同撈同煲 (堅拿道西)

营业中

休息中

今日黎咗呢間同撈同煲，一去到門口已經見到佢個招牌同門面幾靚，主打港式情懷，入到去果然係大量懷舊既佈置。湯底今次就簡咗個老港沙嗲鍋，鐘易較重味既人可以試一試。濃郁嘅湯底配上淡淡的花生香，唔洗點醬油其實都已經好夠味。既然係食港式嘢，當然就配番個本地手切牛肉。幾有牛味同埋都唔會韌，食落會有番d口感。另一樣覺得幾出色既係佢個炸魚片，香口又鬆脆，點埋個沙灘湯底無得唔比100分佢，下次想試埋佢個響鈴，應該都一樣出色。主菜食完之後，佢仲準備咗兩道甜品，其中一個係糖不甩。見到佢將條錦鯉湯圓放落個沙嗲湯度煮，本來以為會好奇怪，但發現原來又唔會奇怪都幾好食。整體成餐d野食都唔錯，下次會再黎食！

天氣轉涼好適合打邊爐收工就同朋友黎左呢間，一入到去就感受到個懷舊復古既感覺呢到既位都好夠闊，好岩同朋友黎聚會我地叫左個沙嗲鍋，湯底好夠味，基本上唔洗再點醬汁都好好人女首先叫左本地手切牛肉，我地叫細份都已經有好多，牛既花紋都幾靚，肉好腍好有牛味另外叫左牛胸爽試下，呢個一落水就會縮做一細舊，幾爽口同埋吸汁，都唔錯鯇魚片好大塊好夠肉，食左幾塊已經有飽感抵食手工炸魚皮必點，平時係出面打邊爐唔會太叫魚皮，因為怕放耐左會腍，但呢個仲好脆，應該係鮮炸，再加面要有少少咸蛋味，正呢到有幾款海鮮做緊推廣，我地就點左海蝦，蝦好新鮮夠大隻，肉質好爽，好食最後仲叫左鴨血同埋一啲疏菜，兩個人夠晒飽。打完邊爐佢有送甜品，係糖不甩同埋啫喱，糖不甩係用火鍋湯底煮，以為會又鹹又甜好奇怪，但食落發現好幾特別幾好食。呢餐飯食得好飽

食過一次九龍城總店，俾佢個湯底深深吸引，估唔到銅鑼灣都有得食！呢度一貫嘅懷舊香港裝修，好有港式味道。今次叫咗胡椒豬肚少爺雞湯$238，如果鍾意飲胡椒豬肚湯既，呢個真係要一試，咁凍嘅天氣，酸酸辣辣哋既雞湯，飲左幾碗都仲想繼續。酸菜同埋豬肚嘅份量好多，而且煮得淋身，再加埋半隻雞落去，令到成個湯更加鮮甜，而且雞肉嫩滑，仲要係冇激素雞。必食推介，花雕滑牛 $108，成日食肥牛，今次決定試啲特別啲嘅，估唔到呢個花雕滑牛真係好重花雕酒味，碌完牛肉超滑，陣陣花雕酒香。脆鯇骨腩 $88，食火鍋一定會食，個個都大舊新鮮，魚腩位比較肥美爽口。皇帝菜 $42，平時喺屋企好少煮嚟食但係同打邊爐係異常地夾，因為皇帝菜可以吸收到湯底嘅精華。蝦多士 $68，呢度嘅蝦多士估唔到都幾出色，多士脆口得黎唔會太油膩，加埋佢個酸酸甜甜嘅醬汁，成個好開胃。最後店員仲送咗個甜品俾我哋，係好得意嘅金魚糯米糍。首先將個條金魚放落鍋度煮熟，再剪開細份，撈埋師傅自己整嘅花生碎，香口微甜糯香，超滿足！

