。係香港嘅日式拉麵店試過唔少，呢間都係數一數二好食

好鍾意食拉麵，不過喺大阪都食過幾間中伏嘅拉麵，四天王我諗大家都有食過，真係唔明點解咁難食都可以咁多人排隊。但係唔可以下下想食拉麵就飛去日本，所以喺香港都不停發掘日本原味道。呢間別天神聽過好多人講話好食，一於今晚去容祖兒演唱會之前試一試佢🍜適逢別天神拉麵兩周年，所以在座嘅顧客都獲派一張許願貼紙，將自己嘅願望寫上去，呢一種同食客既溝通互動都幾別開生面🧡小龍蝦蟹籽沙律 可能大家會同我一樣覺得好驚訝，竟然係日式拉麵店見到有龍蝦沙律做前菜。所以我就點左一客。一食落口就知道佢係臥虎藏龍，龍蝦肉好彈牙，薯仔沙律細滑柔軟，口感好Creamy。推介大家可以點套餐，裏面可以揀龍蝦沙律做其中一個配菜🤤煎餃子 基本上煎餃子對於日式拉麵店來講就好似一把間尺，用嚟量度拉麵店嘅質素。上至於餃子皮有冇金黃色，脆口程度，下至於用黎點餃子既黑醋都係一門學問。呢個餃子真係好出色，外脆內軟，入面個餡仲好juicy!豚骨湯麵其實店舖裏面嘅拉麵選擇唔多，只有兩款，我哋兩個人啱啱好可以試晒兩個唔同嘅湯底。豚骨湯麵湯底濃而不膩，試頭啖湯嗰陣飲到可能郁嘅豬骨骨膠原，令到嘴唇有癡粒粒嘅感覺。麵身好幼，加埋蔥粒同埋木耳絲感覺好似返咗日本咁

香港人其實好鐘意食日本菜，所以成日都有日本食店開業，呢間拉麵店好有傳統日本拉麵店風格，就係為左專注做好品質，所以全店只有兩款麵食提供，我反而好鐘意帮襯呢啲鋪頭，因為感覺質素一定有番咁上下。首先鋪頭設計好日式，甚至落單係用日本的販賣機，感覺好像去左日本咁。今曰叫左個別天神套餐，即係豚骨湯麵加餃子加小龍蝦蟹子沙律配紫菜。奶白色的豚骨湯唔咸又帶有豚肉味，配上厚厚的义燒及滿滿的木耳絲，口感提升。另一個係味噌蝦套餐，配着滿滿的櫻花蝦，湯底濃郁的蝦味，當然還有厚厚的日式义燒格外好味。小店於進餐期間送上一張貼紙，上面寫着兩年後的願望，寫完可以貼在鋪頭內，看着大家寫在貼紙上的願望，真的希望兩年後再來光顧看看自己的願望能否願望成真。

別天神套餐 $105蝦味噌豚骨拉麵 + 玉子 $95小龍蝦沙律有創意，需要配紫菜一齊食，中和🦞既咸味，非常開胃餃子🥟煎得出色，個底好香脆，咬落去又juicy，好味別天神套餐的豚骨湯麵🍜，店內標榜採用100%豚骨加純水做湯底，絕無味精！一黎試啖湯，湯底口感唔重，豚骨味唔係好油膩個種，而且佢講明唔會用乳類製品加入湯底⋯食到既係係清清既肉味😋😋配合幼身既拉面就岩岩好，掛湯效果不錯，食完就好似不知不覺飲左半碗湯😂😂玉子🥚既溏心不錯，係細隻左dd😎叉燒入味又唔韌，讚👍另一碗拉麵係味噌做湯底，配上一大炸櫻花蝦仔，味噌味唔會太濃搶左蝦仔既鮮味，好👌餐廳仲貼左張指示教你自行調教濃味既做法，就係加入蒜蓉(打開蓋，一軟會愛上🥰)，辣芽菜，貼埋拉麵汁/七味粉(推薦愛吃辣的朋友) 🙊好神奇哦，個湯即係濃左，成件事唔同晒，非常建議大家食到一半就轉一下加濃食法喲😋

最近有學生半價拉麵，臨暑假結束前終於有機會去食。我就揀左拉麵加餃子嗰個餐，餃子皮幾脆肉汁夠幾好食，但拉麵個湯同麵底都一般般，唔係太食出個豬骨湯味，但落左幾滴拉麵汁落湯好食左好多，食出另一番風味，個叉燒就幾香同肥瘦平衡，而且溏心蛋都好有蛋香，流心效果好好但，用半價價錢絕對是超值！我個朋友加麵底份量都非常足夠，抵讚。最後店員仲會遞上許願貼紙比你寫低願望再貼喺舖面，好有心暑假結束之前都會食多幾碗，但要正價食嘅話真係諗諗佢

