厚興瑜記手撕雞 (美孚新邨)

营业中

休息中

今日去左食手撕雞名店-厚興瑜記。這間店舖名氣不少，曾經登上2018 Yahoo熱搜餐廳，不過以往我也是外賣為主，堂食今次就真係第一次。入到去，朋友竟然無叫名牌手撕雞，而是推薦我試花雕醉雞，他一向嘴雕，就即管試下。今天我們叫了二人餐，有雞、有菜、有小食、有老火湯，仲有白飯及飲料，一百多元，認真抵食。先上的是老火湯-粉葛豬踭雞腳湯，住家味道，不加味精，湯料十足，超正！跟住送上小食，我們選了麻辣豬肚及醬油冬筍，麻辣豬肚麻香、辣味兼備，不像其他舖頭般死辣，下次再來，必選小食！冬筍醬油味香，師傅煮的時間剛剛好，不會太淋，口感豐富。之後就到主菜-花雕醉雞，一試就明朋友的選擇，花雕味令雞肉更香，雞肉更為嫩滑，超好食呀！雞肉一如以往，雞嫩不肥，肉質結實，跟出面用雪藏雞製作完全不同。最後來了上湯魚腐娃娃菜，上湯清香，娃娃菜浸上上湯，更加鮮甜。魚腐亦甜甜的，與上湯非常夾。今天我們叫了兩杯特飲-金桔奇亞籽水晶蜜，飲品有清清的金桔味，配上奇亞籽及蒟蒻，有口感得來又不甜。另一杯是阿華田水晶，口感好得意，又唔太甜，味道剛剛好。這間雞店質素依然咁高，價錢仍然這麼相宜，難怪6點多已接近坐滿。朋友話其實仲有幾款都好好食

首先間嘢好細啦得個3張枱，第二服務員態度都有啲差 佢有少少西面啦 同佢講咗幾次先聽到要啲咩嘢食之後啲嘢送到黎啦 啲飯硬個舊石頭 啲雞好冇味就算加咗3蚊嘅辣椒油都冇味 之後又有加到個豬耳啦 都係冇味到爆炸🙂慘個食屎😂

今次叫咗一個麻辣手撕雞併雞腎冷麵，我手撕雞份量都幾多，雞腎細究不過數量都多，不過就落得輕手作味道唔係太辣，反而麻油味比較出，所以個感覺好香，價錢都係$40我就嚟俾錢嗰陣時候想叫老闆加多啲芝麻，老闆好好人幫我打開個蓋加，食嘅時候好香芝麻味

瑜記招牌菜絕對係清遠鷄，雖然並非鷄中之冠，但鷄味之香絕不惹少。清遠鷄皮脆爽口而不肥，平時唔食雞皮嘅我亦難以忍受佢嘅美味，鷄與皮一齊食就更加發揮出香口的鷄味。再者，手撕鷄係全部拆骨，使到進食時就更加方便。附送一碗例湯，今日係西洋菜湯，飲完不澀口，想必沒有添加味精，亦可選擇要罐裝飲品，需另外加錢，感覺就無湯咁抵飲。最後不得必提就係加5蚊就可以加款小菜，有多款食物選擇，而我嘅致愛就係海蜇，爽口清新而不會功高蓋主，掩蓋鷄味。

還未有機會嘗試美味的手撕雞，已被混亂態度的店員趕走了。明白中午是繁忙時間，但是店員的態度也可以好一點，最少有基本的禮貌！希望有機會嘗試這間手撕雞在其他地區的分店。

$65 半隻骨香雞骨香雞一睇落去會見到啲雞皮黃黃地橙橙地，個樣睇落去好似貴妃雞。佢同樣上面都加左一層芝麻。食落去有少少似紅腸（？）嘅味。不過如果淪陷到嘅話佢就被厚興手撕雞冇咁鹹。都一樣有過過冷河，皮同埋肉之間有一層充滿精華嘅啫喱。$65 半隻厚興手撕雞手撕雞真材實料。食到啲肉有雞味同埋好入味。明顯食得出佢焗或者浸熟咗之後係呀即刻再浸冰水，過一過冷河。雞皮同雞肉好容易分開，仲有雞皮好挺身、爽口。鹽焗雞粉嘅味好出最啱用嚟送飯。仲要加咗白胡椒做調味，食落去鹹鹹地又辣辣地，完全可以一次過食三碗飯。$36海蜇爽口彈牙，上面加咗啲微微焗或者炒過嘅白芝麻。食落去麻油味好香，份量都好大份。唔會好似出面其他餐廳嘅海蜇咁咸，食落去仲有少少鹽焗雞粉嘅味。

