名家韓國餐廳

营业中

休息中

好耐冇去’名家, 好掛念佢既炆牛肋骨, 冷麵, 辣海鮮鍋, 蛋拌生牛肉 …. 之前每次都係晚飯時間, 今次就lunch時間去, 12點多啲去到, 唔係好多人, 好快就有位啦, 自從佢搬咗上十三樓都未去過, 呢度地方較大, 又有無敵海景, 感覺舒適好多呢度既lunch定食有20款, 有飯, 冷麵, 湯麵, 炒飯, 人蔘雞, 牛肋骨, 燒烤, 湯鍋…, 有辣有唔辣, 可謂式式俱備, 價錢$69-$99, 當然唔喜歡定食既仲可以散叫啦, 我地兩個人就要左炆牛肋骨定食同雜錦烤肉定食, 定食包括前菜, 蘿蔔湯同飯, 餐後仲有蘋果同凍玉桂茶 / 咖啡, 等食既時侯, 見隔離兩個韓國人叫左個辣螺肉拌麵, 好似好好味咁, 下次都試吓先, 埋單既時侯, waitress話有優惠, 不設加一, 太好啦, 下次一定要再幫襯！炆牛肋骨定食 ~ 配料有年糕, 白蘿蔔, 紅蘿蔔, 韓式粉絲, 大蔥, 蛋絲, 牛肋骨炆得很腍很入味, 醬汁甜甜地, 蘿蔔吸收哂啲醬汁, 仲有一定要用啲醬汁撈飯, 超好食前菜 ~ 有泡菜, 菠菜, 芽菜, 同甜薯, 好新鮮, 所以全部都食哂, 湯 ~ 係蘿蔔湯, 味道濃郁, 仲有

先說這裡的服務態度，明顯跟這裡人手不足有關係。其中經理Jon更是服務最差的一員，黑口黑面的。我當中最早來的一個朋友，他告訴經理已訂位，但是經理竟著他等一下，然後先招呼之後來同樣有訂位的客人先入座，而人數同是五人！當朋友一再問能否入座時，經理黑面語氣一點也不客氣的著他再等一下，未入座先谷氣！！這裡又是那種四圍都是玻璃間隔的新式裝修，聲音在環境中反彈，聊天相當辛苦，更辛苦的是那幾位服務員，暗角太多，很難照顧周全。服務員中有純正韓國人，懂聽廣東話，但是要溝通需用廣東話夾雜英語，又是令客人落單時非常辛苦。添茶上菜都有夠慢。開胃的Kimchi數量很少，來了八款，我們想要多一點Kimchi卻只能多叫兩小客，再加需再收費。各款食物味道只是中等。以每位$190又其實吃得不飽，服務又不好的話，單在銅鑼灣我已寧選區內有兩間分店的那家韓燒餐廳，這一家別叫我再幫襯！

聞名已久,好朋友又總推薦說很好吃,她常常去吃,還看了阿So介紹,於是就去了試試,到世貿中心一看原來搬了去13樓烤肉點了牛肋骨和牛肉,然後叫了牛肉鍋麵,全部包括前菜都很好吃,比我上次試過的銅鑼灣某間新開的韓國菜館好一些,價錢也比我想像中便宜,不過那兒好像人手不太夠的樣子埋單時又知道有蘋果送和現在有九折,真好!

相隔差不多一年再度光顧, 店子原來已搬到十三樓了, 幸好仍是在世貿廣場, 否則可能已經撲個空了.裝修來個煥然一新, 落地的大玻璃, 已經是一大賣點, 再配以無敵海景, 要顧慮的只恐怕是顧得眼前的美景, 忽略了美食當前.午餐仍提供定食, 而且價錢在這百物騰貴的日子中沒有漲價多少, 實屬難得.我和太太分別點了一客人蔘雞定食和一客辣牛肉湯定食. 等了差不多二十分鐘食物才端上檯, 前菜中的泡菜叫人失望, 不酸不辣. 人蔘雞鍋足有半隻雞, 份量十足, 不過似乎欠缺一點火喉, 蔘味沒有滲到雞及粥之中, 而咬一口人蔘也只有淡淡的蔘味. 辣牛肉湯味道中規中舉, 有點奇怪不是韓式的辛辣, 材料方面以牛肉輔以大量蔬菜, 當中以大蔥為主, 不過牛肉相當新鮮而且肉味濃郁, 值得一讚!星期日中午的銅鑼灣人多車多, 難得有一處坐得舒服又有靚景的地方, 縱然食物只是普通, 也絕對有其吸引我再來的地方.埋單不收加一, $99 + $79.