呢間火鍋店走七、八十年代懷舊風格，裝潢都佈滿懷舊裝飾，例如：用左霓虹燈光管，同大排檔，好有香港本土特色。入到去，店員都好殷勤地招呼，又會係我地面前用熱水洗乾淨哂啲碗筷，感覺乾淨衛生。2個人安排4人枱，枱面闊落，吾會迫。之後店員好主動地將啲配料遞上，見到配料上都用左保鮮紙封住，都好衛生👍🏻然後我哋就揀自己喜好嘅配料一陣打邊爐用既。我地睇一睇個餐牌，種類都不少，湯底我地揀了老港沙嗲鍋（$138）佢個花生醬味比較濃郁，好鍾意❤️佢哋啲火鍋材料品質都好高，都係主打高檔路線，非常新鮮。就好似安格斯牛肉（大：$268）佢啲油脂分泌均勻適中，又厚切同好重牛味，超級推介！之後叫左碟梅花黑豚肉（$108），肉質嫩滑兼爽口，夠哂大塊，正！另外，我哋仲叫左手打牛丸（半份：$48）， 牛丸雖然得4粒，但味道好高質，好爽口彈牙👍🏻而個田園拼盤（$78）有蕃茄、粟米🌽、娃娃菜、油麥菜同生菜，洗得都好乾淨、好新鮮。食完後，店員送上飯後甜品（啫喱），上面個傘仔裝飾都好懷舊，感覺有心思。整體來講，「九龍城同撈同煲」都係單點配料，食物配料都有不同價位俾客人選擇。比較鍾意佢地做所有野都好有心思，對客人又有禮貌又caring

曾經買過細細包百幾二百蚊嘅桂花蚌都唔好食，所以對呢碟鴛鴦蚌好滿意。 鴛鴦蚌好新鮮彈牙，雖然本身偏好桂花蚌，但同朋友一致認同珊瑚蚌比較出色，蚌鮮味好突出。 兩個人每款都分到幾舊，真係好抵食。真心想讚碟肥牛好好食，係特登想買靚牛返屋企打邊爐都未必遇到嘅水準，近乎入口即融，講起都想為咗佢再去。五香肉丁墨魚丸好特別，當然你係幻想到五香肉丁嘅味道，但兩樣野又真係夾得埋，墨魚同肉鮮味相輔相成，值得一試。響鈴雖然係即炸熱辣辣，但係一滴油都冇，湯汁完美咁鎖咗喺響鈴脆片之間，響鈴本身油炸嘅香味都為成件事加左分。蘿蔔同娃娃菜都好似唔駛錢咁大堆頭，新鮮清甜。 尤其是湯底唔會好鹹夠清淡，食到一半落菜都唔會有種吸晒油嘅油膩感，啱晒我呢啲少女。

平時食得川式台式火鍋比較多，已經好耐冇食港式火鍋。今日同朋友嚟咗依間食港式火鍋。餐廳比人咁感覺幾懷舊，除左裝修有大牌檔風味，仲會播下懷舊金曲，同時亦都好富人情味，店員都好熱心，例如會時不時幫我哋隔火鍋湯底面頭嘅油。今日想食清清地所以我地叫左個冬甫美人鍋依個鍋入面有半隻雞，可以當係一個餸，店員仲會幫我地煎好，雞肉都幾嫩滑。鍋入面有冬瓜片，吸收咗雞湯嘅精華好入味。另外仲有紅棗、桃膠、松草花、竹笙等食材，成個鍋感覺好養生。淥食物前可以飲埋個清雞湯。鼓油可以自行調味，有一大tray放係枱面可以自己落唔洗出去整我地另外加咗幾樣配料:安格斯牛 - 雪花紋分佈平均，食落有牛味，而且肉質唔硬，幾好食鱔片 - 可以話係今晚最鍾意食嘅配菜，魚皮同肉質都好彈牙鵝肝墨魚丸 - 墨魚丸入面有少少鵝肝蓉餡，比平時嘅墨魚丸特別唐生菜 - 都幾fresh, 打邊爐一流最後我地仲叫咗個蝦多士小食，感覺有少少肥膩邪惡，不過又好脆口惹味令人忍唔住要食。整過嚟講都係一次唔錯嘅打邊爐體驗。

