博多拉麵別天神 (已結業)

2019年10月12日 星期六今日同女朋友行完街之後，喺尖沙咀打算搵嘢食做晚餐行行吓去到呢一間別天神拉麵門口，女朋友話最近好多香港人都幫襯，叫我地都支持下入到去雖然位置唔多，不過坐得好舒適同覺得好窩心，因為牆上面黐住左好多同香港人打氣嘅說話，係每一個顧客食完之後貼上去嘅餐牌嘅選擇唔多，拉麵只有兩款唔同嘅口味，我哋分別叫咗兩個唔同嘅套餐先來嘅係前菜小龍蝦沙律，沙律配埋紫菜一齊食會更加好味，沙律裏面食得出一粒粒嘅小龍蝦肉，肉質幾彈牙至於女朋友嘅前菜就叫咗日式煎餃子，外皮煎到有少少焦，所以食落比較脆然後到女朋友點既豚骨湯麵，佢話湯底奶白色，好重豬骨味，而叉燒切得好厚身，仲有成隻糖心蛋添而我就要左蝦味增豚骨湯麵，麵上面有好多蝦米，而湯底就分別飲得出蝦同味增既味道，仲好似有蝦油添，同豬骨湯底係完全唔同既類別，好有特色能夠食到咁有質素嘅拉麵，又可以留言繼續支持香港人，應該冇乜邊幾間鋪頭可以做到，要多啲嚟繼續支持

好耐冇同女朋友放工出尖沙咀食野，行左陣街，我同佢兩個都覺得肚餓，突然我又想食拉麵喎，於是睇下尖沙咀附近有咩拉麵食。最後就揀左別天神拉麵。佢門口裝修好有日本拉麵feel。坐位唔算太多，幾張枱同bar枱，bar台可以睇住師傅點整拉麵啦。我地係門口等左陣就入得去坐喇。落單既方式都跟足番傳統日本拉麵店，點好你想叫既拉麵，買完飛再交俾店員。部機可以用八達通同信用卡黎支付。而我就叫左個味憎蝦湯底既拉麵，女朋友就叫左個豚骨湯底拉麵。順帶一提，儀家別天神拉麵同蒙面超人做緊合作，鐘意食拉麵同蒙面超人既朋友仔記住去試下。先講下蝦湯底既拉麵，有兩塊叉燒，一開為二既糖心蛋，一塊紫菜同有好多蝦干。我本身唔係太好蝦湯底既拉麵，但我見賣相既吸引，所以叫左黎食。估唔到我俾佢個蝦湯底深深咁吸引住，湯底有好濃既蝦味，濃味得黎又唔冇味精，飲左啲湯底都唔會覺得口渴。塊叉燒都非常之好食，唔會切得太簿，而且肥瘦均勻，係我食過拉麵入面最好食既叉燒。麵質方面我揀左適中，唔會太淋。而我女朋友個豬骨湯麵麵非常好食，每一淡湯加麵都伴隨著濃濃既豬骨味，加埋店有提供既芝麻碎，簡直一絕既配搭。女朋友都大讚佢呢間隻糖心蛋非常之好食。另外我地仲叫左

今次黎到尖沙咀既博多拉麵別天神食晚餐，位置係阿士里道（Foot Locker後面條巷），好快搵到～舖頭好日式，仲有買拉麵票既機～牆上仲有地方比大家寫心意字句～有指示用芽菜同蒜蓉整特別口味～我嗌左別天神套餐，首先上菜既係小龍蝦蟹子沙律，好好食！做頭盤小食一流，好有龍蝦味，同蟹子沙律味道超夾！日式餃子都好好味，煎底夠香口～拉面到喇！係好味既日式拉麵，蛋煮得有功架，非常流心！湯底都煮得好，夠味又唔會太咸，叉燒都夠厚夠份量，食完飽飽～女朋友就嗌左櫻花蝦拉麵，我試左一啖啲櫻花蝦配埋粟米同佢個湯底都好好食～ 流心蛋同樣出色～餐牌比大家參考～

