同撈同煲 (堅拿道西)

营业中

休息中

餐廳以懷舊風格裝修，仲播放住懷舊歌。好得意！ 呢度食物唔錯，環境彈幾特別。▶️湯底：花雕醉美人鍋$178個湯真係好足料，紅棗、杞子、花雕等，打邊爐前一定要飲返碗。好滋補好好飲！▶️特級手切牛肉（大）$368牛肉油脂分明，肉味夠濃！大size夠大碟。▶️梅花黑䐁肉$108捲到玫瑰花咁，幾靚。黑豚肉好香、薄切仲可以包青瓜片食。▶️鵝肝墨魚丸(半份）半份有4粒。墨魚丸幾彈牙，中間餡有鵝肝，味幾濃。▶️蔬菜籃🥬🧺有番茄🍅、粟米🌽、紹菜及油麥菜。▶️蜂巢豆腐大大件，又好多件，打邊爐吸哂啲湯味☺️▶️啫喱有懷舊傘啫喱，好有童年回憶。▶️鯉魚糖不甩鯉魚造型好得意、店員會將鯉魚放入我哋打完邊爐嘅鍋整熟佢，然後面上再沾上糖及花生碎，糖不甩煙煙韌韌幾好食。呢間火鍋店價錢唔貴、食物又唔錯、充滿懷舊風味好有特色！

今日放工就去左銅鑼灣，同朋友行一陣誠品之後，就去左一間懷舊風嘅火鍋店到打邊爐，店裏會播放懷舊金曲，環境整潔，而且食物款式種類都好多，有海鮮，肉類，菜類等，另外每位都會收取醬料及茶芥費用老港沙嗲鍋$138沙嗲鍋味道濃郁惹味，用黎做湯底就最合適賣魚勝海鮮拼盤$398分別有4隻肥美厚肉鮑魚，2隻鮮甜聖子王，6隻爽口多膏海蝦，每款海鮮都十分新鮮牛舌$88薄切牛舌口感爽脆軟嫩，而且有嚼勁老友鬼鬼$68老友鬼鬼係將墨魚滑放係油炸鬼裏面，食落口感豐富，除左食到墨魚滑爽彈感覺外，仲食到油炸鬼嘅香脆醬爆瀨尿牛丸$48牛丸口感彈牙，食落多汁香口油麥菜$38油麥菜口感脆嫩，用黎打邊爐都唔會感覺油膩清甜蘿蔔$38蘿蔔清甜透身，食落軟綿入味紅薯粉$38紅薯粉細長晶瑩剔透，口感爽滑烏龍茶$18打邊爐配上烏龍茶，會做到消滯感覺啫喱(附送)啫喱配上花奶會更香濃懷舊糖不甩(附送)糖不甩係一條鯉魚，賣相十分精緻，會放落湯底滾一滾後，再沾滿花生粉食用，味道香甜煙韌

火鍋店多人喜歡去，新開張的地方，作為愛老香港懷舊特色的朋友～很愛這個充滿霓虹燈招牌打卡位之餐廳。 主題風格跟九龍城有名的港式火鍋店相同，是同一店主喔，這個地方有很多自家熬煮火鍋湯底，火鍋配料，也很足料！惹味雞煲、新鮮刺身、精選點心，絕對一次完成不同胃口的朋友，是一大班朋友不可錯過喔。品嚐這店推出的手工菜！吃菜也不會很貴感受懷舊風格之餘，同時亦可如時光倒流般體驗。手工菜有懷舊美食、點心及手工火鍋配料，包括懷舊金錢雞、懷舊蝦多士、五香肉丁墨魚丸、梅菜豬肉丸、麻辣青瓜、灌湯小籠包、特式蝦米腸粉、秘製醬汁鳳爪、即炸響鈴、手工炸魚皮，看得出非常棒棒喔！冬甫美人鍋(雞湯)招牌湯底，蟲草花、花膠、走地雞、竹笙、金華火腿骨等，味道清甜不太油膩，更重要的是所有食材軟腍易入口，棒，朋友也飲了很多使自己清甜潤口。火鍋配料，熱門手切特級牛肉、安格斯牛肉、脆鯇魚片、梅花黑豚肉、美國桶蠔。還有香港特色而較罕有的火鍋食材如牛胸爽、牛黃喉、封門柳、大魚頭。自家特調食材黑松露墨魚滑、墨魚滑豆腐卜，只有兩個人真的吃不到太多了，特色新鮮值得一試！小籠包鮮嫩豬肉配搭秘制上湯，香濃不油膩。粒粒飽滿、皮薄棒棒。牛骨髓牛骨髓是一種