天氣轉涼自然會想打邊爐😋今次同朋友去左呢間新開嘅九龍城同撈同煲，雖然個名有九龍城，但其實銅鑼灣都有分店🤣位置方便。一入到餐廳已經感受到七十年代嘅懷舊風情——餐廳嘅周圍掛滿左紅紅綠線嘅霓虹燈，仲插住徐小鳳嘅舊歌，唔講仲以為番左去以前嘅香港🤣餐廳嘅湯底款式都幾多，今次我地就想清清地，揀左個✨東甫美人鍋（$198）✨，入面有半隻雞、冬瓜、竹笙、桃膠等，非常足料😋未食其他火鍋配料已經飽左一半。✨安格斯牛肉（$188/半份）✨珊瑚蚌（$108）✨鱔片（$98）✨肥美鮮鵝腸（$88）我地叫左幾款平時食開嘅火鍋配料，價錢唔算特別貴，而且整體黎講都好新鮮😋份量方面都絕對足夠。食完後仲有啫喱同糖不甩做飯後甜品，真係食到捧住個肚走❤️最後特別想讚一讚佢地嘅服務，每一個員工都好attentive, 仲會主動幫我地加湯同撇油，有時我地想影相都主動幫我地執靚啲野食擺位，佢地嘅服務令成個用餐過程都好愉快😍

出名嘅九龍城同撈同煲火鍋喺銅鑼灣開左分店，今日就相約朋友去試新店，地位方便就在堅拿道西天橋旁冠景樓2樓，裝潢港式懷舊Feel，海鮮檔、牛肉佬、茶水部。店員會即場燙洗餐具，好細心好衞生。醬料每位$15。我們選了芫茜皮蛋魚頭鍋$148，魚頭好大個，鮮味十足，落火鍋料前，可先喝湯，十分清甜。火鍋料選擇十分多，有牛肉類、海鮮、肉類、菜類、小食、手工餃、手工滑、粉麵等。安格斯牛肉 細 $188紋路漂亮，色澤紅潤，肉味香濃。脆鯇魚片 $78魚片晶瑩剔透，新鮮爽脆。鴨血 $58銀針粉 $38少有火鍋店有銀針粉，好喜歡佢嘅質感，煙韌有口感，另配有一個小筲箕專比佢用，好細心。青島(大) $30用上戰鬥碗，夠豪邁。最後甜品有懷舊啫喱，重點係有懷舊遮仔，兒時酒樓才會見到。有驚喜嘅鯉魚年糕(糖不甩)店員即製，好有Heart，好滿足。

打邊爐最重視湯底、靚牛，當然環境、氣氛、價錢都重要，同撈同煲火鍋店，之前去過九龍城同撈同煲，印象唔錯，今次去到銅鑼灣店再食過！最近天氣真係適合打邊爐，現場氣氛好好。冬甫美人鍋（$198）以為只係雞湯加冬瓜？我真係太天真了，原來仲有好多湯料呢！特級手切牛肉（$308）牛肉花紋靚到呢，優質牛果然令整個火鍋感覺升級！韭菜餃（$78）結實飽滿！墨魚丸（$58）非常彈牙！梅菜豬肉丸（$48）有創意亦有鹹香！醬爆瀨尿牛丸（$48）咬落去爆汁果下，就好似重現電影食神經典一幕咁！飯後免費jelly杯

