叁不館

营业中

休息中

天后叁不館火鍋超型格調，港式大排檔裝修食材海鮮新鮮 牛肉部位靚食物既質素絕對無得彈睇得出廚師既用心自家製嘅蔥頭油係必定要試 蔥香味突出加D落個豉油令到成個醬料更加豐富火鍋湯底叫咗醉雞湯酒既香味好足同時又唔會搶喉個雞我就滾3分鐘 再焗2分鐘出到黎雞肉鮮嫩入味手打五寶丸好出色 粒粒彈牙足料然後仲有 手切封門柳 -呢個鮮嫩多汁滑入口 正所有海鮮都好新鮮 鮑魚大隻厚身 飽滿 店員亦都會提你每款食材大約淥幾耐鵝腸帶住油脂 食落去極香 個人黎講 呢個係必點最後就係啤酒環節，基本上就係黎食飯就免費送啤酒十蚊十支啤

今天晚上， 我們去天后叁不館打邊爐。我們進入餐廳 ，裝潢以古式茶檔、香港電影等為主題，處處都是充滿特色的打卡點。看了看餐牌， 我們 叫了開胃小食、今晚卜卜蜆鍋、頂級安格斯牛頸脊、海中蝦滑、鮮墨魚滑、雜菜拼盤、水魷鱼、白柏葉、南非鮑魚和海中蝦。各種火鍋的食材都十分新鮮， 經過白灼後，色香味俱全。我们十分享受 今天晚上在叁不館 的海鮮火鍋 。

從維園行過去天后方向，5至7分鐘到達火鍋舖。餓着個肚今晚可以開大餐。餐牌都幾多款式，有椒鹽炸魷魚，新鮮即炸紫菜響鈴，即炸魚皮等等。海鮮類仲有龍蝦，魚，蟶子，扇貝。見到有個魚缸入邊龍蝦生生猛猛，order一份椒鹽龍蝦，上枱熱辣辣，肉質厚實，味道亦會過鹹。湯底係椰子雞鍋，湯底淨係睇顏色都知道真材實料，淡淡黃色有濃郁雞味。另外仲有半隻新鮮雞另上，幾抵食。桂花魚起肉，完全冇骨，都幾嫩口。手打丸系列一定要試，q 彈牙墨魚丸，見到屋企人食到舔舔脷。

剛剛開學可以兩口子出黎食餐好野， 去左天后樹林銀座叁不管打個邊爐， 餐廳主打港式火鍋， 重播住懷舊金曲，一切美好回憶都返哂黎。咯咯雞花膠湯底 - 先飲頭啖湯， 清香鮮甜， 骨膠味濃， 花膠， 雞件又大又滑， 直頭可以當湯飲。黑安格斯牛板腱 - 又係大大塊， 厚切， 入口牛肉味香濃， 脂肪分布均勻， 油脂甘香， 好味。鮮蝦雲吞， 韮菜餃 - 材料豐富， 鮮蝦爽口彈牙， 韮菜餃菜味香甜。鮮墨魚滑 - 墨魚滑外舖滿蟹籽， 入口卜卜聲， 墨魚滑新鮮彈牙。桂花蚌 - 呢個非常精彩， 快快滾一滾， 一硬身就可以入口， 爽脆香甜。新鮮鴨血 - 8 件厚切鴨血， 又大又滑。南非鮑魚 - 海鮮味香甜， 爽口彈牙。