這家店的服務態度驚艷到我了，入座後店員過來幫你碗筷所有都燙水一次，這怕是連某撈都沒有的服務吧。點的番茄薯仔肉片鍋，番茄汤应该是真的用番茄自己包出来的汤肉片跟薯仔分量也是非常多。火锅汤底呢，是真的是煮到最后一点咸味都没有，他还是原来的汤汁的味道，我们点了封門柳超大份分量的，真的是非常饱，两个人吃不完，还有牛百叶，就是所有的分量都特别。上菜速度相當快，質量很不錯！最為驚艷的是贈送的甜品！！一定要吃到最後初初其實對火鍋抱著沒有很大的希望，覺得火鍋都差不多吧，結果打臉了太意外了！！

呢一間位於灣仔鵝頸橋附近嘅火鍋店主打懷舊經典系列 由地下嘅磁磚 到用嘅碗碟都非常有懷舊嘅風味 最啱就係同上一代嚟食下懷緬一下受疫情影響 餐廳嘅職員都非常衛生食之前用滾水沖下啲餐具 非常貼心呢度嘅火鍋湯底有成十種選擇有辣有唔辣 任君選擇我就選擇咗個比較養生嘅花雕醉美人醉雞湯底一上枱時就已經聞到花雕酒香湯底嘅裏面亦都用上咗多種藥材 用瓦煲盛載著嘅醉雞非常新鮮雞味濃郁 肉嫩多汁另外呢度嘅炸響鈴亦同樣出色除咗點湯之外 仲配埋甜酸汁 可以當小食呢一盤特級手切牛肉色澤紅潤油脂分佈平均 入口軟熟滑另外 仲有非常有特色嘅午香肉丁墨魚丸墨魚丸彈牙 裡面包裹著五香肉丁微微辣味慢慢滲出 非常過癮絕對對得起價錢 性價比亦相當高栗米超甜 爽口另外亦都有一系列嘅特色小吃包括懷舊蝦多士還記得中學時代嘅家政堂教煮呢一度小食蝦多士即叫即炸蝦滑爽彈 絕對唔係用唔新鮮貨色點埋個秘製甜酸汁 超級開胃最尾仲上咗兩個甜品懷舊啫喱杯 加埋大量花奶 正另外嘅鯉魚糖不甩沾埋花生糖椰絲 超好食整體嚟講 無論係環境及食物都令人非常之滿意希望疫情快啲過可以同家人一齊品嚐

一早book咗枱食lunch，一去到發現無開門，門口都有其他人好似我哋咁摸門釘。打電話俾佢哋，佢哋先話因為忙住搞盤菜，所以呢十日都無開。唔明點解可以完全無諗住通知啲客，𣎴負責任

疫情第五波來臨，好在喺前一日晚餐堂食封閉之前講到去同撈同煲試到佢嘅特色火鍋。位於銅鑼灣堅拿道西10號近鵝頸橋，銅鑼灣地鐵站B出口行大概5分鐘就到十分方便。門口有海鮮水缸見到蝦非常大隻生猛，鮑魚新鮮，店內仲有海鮮套餐賣魚勝推介 ！首先揀咗一個花雕醉美人鍋，湯底一上已經聞到酒香，最估唔到嘅係做一大盤雞件件件新鮮！非常之抵食！安格斯牛肉(細)雖然係叫細份，但係嚟到分量十足，油脂分布平均，好有牛肉味！牛胸爽肥而不膩，帶點爽口但唔會成口油而且香！黑栢葉普通火鍋通常都淨係見白雪雪加工過既，黑柏葉食得安心，爽口新鮮！肥美鵝腸爽脆而且有鵝腸嘅鮮味，絕對唔係冰鮮貨！值得一試！瀨尿牛丸有睇過周星馳食神嘅都大概知，牛肉丸鮮但係記得裏面有濃湯，剛剛熟要小心食！蟹子蝦滑呢個最有驚喜，平時蝦滑都係攪拌打碎而成。同撈同煲嘅蝦滑係新鮮蝦肉灰色有別於一般街市同埋火鍋店見到嘅橙色，蝦肉非常新鮮而且好足料！蝦肉多而平均！總括來講所有大大碟而且用了新鮮，甜品仲有懷舊啫喱杯。鍾意懷舊風格可以嚟呢度打下卡而且仲要食到新鮮用料既火鍋，必定會再試！