今日去到別天神食拉麵，入到去坐底見到牆上貼滿許願既字句🙂幾溫暖睇睇下，拉麵就到喇👇🏻👇🏻蝦味噌套餐$115拉麵+餃子大量櫻花蝦，粟米同蔥花😍😍溏心蛋熟度剛剛好夠滑，又夠蛋香😋叉燒夠淋，又唔會太肥麵條係直幼，份量多，每次都會加埋辣芽菜食😋餃子都唔錯有4隻，皮唔會煎到太乾，係底下煎得耐左小小。肉餡幾多汁。豚骨味拉麵朋友喜歡淡味所以就揀左呢款，而且豚骨味比較出一啲。套餐配左小龍蝦蟹子沙律🥗沙律帶wasabi味，幾帶動味蕾入面仲有啲小龍蝦肉，紫菜夾住食好好食😋

拉麵控係香港人數一數二既主題，日本拉麵湯底主要分四類，包括醬油湯底、豚骨湯底、鹽味湯底和味噌湯底，店中主打蝦湯拉麵，拉麵足料又美味。這家店我算吃得次數較多，原因湯底好。有套餐價（$115 ）包小龍蝦沙律🥗配四塊紫菜，紫菜可以配拉麵食，日本半熟蛋，蝦湯味道濃郁，湯質厚重，櫻花蝦乾, 超香口。麵線幼細，食落有麵粉香，溏心蛋也算入味。小龍蝦沙律，是絕對不應該錯過的! 隨沙律附上紫菜四片, 我會用紫菜卷起小龍蝦一同入口, 又香又脆, 極為好吃!亦可以沾上湯連拉麵食。豬骨湯麵🍜套餐價（$115）配多汁餃子🥟，湯底基本喝光一半😚豚骨湯的材料亦只有大量的『豬骨』和『水』兩種，因此絕不含任何味精、防腐劑或奶類製品。濃郁的湯底。counter上放的瓶瓶罐罐, 找尋調整味道的食材! 不得不推薦辣芽菜，吃到最後可落辣芽菜芝麻，層次味道續層續層不同。餃子皮非常的薄, 煎起非常的熱辣辣。口感肉汁多。最後附上menu讓大家參考參考。是很值得一吃的拉麵店呢!店內用屏幕點單方式。方便快捷。

良心小店 當然要來支持一下客人需要在外面自助點餐機點餐後再入座 如需要用現金付 要找店員幫忙喔 一進去就看見餐廳牆壁貼滿了香港人的心聲拉麵主打兩款湯頭 與朋友一人各選了一個套餐別天神套餐 $105🦞小龍蝦蟹子沙律 稠稠的很足料真的有小龍蝦肉和大量蟹子 配上紫菜包著吃 很有風味🐷叉燒厚切 入味軟腍 一點也不乾不柴 還帶點肥膏 🥚日本半熟蛋好流心 白湯果然無添加味精 喝完也不會覺得口渴只喝白湯有點單一？ 👨🏻‍🍳餐廳推介自行調製隱藏口味 拉麵汁➕蒜蓉➕辣芽菜➡️特濃 喜歡吃蒜蓉的一定要嘗嘗這個口味 啖啖蒜蓉香再帶點辣 令整個湯底更惹味蝦味噌套餐 $115🥟煎餃不油膩 略為煎得不夠脆 內餡包有菜和肉 比例剛好不會覺得很濟 旁邊的醬汁帶點醋香 酸酸的很消油膩感比起豚骨湯麵多了櫻花蝦和粟米 🦐令湯底多了一點蝦香味 🌽粟米爽脆鮮甜 令口感味道更豐富這家拉麵店有別於其他的只提供冰水 而是提供冰麥茶 感覺更解膩店員更為食客送上RFID套 很有心思 離開之前當然要寫下自己的心聲

好耐無食拉麵啦～行經尖沙咀阿士厘道發現有一拉麵店，店面雖細小但企理乾淨，仲有自動售賣機。坐四人卡位，好夠冷氣而且又寬敞。餐牌只有兩款拉麵供選擇，餓餓地一於叫兩個套餐！可以試勻D野食～別天神套餐 HK$105豚骨湯麵+餃子四隻豚骨湯麵香濃充滿膠質且不含味精，麵條幼細彈牙，叉燒軟腍入味夠哂嫩滑，配以流心溏心蛋、爽口木耳絲及蔥花。日式煎餃酥脆金黃， 內餡多汁，一碟四隻，剛巧每人兩隻，新鮮煎好熱辣辣非常香口～蝦味噌套餐 HK$115蝦味噌豚骨湯麵+小龍蝦蟹子沙律蝦味噌豬骨湯麵湯頭鮮甜濃郁，提升湯底層次感～叉燒口感嫩香，肥瘦均勻，配大量櫻花蝦、半熟溏心蛋、粟米粒及蔥花，麵條平扁煙韌，掛湯力佳。小龍蝦蟹籽沙律啖啖龍蝦肉搭配脆卜卜蟹籽，用紫菜包住嚟食，口感層次豐富！