City of Darkness係一間以舊香港懷舊風情為主題嘅打邊爐餐廳，一入到去就感受到濃濃嘅懷舊氣息，從裝潢到細節都充滿舊日香港嘅影子，好有年代感。枱同枱之間唔會太逼夾，空間感十足，坐喺度食飯都好舒適，完全唔會有壓迫感。當晚侍應嘅服務態度非常親切，仲會詳細介紹每款菜式嘅特色，令我哋未開始食已經覺得好期待。講返食物質素，呢度真係無得彈，所有嘢都係新鮮得嚟有水準。當晚啱啱撞正象拔蚌做緊半價優惠，我哋當然唔會錯過。象拔蚌非常鮮甜，完全冇一絲腥味，好多人可能覺得打邊爐嘅海鮮唔容易處理得好，但呢度嘅海鮮真係令人放心。另外，肉丸係其中一個最大亮點，非常彈牙，入口有紮實嘅口感，完全唔似其他地方嗰啲粉粉哋冇咩口感嘅肉丸，呢個真係絕對值得一試。而響鈴都好出色，炸得外脆內嫩，唔會太油膩。當晚仲有一個非常抵嘅啤酒優惠，只需$10.10支，飲唔晒仲可以存放三個月，呢個價錢對於打邊爐配啤酒嘅愛好者嚟講真係一個大好消息。埋單嘅時候，人均消費約$500，以呢度嘅食物質素同環境嚟講，呢個價錢絕對係超值。成晚嘅用餐體驗非常愉快，如果你鐘意懷舊風，鍾意打邊爐，City of Darkness真係唔可以錯過。呢度絕對係

由出電梯門口就見到麗花皇宮燈牌充滿舊式香港情懷，入面枱同環境都充滿設計，有大排檔既摺枱摺凳，仲有係賭檔既大細枱好有港式電影情節feel ，見到menu 有新鮮海鮮同牛肉都有好多款選擇睇得出係好用心經營同設計既火鍋店！好值得推介俾大家！一坐底會俾你自己揀醬油，落埋店鋪自家制既沙嗲醬同蔥頭油再沾黎食真係好香！今晚卜卜蜆鍋$198因為鐘意海鮮叫左個蜆鍋，真係多蜆，滾起咗即刻要飲返啖湯即刻暖一暖手切封門柳（例牌）$298例牌份量夠哂二人食，都好多肉質都好細嫩，加埋蜆湯讓人聞之垂涎。蟶子（2隻）$118，扇貝$78，海中蝦（半份）$88打邊爐點都要叫返小小海鮮咁先有風味，蟶子好大隻有種微微甘甜，扇貝同蝦都好新鮮同鮮甜！珊瑚蚌$128有海鮮風味加濃郁鮮味，食落好爽口紫菜炸響鈴$98即叫會幫你炸返熱既響鈴 ，等你食落再脆一啲，同埋熱辣辣咁食好好食。白菜仔$42新鮮白菜仔，食完無咁油膩感。竹蓆茅根海底椰$48清喉潤肺，打邊爐無咁大罪惡感同熱氣，一渣唔係好夠喉！

Bookmark咗叄不館好耐，今晚終於嚟到，大滿足卜卜蜆豬骨湯底，勁足料，滿滿嘅豬骨，大大粒蜆，份量足，完全無沙，好新鮮，湯底吸晒蜆嘅鮮甜，又多配料，蘿蔔吸收晒湯底精華，勁正黑安格斯牛皮腱，牛味勁香濃，油脂分布平均，切出嚟嘅厚度口感好好，啖啖牛肉勁滿足鮮蝦同鮑魚都好新鮮，爽口彈牙，洗得又乾淨五寶丸好高質，蝦丸、牛丸、豬肉丸、墨魚丸同鯪魚丸，食每一款都好似食緊蝦、牛、豬、墨魚同鯪魚嘅形原咁，打得好彈牙；魚皮餃好特別，魚皮比坊間食到嘅更煙靭，好有咬口鴨血好好味，蔬菜拼盤款式多又新鮮，亦洗得好乾淨薏米水好清甜解渴，打邊爐飲好暢快前菜嘅青瓜雲耳花生都好開胃提供嘅醬料款式好多，特別想讚佢哋嘅自家製沙嗲醬同埋蔥油，濃而不膩飲品嘅選擇都好多，仲做緊好抵嘅優惠，消費滿$500，share叄不館嘅一個IG post，加一蚊就可以有一支青島或者加士伯，用10支做單位，好抵飲食物選擇嘅款式都好多，唔同部位嘅牛肉、其他肉類、各式餃子同肉丸、炸物例如紫菜響鈴、唔同嘅蔬菜等等，款款都好吸引睇店面就知叄不館嘅風格好特別，好有香港本土風味，感覺好chill，座位又闊又乾淨，店員又會好貼心咁為客人介紹食物，質素高份量足

