名捌月 (已結業)

約咗朋友去荃灣行街正要晚饍又唔知食咩的時候行到去路德圍見到一間餐廳店鋪面非常耀眼的大大字「名捌月」於是大家同意入內試試，店內尚算寬敞，我喜歡食牛排所以點了澳洲和牛，朋友點了龍蝦汁燴海鮮意粉大家share 食，如果多人食仲好更多選擇可以大家share食;講番和牛侍應端來的和牛大大件真的有14oz的份量，肉和油花分佈均衡，口感柔軟又十分濃郁，至於意粉賣相一般但味道沒有令人失望，意粉充滿龍蝦汁相當好味海鮮食材好足料！甜品有我喜歡的朱古力味芝士蛋糕雖然不太花巧但味道香滑又不過甜

今天專誠來到荃灣和朋友吃午餐， 選了這間名字很特別的餐廳～名捌月 。午餐的價錢很實惠， 而且有很多選擇，豐儉由人，幾十元至百多元的套餐也有。我們選了兩個商務套餐，叫了一個安格斯肉眼扒，一個煎三文魚扒。 肉眼扒份量十足，我們叫了七成熟， 肉質很鮮嫩， 很有牛味。至於三文魚扒皮脆肉嫩， 沒有魚腥味， 非常美味。最特別的是餐廳設有自助沙律吧，雖然款式不多，只有薯仔、蔬菜沙律及餐湯，但有一種親切的感覺，是普通餐廳沒有的，以午餐來說這是一個不錯的選擇。

早幾日喺荃灣陪朋友行完宜家傢俬，買完野之後就去荃灣附近睇吓有咩食，朋友話想食西餐唔想食中菜，行行吓見到呢間就入咗去其實喺鋪頭門口見到有德國鹹豬手已經決定走入去，望到佢哋正式餐牌原來選擇都唔少，佢哋牛扒都有幾種，意粉嘅選擇都唔少，小店黎講值得一讚我同朋友都加$38跟湯同餐飲，呢個蘑菇湯都非常濃郁，蘑菇同奶油味好濃，口感綿滑一上枱已經忍唔住影張相，外皮焗得非常香脆，一食落口真係索索聲另外豬手肉部份都非常嫩滑，佢哋嘅蜜糖芥茉醬真係配搭得好好，依家睇返張相都流口水我朋友叫咗澳洲和牛西冷，我食咗兩三舊，嘩扒入邊嘅油份真係好香，每一啖都齒頰留香!!都係非常值得再嚟！

今晚與知心好友相聚，由於他是在九龍上班的，於是乎我們約了大家都比較方便的荃灣共進晚膳。呢間餐廳的地點十分方便，在路德圍天橋下，一出地鐵站便是了， 十分容易找到。由於好久沒見，想找一間靜靜的餐廳，邊談心，邊吃飯，於是便選了這間西餐廳，氣氛寧靜，伴着柔和的英文歌，十分滿意。我們二人叫了兩個套餐，我的餐湯升級了，朋友的就選了是日餐湯。我的龍蝦濃湯：龍蝦味濃，還有龍蝦肉，足料，喝得出是足火候的濃湯。朋友的湯：聞起來是陣陣的菌香，我想應該不錯的。牛角包：即烘，咬下去還是熱口的，而且外皮十分香脆。厚煎安格斯肉眼扒：十分大塊，整隻木碟都快裝不下了，肉味相當濃厚，而且非常稔，嚼勁十足。澳洲M6和牛西冷：與別的餐廳相比，這塊西冷牛扒剪得相當不錯，火候控制得好，咬下去一點也不難嚼。餐飲我們選了檸蜜， 十分欣賞蜜糖不是普通的菜蜜，是用了真的蜜糖，所以很潤喉。

同朋友約左喺荃灣食飯，於是就上網睇下有咩餐廳介紹，見到呢間西餐廳評價幾高。餐廳唔算大，但佈置幾舒服，俾人一種乾淨舒適嘅感覺。我叫左個澳洲M6和牛西冷（$398），塊扒好大塊，份量真係好足。我叫左5成，切開仲係粉紅色嫁，冇乜血水，和牛不愧為和牛，牛味好重同好稔。餐湯我轉左龍蝦湯，個湯味道都濃，而且又有龍蝦肉，唔錯。餐飲叫左個水蜜桃果醋，呢個飲品係老板介紹嘅，我覺得好飲嘅，果醋嗰種酸味有助消滯，因為塊扒實在太大塊，又唔想浪費食物，所以都盡量食矖佢。整體黎講呢餐好滿足。