今日反工同d同事傾下計，原來亞士厘道有一間好黃既拉麵，所以收工就決定去懲罰下佢！拉麵款式有兩款，一款豚肉，一款蝦味增！一個拉麵如果唔夠飽的話，可以配一個小食，日式餃子或者係小龍蝦蟹子沙律！見到每一位有心人留下既字句，我深受感動！入到去見到門口就有一部自動拉麵販賣機，超級有日本 feel ，揀好食咩就可以坐低等就等店員送上！我自己就揀了豚骨湯麵和小龍蝦蟹子沙律！（豚骨拉麵）拉麵湯底非常濃厚，根據店家資料，這個湯底是完全添加劑和乳製品100%豚骨和純水！麵質爽軟，叉燒非常軟腍好有肉味！（小龍蝦蟹子沙律）沙律非常多龍蝦肉和蟹子 ，啖啖龍蝦肉真心好正！而且店內亦都有告示，話比食客知，你可以自行調製口味！我自己就非常鍾意食蒜！正呀！後記店家見你想寫連儂牆，佢哋都會問你要唔要呢個RFID卡套！有黑白兩隻色，任君選擇！真係非常貼心啊！等我下次帶多人，過嚟食晒啲嘢，懲罰下佢先！

與旅伴好友共進晚餐，因在九洲吃過地道拉麵後一試難忘，今晚朋友強烈推介這家博多拉麵別天神，以解思念之情，原來別天神有多家分店，而且於Openrice好評如潮，於是決定到此一試。今次來到亞士厘道的分店，地點方便易找，看到門面已充滿日式感覺，在售票機購買後交給店員，然後找個位置坐下。抬頭一看，牆上貼滿一張張為香港打氣的加油字句，份外有親切感。有兩款拉麵可選:豚骨湯麵及蝦味噌豚骨湯麵，我們各選一款。拉麵湯底濃郁，喝得出是精心淆製而成，湯底不太咸，喜歡重口味的可以自行添加拉麵汁，蒜蓉，辣芽菜，七味粉等製作出自己喜愛的隱藏口味。麵條幼細爽口彈牙，糖心蛋恰到好處，濃郁蛋味沁出陣陣醬油香味，日式叉燒肥瘦適中。餃子煎得香脆可口，餡料充足，調味適中。小龍蝦蟹子沙律吃到粒粒蟹子及啖啖小龍蝦肉，爽口彈牙，配紫菜吃又是另一番風味，吃得出是足料製作。別天神除了吃到正宗的博多拉麵，還多了份香港人獨有的人情味，不得不給滿分💯！吃完拉才麵別忘記留下字句為香港打打氣。香港人加油💪🏻！

臨近月尾，自然要慳住荷包食飯。我約咗朋友來食尖沙咀別天神，裝修恍似日本拉麵店，格外親切，恍如置身於日本食拉麵一樣。小龍蝦沙律，配紫菜一齊食，彈牙鮮甜，作為前菜清新爽口。煎餃子，表面煎得金黃香脆，內裏的餡料仍帶着肉汁，不點醬汁也好食。豚骨湯麵，豬骨湯底很濃郁，拉麵煮得不太腍不太軟，剛剛好。有半隻糖心蛋，蛋黃流心好好味，而豚肉煮得軟腍入味。蝦味噌豚骨湯麵，湯底是豚骨湯加味噌，灑上櫻花蝦，令拉麵湯底多了濃郁的蝦香，再帶一點兒辛辣。套餐連小食都是$100左右，在月尾時確實相當抵食！By the way ，這裡的麥茶好香好好飲，默默地飲了好幾杯。