今晚和老公去了天后“叁不館”打邊爐，餐廳四周環境充滿舊香港色彩，更設有獨立房間，食客可相約三、五知己包房品嚐火鍋。🐔🫕咯咯雞花膠湯～火鍋湯底濃稠鮮味，花膠滑嘟嘟，彈牙爽口。雞肉嫰滑，份量十足。🥢南非鮑魚～鮑魚新鮮，鮑身肥厚，煙韌彈牙。🦐海中蝦半份～半份都有6隻，性價比高。蝦肉鮮甜，可口。🐚沙白蜆一份～沙白蜆份量十足，味道清甜無沙。🐷西班牙黑毛豬～黑毛豬脂肪分佈均勻，肉質充滿鮮味。🍡🦐🐮Q彈鮮蝦丸及牛丸雙併～牛丸爆漿，蝦丸彈牙。🥠炸芋頭～芋頭口感綿密，夠粉夠腍。🐮👅牛脷托～屬於牛舌最近喉嚨最厚肉的部位，外層軟腍，內裡煙韌。🥢山水豆腐，鮮淮山及雜菜拼盤～豆腐滑溜，淮山口感爽脆。雜菜拼盤包括白菜仔、萵笋片、油麥菜、津白、唐生菜、番茄，粟米及木耳。種類多元化，新鮮美味。🥫醬料方面，特別推介餐廳自家製的葱頭油及沙爹醬。味道鮮味濃郁，食客如喜歡，更可以優惠價$58購買一樽回家慢慢享用。🍻喜愛啤酒的食客，現在只要追蹤餐廳社交平台，便可享$1/枝啤酒優惠。(必須先以$10購買十枝)啤酒更設暫存服務，即使一次喝不完，也可留待下次飲用。

裝修好有氛圍感，傢俬，牆身，碗碟都有懷舊嘅味道。服務都好好，每個店員都好親切 重點依家有$1啤酒優惠!!’茶乾雞腳湯湯料超多，好足料，係屋企嘅味道～麻辣湯滿滿花椒，幾麻，好香口，扇貝&鮑魚有幾款海鮮選擇，揀咗嘅扇貝同鮑魚都好鮮甜牛摩王拼盤用上5個部位手切牛各6片，牛位十足，最鐘意手切牛肉同封門柳清燉牛腩片比想像中大盤好多，牛味超濃，適合一大班人分享鮮蝦丸，鮮牛丸食得出好新鮮，因為勁彈牙。重點係牛丸超多肉汁四拼餃韭菜餃最驚艷，韭菜好鮮好香

今次嚟到天后試咗一間地道火鍋，舖名用咗香港特色九龍城寨嘅特別狀況「叄不館」嚟命名，店內裝修都有種八十年代嘅電影海報設計、諧音廣東話方言、夜總會霓虹燈等，非常有親切感。食物方面十分高質，先嚟一個前菜椒鹽粟米，有種避風塘風味，但係粟米又好juicy，食完唔會覺得好口渴口乾，反而係開胃生津，而且炒得好惹味，夠晒鑊氣！食完前菜點咗一個花膠雞湯，個湯單飲都非常入味，配襯住花膠同原隻雞啖啖肉食，非常滿足！由於湯底本身隻雞都好大隻，如果多啲人嚟食就可以嗌多啲唔同嘅食物種類～然後叫咗一份牛魔王拼盤，一個價錢可以品嚐到不同部位，平過分開叫好多😋而且都係超大份，食完彈牙嫩滑嘅牛肉已經有少少飽飽地。美食一浪接一浪，再嚟超正海鮮拼盤，海蝦鮑魚仙貝等超新鮮😍其他配料例如蟶子、鯇魚片等都超級好味，今次唯一係唔夠多人嚟，推介大家帶多啲朋友嚟食返餐好嘅！