若大家食開百零蚊位的自助餐韓燒,強烈建議可以三餐當一餐,試試名家的正宗韓燒水準一定要試的是五花腩肉,雖然看見那半塊肥肉已怕膽固醇過高,但煎好後的味道絕對不是一般肥肉可媲美除此,正宗韓式鍋亦是這裡的主打所在,海鮮鍋一般但牛肉鍋卻味美非常,大量的蔬菜令湯底愈煮愈甜(當然本身是泡菜湯底),牛肉份量不多,但吃配料亦十分足夠,記緊要白飯撈湯,兩三碗飯輕易完成也小食除了大家推薦的牛肋骨外,喜歡吃煎餅的朋友可試試泡菜煎餅,然而此菜的水準不甚穩定,要撞手神清淡一點可試試海帶年糕湯,味清而且絕無多餘調味,作為韓燒前的暖胃熱身菜十分恰當

成班村菇又話要食飯，因為呢班個個都係半人半鬼，真係好出奇有人提議食韓國野，仲要係去名家添。名家真係比較正宗，撞口撞面都係韓國人黎既，價錢亦比一般市面既貴少少。由於有野做，所以我都遲左5分鐘，佢地個個都已經坐定仲要決定左食咩，真係好啦，一坐低就有得食! 佢地叫左一個唔知咩鬼鍋，同埋石頭鍋飯，四個女仔食都好夠啦。你都見到啦個鍋真係幾大個架，有好多菜–洋蔥、紅蘿蔔、翠玉瓜、津菜、牛肉同大墨魚。一想檯就係一個嘩字啦，跟住就影相，個waiter仲好好笑問我地影完未，我地話影完佢就手起刀落就幫條墨魚解剖啦! 我地亦都唔客氣就吃啦~~原來我地呢班都可以食得辣架，因為飲左兩啖湯就有人話要辣椒醬啦。韓國既辣椒醬好似番茄醬而且落好多撈湯同飯都得，我朋友仲買左一枝係屋企食公仔麵用，我都要考慮下整返枝先!個石頭鍋飯就係熱辣辣啦，不過由於我食得太慢我只係食到半碗咋，其他人已經好快咁分晒啦。不過其實我都飽架啦，不過爭爭下先覺得好食麻!呢餐都OK抵，四個人$440!多d想就要去呢度睇啦:http://hk.myblog.yahoo.com/alison1803/article?mid=6794&fid=5

成班村菇又話要食飯，因為呢班個個都係半人半鬼，真係好出奇有人提議食韓國野，仲要係去名家添。名家真係比較正宗，撞口撞面都係韓國人黎既，價錢亦比一般市面既貴少少。由於有野做，所以我都遲左5分鐘，佢地個個都已經坐定仲要決定左食咩，真係好啦，一坐低就有得食! 佢地叫左一個唔知咩鬼鍋，同埋石頭鍋飯，四個女仔食都好夠啦。你都見到啦個鍋真係幾大個架，有好多菜–洋蔥、紅蘿蔔、翠玉瓜、津菜、牛肉同大墨魚。一想檯就係一個嘩字啦，跟住就影相，個waiter仲好好笑問我地影完未，我地話影完佢就手起刀落就幫條墨魚解剖啦! 我地亦都唔客氣就吃啦~~原來我地呢班都可以食得辣架，因為飲左兩啖湯就有人話要辣椒醬啦。韓國既辣椒醬好似番茄醬而且落好多撈湯同飯都得，我朋友仲買左一枝係屋企食公仔麵用，我都要考慮下整返枝先!個石頭鍋飯就係熱辣辣啦，不過由於我食得太慢我只係食到半碗咋，其他人已經好快咁分晒啦。不過其實我都飽架啦，不過爭爭下先覺得好食麻!呢餐都OK抵，四個人$440!多d想就要去呢度睇啦:http://hk.myblog.yahoo.com/alison1803/article?mid=6794&fid=5

