和宴

营业中

休息中

琴日同朋友係尖沙咀行街發掘到一間好好食嘅燒肉店🤩一坐低就上特製宮崎和牛他他配法包做前菜肉質油脂均勻、咬落有口感，肉味好濃，好滿足！迷你沙律食落去咸香咸香嘅，所以一定要撈勻沙律先食，再配埋沙律汁。韓式煎餅薄身香口，海鮮都好新鮮，點埋醬汁，好味夠脆身。見到拼盤有款5種唔同部位嘅牛，和牛款有宮崎和牛薄切牛板腱、上牛排肉、牛肩肉眼、牛舌芯。雖然話係薄切，但肉嘅份量都幾厚幾大一塊～份量好足。店員仲會親自教我哋可以點樣燒先至最好。不過我自己就比較鍾意上牛排、牛肩肉眼，肉味幾濃而且油脂唔會過多🤤🤤另外一款係有豬肉-五花肉，上枱時以為係普普通通冇咩特別嘅豬肉，燒起切開後肉質帶粉紅色，口感都會比較有咬口，食落仲要好嫩好有肉味，勁加分！😝仲有另一款就係海鮮-海老拼原隻帆立貝。好大隻帆立貝同海老😍 一邊燒一邊期待快啲食到！雖然係燒，但帆立貝入面仲係好多水分好多汁，食落鮮甜。麵類兩款當中我哋都揀咗迷你盛岡冷麵。本來朋友唔係好鍾意食涼麵之類嘅嘢，但天氣實在太熱，估唔到食得好開心。湯底清淡，微微酸甜，雪梨同青瓜令整體更清涼，麵條有咬口，幼麵條每根都分明，非常爽快。一大面牆身都係擺滿sake，一邊飲一邊燒肉，享受生

同老公嚟和宴食佢哋嘅$498 Tasting menu "宮崎和牛海鮮十三品盛宴”，套餐包含咗前菜、燒肉、海鮮、甜品以及Sake。🥬前菜-特製宮崎和牛他他配法包-韓式煎餅（海鮮）-迷你沙律三種唔同種類嘅前菜各有各嘅特色，法包配和牛味好濃郁，韓式煎餅鮮味十足，香脆好食，迷你沙律清新爽口，激起咗食慾。🥓燒肉-宮崎和牛薄切牛板腱（壽喜燒風）配日本蛋-薄切牛舌芯（鹽蔥汁）-宮崎和牛上牛排肉-澳洲和牛特上牛肩肉眼-鹿兒島豚五花肉五種唔同嘅燒肉色澤都好紅亮，雪白嘅油花分佈均勻，每一種燒肉都鮮嫩多汁，入口即溶。🦐海鮮-海老-原隻帆立貝兩種海鮮食落好甘甜，散發住淡淡嘅海水味，鹹香味十足。🍨甜品-黑糖珍珠雪糕雪糕味道淡淡奶香，黑糖似焦糖味，唔會太甜，珍珠口感好軟，享受多層嘅美味。🍶Sake-今代司1.8L優雅嘅吟釀香氣，入口甘甜，整體嘅甘味同酸味平衡。

是日想重點推介吓呢間米芝蓮推薦餐廳嘅—「宮崎和牛海鮮十三品盛宴」$498/位🧡總共有13道菜～雖然食物分量唔多但係贏喺可以試唔同種類嘅菜品～我個人超級鍾意😘前菜有特製宮崎和牛他他配法包同埋韓式煎餅～但我最鍾意呢道宮崎和牛配法包～牛肉切成條狀更加好入口～配搭麥香味十足嘅法包一齊食～超開胃😋😋.燒肉🥩有和牛薄切牛板腱、薄切牛舌芯、上牛排肉、澳洲特上牛肩肉眼同埋鹿兒島豚五花肉～各個部位我都好鍾意😍😍真係揀唔出邊個部位係我嘅摯愛～連我平時唔食嘅牛舌都咁好食～一啲腥味都冇～帶住濃烈嘅牛肉香味真係好滋味🙌🏻🙌🏻上牛排肉都係軟嫩多汁～豐沛嘅肉汁同濃郁嘅油脂香充分釋放～喺口入面爆汁嘅感覺簡直就係人間天堂😇 牛板腱都係和牛最珍貴嘅部位～燒得啱啱好嘅牛肉配搭生蛋黃～口感好順滑入口即化講嘅就係呢個感覺！！.仲有海鮮🦐有海同埋原隻帆立貝～呢兩款海鮮分量亦唔少～海老個頭好大～食落去鮮甜十足！帆立貝燒咗之後更加可以嚐到佢本身嘅鮮味～根本就食唔夠😆😆.最後有甜品🍦-黑糖珍珠雪糕～珍珠食落去Q彈幾好咬～奶味十足嘅雪糕仲有淡淡嘅黑糖味～冰涼嘅口感即刻為燒肉嘅熱氣降溫😎.同埋我哋仲另外叫咗飲品🍹柚子蜜梳打&沖繩四季柑薑味