之前已經聽人講過別天神拉面好好食，見今日都有時間，所以就特登拉埋朋友過尖沙咀THE ONE嘅鋪頭食。🥢 別天神套餐（豚骨拉麵 + 小龍蝦蟹肉沙律）🍜 豚骨拉麵：湯底有濃濃嘅豬骨味，但濃郁得嚟又唔會令人覺得太油膩；麵質十分彈牙，唔會處理到好淋身，好有口感；豚肉肉質比較淋身，亦都好入味。配料有蔥花、木耳、半熟蛋，用料方面都十分豐富。🦞小龍蝦蟹肉沙律：就咁眼見都望到有龍蝦肉絲，一口咬落去，成口都充滿龍蝦味，亦因為有蟹子，沙律都變到有口感。🥢蝦味噌套餐（蝦味噌豚骨拉麵 + 4隻餃子）🍜蝦味噌豚骨拉麵：湯底比豚骨拉麵更濃郁，蝦味十足。配料同豚骨一樣，半熟蛋好讚，豚肉都唔錯，夠淋！🥟餃子：即煎，熱辣辣同脆卜卜，而且肉汁都多餐廳配料有四款揀，而且有凍水同大麥茶

叫左別天神套餐同埋蝦味噌套餐，各包一個前菜。最有驚喜係小龍蝦蟹子沙律，附送五塊紫菜，可以包住當壽司食！ 另一款前菜係煎餃，唔會煎到好乾，咬落仲係juicy! 豚骨湯麵湯底濃，有兩塊肉加兩份溏心蛋，麵既質地比較彈牙，同個湯都好夾！至於蝦味噌湯就比較特別，係出面比較少見，有好多櫻花蝦，所以令到個湯底都有好濃既海鮮味！～鋪面唔係好大，但非常日本風，除左有類似日本既售票機之外(要揀完食咩，比左錢，攞埋張飛先比侍應)，仲有bar枱，同埋自助調醬同埋裝水或玄米茶。日本風既同時亦見到牆上面好多本地客人兩年之後既願望，係餐廳其中一個特式，餐廳希望各位到訪客人都願望成真！

朋友好鍾意食拉麵，今次佢帶咗我去尖沙咀的博多拉麵別天神，店舖裝修有日式感覺，簡單貼地嘅擺設，原來博多拉麵別天神都有好多間分店，相信質素也很不錯。別天神套餐同蝦味噌套餐，兩個套餐分別配上一個小食。小龍蝦蟹子沙律，會有幾塊香脆紫菜，夾住蟹子沙律一同進食，沙律裏面有好多啖啖肉嘅小龍蝦， 絕對真材實料。餃子，即叫即做煎餃子，香脆可口豬骨湯拉麵，麵條有口感，湯底濃郁，帶啖啖豬骨香味。不得不提佢嘅日本半熟蛋，半生熟恰到好處，配拉麵食一流。蝦味噌豚骨湯麵，面上佈滿櫻花蝦，湯底亦充滿花嘅鮮味，非常有層次感。喜歡食他嘅朋友一定要試吓這一個。整體來講，博多拉麵別天神cp值很高，拉麵餐包括左日本半熟蛋叉燒仲有小食，味道水準非常不錯，難怪開咗咁多間分店。

今晚收工約左個朋友一齊食飯，佢就話想食拉面，成日都會經過呢間拉面店，所以今晚就入去食下。店內裝修好有日本既感覺。枱上面重有教點用佢個芝麻樽，好細心。我地叫左兩款拉麵套餐，別天神套餐同埋蝦味噌套餐，套餐會有個餃子或者小龍蝦蟹子沙律，我地兩個都有揀。小龍蝦蟹子沙律好好食，配埋紫菜好開胃。我自己揀左蝦味噌套餐，好多蝦啊！重有1隻蛋。我飲一啖湯，好濃郁既味道，然後我就將所有湯上既配料同蝦都撈混，基本上每一啖麵都會有蝦，連夾起舊肉都有蝦係上面，好滿足。連埋餃子一齊食好有飽足感。另外一個係豚骨湯面，好多配料，湯底好重豚骨味。麵質彈牙，係傳統的拉麵味道！

