吉野家 (已結業)

近年流行抺茶凍飲，這個潮流好像是由台灣吹起，Starbuck也自創了綠茶飲品，但我嫌貴沒有試過。某天經過灣仔天橋，接收了吉野家的宣傳單張，可以優惠價＄３換購夏季新產品抺茶紅豆冰一杯。於是這一日在尖沙咀，排隊買下午茶牛肉飯，以優惠卷換了一杯抺茶紅豆冰。宣傳圖片上，抺茶紅豆冰是玻璃杯裝，層次分明，綠茶、奶類與紅豆的比例大約是１：１：２，但實物並不如圖片，透明膠杯裝，綠茶與紅豆的比例大約是６：１，綠茶與奶類已成混合物。幸好味道不錯，紅豆煮至軟身，味道甜絲絲，跟綠茶奶昔的味道是一濃一淡，讓紅豆浸於茶裡的時間長一點，便沒有那麼甜。

每年冬天，各大快餐店也會推出火鍋套餐，讓大家在寒冬下可以讓自已的胃部溫暖一下今年吉野家的主題是蟹之濃湯海鮮火鍋Shabu Shabu，我們當然都要試一試啊～今次光顧的是位於尖沙咀金馬倫道的吉野家，比起其他分店，這家坐位數目比較多，而且通道也較廣闊，近角落頭的坐位就更加舒適 我們二人點了兩個餐，一個是海鮮蟹湯牛肉配烏冬，另一個是蝦濃鍋牛肉配飯，另外加了一個蟹棒海鮮蟹湯：今年主打的就是這個，的確看上來有蝦有元貝有青口，不過那些元貝和青口們好像不太新鮮，梅梅的感覺，反而湯底就夠濃味，不錯～蝦濃鍋：這個湯底喝來也跟上一個差不多，只是配料少了些海鮮，轉了一隻天婦羅蝦，反而我比較喜歡這個牛肉也是吉野定一貫的水準，作為一間主力做牛肉飯的食肆當然質數有保證，反而在醬汁方面，麻醬配牛肉的確出色，但只得小小的一盒，想再要就要另外加錢，就略為小家了一點吧吉野家這年的火鍋沒特別驚喜，不過一年一度，又總會試下的，下年再見吧！

往年去吉野家打邊爐, 一向都係首選. 因為湯底夠味, 食物新鮮. 十分好味. 今年第一次去試....點知..失望而回. 叫左個蟹味湯底, 同清湯幾乎冇分別. 只得少少蟹柳味....食物份量依然多, 一個人食一個煱, 好飽~但今年冇左滿足既感覺. 因為味道唔夠. 而且樣樣野都要加錢先有.....不過, 比起其他快餐店, 吉野家依然係首選

是晚決定去返第一次幫襯的尖咀太興廣場分店，只是剛１９點啫，又估唔到會有咁多人？原來仲係咁多人幫襯架？入到去搵好位，先去Counter買食品後行過隔離等食物到手，形式等同麥噹噹囉。如食火鍋的話就拎住Ｄ食物返埋位，再等阿姐拎個小火爐為您點火喇，時間都算快嘅，Ｄ阿姐都幾落力，但好明顯人手係好唔夠，因為來來去去都只有兩個阿姐，點火執枱添加湯都係佢地，尖咀呢間人流咁多真係做死人呀！！！其實呢晚我本來想食第四回的＜海鮮豆乳湯＞架，因為想食帆立貝同藍青口嘛，點知原來尖咀呢間分店冇供應呢款，只供應第三回的＜鱈場蟹棒味噌湯＞，喔...咁一場來到都要食架，鱈場蟹棒都ＯＫ丫，所以最後揀咗第三回＜鱈場蟹棒＞但冇味噌湯揀，唯有點日式濃湯囉。呢款套餐中食材有：鱈場蟹棒、日式芝士年糕、油揚、芋絲、娃娃菜、冬菇、南瓜、粟米、金菇和特切生牛肉(配日式焙煎芝麻醬)，如果唔食牛更可轉燻製生煙肉添。套餐更可自由配搭珍珠白飯、讚岐烏冬或日式粉絲，我當然揀日式粉絲啦，另可加不同價錢有不同食材，呢晚就加了$8墨魚餅喇。最後盛為$55.5。估唔到放係鍋裡滾滾滾咁耐的鱈場蟹棒食落都仲咁有蟹味，惦！另外其他蔬菜都幾新鮮，應該係因為太多人