近來個個都響社交平台 講九龍城寨有幾好睇，無意中見到有個朋友嚟咗呢間都係同城寨有關嘅火鍋店打卡，見啲嘢食同埋環境都好似幾吸引，bookmark完今日終於有時間嚟試吓~ 一入到餐廳已經見到啲好有feel嘅霓虹燈同埋壁畫，裝修真係花足心思，希望嘢食都好食啦~ 因為我哋得兩個人所以都唔係叫咗好多嘢，我哋叫咗卜卜蜆鍋底已經好足料勁多蜆，所以配料我哋都唔需要叫太多~ 老公係牛魔王所以叫咗兩碟牛肉，雖然價錢唔平不過好高質素，牛味重肉質好，脂肪分布平均另外叫咗碟手工餃子，有午餐肉餃又有芫荽餃同埋菜餃，皮薄餡靚幾好食~ 另外餐廳嘅自製蔥頭油我哋都買咗罐返屋企，撈麵/點肉一流臨走前我哋仲見到餐廳有個一蚊啤酒優惠好似好吸引，不過我哋得兩個人就冇飲啤酒啦，但係一大班朋友嚟用呢個優惠應該幾開心! 總括嚟講餐廳質素都唔錯，下次可以帶埋屋企人或者朋友嚟就可以叫多啲嘢試多啲

映入眼簾的是充滿懷舊風情嘅古式茶檔、九龍皇帝嘅墨寶同香港電影主題嘅裝飾，令人彷彿置身於舊香港中，絕對是打卡影相嘅好地方。一入座就有開胃小菜：花生、麻辣黑木耳青瓜。店員都會拎火鍋醬料比我地自行搭配。不得不提係佢地自家製嘅「蔥頭油」，香氣撲鼻，用來點牛肉以及海鮮都非常突出。店內亦有瓶裝「自家製蔥頭油」售買，我立即買左一瓶，等下次係屋企打邊爐都有得用！我揀左「卜卜蜆豬骨煲」做湯底，真係有一塊巨型豬骨係煲中，亦都用左好多蜆去一齊煲，非常足料！非常鮮甜！牛魔王拼盤（包括極級本地手切肥牛、頂級安格斯牛頸脊、牛脷托、手切封門柳、鮮牛肉粒、黑安格斯牛板腱，各6片）。必須大讚「手切封門柳」！油花分佈均勻，入口即溶。海中蝦（半份）加南菲鮑魚（2隻）手打五寶丸（豬肉丸、鯪魚丸、牛丸、墨魚丸和蝦丸各2粒）真係手打先有嘅口感，而且有濃郁的肉同海鮮味。檸檬薏米水清爽解膩，非常適合配火鍋。店家仲有一個限時優惠，$10可以買到10支啤酒，並且90日內再訂座時可以協助寄存未開的啤酒，適合約埋一大班朋友聚會。

放工跟老公去打邊爐，今次選了這間充滿懷舊氣息的叄不館。坐枱有點像大排檔，餐廳各角都是懷舊的打咭位，播放的也是懷舊的金曲，許冠傑黎明鄭伊健等等。枱下有籃可以放袋，枱與枱之間也有足夠空間。湯底我們選了卜卜蜆豬骨煲，有超級多卜卜蜆，等於是叫了一份海鮮呢﹗全部蜆瞉都會打開很新豬，豬骨煲有大大舊豬骨連肉，煲得軟淋，湯底亦有濃濃胡椒味，有粟米等配料。店員建議先喝碗湯再打邊爐，果然可以暖暖胃品嘗清楚湯底鮮味。醬料也要好好介紹一下，因為是整個圓圓醬料盤上，很壯觀呢﹗推薦餐廳自家蔥頭油及沙爹醬，非常香口。另外麻醬很香滑，辣椒油跟蒜蓉也很不錯。我們二人點了海中蝦半份、2隻南非鮑魚、自家製四拼餃、手工五寶丸、頂級安格斯牛頸脊(大)、皇帝菜、稻庭烏冬和竹蔗矛根海底椰，飽到不行啊﹗海鮮用一個大盤冰鎮奉上，鮑魚已幫忙脫瞉，海蝦用籤插著，方面用手拎。鮑魚滾2-3分鐘已可以吃，飽滿彈牙。海蝦雖不大，但蝦身也彈牙的。頂級安格斯牛頸脊有分例牌跟大，由於我們只點一份肉，所以點了大。只需滾一滾便可以吃，牛肉片爽口有肉味，吃得出的新鮮和上乘。手工五寶丸有豬肉丸, 鯪魚丸, 牛丸, 墨魚丸, 蝦丸，當中鯪魚丸和牛丸最出色，鯪魚丸

