博多拉麵別天神 (已結業)

終於有機會懲罰別天神呢間咁黃黃黃嘅拉麵店了！去到夜晚9點半舖頭仲係好多人排緊隊，我都等咗陣先入得～果然係深黃店！成間店都係連儂牆，完全充滿力量💛而且仲有防盗資料咭套任大家拎，非常窩心🥰豚骨湯麵套餐(拉麵、餃子、沙律) $105🍜豚骨湯麵嚟到日式拉麵店梗係要食食最傳統嘅豬骨湯拉麵！睇嚟落足豬骨嚟煲個湯底，湯頭奶白色，鮮甜又濃郁🥰拉麵份量比想像中多好多，仲配埋木耳好正😋.🥟餃子套餐包有4隻餃子，其實真係會好飽😂但見煎得咁好味，就唯有飽都照食👻.🦞小龍蝦蟹子沙律意想唔到咁好味，咸咸甜甜又清新嘅感覺，沙律份量爆多，兩個人分都要食好耐先食得晒.🍜蝦味噌豚骨湯麵 $85超多櫻花蝦，湯底比較濃，咸咸甜甜嘅蝦湯非常惹味，份量同樣多！今次呢個拉麵就唔跟木耳，但就有好多粟米粒，添加鮮甜度～.強烈建議大家可以一試牆上面貼住嘅自行調製隱藏口味！特辣真係會越食越上癮😍.大家有時諗唔到食咩，真係可以一試別天神，又唔算貴又飽，最緊要係夠黃💛

餐廳只有兩款拉麵供選擇，一食可以試囇豚骨湯麵+餃子四隻豚骨湯麵香濃，麵條偏幼細，叉燒尚算軟腍，配以流心溏心蛋👍🏻岩曬鍾意原味拉面餃子係即叫新鮮煎👍🏻夠曬熱煎得都金黃， 內餡多汁🤤蝦味噌豚骨湯麵+小龍蝦蟹子沙律蝦味噌豬骨湯麵湯頭鮮甜爲主叉燒肥瘦均勻，配櫻花蝦、半熟溏心蛋、粟米粒及蔥花，較為咸香，麵條扁身，比較有咬口，可能岩食硬身面。小龍蝦蟹籽沙律👍🏻必叫啖啖龍蝦肉搭配蟹籽，用紫菜包住嚟食，好好食，必叫

晏晝同男朋友係尖沙咀食完afternoon tea🍰, 夜晚見唔係太肚餓, 就諗住食少少野當晚餐, 醒起好耐之前同朋友食過別天神拉麵幾好味, 今次就帶男朋友嚟食😊😋 餐廳效法左日本果種先買飯票後送餐嘅方法, 我地買左飛🎫之後交比店員就可以坐底等食啦😊 餐廳環境唔大, 但就幾有日式拉麵小店嘅風格, 而旁邊嘅連儂牆寫滿左客人嘅夢想同希望!小龍蝦蝦子沙律🦞🥗小龍蝦蝦肉嘅份量都幾多而且質感彈牙, 用紫菜包住嚟食又有另一番風味!餃子🥟熱辣辣嘅餃子, 外皮煎得幾香脆, 饀料大粒而且咬落去會爆汁, 唔錯😊!豚骨湯麵🐖🍜湯頭濃郁, 豚骨味重, 麵質爽口彈牙, 比起平時一般嘅拉麵幼身, 掛湯能力ok, 整體唔錯!蝦味噌拉麵🦐🍜蝦味噌嘅蝦味十分濃郁, 比豚骨湯更重味, 拉麵仲有一堆櫻花蝦係面, 除左令拉麵嘅味道更有層次感之外, 同時亦豐富左成個拉麵嘅口感! 另外配料方面, 叉燒幾大片, 脂質均勻而且唔乾身, 味道唔錯, 加埋邪惡嘅溏心蛋😈😋 一個字:爽呀～👍🏻

今日經過尖沙咀亞士厘道，喺門口聞到好香嘅拉麵湯味，被吸引了進來第一次食兩張貼紙啦可以寫低兩年後,我希望...邊吃飯邊想一想自己的願望。這裏有一部機自動點餐，點了兩個套餐分別配埋餃子和沙律蝦味增套餐蝦湯底味道濃郁鮮甜，有咩還有很多櫻花蝦，拉麵的口感也是很不錯👍🏻別天神套餐豚肉湯底雪白香濃，和蝦湯底比較會比較清甜。餃子餃子外皮煎的金黃香脆,皮薄肉多😋 沙律中間既蝦肉 好鮮味，用紫菜包住，好多肉嘅口感，好正😋