睇過之前的食評都有點擔心,但在我同事的強力推介下,今晚終於親自試過了！結果—OK喎！食後覺得比"新羅寶"和"亞里朗"還要好呢！今晚與bf兩人7:30pm到達，已有4、5成客，不知是否因我們預先book了位，所以manager帶了我們座VIP房呢?! (有點驚喜,座房比座大廳寧靜,方便談天），到8pm已座滿8、9成了，以weekday來說生意是很不錯的，食客中不少為韓國人及外國人呢！我們想主要食烤肉,所以點了“牛肋骨"、"牛肉"及"豬肉“，再加一窩"蜆肉湯麵“。甫坐下韓籍女待應已笑容滿臉的奉上熱茶,當我們一點了食物,便很快的端上10碟前菜,只是可惜沒有我最喜愛的“芽菜仔“和“炸魚仔“啊！“牛肋骨" —好鮮,有點果香,甜甜地！"牛肉" —是薄切,所以落pan一陣就熟,還很juicy好有肉汁,不會很乾！"豬肉“—是我們的一大驚喜！因為醃得好好味，帶微微的kimchi辣味,很野味！"蜆肉湯麵“—蜆肉是新鮮連殼的,有鮮味，麵也很彈牙，是水準之內，而份量也不算少！最後還會奉送果盆呢！總括而言，他們的烤肉的確是上等貨色，而且醃得不會過咸，仍可保持原有肉味！其實我還想試試"石頭窩飯"、"海鮮煎餅"、“

本人食飯咁多年從未遇過咁嘅事，七月三日我哋一行七人去到銅鑼灣世貿名家韓國餐廳，叫咗牛仔骨、煙肉、牛脷及帶子共四個燒烤，另外有其他熟食。當食物上桌的時候只見帶子得六粒(約百多元，唔記得幾多錢)，燒嘅時候發覺燒極都係白色，咁都算，點知食落有Ｄ水流出來兼完全無帶子味，吐出一看，完全冇帶子應有嘅質感，大家聽到呢到估唔估到係セ？原來係幾舊雞肉切成帶子形狀。叫部長及女老闆一看，他們竟然話俾供應商呃咗，話佢哋セ都唔知，咁樣嘅欺騙行為一句セ都唔知就算數，埋單仲要六百，佢仲夠胆話冇收我加一喎，我在此呼喻各位千祈唔好去幫襯。

本人食飯咁多年從未遇過咁嘅事，七月三日我哋一行七人去到名家，叫咗牛仔骨、煙肉、牛脷及帶子共四個燒烤，另外有其他熟食。當食物上桌的時候只見帶子得六粒(約百元，唔記得幾多錢)，燒嘅時候發覺燒極都係白色，咁都算，點知食落有Ｄ水流出來兼完全無帶子味，吐出一看，完全冇帶子應有嘅質感，大家聽到呢到估唔估到係セ？原來係幾舊雞肉切成帶子形狀。叫部長及女老闆一看，他們竟然話俾供應商呃咗，話佢哋セ都唔知，咁樣嘅欺騙行為一句セ都唔知就算數，埋單仲要六百，佢仲夠胆話冇收我加一喎，我在此呼喻各位千祈唔好去幫襯。

也有公式飯局，六人商務簡餐，韓國料理也是不錯選擇。環境企理，坐得倒是舒適，若冷氣大一點會更好，這點已記錄在案。一切由主人家發辦，偶這閒角倒是吃得自在，十多款套餐選擇，兩款燒牛肋骨、一客鰻魚飯、一客辣牛肉湯鍋、一款辣冷麵，竟沒有人點炆牛肋骨？也好，讓偶來包辦。韓國料理非日常主食，但當想不到吃什麼時，卻成為the best choice。是日各自各精彩，獨自品嚐自選套餐，印象中是平生首次，商務有商務的吃法，理解。別的不說（想說也無從說起），除了自己的牛肋骨外，最想吃的是同檯的鰻魚飯，附送海帶湯，極為吸引。說回炆牛肋骨，配菜有年糕、蘿蔔、紅蘿蔔，肋骨已去骨，啖啖肉，醬汁收得不算濃杰，卻炆得甜而不散，鬆化軟腍，味道較莊園、韓雅林輕盈一點，很不錯，而配菜的蘿蔔、紅蘿蔔吸收醬汁後，不一會吃個精光，炆牛肋骨的配菜極為精彩，從來是多多益善的佳品，牛肋骨不知何時起成了大配角?哈哈。前菜芽菜、蘋果、泡大白菜，六個套餐一模一樣，做得不錯但討厭如此公式化，還是莊園來得親切。環境與食物質素區佳，服務有很大的進步空間，至少唔好要客人走去斟茶加水。

