又一間餐室 (已結業)

呢間港式茶餐廳轉左經營模式之後就好少嚟食嘢，午餐一律都係$50，熱飲加$4，而家用左半自助形式，餐湯自己去攞，而侍應會將主菜送到你面前，我叫左個焗㗎喱牛腩飯，即叫即做，等左差唔多十五分鐘就上枱，不過面頭啲食物焗到有啲過龍，有啲燶同埋有啲焗到乾左，冇以前咁有水準。因為以前喺度飲過呢度啲咖啡，又香又滑，所以加左$4要杯熱咖啡，不過今次真係有啲失望，唔係好夠熱同埋冇咁香滑了。香港嘅餐廳都有一個毛病，就係保持唔到水準，希望呢間唔會啦。

間餐廳好大，裝修好靚（雖然聽講裝修前其實更靚😂），同埋最緊要坐得舒服。我同男朋友係星期日食dinner，餐廳冇加一不特止仲可以任坐，同朋友聚會傾下野應該會幾正。野食方面，沙薑雞同個三文魚便當幾好。碟雞大大碟，便當又多配菜，我自己覺得好抵食質素又ok（不過又係聽講裝修前更好😂）。服務方面，個人認為唔錯，如果有得用Apple Pay/ 八達通比錢就更好啦。總括而言我同我男朋友都好鍾意間餐廳，應該會再黎。

今日去到美孚返學，問這裡的同事講這間價錢吾貴又味道吾錯就食午餐時間過黎，黎到一點鐘都有位，野食都以$49.5再加飲品或食物。整體價錢吾貴，有湯，前菜，蒸蛋和飯。最後叫左個鰻魚飯定食，等左十分鐘就黎到啦，睇落個樣都吾錯，沙律菜都新鮮有芝麻醬，鰻魚份量都正常，飯都有一碗飯，蒸蛋要有一冬菇，下面就沒有其他配料，但成杯冇蛋味又吾咸有失望。出面可以倒綠茶，湯有中和西湯任飲。而同事食牛肉都話味道可以而且比心目中飽肚。

叫了三文魚西京燒午市套餐，無限添飲湯。。。湯有兩款，麵豉湯同羅宋湯。。。但味道太淡，不太吸引飯餐有蒸蛋，鷄翼一隻同沙律，以及自選便當，份量足夠，蒸蛋好滑，沙律配芝麻醬ok 西京燒三文魚味道不俗。環境有點迫，但裝修很cozy, 服務因為煩忙時間，不可期望太高整體而言，如果是平平凡凡食個lunch 是扺食之選!

有一段時間我早午下晚四餐都去幫襯，但自從裝修後真係越嚟越唔掂，之前都已經質素唔穩定㗎啦，現在仲越嚟越差，經常出錯單，叫後起餐飲返而最早起，午餐已係set上，晚上小炒都轉哂做set，咁我不如去其他茶餐廳好過。今早再去，叫左C餐豬扒配太陽疍多士，走汁，嚟到基本上無錯，但又少左注沙律菜，以前都試過兩、三次無沙律菜，一直以為當日無入菜或菜用哂，但今次俾我見到侍應另外隻手嗰兩碟係有沙律菜嘅，我問點解我無，佢話可能俾流左，你要唔要我補返俾你，我梗係話要啦，佢話轉頭俾我，轉頭轉到我埋單走人佢都冇左件事。

而家好興翻身，品牌或者店鋪翻身，改做個名之後，targeting都唔同左! 平時放工會去美孚呢間餐廳食飯，食小菜或扒，對我而言係乾淨版本的茶餐廳，但最近翻身之後，多左好多新奇有趣食物，主要賣日式形式食物，但耐心了解下，其實食嘅野一樣…衰D就會話掛羊頭賣狗肉，但其實係創意帶動銷售，好兩睇啫!平時會叫得日式拉麵，而家用shabu-shabu 形式上，食拉麵都可以打邊爐，有創意!但小朋友要注意，呢種食法其實係好熱氣，而且好易辣親個最，我自己食一淡就成塊皮辣左落黎! 味道同之前差不多，無太大驚喜，但價錢當然上升啦! 創意係要錢的，我覺得OK~不過其他配菜就比較差，個蒸蛋明顯係凍曬，湯都係凍，製作尚待改善啦!