之前係疫情稍為緩和嘅時候，約咗好朋友到銅鑼灣呢一間《九龍城同撈同煲火鍋》嘅餐廳打邊爐。餐廳嘅裝修非常之懷舊，既有瓷磚地板、亦有霓虹光管嘅裝飾，感覺就有如入咗七、八十年代嘅餐廳，打卡簡直係一流。由於有疫情，所以餐廳一衛生都做得好足 喺食嘢之前試都會用滾水幫我哋沖一沖， 務求令大家食得安心。今次選擇咗一個最啱冬天滋補又養生嘅花雕醉美人鍋( 醉雞鍋) 呢一個醉雞湯底用料十足有紅棗 淮山杞子 黨參 等藥材 食完之後行氣活血，個人暖笠笠。而雞件就 用瓦煲另外分上， 保證每一件雞都可以將火侯拿捏得最好食到最嫩滑最多汁juicy嘅雞件。一開始就叫咗一個珍寶 帶子刺身肉質鮮甜而且相當新鮮， size亦都算幾大隻， 已80蚊兩隻嚟講嘅價錢來說， cp值都算高。呢度除咗打邊爐之外，餐前嘅小吃質素亦都相當高。呢一個蝦多士，炸到脆卜卜，而且又唔會太過油膩。蝦肉夠彈牙，點埋酸甜汁 ，非常之開胃。呢一個特級手切牛肉，色澤紅潤，而且雪花分佈平均 。入口相當軟熟，滾幾十秒就食得， 皆因夠曬新鮮。脆炸響鈴非常之有豆味， 即叫即炸，無論係即刻食都好，又或者用嚟打邊爐都係同樣美味。另外唔少得嘅就梗係嗌返杯啤酒啦， 呢隻我大

真係太耐無打過邊爐啦，餐飯約左約成個月終於約到出嚟！喺時代廣場嘅出口行過去大概5分鐘左右，行上一層樓梯就見到門口啦！一入到餐廳，以為自己去咗6、70年代香港既片場成間鋪裝修都好懷舊紅色同綠色嘅霓虹燈、理髮店招牌等等嘅元素集合埋一齊，見到都覺得開心座位非常闊落，好好坐呢度嘅餸都幾多選擇，仲有活海鮮套餐幾百蚊就有，係抵食既店員服務超好，即時用滾水幫你洗哂所有碗筷自助調味料我哋三個女仔，叫左個美人鍋超多養顏材料，紅棗、花膠、陶膠、金華火腿同埋新鮮雞等等。店員亦都幫我哋立即切好隻雞叫左個小食 「蝦多士」多士炸得好鬆脆打邊爐又點少得牛呢～叫左唔係度度都有既封門柳厚切既，好新鮮仲叫左珊瑚蚌、稻庭烏冬、新竹米粉、即炸響鈴、手打蝦芝士丸、田園拼盤鯇魚超級新鮮、厚切非常爽口，有咬口最後仲送甜品🍮黃色透明膠兜，啫喱上面有煉奶，再加一把遮仔，絕對係經典香港舊式甜品嘅造型！跟住嚟咗一碟鯉魚仔，話係糖不甩魚仔要擺落窩裏面淥熟，大約2分鐘。店員幫我地整，之後拎上嚟再切件，沾滿花生粒。再放碟上就完成啦糖不甩係甜嘅，但經火鍋碌過，帶點鹹味，同出面食嘅糖不甩唔同，味道有層次好多香港已經好少見咁有質素嘅餐廳🍴服務非常好，

同撈同煲呢間火鍋店行老香港路線，店員年輕親切，店舖乾淨企理，聽到停晚市堂食之拿拿臨安全地食返打邊爐先。蕃茄薯仔湯，真材實料冇味精冇罐頭蕃膏話說餐廳食物行靚同精美路線，約一班friend 黎飲勝一流。仲有好多打卡位tim鳳城餃子，足料，食出香港味道今晚點了本地牛湯底正，蔬菜新鮮烏冬又係正免費送既傘仔甜品呀最最最特別，你一定要留肚食甜不甩！！ 帶海外朋友，或同三五知己一齊食一流呀。有侍應煮一煮，再幫你整租不甩平時仲開到凌晨2時！