天后好多餐廳都臥虎藏龍，今次搵到一間樓上嘅火鍋店係以老香港情懷為主題，無論裝修、餐具定係擺設都十足幾十年前嘅香港🇭🇰見到餐廳而家做緊大優惠【啤酒$1/支】😳要以$10買10支，飲唔晒唔緊要，可以暫架鋪頭，下次幫襯再飲過😆😆😆今晚卜卜蜆鍋 鍋底有好多選擇，今晚想食得清淡啲所以揀左卜卜蜆鍋，店員建議先食晒蜆同飲啖湯先開始打邊爐😆蜆肉大大隻，而且數量幾多，湯底亦鮮甜，鍋中仲有好多芽菜同娃娃菜，索晒蜆肉嘅精華頂級安格斯牛頸脊 牛頸脊牛味香濃，而且入口軟嫩，雪花分布平均蒙古羊肉片羊肉片同樣嫩滑，而且唔膻，脂肪唔算多，食落唔會覺得油膩蘇格蘭蟶子． 日本扇貝2款海鮮嘅size都好大隻，蟶子口感彈牙爽脆，扇貝煮完都keep 到好厚肉😂而且味道鮮甜，好好味白鱔片切得厚薄適中，肉質食落Q彈爽口，放落蜆湯煮更加鮮甜鮮墨魚滑墨魚滑撈埋蟹籽食落彈牙，好足料自製炸魚皮魚皮炸得金黃香脆，每塊都好大塊，口感十足雜菜拼盤．海帶結．稻庭烏冬打邊爐臨尾落埋啲蔬菜同烏冬索晒蜆肉、海鮮同牛肉嘅精神，非常鮮甜，蔬菜拼盤有雲耳、蕃茄、娃娃菜、唐菜、油麥菜等等，好多種類都可以一次過食晒

昨晚與爸爸到天后吃火鍋，我們走進位於樹林銀座7樓的叁不館，是一家獨具特色的港式火鍋店。店內四處充滿精心打造的懷舊港式風格裝修，讓人仿佛穿越時光回到上世紀的香港，猶如置身於懷舊的電影場景。叁不館在裝修上的用心之處可謂獨具匠心，讓人倍感愜意｡ 我們選了菜單上的玫瑰花花藥膳湯和香茜茜皮蛋湯作為湯底，清香彌漫而來，味道濃郁醇厚，我們在用餐前先喝兩口，令人回味無窮。自家製蔥頭油配上醬油、蒜蓉、辣椒等作調味，散發著誘人的香氣，讓人胃口大開｡ 我們先品嚐這裏的海鮮，包括有南非鮑魚和海中蝦，還有一款開胃小食，店員推介的椒鹽雞翼尖，確實不錯，香口惹味。之後我們還點選了多款食物，實在豐富，包括有鮮牛丸、鯪魚釀豆卜拼豬肉釀豆卜、海中蝦滑、鮮墨魚滑、水魷、唐生菜、雞脾菇、鮮冬菇、冬瓜片、菜心苗、蕃茄、蘿蔔片、白鱔片等，很多很多，數之不盡，每一款食材都很用心預備，新鮮而且美味｡ 此外，叁不館的服務更是一流。上菜的速度非常快，讓人不會感到等待的無聊，讓就餐過程更加流暢。服務人員的招呼周到，殷勤服務使人感受到賓至如歸的溫暖。加湯更是方便，隨傳隨到，讓人飲湯不愁。在享受美食的同時，服務人員也向我們介紹菜品，有禮貌周到