味自慢 (已結業)

* 食物的質素, 份量及價錢方面: 質素一般過一般，毫無驚喜。 份量超袖珍。例如一個牛油炒露筍，內裡只有十多小段不到兩寸長的露筍。 價錢方面，我們每人二百多元結帳，老實講只係七成飽。 本來價錢不是一個問題, 如果跟質素或份量成正比, 可以回味無窮, 但這裡不是 如果你自問係食量少，加上有大把錢洗，即管去光顧吧！* 服務態度方面: 我們一行五人，訂檯時要求靜一點的位置。結果，被安排了一張給屏風及珠簾與其他客人分格的檯，非常感激!! 怎料當我們在閒談之際，一名貌似在廚房工作的男子，名叫ANDY，突然氣沖沖走到我們檯旁邊，跟我們說：「你們訂檯時候要求靜一點的檯，希望你們都可以靜一點。」之後便立即轉身走。沒有給我們一點時間去反應。 本小姐自問到半島酒店用餐也用這種聲量傾偈，都沒有被投訴，這裡算是甚麼地方呢? 扮Fine Dining呀?我呸…. 看情況這餐廳只歡迎那些在聚餐中不甚談話，甚至是啞的客人。如果你是屬於上述兩者之一，即管去光顧吧！最後如果你是經常缺氧或長期宗氣不足, 即管去光顧吧, 包你食完一肚氣!

第一次食呢間覺得waitress 同 waiter gei 服務態度好好，非常有禮貌食物都出色先食左個特上刺身拼盤，記得有：三文魚、牡丹蝦、帶子、象拔蚝、油甘魚、吞拿魚再黎左豆腐魚湯、煎牛舌、炒什菜同吉列蠔最深記憶係隻牡丹蝦，鮮甜到難以形容，一入口就覺得好鮮，蝦肉好爽，食落d油脂開始出，好豐富嘅口感，令人再三回味~~~~ 另外就係帶子，非常非常鮮甜!!!! 好正!!!!! 之後就係油甘魚... 好欣賞佢每種刺身都配有少少拌菜，幫你清清味蕾.. 其中比較特別嘅係昆布同紫菜...豆腐魚湯就做得非常細滑，真係有如絲般感覺牛舌好好食!!! 淨係用鹽同黑椒燒，就已經帶得出陣陣牛肉香，好爽口，再加上檸檬汁，個牛味的層次即刻提升 炒什菜也是要力撐的項目，好好食~就唯獨是吉列蠔.. 真係比較一般，可能係珠玉在前啦.... 最後waitree 送左個紅豆雪糕俾我地，都係好好味，似係自家製gei作品，紅豆好香甜

Coming to this area for the first time, of course this is the first time coming to this restaurant.we have a separate room for 16 people, M's uncle's family coming from Vancouver to visit.We have so many dishes, these are what we have:Assorted sushimi - i only take the salmon, it's very fresh. The huge prawn head goes to deep fried i didn't eat that neither, they eat it like chips and they say it's very good.BBQ Ox Tongue - this is very chewy and crunchy at the same time, goodBBQ chicken wing

今日想食日本野就黎左味自慢了~我地食左兩個set:吞拿魚海膽飯 - 海膽好新鮮~ 海膽份量都幾多~ 吞拿魚蓉都有成吋厚架!! 不過好似無乜鮮魚味? 不過overall都可以, 老公都成碗食哂三文魚海膽甜蝦飯 - 海膽甜蝦都好新鮮好靚~ 碎三文魚份量都好多, 不錯不錯兩個飯既賣相都好正, 令人好想食, 哈哈~不過價錢都幾貴, 但一試無訪

以前從來都冇黎過鯉景灣。呢度對冇車既人黎講實在太隔涉，冇端端都唔會黎食飯啦。之前一早睇左Openrice食呢間。舖頭細細，得十張枱左右。個日仲要好夜至食飯，所以只係得兩三枱客。我地叫左蟹子沙律，炸軟殼蟹，炒雜菜，壽司盛合，燒鵪鶉蛋同雞軟骨。炸軟殼蟹係推介之一，炸得好鬆化。炒雜菜都好好，唔會太油。壽司盛合賣相好靚，味道都唔錯。服務好好，我地係最後一枱客，不過都冇催我地。又好主動問我地要咩甜品。佢既紅豆同咖啡雪糕都好香好滑，成餐飯就好圓滿啦原來openrice有coupon，之前睇唔到，蝕左添

個日睇完蔡瀾介紹日本菜，之後就真係好想食啦，不過當時都9點了, 上網找找附近有什麼日本餐廳而且又可泊車既，點知就比我地搵到呢間味自慢，不妨一試。老實講D晚市SET真係好貴，兩個人平均都要500-600，既然坐低左就算啦...我叫左一個生吞拿魚腩飯，老公叫左牛柳粒飯，估唔到都唔差喎，唔怪得甘貴，都值既...本來想試埋牛舌，不過佢漏左單，唯有下次去食啦!overall speaking 服務唔錯，一讚!