舊同事話佢心情唔好，約我黎和宴食燒肉傾吓心，今次我哋點咗$498 嘅 Tasting menu試吓。和牛他他法包嘅和牛分量好足，肉質鮮嫩，配埋法包嘅外脆有明顯嘅對比，口感非常豐富。仲有 非常開胃嘅海鮮煎餅，非常新鮮，入面真係有真材實料嘅海鮮。然後沙律就非常清爽，咬落去非 常爽脆壽喜燒風嘅牛板腱切得非常薄，仲配咗蛋，非常香滑，一口食落，真係太正啦!仲有沾上鹽蔥汁 嘅牛舌芯喺口中爆香，咸咸地嘅味道，非常開胃!仲有一款宮崎嘅上牛排肉非常有嚼勁，味道鮮 甜，同事食到好爽!牛肩肉眼就比較軟嫩，入口即化!除咗和牛，仲有五花肉可以享用!五花肉 燒咗非常香脆，仲有肉本身嘅甜味，跟和牛一樣非常好食!呢度仲有我最鍾意嘅海鮮海老同立貝，非常鮮，仲帶有淡淡嘅鮮甜味，彈牙嘅口感，比我之前食雪糕放咗黑糖珍珠，非常Q彈，仲帶有黑糖嘅獨特味道，配埋雪糕冰冰涼涼嘅，特別涼爽!柚子蜜梳打飲落清甜，每一口都可以飲到柚子嘅香氣，食完燒肉來一杯真係好爽!仲有波子汽水 飲落酸爽過癮，係日本非常出名嘅汽水!同事食完燒肉之後，心情好咗好多，食物的美味真係會令人食完心情非常開心!

我就快轉工啦，就打算同同事們去「和宴」食燒肉當作感謝大家嘅支持！諗住樣樣都試下就叫咗 Tasting menu，有前菜、和牛、五花肉、海鮮、麵類同甜品，感覺好抵食！特製嘅和牛他他法包味道好特別，和牛非常濃郁鮮甜，同法包一齊食，外脆內嫩，小小前菜令人胃口大開！海鮮煎餅炸得非常酥脆，有海鮮嘅甜味，海鮮口感非常爽口！ 牛板腱同牛舌芯係同事最鍾意嘅，切得非常薄，燒起嚟更加香脆！牛板腱沾上蛋黃，口感滑順，味道真係無得頂！仲有沾上鹽蔥汁嘅牛舌芯，鹹香味喺口中散開，無得頂！上牛排肉嘅雪花非常靚，肉質滑爽，油脂融化後，滿口都係濃郁嘅牛肉香氣！來自澳洲嘅牛肩肉眼有獨特嘅風味，口感軟腍，非常美味！唔止和牛，仲有五花肉、海老同帆立貝。五花肉燒得外皮香脆，肥瘦相間，香甜多汁！仲有海老同帆立貝都非常新鮮，味道鮮甜，口感有嚼勁，海鮮同燒肉一樣出色！甜品有黑糖珍珠雪糕，唔會太甜，珍珠都非常Q彈，食起嚟特別清爽！食完雪糕嚟碗熱乎乎嘅雞肉烏冬真係好暖胃，湯底香濃。當然仲少唔到今代司日本酒，口感柔順，大家都好欣賞。今晚同同事真係食得好開心！食物方面都好適合我哋，希望大家保持聯絡！