之前係d間餐廳食過lunch，個陣局部裝修中，今日經過見到裝修完成，成間餐廳感覺唔同晒，好光孟寬敞。仲見到Dinner好抵食，所以決定今晚係到開飯。晚餐便當選擇很多，價錢亦只是$59.5或$69.5一款，若想吃少吃亦可按自己口味追加。每個晚餐都配以沙律前菜和蒸蛋，而飲品需另行加錢，熱飲加$4、凍飲加$7。另外餐廳亦設有自助區，顧客可於自助區取餐湯或添飯，水和綠茶亦是免費供應。松板牛柳粒鍋 $59.5另加了一杯凍奶茶 $7鐵板雜扒 $69.5

叫過好幾次外賣早餐， 頭兩次由落order 就等左40分鐘以上先做好。 最近一次最離普， 叫兩個B餐， 三個送，拿到家屋企發現得一送，小左兩樣送，兩個餐都少左。打包方式又唔pro, 次次拿到回家杯飲品都會瀉d出來。

返到美孚前屋企人話太勊唔煮晚飯，即刻周圍睇下有咩可以平平地食個晚餐。之後發現有間新開旳日本便當定食，價錢又尚算可以，就決定去試試～晚餐大概$59.5一個定食，不用加一，有自助區可以取綠茶，湯。晚餐定食就選擇了三文魚西京燒同焗咖哩牛腩飯，定食跟了小食與蒸蛋，賣相精緻，味道亦不錯，家人覺得個咖哩汁剛好不太濃味，三文魚與牛腩亦很滑。這個價錢不算很平宜，但食物味道與自助區亦算加了分。

我和友人兩位一入到餐廳， 無人招呼， 自己揾位。 坐低後點了兩個下午茶餐，冰火波（菠）羅（蘿）油和炸雞脾多士配薯條， 過了十五分鐘才告知沒有冰火菠蘿油， 說半個餐牌上的餐都售完， 那好吧只好選另一個餐。再個十五分鐘，先再說炸雞脾多士也沒有了⋯⋯我等了足足兩小時，你現在才告訴我沒有！！

又一間這店子，曾幾何時，是我很喜歡的店子，無論早餐、午餐、下午茶，甚至晚餐也會光顧的。今次令我失望的，午市套餐，干炒牛河，河粉顏色均勻，入口也不油膩，牛肉份量適中，是可選擇之一。 而咖哩牛腩飯，咖哩汁的椰汁味較重，薯仔數量比牛腩多兩倍，而且牛腩非常硬，實在難以咀嚼。 午膳有餐湯一碗，但吃了餐一半，意然也沒上餐湯，向侍應查詢，亦只上一碗。 order相同飲品，亦只上一杯。 再向侍應查詢，答案是"整梗"! 相同的餐湯、相同的飲品需要等半小時？還要逐碗、逐杯分開上？ 實在難以想像。不知為何這半年裡，無論服務、食物選擇也改變了。 舉手請侍應生order，總是只有一、兩個會回應，有某些這像把妳視而不見。 食物選擇方面，無論下午茶時間和晚餐時段也少了很多。另一方面，令我失望的是....半小時內，同一侍應問我有多少人達5次之多，半小時內我共答了她5次。 最可笑是我們用餐時，侍應問餐碟可以收未？ 正在用餐中，問餐碟可收未？....真不知如何回答。 實在不知道近來這裡的侍應做甚麼。為何之前有禮、服務佳的侍應全也離職了？餘下的卻令人失望。這樣的服務態度與趕客有何分別？