今日叫咗個麻辣手撕雞，肉質鮮嫩，好食，平日都係叫骨香手撕雞，麻辣果然都無令我失望，麻辣得一種辣度，我唔算好食得辣，覺得接受到，麻同辣都恰到好處。希望貴店會加入網上外賣平台 ，因為有時好想吃但又唔想行過去買🤣，

📍厚興瑜記手撕雞筆者這次來到美孚的小食店，以往只會買外賣回家加餸，看到這家有堂食服務，便和朋友坐下來吃晚餐。📍日式胡麻手撕雞莎拉 $45/份沒有想過中式的手撕雞店會賣日式或西式的沙律，所以冒著勇者的心態一試。沙律用湯麵的大碗呈上，有大量沙律菜，在面舖上手撕雞，並淋上胡麻汁及曬有白芝麻。沙律菜新鮮爽脆，雞肉滑，是一道清新的夏日單品。📍手撕雞酸辣水晶粉 $42 📍附加小食「豬耳」$5原來筆者以為附加的小食是額外用小碟裝上，但原來是加在酸辣粉中。豬耳切得比較薄，浸在熱湯內，欠缺了爽脆感，如以冷盤形式的吃法，應該會比較美味。雞肉份量不少，水晶粉滑溜，帶少許煙韌，酸辣醬味道如再加重一點會更好。小店有三張餐桌供客人堂食，整齊企理。餐廳性價比值高，屬抵食之選，多輕食選擇，要提提大家的是，營業時間至晚上20:00。👅 味道：4/5💰CP值：5/5🕴🏻服務：4/5🔰餐廳環境：4/5👀回頭率：4.5/5🍽 餐廳：厚興瑜記手撕雞🌐地址: 美孚新邨五期蘭秀道2號地下N16B號舖#foodie #hkfoodie #hongkongfoodie #852food #852foodie #foodstagram

琴日同老公買外賣，叫左三個半隻手撕雞分別係胡麻、麻辣同蔥油味，食完當晚開始不停屙嘔，全家三位大人上吐下瀉維持超過一日，已睇醫生證明腸胃炎🤮大家要小心！請餐廳注意食物儲存方法！

同朋友約咗喺美孚食飯，見到呢間舖頭細細，乾淨企理，外賣生意非常興旺，心諗可能臥虎藏龍，於是即管去試試，結果令人滿意、有驚喜。《手撕雞飯 加配 雞腎 》🐔雞肉嘅肉質帶點煙韌有彈性，有肉汁，唔會乾柴，分量充足，皮爽肉嫩。而最特別嘅，就係佢嘅麻油味非常香濃，加埋白芝麻粒，令手撕雞與眾不同。雞腎香脆，唔會話好硬，口感剛好。整體來講，都係值得一試嘅～

估唔到美孚都開咗呢間手撕雞店 咁出名緊係要去幫襯吓😍.正宗清遠手撕雞😋 $85(半隻) $170(全隻)今次冇試到佢地嘅招牌手撕雞 因為雞種係用咗土雞 而媽咪鍾意清遠雞多啲 話口感比較煙韌 所以就揀咗呢款🤩清遠雞大隻啲 所以價錢都會貴啲🤓手撕雞肉質好嫩滑 連雞胸位都唔會話好鞋好乾👍🏻麻油味好香 不過嫌佢個調味有少少濃🤏🏻可能因為佢原本係for人地送飯食 但係我係就咁食 所以相對個味over咗啲😩下次要再試吓佢地個撈麵同飯🤫.豬肚🐷 $36嗰日佢好好佢話可以送小食俾我😋今次揀咗豬肚 佢會放埋落啲雞度先再灑芝麻😝唔知係咪因為同啲雞擺埋一齊 所以連啲豬肚都好有雞味🤣豬肚好爽口彈牙 唔會好肥 不過仲濃味過啲雞 個人覺得有少少鹹🙈