今日行街行到攰見到呢一間拉麵店嘅裝修同日本嘅好似 所以就入去試吓 佢係一個自助形式嘅拉麵店 即係佢有部自動販賣機喺度俾你點餐 佢一碗拉麵有70幾蚊多80幾蚊我覺得係尖沙咀來講都算幾抵 佢仲有套餐即係一個拉麵加龍蝦沙律同埋餃子都係100頭左右 性價比都幾高首先講吓個龍蝦沙律 佢裏邊真係啖啖肉龍蝦㗎 唔好睇小佢餃子有四隻 我覺得都係必叫嘅食拉麵點可以冇餃子啊拉麵叫咗一個豬骨湯豚肉拉麵 佢個湯底好濃 佢哋嘅拉麵係用有幼嘅拉麵 所以面嘅質地都係煙煙韌韌 而佢嘅份量都幾大喎 我覺得叉燒都吝嗇㗎都幾大塊 佢隻蛋就係重點溏心蛋呀 下次嚟我一定會再追加隻蛋另外我哋再叫咗一個蝦味增湯底嘅拉麵 佢蝦味非常濃 佢上邊仲有好多櫻花蝦 賣相同埋味道都非常好 我個人就鍾意蝦味嘅拉麵多啲啦

同朋友係尖沙咀睇完musical，之後去左行街，行到肚餓咁岩見到呢間拉麵。裡面有兩枱，唔洗等位，就決定試下～同朋友都係揀左套餐，加$30多隻溏心蛋同小食，好似抵啲。先上小食，小龍蝦蟹子沙律+餃子。餃子熱騰騰，鮮香，好食。沙律都唔錯。朋友既豚骨湯麵，佢覺得湯底夠濃，溏心蛋既流心程度岩岩好，好正係塊紫菜快淋左少少，美中不足。蝦味噌豚骨湯麵，有驚喜！豚骨湯底裡面有少少蝦既香氣，比齋豚骨湯有層次，而且仲有份量好足既栗米，整體黎講好滿意。同埋要再講隻溏心蛋既流心程度真係好正，可能係我最中意既部分。最後題外話，正宗日式拉麵店係一定要serve冰水（係，係冬天都要），但通常香港拉麵店都唔理。今次難得飲到真係夠冰既冰水，有少少意外XD 感覺都幾用心～

有日和朋友經過尖沙咀，看到這間博多別天神拉麵，想回味在日本美味的博多系拉麵，便二話不說入去品嚐一下。這間拉麵店有豚骨拉麵和蝦味噌豚骨湯麵兩款拉麵選擇， 加30蚊可以轉套餐有餃子和小龍蝦蟹子沙律。餃子的餡是傳統日本餃子的菜肉，餃子底煎得十分香脆。小龍蝦蟹籽沙律更是物超所值，大大粒的蝦肉被滿滿的蟹子包圍，令人可以大大啖地食蝦肉，十分邪惡。豚骨拉麵的湯底十分正宗的博多豚骨湯底，豚骨湯底香濃但不油膩，沒有豚背脂，叉燒也十分惹味。最出色的是醬漬溏心蛋，蛋黃半熟，蛋白也醃得十分入味。這店的調味料更是出色，本人推薦辣芽菜加蒜蓉，可以令拉麵更加香口。而這碗蝦味噌豚骨湯麵令人喜出望外，櫻花蝦和味噌十分之夾，櫻花蝦配上甜甜的粟米更是絕配。 麵條是博多幼麵，份量比一般博多拉麵多但麵身偏硬所以不用擔心麵條被湯底浸淋，而它的掛湯能力一般，所以可以考慮用匙連麵湯底一起進食。

🔅🔅🔅拉麵狂又出現指的是我好朋友拉著我一齊吃拉麵那我就說去吃這間吧<博多拉麵別天神>🔸八點正到達剛好有位呢間分店相對較大足以容納十幾人🔹<小龍蝦蟹子沙律>特色的小龍蝦沙律蟹子爽脆龍蝦肉彈牙🤤用紫菜包住來甚有風味🔸<豚骨湯面> 湯底呈奶白色入口香甜叉燒肉質軟淋好入味糖心雞蛋口感不錯拉麵軟硬度適中爽口而又彈牙👍🏻🔹<蝦味增豚骨湯麵> 豚骨大蝦熬製湯底肉味香濃挺夾味增味但可惜相對較前者為淡～🔸<餃子> 呢個真係超超超級普通外皮煎得不脆又不香！🔹<總結>拉麵質素還算能保持提醒千萬不要繁忙時段去我們等了半小時才有拉麵吃🔅🔅🔅

放工同朋友聚下舊，又見到之前食過嘅押多拉麵，估唔到喺尖沙咀都有！哩度嘅拉麵定價唔貴，款式只有兩款，但係就可以配其他小食，好有傳統嘅日式拉麵店風味。小食嘅龍蝦沙津配埋爽脆嘅紫菜，係一個好特別嘅組合！另外餃子就皮薄餡靚，煎到個面好脆。湯底一樣有鮮味，可以自己加調味料，拉麵豉油，七味粉因應個人喜好咁樣調味。拉麵麵底煮得剛剛好，唔會太淋，煙韌之餘又彈牙，真心不錯。櫻花蝦嘅湯底好香蝦味，鐘意食蝦嘅必試！叉燒嘅厚度亦適中，正！