We had Japanese don as our afternoon tea. We order four sets: 牛肉撈烏冬、蟹籽鮭魚飯、雞肉野菜飯、牛肉飯。All tasted excellent. The 撈烏冬 is a alternative of rice. The 蟹籽鮭魚飯 always my favorite.

是晚去聚會前女朋友想分享依度嘅肥牛火鍋，難得佢出主意，當然同意就去啦。因為我遲嘅緣故，佢負責買，到場時已見"萬事俱備，只欠個火"，侍應亦馬上上前點火，等佢滾就可開動。一碗嘅烏冬(應該足一個)，四塊左右的肥牛，都應該夠有餘，算足料。火鍋滾當然開蓋，鍋裡嘅配料可以用豐富來形容，包括有兩隻完整鮮冬菇、兩片南瓜(略嫌硬咗D)、兩細舊粟米(甜、有D硬身)、兩舊類似生根的物體(吸咗D湯，好味！)、兩條類似蟹柳的東東(食完都唔知咩嚟)、兩細磚豆腐(滾幾滾散咗)、兩三紮嘅金菇及一粒芝士丸(因為唔知咩嚟，滾到最尾已經不似丸形，只知黏黏的)，落D肥牛就令個湯更膿味，然後落埋烏冬，吸晒D湯味！50有餘的晚餐，兩個都飽肚，又可打下邊爐，唔錯嘅選擇，只不過抽風系統要改善下，打打下就好熱，好焗！

7月20日, 多數嚟到吉野家都係只會食牛肉飯, 不過佢近來好多新搞作, 又咖哩又芝士咁, 今晚試一試吉野家嘅牛肉新食法~ ::: 鐵板牛燒肉定食 ::: $42呢個食法有d似pepper lunch, 都係將d生野放喺一塊鐵板上面, 自己親手炒到佢熟, ,而佢底下係有爐去一路keep住塊鐵板熱~ 主菜當然有吉野家和風牛肉, 另外有d配料例如粟米、車厘茄、青椒絲、紅蘿蔔絲、洋蔥, 都喺晒塊鐵板上面, 仲有隻生雞蛋俾你打落去炒添! 好似好過癮咁, 一開火就炒呀炒, 牛肉由鮮紅慢慢變熟, 加埋隻蛋炒埋一堆賣相都唔差~ 之不過, 點解可以炒極都唔燶? 原來喺塊板底有一大堆油, 唔知係咪牛肉標出嚟, 但係就真係好肥膩! 牛肉都總算可以接受, 但係粟米、紅蘿蔔絲、洋蔥同蛋索晒d油就真係見到都唔開胃… 直情成個油塘咁… 下次去吉野家都係正正常常食番牛肉飯算數喇…

平常就會去吉野家吃早餐,但近來發覺份量越來越少,由從前飽得吃不完,到現在只是剛好,沒辦法吧,沒得加價就只得減量吧。不過還好味道仍然是好的,不加汁不會太咸的確是好吃。不過那些蔬菜煮成糊....有點那個..。