小型連鎖店, 星期日晚不用等位, 店內大約四張買人枱加一排對住廚房的吧枱, 有日本流行的拉麵機, 買票後店員熱心招待🏃點了豚骨拉麵套餐(配餃子)和一碗蝦味噌拉麵, 再加$15叉燒(二開四上😂)👉一般貨色。 由紫菜粟米到叉燒櫻花蝦, 由色、香至味, 由湯頭至麵底, 一般貨色🐷🍤🍜不論時代變革人流減退, 對尖咀地段仍抱有一定期待。 別天神四四正正, 兩碗麵官仔骨骨, 但日本拉麵屋的格局吃不出日本風情, 高舉香港旗幟又未見香港噱頭😬以>$80拉麵而言, 希望店家繼續在美夢裏競爭, 每日拚命進取

一入到去原來呢間拉麵店係電腦機付款先可信用卡同八達通，係冇現金付款呢點大家要留意啊！買完飛之後坐低左就等拉麵時發覺水同茶係自助形式，所以都好好唔洗侍應成日加水同茶。而且係頭上高一盒盒紙巾可以比大家用好細心。味增拉麵麵一黎到新鮮煮熱辣辣，我一飲淡湯，好濃既味增味同好清甜冇味精感覺，之後試麵覺得係軟硬適中係岩岩好，我食完之後都覺得冇口乾。👍小龍蝦沙律佢既沙律係一定要食，因為啖啖都有小龍蝦肉好似唔洗成本咁好多。味增套餐$115有麵跟埋小食算平啦，重點個沙律真係好好食，而且枱上面放左好多調味料比大家自己落，而且店員都好有禮貌，值得一試。

今日去左尖沙咀開會。中午先要食個午餐。之前日日都去食拉麵，試過好多唔同鋪頭既拉麵店，我最愛都是博多拉麵別天神。來自日本的別天神，主打兩款拉麵，豬骨湯底/櫻花蝦湯底。我兩款口味都試過，最愛就是濃香豬骨湯。今日中午黎到，12:00黎到人客唔算多，一個人好快就有位坐啦！我叫左豬骨湯拉麵。濃濃豬骨湯奶白甘甜，用上新鮮豬骨熬製成湯底。豬骨鮮甜好甘香，非常滋味。叉燒肥瘦適中，入口夠鬆軟。溏心蛋每次黎都一定會食！

上次去過灣仔嗰間分店之後，對佢個蝦湯底念念不忘，但灣仔實在有點遠，所以今次去咗尖沙咀分店再食依間鋪俾灣仔大啲，都坐得舒服啲嘅其實喺呢度選擇唔多，所以我哋又叫返上次一樣嘅小食仍然都係有沙律同餃子，餃子煎到脆脆地幾好食，沙律入面有薯仔同蝦，涷冰冰幾好味豚骨湯面，湯底唔算口味太重，但又好重嘅豬骨味，面亦都夠彈牙，叉燒肥瘦適中，配料亦都十分豐富到我最愛嘅蝦味增豚骨拉麵，依個湯底相反係十分重口味，啱哂啲鍾意濃味嘅我，另外配左好多蝦乾仔，不得不讚佢嗰隻溫泉蛋，亦都非常之入味，仲係流心㗎，大愛

同媽咪去咗尖沙咀別天神食，餐廳勁有日本feel❤️，全部都係即叫即整，佢嗰度係標榜100%純豬骨湯底🥰🥰我哋嗌咗兩個餐。1️⃣蟹沙律紫菜卷+豚骨拉麵$1052️⃣餃子+蝦味增拉麵$115沙律配紫菜好正❤️❤️味道好夾餃子即叫即炸🥰拉麵湯底清清地，如果鍾意濃味啲嘅可以加蒜蓉，豉油...肉份量都好多，最正係隻糖心蛋，用酒浸😚好香!!!!!!別天神我已經食咗幾次，唔會伏🤪員工仲好有禮貌💛💛🥰🥰

拉麵館空間不大，但就非常似傳統日式拉麵店。晚上6:30冇咩人可以直入，但去到晚上七點就要排隊啦！逆市仲仲要排隊嘅餐廳真係冇幾多間。店舖設置了自助點餐機，形式 似日本嘅拉麵🍜小店，以用八達通或信用卡付款，會有張食卷印出嚟，好似去咗日本咁。其實只有兩款湯底拉麵，分別係豚骨湯麵$75、蝦味增豚骨湯麵$85。套餐加多$30可以要多兩個小食！豚骨湯麵🍜$75湯底非常之香濃，豚肉肥瘦適中。留意到店面嘅宣傳，原來湯底係100%豚骨與純水制，無添加味精同奶類制品。蝦味增豚肉湯麵🍜$85湯底加上大量櫻花蝦，比豚骨湯面底多一份鮮味。另外再配上香蔥同埋粟米🌽！值得一提我們留意到鋪頭嘅雞蛋🥚入貨箱來自日本，唔怪得知糖心蛋咁靚咁好味😋，原來食材用新鮮貴野👍🏻牆上都宣傳張貼了自行調製拉麵的隱藏口味，枱面有拉麵汁、蒜蓉醬、辣芽菜、七味粉、黑椒... 可以自己調配自己喜歡嘅口味！非常人性化！加上店員真的非常親切，這間拉麵小店在小編最愛的香港拉麵排行榜上了頭10位啦!!