今日去咗銅鑼灣同撈同煲打邊爐，一去到已經見到門口有個大魚缸，右手邊有茶水檔，裝修得古色古香，好有以前80 年代大排檔孖煲兄弟嘅感覺！我哋叫咗花雕醉雞邊爐湯底，花雕湯底唔會太濃，酒味亦唔會太甜，打邊爐亦都唔會搶到其他海鮮或者肉類嘅味道。雞同湯底係分開上可以令到雞肉食落去更加嫩滑香甜！安格斯牛肉 唔鞋口，肉味香濃，油脂分布平均！黑牛柏葉爽口新鮮！份量足，黑牛柏葉唔係度度有，嚟到一定要試吓！牛胸爽爽脆唔太油膩，放入湯10秒左右食得。肥美鵝腸充滿油脂香味，爽口唔係而且冰鮮！鮮味十足蟹子蝦滑好足料！用新鮮蝦打成，淡淡都有大隻爽口鮮蝦。瀨尿牛丸有睇過食神嘅朋友都知係乜嘢，裏面嘅濃湯亦都好滋味。總括嚟講到十分抵食，份量亦都好足，金菇菜同埋油麥菜都有驚喜，好新鮮爽脆。地方寬敞帶有懷舊香港味道，絕對值得一試

約齊腳已經難，終於上個月約到2個fd岀黎聚…點知琴日突然話禁堂食好彩唔影響今日姐！變咗幸存者咁好鬼死蠢嘅我…要靠Google map導航，再望一望，原來係上樓梯2樓🤣我兜咗勁耐食物美人鍋。雞湯烏冬呢個好食！好彈牙❤️脘魚腩蝦多士原來佢都有小食同點心類，小朋友呱呱嘈，可以叫呢啲即食嘅塞住佢哋把口先😆封門柳呢個好食！好重牛味！米粉個米粉又係勁幼，勁好食！黑松露蝦滑好彈牙！超濃黑松露味！抵食！爽口墨魚滑貴妃蚌手打芝士蝦丸以為蠢咗🤣又蝦，但芝士蝦又係另一種風味！個芝士同蝦勁夾！服務勁好服務❤️一去到就幫我哋淥啲餐具，同埋拎醬料俾我哋另外我哋叫左個美人鍋，一半隻雞，哥哥仔都幫我哋剪開一件件🥳又會不時黎加湯同撇浮油🤣環境一入去登記就見到係D類食肆👍🏻仲都BB櫈，啱晒家庭聚會👍🏻啲BB櫈好懷舊🤣同我細個飲茶啲櫈一樣架

啲佈置+哥哥嘅歌，好懷念湯底叫左花雕美人鍋，即係醉雞鍋！未落野食之前飲左兩啖，好香濃嘅鮮雞湯底！同一般湯底好唔同。配料方面叫左唔多，人均$250，質素唔差，好過放題多多聲，係貴左少少牛肉就叫左個特級盛牛大拼盤，整體都幾有牛味，牛嘅油脂分布平均最特別係美容餃，有椰菜同桃膠係入面，感覺落足料。最值得一提嘅係有懷舊遮仔Jelly，再聽住許冠杰歌，童年回憶返哂黎呢條似年糕嘅糖不甩，原來要浸入湯底入面，咸咸地又幾過癮

天氣凍，一定要打邊爐！呢間打邊爐係樓上舖，sell懷舊，野食高質，不過有少少偏貴～1. 湯底：花雕醉美人鍋（醉雞鍋）呢個湯底高質，放完啲雞之黎，一定要趁熱飲一兩碗先！佢個湯底餚左好耐，雞味好鮮甜，冇味精！加左魚湯之後就味道淡左，可以正式打邊爐🤭2. 特級盛牛大拼盤上盤好岩打卡，🤪牛肉黎講最好食係牛柳粒同安格斯牛肉，雪花好平均，唔算好肥，牛味亦香濃3. 梅花黑豚肉呢個豚肉份量少，不過真係有鮮豬味，而唔係得蘇味🤭要試4. 養顏美容餃想試下新鮮野，叫左一個好似伏伏地嘅餃，整體黎講比較普通，冇咩特別5. 黑松露墨魚滑黑松露味濃，墨魚滑都壓得幾實🤪6. 脆鯇魚魚骨腩骨腩真係做到冇骨，脆卜卜，唔腥，好鮮甜！

25 號同家人去食，經 OpenRice 網上訂位，6:00 入座 7:30 前埋單有 85 折。心諗大時大節未必有折啦，但在九龍城食過一次水準不錯都想同家人試下。食物份量同質素都比坊間火鍋好，價錢就中等，裝修環境好有 feel！點左本地牛同封門柳，成日食肥牛都悶，呢兩款剛剛好！仲有海鮮拼盤，好新鮮，大大隻帶子、蟶子同海蝦，非常好味！另外要提下我地點左兩個蔬菜，勁大份，六個人食極都有仲要好甜！最後到我地食飽飽，叫埋單時多口問職員係咪有折，佢話唔清楚佢再問同事，結果一來一回已經過左時，但職員好好，手動比返折頭。整體來講感受非常好，食物好食新鮮款式多，環境企理，職員十分友善！