今日老師提早放學，就打算同朋友去尖沙咀行街，順便去搵午餐。行下行下發現咗呢間有日式燒肉、日本菜同海鮮嘅，感覺佢哋嘅午餐套餐唔錯，就決定去試下。入到去就卑呢副畫吸引，好好睇！我哋兩個人點咗唔同嘅套餐，兩種唔同味道嘅套餐都好啱我哋！和牛溫泉蛋丼套餐：呢碗飯睇落好有食慾，擺盤精緻，肥美嘅牛肉覆蓋喺飯上面，配埋我最鍾意嘅溫泉蛋，再用筷子戳破蛋黃，配埋牛肉片一齊食，牛肉更加香滑，真係太正啦！而且呢度嘅牛肉非常鮮嫩，每一口都可以品嚐到濃郁嘅牛肉香氣，真係太幸福啦！和牛鐵板燒套餐：好大一碟啊！滿滿嘅和牛，肉質滑嫩，仲非常新鮮，配埋洋蔥一齊食，非常香甜，仲帶有濃郁嘅牛肉味，非常下飯！而且牛肉嘅脂肪分布均勻，食起嚟更加甜美！我同朋友都非常鍾意呢度嘅套餐，下次仲可以再嚟發掘更多美食！

難得今日同事有空同我一齊去食午餐，就決定去之前一直都想去嘅食日本菜放鬆一下。呢度嘅環境非常舒服，座位寬敞，仲放咗黃色嘅燈光，特別有氣氛。我哋兩個都點咗呢度嘅午餐套餐試吓，味道非常唔錯！我點嘅和牛牛柳套餐俾咗非常大件嘅牛柳，而且肉質厚實，非常鮮美，咬起嚟好有嚼勁，喺口中仲能散發住牛肉嘅香味，真係太正啦！而且呢度嘅和牛係嚟自出名嘅宮崎，味道比其他餐廳嚟得更加好味！仲有同事點嘅醬汁走地雞，切得啱啱好，配埋特別嘅醬汁一齊食，濃郁香甜，而且肉質非常滑嫩，特別下飯！而且份量好足，食到非常飽！仲有套餐包括咗幾道配料，每樣都非常新鮮，我最中意嘅就係沙律，食起嚟非常清新爽口，非常解膩！我哋兩個都食得好滿足，非常爽！下次仲要再嚟！

上個星期，同以前嘅同學一齊出嚟聚餐。其中一位同學啱啱介紹咗呢間日本餐廳，感覺好唔錯，我哋就一齊嚟呢度食晚餐。入到店就可以見到好靚嘅日本風佈置，同埋啲精美嘅裝飾。我哋睇咗菜單之後打算叫單點嘅嚟分一齊食。首先，先上牛肉拼盤嚟烤。點呢個拼盤好就係可以一次過品嚐到5種唔同部位嘅和牛滋味。佢哋嘅肉味濃郁，肉汁豐富，真係越食越上癮。我哋仲叫咗一盤生菜拼盤。入面都有幾種蔬菜，啱啱好可以滿足大家。我尤其鍾意生菜，包住烤好嘅牛肉一齊食，嗰酥脆感加埋肉味，超好食。呢度嘅清酒燒真蠔大大粒，而且好新鮮。食落去，鮮美多汁，好清爽。我哋仲點咗一道大家都冇食過嘅壽司，就係和牛配上海膽。大大片嘅和牛鋪喺壽司飯上，再配上海膽，真係好特別，幾好食嘅。後尾，有啲仲未食夠，我哋仲點咗和牛溫泉蛋嚟共享。上面嘅溫泉蛋，軟軟嘅，熟度被佢哋掌握得啱啱好。我哋攪埋一齊食，牛肉同各種料混埋溫泉蛋一齊食，豐富嘅味道同口感，超好食！飯後，大家嘅評價都好唔錯，食物真係非常好食。