10.03.04　吉野家新早餐 – 和風蕃茄濃湯烏冬是我太愛蕃茄的原因還是蕃茄風在蔓延？多家麵食店也推出蕃茄湯頭！吉野家期間限定的和風蕃茄濃湯烏冬拿著從免費報紙剪下的優惠券再由同事A幫我們買早餐～所謂蕃茄濃湯，其實只是勺了薄芡的亨氏蕃茄清湯沒有新鮮蕃茄的酸，湯頭也未見濃郁，不過清清爽爽的沒有很抗拒烏龍麵就是普通在超市能買到的什麼＂噹噹烏龍麵＂的口感沒有什麼彈性可言，但軟綿綿的也不錯吃麵條上還有一片日式魚蛋及一點點鮮甜玉米粒，不至於很單調整體口感，就像台灣的羹麵，只是這是蕃茄高湯而不是柴魚高湯燒汁牛肉肥膏跟筋都很多把脂肪去掉後，能吃的兩三口就吃光光蕃茄濃湯雖然稱不上＂濃＂但巳經比之前的玉米濃湯好一百倍試吃一次就夠嚕～最好吃的蕃茄湯麵，星座冰室的始終第一！詳細食評及照片請看：http://hk.myblog.yahoo.com/foodiebarbie/article?mid=2772

掛住食唔記得映相.........是日早餐:- 小牛肉飯+奄列+綠茶 牛肉飯份量真係好細個呀!!!!肉汁多配上圓碌碌白米,實在太好味喇~ 奄列又係非常之細,見到火腿粒又食唔出有火腿喎,真係奇妙. 喝完熱呼呼綠茶成個人都暖晒!外賣盒可以叮微波爐的,咁下次行遠左d飯凍晒都唔怕咯~~

原來吉野家的早餐,叫汽水要加2元喔..因為不知情..所以加多2蚊tim..而且我只係想飲幾啖果隻...oh.... 昆布珍菌烏冬,我都係第1次食呢款烏冬~udon都幾硬身,當中有碎海苔呀,很不錯~點知見個碗底有好多海苔tim呀...紫菜都幾多~整體上都滿意的~

這是我第2次吃牛肉粟米濃湯烏冬但這一次感覺差了.第一次是在黃埔分店.這次湯汁十分濃縮我十分喜歡濃濃的栗米味每一口都令我滿意,而且烏冬也可接受,不會粉粉地,有咬口,不會像糊地,而且牛肉則分開了.和以往口味一樣,而且價錢便宜,值得吃!

前幾日起頭條剪0左張吉吉coupon,用0左佢!是日午餐:- 一號餐>> 牛肉飯 + 16oz可樂走冰唔知係咪堂食同外賣有分別呢?個飯又冇汁,要問佢先俾多包薑我,好似要補給咁.其實我想要紅薑架.....點知俾左包酸薑,唔知點送飯~mini size都好夠食咯,只不過今次有得"減5蚊",我先是旦咋!

09.10.22　吉野家早餐新口味 - 牛肉粟米濃湯烏冬從頭條日報看到有吉野家的優惠券早餐憑券可省HKD2還有新口味牛肉粟米濃湯烏冬今天就跟同事A嚐鮮囉！蓋子打開，一股熱氣往上升粟米湯實在太燙吃上一口，烏冬跟平常超巿買的口感差不多粟米湯超濃稠像是把地捫粟米忌廉罐頭當成湯頭一樣味道跟牛肉其實不太搭配我吃同事A都不太喜歡這個粟米湯頭還是平常的昆布清湯最好 ～！詳細食評及照片請看：http://hk.myblog.yahoo.com/foodiebarbie/article?mid=2022

好耐都冇去過呢間食野,嫌佢選擇唔多.由於時間唔多既關係,所以揀快餐.不過又確實,抵食又好味牛肉麵:$18,係出前一丁,不過就淋少少. 牛肉,係肥牛都有七八塊咁多!煎雞飯:size係細D,但雞扒都有四五件, 而且D汁又幾好味.牛肉飯:size都係一樣,D飯又唔會煮得太淋. 牛肉都係一樣,但煮得幾好味, 應該係用洋蔥煮既.因為食到好多洋蔥.P.S.朋友話碗飯size太細,所以叫2碗,但只係先食夠,但計條數,都仲平過去茶餐廳食2個下午茶餐..