估唔到荃灣街邊都會有呢啲高級嘅西餐廳，望到裡面格調都幾高尚，氣氛都不錯，所以就入咗去試吓啦。Menu上邊都幾多款選擇，仲有套餐一set set俾你揀，但係我同朋友都唔係好食得多野，所以我哋就各自散叫左一個主食，但佢個主食都可以配餐湯同埋飲品，所以其實都幾抵又豐富。餐湯到咗之後本身都唔知係乜嘢湯，但係一飲落去就已經好明顯知道係一個蘑菇湯，佢唔同平時嗰啲餐廳咁放忌廉，所以佢可以叫做一個純蘑菇湯，非常之咁香蘑菇味。而佢配左啲餐包，啲餐包食落口感似麥包，都幾特別，再配埋個蘑菇湯簡直一流。主食終於到啦，呢個係日本霜降西冷牛扒，都有成八安士架，叫咗店員比七成熟，嚟到入口啱啱好，肉質鮮嫩，多汁。另一個就係松葉蟹肉蟹膏意粉，成個松葉蟹蓋連埋啲蟹膏畀晒你，份量非常之多，亦都好鮮甜，而啲意粉佢用咗雜菌去炒，再加埋好多好多蟹肉同蟹膏一齊，變咗成個意粉好香蟹味，亦都唔會話腥味，值得推介。飲品佢亦都有好多選擇，有特色飲品，右邊呢杯就係菠蘿特飲，係將菠蘿汁溝梳打水，好香菠蘿味甜甜地嘅有汽果汁，相當不錯。

今日約了朋友在荃灣一聚， 吃午餐傾傾心事，經過名捌月，看見裡面環境不錯，就入去一試。午餐都有不少選擇，有飯、意粉、 各式扒類。晚市有些套餐。夜d又有宵夜餐。午餐的餐湯，薯仔沙律及青瓜是任飲任食的， 是日餐湯是什菌湯，湯是濃湯，帶有濃郁的菇菌味，我和朋友都很喜歡。第一次食日本霜降西冷牛扒，我點了7成熟，扒是厚厚的一塊，肉質鮮嫩加上肉味濃，煎得很香口，配菜很有特色，有紫薯，粟米沙律配上蕃薯蓉，三者出奇的夾，好像在吃一份小甜品，這個配搭都是第一次食，看得出廚師的心思。朋友點了加拿大黑毛豬鞍扒，厚厚的豬鞍扒煎得剛剛好，肉質鮮嫩，朋友喜歡吃這裏扁扁長長的薯條。飲品點了原樽上的樽仔朱古力及咖啡。

<支持荃灣西餐小店>😃荃灣路德圍好多美食 呢間小店 名捌月 環境雖細 但燈光坐位都幾舒服 . Menu唔算多野食 主要係意粉 飯 小食 豬手 扒等等 質素唔錯💪🏻 🍴澳洲m6級和牛西冷 398 蚊 🐮加38 蚊有湯同飲品 湯係香草磨菇湯 🍄 味道香濃 🌿而佢既蒜蓉包切成長條形 係偏硬既麥包 健康 d . 但佢口感偏硬 要撈埋湯先好味🍞主菜既牛扒 有14 oz比較厚身 5 成熟剛好 好易切開 口感帶少少煙靭 肉味香濃 juicy用少少黑椒調味剛好 🐂 點埋燒汁更正 薯條係粗長身 🥔香脆可口 而我幾欣賞佢既配菜 香甜既蕃蘿蓉 蕃薯仔 甜粟米沙律🌽同蕃茄🍅製作用心 中和番牛既肉味 正🍴德式烤焗咸豬手 288 蚊🐖加38 蚊有湯同飲品 湯係香草磨菇湯 🍄 味道香濃 🌿而佢既蒜蓉包切成長條形 係偏硬既麥包 健康 d . 但佢口感偏硬 要撈埋湯先好味🍞大大碟豬手 豬手切左一半， 不失外表但又方便食客切🐖呢間餐廳豬手 個皮係比較薄脆 d . 中間有某 d位肥膏多， 但佢已炸到膠狀 唔會話好油， 食唔食睇自己😈 (我食一半😂) 肉質就比平時德國咸豬手 冇甘咸 口感比較彈牙 易切少