最近發現咗一間非常好食嘅午餐套餐，我幾乎每日午休時間都去食，因為份量好足，非常抵食! 今日仲帶埋同事一齊去食，佢都非常鍾意!我哋各自點咗同嘅套餐，不止可以燒肉，仲有海帶湯、沙律、一啲漬物同咖 啡或者茶或者雪糕。和宴燒肉有三種唔同嘅肉類，有醬汁和牛橫隔膜、五花肉同埋鹽汁走地雞。和牛非常鮮嫩，加埋 特別嘅醬汁，味道非常香濃!五花肉燒得特別香，非常有嚼勁，食起嚟甜甜地，非常開胃!仲有 帶有鹽汁嘅走地雞肉非常軟，食起嚟唔會柴，鹹鹹地非常下飯!同事點嘅和牛牛柳有住非常大塊嘅牛肉，脂肪分布均勻，燒得非常脆，喺口中仲散發住濃郁嘅牛肉香氣，咬起嚟特別軟嫩，沾上醬汁，味道更佳!

嗰日去尖沙咀食晏 發現咗呢間日式燒肉店佢哋嘅 Lunch Set 好吸引我哋就同老公決定喺度食晏餐廳裝潢好優雅 環境舒適服務態度親切食物選擇種類繁多好多好味嘅燒肉套餐最後決定食宮崎和牛定食佢哋嘅 lunch set 包括海帶湯、迷你沙律、日本漬物同埋一杯綠茶。󰵗宮崎和牛上牛排肉󰵗每一片和牛都切得好精緻啲油花分布得好平均燒熟咗之後充滿咗牛肉嘅香味睇見都流晒口水每一啖都感受到好嫩滑嘅肉質口感軟腍多汁食到津津有味󰵗A5宮崎和牛牛柳󰵗牛柳係和牛最鮮美嘅部位之一肉質好有彈性鮮嫩多汁咬落去口感好有嚼勁每一啖都有濃郁嘅牛肉香味係好好味嘅頂級和牛肉呢度嘅燒肉 Lunch Set 真係好值得大家嚟試吓

今日份嘅滿足係日式定食畀嘅‼️呢間嘅午餐定食真係好唔錯，我同同事都一致認為呢間有最抵食嘅套餐，餐牌有好多選擇，睇到我哋眼花撩亂😍和牛溫泉蛋丼定食我揀嘅係有和牛橫膈膜、海膽、三文魚籽嘅定食，端上枱就覺得好吸引～套餐入面葷素都有，非常營養均衡👍🏼 仲有海帶湯同小菜，仲可以揀要咖啡或者茶，好抵食！和牛橫膈膜滿滿咁鋪喺飯上面，粉紅色澤嘅肉質睇住就好高質！肥瘦相間食落去好嫩，完全唔使點醬料已經好好味🤤 海膽同三文魚籽都好新鮮，新鮮嘅海膽食落有住雪糕嘅口感，加上會喺口入面爆發嘅三文魚籽，鮮甜美味！🤤溫泉蛋嘅加入更令呢碗丼飯昇華，全部撈勻再食口感更加滑溜！韓式石鍋拌飯定食同事叫嘅係韓式嘅石鍋拌飯，滿滿一大碗超足料！牛肉借住石鍋嘅溫度，攪拌後基本上已經係五成熟，加上溫泉蛋同多種蔬菜一齊攪拌均勻，呢個就係韓國嘅味道！🤩 每啖飯都食到牛肉，牛肉嘅鮮香同拌飯嘅豐富口感完美結合，仲有飯粒粒分明仲帶住熱氣，食到我哋停唔到口！😭

最近有唔少餐廳嘅裝修都好有特色😎早兩日去左呢間位於尖沙咀嘅和宴～空間感十足之餘仲好有儀式感💛🔸宮崎和牛上牛排肉定食🍱上牛排肉對我嚟講係最合我胃嘅部位～ 輕燒起來味道香濃～肉質呈粉嫩顏色～肉汁juicy～ 每啖都有濃厚嘅肉味！！餐枱上提供三款唔同嘅小菜～可迎合客人唔同嘅口味🤗🤗🔸和宴燒肉定食🍱厚薄適中嘅澳洲和牛醬汁橫膈膜、鹿兒島豚五花肉、鹿兒島走地雞鹽汁雞腿肉😍😍一次把三種牛豬雞都食曬！！特別讚一下佢個和牛醬汁橫膈膜雪花紋路分布平均～好重牛味🐂肉質結實配埋燒肉汁一齊食真係絕配！🐽五花肉嘅邪惡香濃肉味！我仲刻意把五花肉燒到脆口😍五花肉系薄切咬落去淡淡都係肉～食到好滿足！用慢火30秒燒至金黃色～鹽汁雞腿肉🍗放入烤爐燒一陣～估唔到咁好食香口惹味！！整體感覺良好😘環境佈置有心思～而且店員服務態度十分友善～上菜時會提示燒肉所需時間～好貼心留意需唔需要換碟👏🏻👏🏻