好多時sell懷舊老香港嘅餐廳我都會提高警惕，顧得主題就顧唔到味道似乎係定律，但今晚打破晒我既定印象，用料靚、定價又親民，啱晒我呢啲麻煩友。冬甫美人鍋 ($198)塞滿左雜菜冬瓜同半隻雞，仲有桃膠同竹笙，啱晒女仔口味得黎好足料，基本上唔使點叫菜都夠食。 湯底好濃郁似老火湯，好多時經歷咗各式肉類嘅洗禮之後湯底都油到爆，欣賞店員好主動幫手撇油，我唔怕死撇油之後試吓飲個湯，結果停唔到口，去到尾段都仲係老火湯嘅味道唔會咸，就知道有幾正。特級手切牛肉 ($368)不諱言我每次打邊爐最着重都係碟牛肉，每次都會做足功課睇定邊款最好食，好開心今晚可以一擊即中。 淨係睇僅僅熟喺燈光下嘅油花已經知道唔會差，入口嫩滑有牛味，最正嘅係咀嚼間感受到油脂好豐富，食咗幾舊男朋友已經話想叫多碟。梅花黑豚肉 ($108)可以話係邊爐界數一數二咁好食。 豬肉好多時怕唔熟都會煮比較耐，所以乾啲都係常見。 估唔到呢度嘅梅花黑豚肉煮到全熟再耐少少都依然好軟身，好鍾意大大塊厚度適中，係塞滿成個口嘅幸福感，重點當然係食到豬鮮味，用來做日式高級火鍋材料都唔失禮。即炸響鈴 ($58)可以話係我食過最出色嘅即炸響鈴，透薄酥脆唔油膩。 輕

一直好想帶兩老去試試九龍城的同撈同煲火鍋，不過因為他們不想過海，所以一直未有機會吃到。但終於等到它正式進駐銅鑼灣了！餐廳以70年代風格作主題，有海鮮檔、牛肉佬、茶水部、戲院等等，好適合打卡，並主打自家秘製特色湯底的港色火鍋，有近百款配料選擇。當晚以年輕人來慶生具多，切餅時餐廳更會播放港式慶生歌贈興呢，氣氛不錯。*醬料 $15 每位*《芫茜皮蛋魚頭鍋 $148》湯底鮮甜可先飲用，很滋陰，之後作火鍋湯底亦不會愈食愈咸。《安格斯牛肉 細 $188》肉質好嫩，口感軟腍有溶化感，肉味帶脂香好吃。《花雕醉雞 $88》雞肉有酒香，嫩滑。《灌湯小籠包 $38》皮薄多湯，肉餡香甜。《脆鯇魚片 $78》鮮甜爽脆。《鴨血 $58》嫩滑不易散《滑豆腐 $28》火鍋必須有。蔬菜點了季節的《西洋菜 $38》，新嫩無渣。炒絲、烏冬吃得多，但《銀針粉 $38》作火鍋配料真的第一次吃到，很喜歡！ 《青島(大) $30》用戰爭碗作杯，更有氣氛及感覺。甜品有驚喜，《懷舊啫喱》配花奶再插上兒時回憶的紙傘，簡單好味；另外更有《鯉魚年糕(糖不甩)即製》特別在是以火鍋湯底煮腍，再剪件黏上黃豆粉，味道完全不會有火鍋湯味，軟綿香糯。有

一個有主題嘅火鍋，主題仲要係懷舊。周圍嘅牆身掛上好多印有60,70年代廣告宣傳海報。檯檯凳凳，甚至碗筷都有一種懷舊嘅感覺。侍應十分細心，見到湯底就快冇水，就好快加水，又幫忙隔走湯入面嘅油。湯底就揀咗一個清清地，冬甫美人鍋 $198湯底入面有半隻雞﹑一塊冬瓜﹑准山﹑仲有桃膠，湯底煲滾可以直接當老火湯飲，建議先落菜﹑之後先放肉，可以保持湯底原汁原味！等待湯底滾期間，可以叫小食食住先。煎午餐肉同麻辣糖心皮蛋。煎午餐肉一改我對午餐肉嘅油膩感覺，賣相好，煎到午餐肉好金黃，咬落又唔會成口油，十分香口，麻辣糖心皮蛋賣相唔係咁討喜，但果種辣好入味！叫咗好多唔同配料都好新鮮。蓮藕片﹑鮮腐竹﹑娃娃菜﹑銀針粉﹑水晶牛肉。特別在於水晶牛肉，同雞蛋一齊搞拌放入鍋，出鍋嘅時候，有一種食緊窩蛋牛肉嘅感覺，好味！本身係有甜品送，但太飽，所以冇要到！整體係唔錯！