今日喺美孚食飯，行到去寶輪街曼克頓山商場附近，見到呢間餐廳入面坐滿人，而且裝修幾靚，於是入去試下。 當時係中午時間，所以需要同其他人搭枱，餐牌有幾款唔同嘅午市套餐可以選擇，我揀咗一個大豬扒飯。 喺等飯度嘅途中，觀察咗餐廳內嘅一啲裝修，對住寶輪街嗰邊係比較西式嘅裝修，但行入少少嘅位係比較日式嘅裝修。 等咗大約五分鐘，有個沙律送上，有水果同埋有唔同嘅菜，味道正常。 再等多五分鐘，個大豬扒飯終於送上，外加一個蒜蓉汁，仲有隻太陽蛋，豬扒分量係幾大，而且肉質都新鮮，煎得幾香，個飯同個汁就不過不失，整體感覺正常。

上次偶然經過，吃了一個下午茶餐(三明治)，味道不錯。今次特意光顧，怎知餐牌內容轉了，沒所謂，試吃其他食品，叫了北海道海鮮湯烏冬，味道有驚喜～味精味不重，蝦爽口、不霉，可惜沒鮮味，帶子有醃，沒雪味，還有青口！雖然價錢要44元，但食物質素搭夠。友人叫了班腩炒河，河粉有鑊氣，菇菇煮得滑溜，味鮮，班腩雖是雪藏貨，但不霉。總的來說，值得推介。

今日同同事去美孚食晏, 不如就下去曼坊睇下有咩食, 我地見到有一間外表非常地道的日式餐廳, 一入到去, 咦? 點解咁神奇既? 前半個舖係日式裝修, 後半個舖就係一間西餐廳裝修, 入到去既時候亞姐叫我地坐去西餐廳個邊, 因為個邊冷氣太凍啦, 所以我地就坐返去日式餐廳個邊, 亞姐個面口好似唔係咁好睇咁. 睇下有乜食先, 個menu好似有d雜亂咁, 有all day breakfast, 又有午市套餐放埋一齊, 另外個價錢又分兩個, 真係要細心閱讀. 我地就分別叫左雜錦魚生飯同鰻魚飯, 之前係附近食左一個極難食的鰻魚飯, 希望今次有驚喜啦!點不知過去真係有驚喜喎! 兩個飯既賣相都ok, 個鰻魚係熱辣辣, 又JUICY, 肉質鬆化, 好好食! 我清哂! 我想講其實個飯size都唔細架同事叫左魚生飯, 個賣相都好得喎! 而佢每一個配料都好新鮮, 真係食落有驚喜呀! 呢個價錢, 有咁既質素, 可以再黎呀! 不過如果D阿姐既服務再好D就好了.

經過幾間快餐店, 見到冇位食早餐, 諗起一直都未試過呢間餐廳, 本著早餐貴極有個譜既心態走左入去, 唔洗等已經有卡位坐, 見餐廳乾淨有cafe感覺。睇完餐牌, 價格微高過附近翠河餐廳, 點左火腿蛋腸仔通粉, 跟住留意下餐廳既佈置, 之後黎左個奶茶, 試左啖, 不過不失, 機沖較穩陣, 茶唔老, 又唔會太多奶, 可以接受。跟住出場既係通粉, 諗住第一次試都係點較穩陣簡單既食品, 發現湯係滑滑奶白色, 同埋有好多粟米, 見有配菜喜出望外, 餵左手機食之後輪到自己食, 入口第一啖腦內靈光一閃, 第一下既感覺係.......凍既?!凍既意思即係已經離開左暖一d, 凍既意思亦都係指炎炎夏日都仲可以感覺到既寒意,師傅唔似一次失手有d冇番熱, 而似平時都係咁, 因為全部都係凍凍地既(材料凍, 通粉凍, 最愛粟米都...) , 根本就無考慮過煮熱, 推斷d材料係整定, 客人要乜就放乜, 跟住上湯滾一滾(d湯係微暖既......), 上台俾客人,以為每個客人唔考慮食物冷熱既問題, 就算食完會支付$27-30都好...以平時做野填飽肚既方式火速食左個通粉, 飲埋杯奶茶埋單走人。一個失望的早上。