上次食完別天神的中環店，感覺良好。今次放工唔知食咩好就又去左別天神食拉麵。今次早了點來，7點未夠，還有蝦味噌豚骨拉麵（上次賣完了）。好濃蝦味，個人覺得比豚骨白湯更出色，面頭亦有大量櫻花蝦，糖心蛋流心入味。黎呢度最鍾意加佢任添的辣芽菜，好味！其他調味料有七味粉、蒜蓉、酸薑、拉麵汁、七味粉、芝麻，選擇多多。-朋友就食豚骨拉麵，超濃白湯用100%豚骨和水，用壓力煲長時間熬製而成，無味精及乳製品！配料有木耳和粟米，食完都唔口渴。-+$30轉餐有餃子或小龍蝦蟹籽沙律。今次個餃子我覺得可以再煎耐d呢，小龍蝦蟹籽沙律就開胃。-另外呢度免費提供凍麥茶，又不用加一，非常讚。而且提供tempo盒紙、無漂白天然竹筷子👍🏻使用自助售票機，好方便。

這天在尖沙咀工作，然後跟同事一同吃晚餐。這天我們吃拉麵，貪它上菜速度快，簡簡單單吃飽飽然後繼續去工作。我吃的是蝦味噌豚骨拉麵套餐。套餐比單點多了一隻日本半熟蛋及一份餃子或沙律，我覺得晚餐這樣吃會比較豐富！我這天吃了小龍蝦蟹子沙律。沙律味道鹹了一點，但配著紫菜一齊吃，是一個很美味的零食。拉麵湯底味道濃郁，光喝湯的話會覺得味道重一點，配著麵吃則很合適。麵條的柔硬度是我喜歡的，不過，在這碗拉麵裡，我最喜歡的是這個半熟蛋！

其實第一次吃到別天神，是在cwb的首間店，因為朋友介紹說味道真的很好，才找到這店的，也一直有光顧。這次到tst逛街至晚餐時，跟朋友說起拉麵，才記得它們開設了幾間分店，其中一間就在附近，於是直接到餐廳了店內的裝飾跟cwb差不多最喜歡所有調味都已經放桌旁，任意選用，面紙，麥茶等亦一樣，不需每次都呼叫職員，很是貼心先是在售賣機點餐，拉麵只有2款，所以不用多想就點了2份套餐了套餐都會跟餃子 及 小龍蝦蟹籽沙律的，非常精緻好味的啊，先開動吧接著拉麵也到了別天神套餐: 豚骨湯麵十年如一日的湯底仍然非常好味，亦令人懷念，很是欣賞這份堅持，所以每次也先品嚐這濃郁的豬骨湯底，喝上幾口後，才開始吃麵。麵質也是軟硬適中，配上叉燒及其他配料同吃，實在太美味了蝦味噌豚骨湯麵總覺得這個是豚骨濃湯的升級版，因為加上了蝦味噌，湯底就像畫龍點睛般，更加濃郁，味道比豚骨湯稍咸一點點，蝦味非常突出，就看自己喜歡那款味道吧

今日同好耐無見既朋友睇戲，睇之前想快食個野，知道阿士厘道有好多野食，行到黎揀左陣就決定近近地食呢間別天神拉面。佢主力係做兩款拉面，幾好既，通常餐廳專注做一樣野都會好味d。我同朋友都揀左別天神套餐，大家都比較喜歡原味豚骨口味。揀好左就係門口部食券機買飛，然後比個侍應就可以坐底等食。每次用呢d機都覺得好似返左日本咁。叫套餐就每人有個小食，我地一人揀左一個，分別係日式餃子同小龍蝦沙律。兩樣分量都正常，日式餃子煎得幾好，口味亦正常。龍蝦沙律有驚喜，帶酸既沙律醬，另外佢比左d紫菜我地包住食，幾特別幾開胃。我地既主菜係別天神拉面，首先想讚一讚叉燒整得唔錯。湯頭濃厚，我本身唔鐘意重口味，覺得岩岩好。店內都有好多調料比你自己落落湯底，朋友就加左大量蒜蓉，話覺得好正。另外店內貼左好多搣唔甩既繪馬係牆，好靚呀！

豚骨拉麵&蝦味噌豚骨拉麵-豚骨湯味道濃厚，麵質彈牙。滑喉可口。叉燒味道香口。流心雞蛋重質重量。入口美味甜美。另一碗蝦味噌豚骨拉麵添加了蝦米乾。使到成碗豚骨拉麵更添精彩。完全同原味豚骨拉麵好誓言不同。入口香口。令湯味更濃。更加有搶喉刺激感。