今日約左朋友喺荃灣見面，咁順便都喺荃灣揾食，咁喺路德圍附近揾到呢間名捌月，正正就喺南豐中心天橋一落就到。餐廳面積唔算大，但裝修都唔錯，行比較年輕既路線。咁我同朋友就點左一份三文魚扒拼元貝同一份松葉蟹肉蟹膏飯，再加配套餐。餐湯我地選擇左龍蝦湯，都好飲既，味道好濃，龍蝦肉都好多。咁主菜方面，我既三文魚扒份量非常大又厚。食落肉質肉質嫩滑仲配有煎完既香味，魚皮亦煎得脆脆的。元貝就大大粒，都食得岀元貝應有既鮮甜味。配菜方面，有南瓜蓉，小甜薯同埋比較少見扁長形既薯條。而朋友既蟹肉蟹膏炒飯我就試左一啖，蟹肉份量都多，汁醬都非常足夠，每一粒飯都有蟹膏汁，非常鮮甜，都係高質既。餐飲方面我就選擇左平時少見到既蘋果蜜黎試下，都幾驚喜，因為佢唔單止有蘋果味，仲有啲蘋果粒添。

幾個月前裝咗個要付年費的app，可透過app享用優惠，不過大多都以西餐或酒吧為主，所以幾個月都無點用過。 今日撞啱想食西餐又有興趣，就試吓walk-in，好彩又有位。 （呢間餐廳在app優惠是淨主菜買一送一）呢間八捌月在荃灣路德圍，近天橋旋轉出入口位，好易搵到。 兩個人分別一人一個主菜，日本霜降西冷牛扒8oz和香煎三文魚扒配日本元貝，兩個都加$38轉set, 有湯和飲品，亦可以優惠價額外叫甜品。（不過太飽最後無叫甜品）餐湯蘑菇湯味道濃郁，多士脆但少少硬，浸d湯食一流。兩個主菜都以木板上菜，配有薯條，兩粒蕃薯仔和薯蓉。擺得有板有眼，所有配菜味道亦唔錯。牛扒要咗5成熟，啱啱好。油花睇落好靚，肉質鮮嫩，容易切開。三文魚扒超厚超大份，未見過咁厚既三文魚扒食西餐魚最重要個皮，呢間整得亦非常香脆。另外，飲品方面男友試咗樽仔奶茶，個outlook幾得意～佢話味道都唔錯～另外，見到隔離枱有人點咸豬手超大隻，可惜我地怕食唔哂，所以唔敢叫。下次一定要搵多d朋友一齊食

星期日約左朋友行街，到左晚飯時間行過呢間餐廳，睇menu同環境好似幾好喎，就入左呢間餐廳，環境裝修都幾靚，個牆可以打下卡，好有feel呀！同朋友一齊叫左兩個龍蝦湯，好濃味，而且飲得出係冇味精。仲要真材實料，我諗應該真係有龍蝦粒！叫左個澳洲和牛，個人認為澳洲和牛比日本和牛更好食，因為牛味比較重，而且又做到日本和牛果種入口即溶既口感！因為我怕生，打算叫7成熟，waiter仲提議我唔好，因為7成熟會太過。果然5成熟岩岩好，又唔會話太生，又做到牛排既香口！waiter服務值得一讚另外就係朋友叫既肉眼扒，勁大塊我朋友好大食，岩晒佢，牛肉味同樣非常重！正粗薯墊底，薯條香口又新鮮，應該係現炸！最後叫左個波子氣水做完結跟餐飲平好多！

今晚約朋友去荃豐中心買東西後， 大家沿轉轉樓梯直落到路得圍揾野食。大家不約而同被這大大招牌吸引著"名捌月"名字直覺是中式菜， 原來是西餐呢！看看門口的招牌菜， 蠻吸引呢！一於試試裝修走文青路線每一幅畫， 佈置都顯得出佈置人的獨特藝術感再看看menu, 飲品都多選擇套餐上可加$18 轉酥皮湯在原有的野菌湯上 加重口感， 值得呀！澳洲M6級和牛西冷扒 14oz6 成熟正正配脆薯條薯蓉/南瓜蓉？當和朋友紂結中，按奈不住問問店長原來是薯蓉加南瓜蓉mix. 沒有全薯蓉的流，又波有南瓜蓉的甜， 很特別， 美味龍蝦汁燴海鮮意粉(青口，大蜆， 大蝦)特別一提大蝦， 大隻又新鮮， 絕不是冷藏貨一般西餐廳，奶茶都很一般的。但這個樽裝奶茶， 驚喜濃郁不太甜。 是晚有小小咳， 幸好有薑蜜飲待應還細心問我， 會否太辣呢？！隔離有位女士也怕飲凍飲，因為有點冷，待應即刻關細冷氣， 窩心呀！