呢間餐廳人唔算太多，但裝修得好靚，環境靜靜地，感覺特別舒服。呢日我哋中午來食個set lunch。和牛溫泉蛋丼定食第一啖和牛溫泉蛋丼入口，牛肉好滑，幾乎係入口即溶化😍 配埋粒粒分明嘅白飯，好滿足！A5宮崎和牛牛柳定食呢個A5宮崎和牛牛柳有驚喜🤩 睇相都覺吸引了吧！牛柳嫩滑又有肉味，仲有啲小菜配搭得啱啱好，令到口腔唔會太膩，味道唔會太重，但又能夠突出牛肉嘅質感。價錢唔算貴，性價比好高。最緊要係餐廳環境寧靜，可以離開公司來輕鬆一個中午😌 Set lunch又高質，會再來👍🏻

燒肉控朋友Book咗呢間「和宴」同我食飯～佢一坐底就即嗌「宮崎和牛海鮮十三品盛宴」～ 話明係十三品，超多料，所以我哋最後食到好飽。前菜有特製宮崎和牛他他配法包同埋韓式煎餅，和牛他他醃製到非常好味，好滑嫩。韓式煎餅味道唔錯，一定要乘熱食同埋沾佢哋嘅醬食。除咗呢啲仲有海鮮燒物海老同原隻帆立貝，佢哋海鮮好新鮮而且好大隻，尤其個帆立貝，啲肉質好飽滿，食落口好Juicy。最後一定要食佢哋嘅黑糖珍珠雪糕，好好食啊！珍珠QQ好彈牙，雪糕本身唔會甜但好滑，淋咗少少黑糖增加甜味，整個搭配好正！飲品就飲咗波子汽水同埋原味乳酸梳打。仲有好多選擇但呢兩個啱我哋飲含 呢餐晚餐食都好滿足，好抵食，我同老婆一定會再食嘅！

最近非常掛住燒肉嘅味道，就約咗幾個朋友一齊去最近人潮滿滿嘅食日式燒肉！服務員非常熱情，介紹咗[$498 Tasting menu]俾我哋，我哋睇完都覺得唔錯，就點咗呢份套餐。和牛他他配法包嘅肉質非常鮮甜，加上面包嘅外皮酥脆，口感非常豐富。仲有海鮮煎餅有住濃郁嘅海鮮味，脆卜卜嘅，非常爽口！沙律就比較清新，唔會好似前面兩道前菜咁重口味，非常解膩！薄切牛板腱配蛋係以壽喜燒嘅方式享用嘅。牛肉配上蛋之後更加香濃滑嫩，非常好食！仲有牛舌芯亦都係薄切嘅，係朋友最愛食嘅，因為係最甜最滑最有嚼勁嘅部分！上牛排肉同牛肩肉眼嘅花紋非常靚仲唔規則，牛排肉嘅口感比較柔韌，唔需要燒太耐，而牛肩肉眼咬落去軟嫩，口感有啲唔同，但係每一口都特別鮮嫩多汁！仲有不可缺少嘅五花肉完全冇腥味，咬落去非常香甜，同和牛一齊食真係絕配！仲有海鮮海老同帆立貝非常大粒肥美，口感彈牙，甜甜地，好美味！甜品係女人必食嘅。黑糖珍珠雪糕嘅珍珠非常Q彈，食落去唔會膩，仲凍凍地，非常清涼！仲有柑姜味汽水嘅味道非常刺激味蕾，有啲辣辣地，帶嚟咗唔同嘅普通汽水體驗，而柚子蜜梳打飲落去好清爽，唔會太甜，仲帶有柚子嘅香氣，好飲！我同朋友都食到好爽，燒肉嘅味道