別天神拉麵分店有唔少今日黎到尖沙咀分店 好多人食 滿座呢度既拉麵麵的粗細度合適口感一流食拉麵當然要飲個湯底個豬骨湯底好濃豬骨味 因為夠濃所以好有膠膠地的質感飲極唔膩而個流心蛋好流心同平日出面食到的一樣 拉麵一定要配有流心蛋先合襯而個豚肉也不錯 唔會太肥平日好怕食到好肥好多脂肪夾係中間的豚肉另外餃子很不錯 煎到剛剛好入面好多餡料而個沙律更是一流平時食沙律從未見過配上日本紫菜呢度個沙律好特別第一次用呢個食法原來用紫菜包住沙律食又幾好食

👉🏻蝦味噌套餐套餐有蝦味湯底拉麵、小龍蝦蟹子沙律同埋一客餃子 好豐富🤤.櫻花蝦令到個拉麵湯底更濃郁 好重蝦味 麵條屬於幼身 掛湯能力高👍🏻叉燒兩大塊肥瘦適中 但流心蛋過份流心 未食已經流緊出嚟🤧.小龍蝦蟹子沙律形狀好似雪糕球 沙律醬唔多 但有啖啖龍蝦肉 仲可以用紫菜包住嚟食 味道好有驚喜！.餃子可以再煎脆啲😋————————————————————-博多拉麵別天神尖沙咀阿士厘道24號天星大廈地下A1地舖

同朋友去尖沙咀支持下香港人既店🤗餐廳好有傳統拉麵店feel，有得坐bar台同埋自己買票落單~今日都幾多人，稍為等左五分鐘先有位。餐牌好簡單，係兩款麵再配小食同飲品。小龍蝦蟹籽沙律食到龍蝦既鮮味，配上紫菜，好有日本風味😀餃子好抵食咁有四隻！入面有好多菜，感覺幾fresh，煎得少少焦，顯得特別香🤗豚骨拉麵湯底香濃既豬骨味，麵條彈牙，特別欣賞溏心蛋同叉燒，恰到好處！蝦味噌豚骨拉麵配上蝦乾，非常入味！整體湯底好濃，重口味之選🤣我貪玩加入左七味粉同辣芽菜，口感更香同豐富🤣我仲加埋芝麻，令湯底更濃🤣好多調味料去選擇，如拉麵汁同蒜蓉，岩哂口味獨特既你🤗🤗食完仲可以既刻去隔離bar飲番杯！輕鬆friday nightttt

今日嚟咗呢間係尖沙咀嘅拉麵店！成日經過呢度都見到呢度有間細細的拉麵店好想試，今次專程黎試吓！呢度嘅選擇唔多，只有兩款面選擇，另外可以配埋餃子同小龍蝦蟹子沙律~豚骨湯拉麵，一碗有大概3塊叉燒。先試湯底，佢唔似平時出面食開嘅湯底咁油膩同濃味，呢度感覺豬骨味更濃，味道比一般拉麵店清淡，叉燒半肥瘦，唔會好鞋口！如果唔想食死咸嘅拉麵可以試吓呢間，豬骨味好出！蝦味增豚骨湯麵，呢個加埋少少櫻花蝦同粟米更有口感，湯底相對上濃少少，有淡淡的櫻花蝦香味！沙律幾令人驚喜！因為食到爽口嘅蝦肉，雪凍左之後夾埋紫菜一齊食味道好夾！略嫌餃子煎得唔夠脆身~最後仲送咗兩個卡套添！

設有連農牆比真香港人寫底心聲☺️大家去支持下！-之前食過cwb個間覺得一般就冇再去食，事隔多年再去食，不過係尖沙咀分店，真係進步左好多！-1️⃣別天神套餐 $105(配有小龍蝦蟹子沙律+餃子6隻)⭐️⭐️⭐️⭐️麵係豚骨湯麵，味道比起之前好好多了，之前太過淡，而家未算濃，但係都適中，佢另有個拉麵教學，加拉麵汁、蒜蓉，就話會好濃，我於是試下，再加七味粉，果然不錯！另外小龍蝦蟹子沙律，好特別！！必試！真係有龍蝦肉係到，加上沙律既酸酸甜甜，同紫菜，好夾！/2️⃣蝦味噌豚骨湯麵 $85⭐️⭐️⭐️一開始以為似櫻花蝦既味，個人口味對櫻花蝦冇太大期望，但原來係似龍蝦味！味道重龍蝦味，豚骨就較少-環境：6/10服務：7/10好味指數：7/10回頭率：7/10