之前經過依間餐廳，個名好特別，今次同💁🏻‍♂️食下得唔得唔想諗下，叫左個498二人餐，💁🏻‍♂️加左18元試下個酥皮湯掂唔掂賣相良好，不過個酥皮唔夠脆同熱，今日既湯係菇菌類湯，個人認為菇味係夠既，不過感覺落左好多麵粉整杰去，味道一般前菜叫左芝士chips, 好失望依個，d chips 係唔熱既，黑松露係香，不過chips 唔脆唔熱，我就認為係唔好食喇白酒蜆，本身估計係唔係用忌廉整既，諗住係用白酒煮，所以依係比較漏，不過都唔錯既，有3 4 隻大蜆係死同無開殼的，牛角包唔錯，但點依個白汁就唔係幾夾既感覺本身係好失望，好彩最後豬手力挽狂瀾，豬手個皮好脆身，肉質嫩，無臭豬既味道，加上個豬手調味剛剛好，唔會好咸喺我食個香港咁多餐廳嚟講，佢整得好食嘅程度係第1 ，2名，個source 整得好食，平時我係唔食mustard 既，依個調得剛剛好，唔會太重芥末味，side dish 既蕃薯沙拉，勁好食！不過個薯條有同樣嘅問題，就係唔夠脆同熱嘢飲就一般啦冇咩特別，依間餐廳價位都唔太平，希望佢改進下個薯條🍟就好點喇

今天來到荃灣工作，中午時間就來到名捌月吃飯。這間餐廳的裝潢非常別緻，一走進去就看到牆上有很多Marvel的掛牆畫，而另一面則是一堵花牆，上面寫著Salad buffer for you。兩邊都非常適合打卡！打開餐牌才知道原來這邊是semi-buffet形式。點了一個主食後，就可隨意享用沙律和餐湯，不過我們都不敢吃太多，怕吃飽了連自己原來的主菜也吃不下。當日的餐湯是蘑菇濃湯，味道非常濃郁。沙律有兩款，分別是青瓜沙律和薯仔沙律，加上特別配製的沙律醬，很合我的胃口。日本霜降西冷，五成熟的牛扒切開後的肉呈粉紅色，牛肉味重，厚切，肉質吃起來很有口感。配菜是極粗的炸薯條，以及一口蕃薯仔和蕃薯蓉。安格斯肉眼扒，非常大件，份量十足，肉質比西冷更軟腍、更juicy，再配上特制的燒汁，非常美味。樽魚焗飯，魚扒肉嫩，冇雪味，鋪上一層厚厚的芝士去焗，而飯則是炒飯底，粒粒分明，很不錯。最後，套餐附帶一杯熱飲，值得一提的是這裏的熱朱古力非常好用飲，建議大家可以試試。

路德圍少有坐得舒服既西餐廳，見佢門口唔錯，出面仲有特價餐牌，around $100還可以啦。冇錯就係講呢個！我啲朋友都好有錢，叫左主餐牌入面既野，我只好叫左個特價意粉，但超級好食！佢一黎到，我心諗咁細嫁，但諗諗下發覺平時其他餐廳個碟就大，中間凹入去個位其實都係咁細🤣 但佢呢度仲要入面都幾實淨，夠飽！重點係好好食！鹹芝士，黑松露醬，真係諗返都想再食，意粉唔會煮得太林，好有咬口，100分！加$38有湯、包同野飲。朋友話呢個蘑菇湯唔太新鮮，有結左再煲開既口感。近肥同筋既位好啲，但整體好乾好硬。配菜反而有心思。我個人唔多好西冷，所以不作評論，問題係我地叫5成，但係應該有7成。因為中間有cream緣故，要雪得好凍，但蛋糕冇因為咁而硬同乾，反而cream就好凍，食落好似雪糕咁👍🏻 朱古力都好香，但就唔多食得出有榛子味。呢個超級推薦，奶茶好香好香！必試