經阿蘇絲黃上電視一發功，大把人慕名而來，訂左檯九點都要等，不過期待既心情總會令人更好胃口。泡菜六小蝶，好新鮮，呢頭擺低，轉頭已經掃清左四碟，點菜時問侍應生欏多幾碟食下，侍應生祇肯俾多兩碟咁大把，唉...三條友點左千幾銀菜，唔駛計到咁盡下話？客人多，唔單止出菜慢，連茶都唔得閒倒俾妳咁滯，炆牛肋骨（$140）好入味，偏甜，冇骨，得幾舊肉，一塊紅蘿蔔，兩塊蘿蔔，食係幾好食，不過同坊間一般韓國食店冇乜分別，份量少，所以覺得幾貴；煎海鮮蔥餅（$100）一舊水貨仔當然冇乜海鮮，極其量食到幾隻蝦仔，亦唔夠脆香，但味道總算唔錯，煎香Ｄ相信會好食得多；去骨豬手（$220）非常大碟，終於有碟叫做大件夾抵食，但味道祇屬一般水準；燒烤拼盤反而最後先到，有牛肉、牛肋骨、豬肉、豬肋骨同雞肉五款（$650），整體上各款肉類都唔錯，而味道亦相若，侍應生叫做得閒Ｄ，識得主動換下塊燒烤板，而叫汽水、飯同添茶都要叫幾次先有人黎，服務方面有待改進。整體上小弟對名家食物質素並無不滿，不過以價論貨，三條友汽水、白飯、加一連小費盛惠千三銀落樓，咁既價錢去新羅寶、梨花園食我相信會係一個更好既選攞。

好耐冇同老婆去行街, 今朝一早食左件三文治就去左SOGO shopping, 老婆就收獲甚豐, 我就乜都冇買過, 唯有食番餐好D o既補償番啦!諗住去世貿阿拉麵館, 但醒起有間韓國野好似幾得, 見有lunch set都係under $100, 值得一試.店子不算很大, 但光線充足又坐得很舒服. 一點半左右入座, 已經過左peak hour, 不過好在lunch set供應到兩點半. 選擇不算多, 大概四、五款左右, 但有齊湯麵、牛肋骨定食、石頭飯、牛肋骨湯等...我同老婆分別叫左石頭飯($68)同牛肋骨($88), 每個餐都包前菜四小碟, 一碗湯及咖啡.石頭飯食法正宗, 材料豐富新鮮, 分量亦沒有因為係lunch set而縮水, 配以韓式辣醬味道一流. 所謂寶物尋歸底, 千萬別忘記吃一口飯焦!牛肋骨鐵板上, 分量亦不少, 足有兩大舊. 可知晚餐點一客的話要$130, 份量頂多只是多一點點, 所以差不多是物超所值. 牛肋骨肉質嫩滑, 肉汁豐富, 調味的份量亦很適宜, 不會蓋過牛肉的鮮味.泡菜雖然只有小碟的份量, 但已叫我印象深刻, 新鮮是肯定的, 味道層次分明, 不會只覺辛辣. 港式韓燒

上星期五一行四人Book左呢度七點, 朋友先點了食物, 然後有侍應幫你放d牛肉落去燒, 服務都算唔錯. 至於食物方面, 不是差, 只是沒有驚喜. 大約一個小時多些, 叫的所有食物都差不多吃光了. 侍應好快手就將我們的碟呀, 筷子呀收拾, 然後捧上生果盤. 本打算坐耐d的, 怎料見門外有人等位, 心想都不好意思坐咁耐. 生果都還未吃完, 有個類似經理的男仕已打好單據要我們埋單了. 雖則門外有人等位, 但侍應在收拾東西時是否應該先問問客人還要落單嗎? 而那位經理無聲無息地埋單, 好像不太尊重客人...我覺得是晚我們選錯了地方聚舊, 各位如只是食野性質, 在此晚飯完全不是問題, 謹奉勸各位想坐得耐的人, 還是幫襯第二間吧!

甚少食韓國菜(應該係今年第一次), 因為唔食得辣. 但行行下街又諗唔到食乜, 經過呢度fd 就話不如就呢度.叫左三樣東西(最後係飽死)：1)綠豆肉餅- 似薯餅, 好似食唔出綠豆同肉... 平平無奇2)炒年糕- 我覺得好似BBQ醬, 朋友就話似tomato sauce. 因為我鍾意食好starchy + 有口感o既食物, 所以都覺得幾好味. 仲有一條條魚蛋狀o既野.3)石頭飯- 食韓國菜必叫架啦, 牛肉雖然唔多同唔大塊, 但少少分份量已經feel到好香牛肉味.配菜幾好(除左最辣o既泡菜). 服務周到; 見到野食係我地兩個shared, 個綠豆肉餅其中一塊佢幫我地cut half (所以每人有1.5件). 個石頭飯又幫我地分兩碗, 問埋你駛唔駛加/加幾多chilli sauce.不過都幾貴囉.