呢排天氣凍凍地，最好梗係打個靚邊爐暖下啦。諗諗下不如今日試下d新開嘅邊爐！搵到呢間係時代廣場對面冠景樓嘅「同撈同煲」火鍋，係九龍城店嘅分店，去到冠景樓行兩層樓梯就到～餐廳外掛住一個懷舊霓虹燈「同撈同煲」招牌！入門口仲會見到個蝦缸，標榜火鍋用嘅蝦都係新鮮札札跳嘅！餐廳裝修主打懷舊風，背景音樂仲會播住我未出世已經熱唱嘅懷舊金曲，成件事match哂～ 湯底選擇好多，見到有個期間限定嘅胡椒豬肚少爺雞湯用無激素雞嘅，我同女朋友既鐘意胡椒豬肚又鐘意雞，一定要試！火鍋配料選擇都好豐富，淨係牛肉都好多種唔同嘅部位揀，仲有好多種手工餃、丸同滑，我地至鐘意食手工滑！============================== 我地叫左一枱野食好正～胡椒豬肚少爺雞湯 $238 本身以為d雞已經預先落左湯，原來少爺雞係我地面前先落落胡椒豬肚湯度，份量都好多！雞件食落好似食緊走地雞果種口感，好正！煲滾未打邊爐前飲啖胡椒豬肚湯，暖笠笠～ 鱔片 $98 脆鯇骨腩 $88 白鱔片夠哂新鮮，正！脆鯇骨腩夠爽口，只有一條大骨，怕骨嘅我都啱食！蟹籽蝦滑 $98手打蝦滑嘅蝦好彈牙而且非常足料！平時都好鐘意食蝦滑嘅我地幾乎想嗌

原來的九龍城名店開到銅鑼灣，今晚就約了住港島的朋友來一睹其風采環境相當地道的港式火鍋店，牆上畫滿港式漫畫，座位舒適，滿多空間的服務很貼心，周不時會為你去火鍋油，也很有禮貌！食物胡椒豬肚少爺雞湯$238非常濃郁的雞湯底配大量黑胡椒跟豬肚，口味微辛辣而開胃，雞+豬肚的味道濃而不膩，走地雞肉彈牙而不肥，充滿雞香味，很正！黃金炸魚皮$98不得了！新鮮炸起的鹹蛋黃炸魚皮，口感鬆脆， 鹹蛋黃份量夠多，完全無需放湯就這樣吃熱辣辣！完全是完美的邪惡食品！黑松露墨魚滑$98松露味濃，口感彈牙，不錯鳳城水餃$88外皮超薄，裏面肉跟菜的比例剛剛好， 入口味道濃郁而且不膩，很欣賞這個菜式牛骨髓$78就非常普通嘅牛骨髓，不過煮一煮很快就變軟稔， 加在濃厚的湯底中特別美味田園拼盤$78份量很多，有油麥菜，黃芽白，蕃茄，粟米，非常新鮮姐水份充足，出色！梅花黑豚肉$108肉質稔軟，口感不錯！沒有要挑剔的地方， $250. 一人吃得超飽，抵食度10分！

九龍城同撈同煲 地址: 銅鑼灣堅拿道西10號冠景樓2樓B號舖====================移民高峰潮殺到，兩年內已有十個以上朋友舉家離開香港食飯送別，心情矛盾及依依不捨, 以往熟悉的好友飯腳都換人了。胡椒豬肚湯，冬天飲會好暖肚，仲有雞件，滾起先飲湯，大大個豬骨筒。梅花黑豚肉 $108 薄切好快熟，好好味豬係我最愛。豬肉片肥瘦分明田園拼盤$78屬必點，對於女生多吃菜有益又唔怕肥墨魚滑呀，浮起食得好彈牙呢黃金炸魚皮，鹹蛋皇呀，沒有不吃的理由，脆卜卜。永遠懷念已飛到LONDON落地生根的好朋友, 有緣希望去英國旅行時再會。