啱啱同Nelson, Phoebe去咗味自慢食lunch....個碎吞拿魚腩海胆飯"個樣"實在太太太太好味啦....點解係個樣.. 原因我呢期醫生叫我唔好食魚生類嘅嘢...所以當然俾同行好友禁制我....唔俾我食魚生啦...好遺憾呀~~~~~講講個碎吞拿魚腩海胆飯先啦...嘩...果然份量十足，以我所見有成六瓣大海胆(淺色，應該可能係加拿大貨)，仲有三隻蝦 (size比普通甜蝦大隻好多，不過就細過牡丹蝦，色水晶瑩剔透，好新鮮)，成吋半厚嘅碎吞拿魚腩(用大量洋蔥撈埋)，仲有兩大片紫菜(應該用嚟包海胆食)，我見到都流晒口水....而我就叫咗牛扒定食..份量都好十足，塊扒好大，而且仲係medium raw...肉質軟滑...都有牛味，不過唔係好突出，個醬汁好濃我用咗嚟撈飯..嘻嘻..咁先可以食到個牛味，而啖飯又唔會淡嘛...不過啲飯好散，日本飯應該黏黏哋先係嘛....最後甜品有黑芝麻或者咖啡味，我要咗黑芝麻，不過不失啦....服務態度OK啦，因為經常加茶。

其店的特式,發現杯子,筷子托等物件都不一樣,好似O係唔知邊度得黎咁實在掛住其店的牛舌 !!!今次翻兜的是牛舌和味自慢炒什菜想翻兜鹽燒花魚可惜賣晒今次試埋海膽炒飯和炸雞軟骨 其店前菜先來一光 1"大小的方形豆付,上面有一小pat wasabi 吊味本身淡淡地但wasabi 的點綴簡直是錦上添花牛舌真的好爽好滑,不過一串只有三小粒,簡直唔夠喉,但為左食其他野都唔會叫太多吧!味自慢炒什菜今次反而多左菜鹽燒花魚冇晒只好食燒鯖魚,不過肉質唔鞋,配埋大根和酸汁,很是入味炸雞軟骨麻麻地,嫌佢太細粒冇得咬,同埋炸得乾左D海膽炒飯不錯,恕我大鄉里,未試過食熟海膽 海膽數目不欺場,起碼成碗都有1/4 海膽!服務態度不錯,WAITRESS和WAITERS們笑容可掬,我地走到去門口行到落街,有個WAITRESS同我地講多謝晒BYEBYE忽然覺得我地好似貴賓哈哈哈 XD

"j.y. duo" went there on 27 Feb 08.Environment - clean and niceFood - fresh and deliciousService - FairPrice - little bit expensive

This is the first time I dine with my Girl Friend here, we have ordered some salmon, toro, scallop Sashimi, Beef Rice, some robata and roasted pork. That's so great, that is marvelous!! I will go there with my family by this weekend too. Actually the price is not very low price, but it does worth for the great testing food.

I dine here about once a month. The sushi combo is superb, comparable to big hotels. You mustn't miss the fried assorted vegetables and tempura either. The restaurant has a cosy ambience, thanks to the relatively small premises. The waiters serve you with care and attention, the kind of service you won't find in chain stores. Have a go and re-visit from time to time.

2個人食左燒牛舌,三文魚卷,黑豚滑蛋豬扒飯,鹽燒花魚,味自慢炒什菜牛舌好味,口感好三文魚卷,$50/6粒,有D貴,但係個三文魚口感唔同出面食果D,滑得黎有點彈牙感覺黑豚滑蛋豬扒飯,還好啦味自慢炒什菜,好味,好多菇鹽燒花魚,麻麻地,好似食咸魚咁不過整體都OK O既!

從來沒有想過來這裡吃日本料理，因為總覺得是港式的。是日下午，不得已也來吃一次。午市除了有拉麵及烏冬的套餐，有不少的定食選擇，看看日替，兩款都含刺身成份，不想吃生食物了，就要了個豬軟骨定食。前菜有沙律及幾片黃色漬蘿蔔，加一碗味噌湯，俱普通。豬軟骨飯幾夠份量，豬軟骨用醬酒及糖煮得很腍及很入味，當中除了豬肉外，真的全部是軟骨，意想不到的好味道，滿意。飯又濕又腍，口感相當一般，不過夠多，吃完至少一定夠飽肚。朋友的燒銀鱈魚定食....為何還敢吃銀鱈魚的﹝當時想﹞？男侍應服務態度非常好，有問有答之餘，亦笑容可躬，服務一欄值滿分。最後來一小球咖啡雪糕，埋單八十蚊有找。雖然全個定食只靠幾件豬軟骨撐場，但實在不錯，也值笑面。

到鯉景灣試新野，揀左食日本野。晚飯套餐有多種選擇，要了個刺身壽司定食，再加鰹魚絲天婦羅蝦卷﹑日式煮廣島蠔﹑燒牛舌﹑叉燒稻庭烏冬。刺身有3款6件，壽司有6款加甜蛋，當然海膽最好啦。燒牛舌好爽﹑廣島蠔就有啲腥﹑天婦羅蝦卷都幾好。價錢不平，但質素和服務都幾好。

23-5-2005 2145終於都考埋最後一科，之後急不及待幫自己慶祝，拿拿聲返到屋企附近搵好野食，行下行山又黎到這裡，對上次光顧已經係三年多前初初搬到這區的某一個星期六下午，當時記得都要70蚊到。入到去後當然要叫套餐，由百多元到二百蚊都有，睇來睇去菜式都係差少少，於是侍應就介紹了Chef’s Recommendation，中價價錢，睇下係唔係咁好。第一道菜是豉油乾浸半隻蕃茄，味道不濃，可以fresh下個口；第二道已是刺身，如圖中所示，通常魚腩部份會比較貴，但係有兩片食已經算係咁；第三道炸日本青豆，用了少少脆漿，似乎都係去一去之前食物的味道，要點千島汁先夠味；第四道便是炒蠔，應該用了冰鮮，幾夠蠔味；最後一味主菜係煙鴨胸湯烏冬，只屬一般，湯就應該冇師傅；甜品我選了黑芝麻雪糕，唔太甜兼有香味。自己另外點了炸三文魚皮，幾香脆，係油多左少少。總括來講，的食物稍為細份，但都幾飽肚，當然與烏冬冇關，幾位侍應服務都相當滿意，好留意客人每一舉動。