和平飯店 (V Walk) (已結業)

琴晚9點幾，見到此飯店有外賣，100元兩盒，就求其買左4盒外賣，有排骨、炒麵、年糕同豆角炒牛肉。因為我都係上海人，哇，真係未見過如此難食D上海菜，排骨好似係煲湯D湯渣D排骨再燜，肉完全係散，炒麵算ok，因為真係無麼技巧，年糕只能算中下水準，最神奇係碟牛肉，真係一世人未見過，牛肉鞋到好似食橡筋都算，哇，有D切成牛仔扒形狀，有的手指粗，有D切絲，有D切片，總之切到好似邊角料湊一堆，然後炒出來，係一個高級商場賣D咁貨色，講真，今時今日，街邊D兩餸飯D餸好食過幾倍，求下你D，無用和平飯店尼個名，真係丟嗮上海菜D架！！！！！！！！！

小編今日成班朋友圍威喂咁，話過嚟呢度緬懷下和平咁話喎，咁咪即管睇吓和平有咩好東西同大家分享砂鍋濃湯雲吞雞湯底味道幾好，唔算非常之濃郁但幾清甜，雞肉味道就可以接受啦，都唔期望會係好滑。雲吞真係大大隻，小編兩啖都食唔晒呀，味道就 正常啦😆糖醋魚塊糖醋嘅比例啱啱好，醬汁唔會太稀，每一個魚塊都沾滿到醬汁，食落仲有少少咬口，算幾好味喎梁溪脆鱔脆鱔真係大大碟，小小甜多多脆得嚟，味道仲有啲老上海味。係小編細個時食嘅味道。味道其實甜甜脆脆，但小編到而家都係麻麻地呢個餸不等你小籠包等，小編都唔等啦，一上枱已經即刻要試一試佢，小籠包個皮算幾薄，但就包得住入邊啲肉汁。肉汁都算唔錯，如果個皮能夠再薄啲就仲正

今日同我同事一齊去食酸菜魚飯，啲魚肉好新鮮又有酸菜嘅香味，加埋薯粉一齊食真係好惹味只係可惜啲米飯有啲怪味，好似有一陣塑膠味 店員服務好好，幫我哋換咗一碗新的飯，同埋同意向廚房反映

跟老公去深水埗買電腦野，之後順便行街，行下行到v walk，已近黃昏，不如買外賣唔煮喇。買左蝦仁炒飯、鹵水雞翼、酸辣湯。搭左半個鐘沙中綫，再室溫放左一個鐘，竟然仲係暖的！炒飯有好多蔥、蛋、小蝦仁，大大盒比較淡口又乾身。鹵水雞翼店員話有八隻，結果大大小小有十一隻！鹵水味好香好入味，非常正！酸辣湯都好多料，味道唔太辣。結論係呢一百四十幾蚊比得好值，質素比連鎖個間X翡好N倍，可惜附近冇乜野行，所以我哋未必特登再去。大家經過絕對值得一試！

和平飯店係我同男朋友4年前剛認識就不定時會食晚飯既餐廳，每一次我地都冇失望過。由食品質素到員工嘅服務以至價錢都喺我試過嘅上海餐館裡面性價比最高。今日下晝我打電話去訂枱，去到入座嘅時候發生左段小插曲，但係最後因為餐廳全體員工嘅體貼，我享受咗一餐好愉快嘅晚餐。我同男朋友點左個兩人餐食到好飽，好滿足。由步入餐廳直至離開都感受到每位員工對食客嘅重視，我好記得疫情期間和平飯店有一段時間暫不營業，當時我仲同男朋友講好失望呀，我地冇左一個平日工作天嘅晚餐聚腳點。當時好期望佢快啲開番，宜家佢繼續經營，食物更出色，服務亦一如以往的充滿熱誠，希望之後我仲可以同男朋友結婚生仔帶埋仔仔過來一齊食。食物放上檯面嘅時候由於太過吸引都等唔到影相，我地個二人餐淨係影左頭盤張相，不過淨睇相都已經想食，而且份量非常之足夠，淨系個頭盤涼菜都同我喺出邊餐廳食既主菜差唔多份量，味道又好，真心感受到一份滿滿的誠意。

我們在晚上8點左右走進餐廳，想要一張餐桌。這是我們第一次來和平餐廳，我們認為餐廳的質量應該是有保證的。不幸的是，我們對餐廳的服務和食品質量感到失望。我瞭解到你們餐廳為晚餐提供各種選擇，從套餐到單點菜單都有。我們點了套餐。然而，儘管我們反復要求和請求，你們的員工未能正確地為我們提供服務。首先，你們餐廳的經理在他的名牌上寫著「經理」，當我們不確定菜單怎麼點時，他對我們的服務很差。當我們告訴你們的工作人員要點套餐時，他們看起來不情願地接受了，然後在拿到開胃菜之前就立刻為我們上了主菜。我們點了兩個涼菜。你們的員工沒有考慮到我們的餐桌很小，我們沒有地方放所有的主菜和開胃菜，我們只好從主菜油炒麵開始就餐。更糟糕的是，當我們告訴他們我們的菜（開胃菜）大部分都等了很長時間時，你們的員工非常粗魯。我們不僅對你們餐廳的糟糕服務感到沮喪，而且對食品質量也非常失望。我們點了套餐。正如我上面提到的，食品只有在我們等了很長時間後才送到。事實上，我在用餐後感到胃痛，因為我在吃涼菜之前吃了熱的食物。

星期日晚市二人進食，六點開門，十六分已經滿座。等左一輪，未夠七點已經可以入席，但後來就知道點解咁快。茶錢$9位，感覺茶係比一般酒樓好少少。用QR code落單，下單後五分鐘左右已經上菜食咗小籠包，牛𦟌擔擔麵，上海粗炒，高力豆沙。小籠包跟擔擔麵偏咸整體食物質素普通，而性價比偏低。最想講係員工推車仔執枱，碗筷通通倒落盤中收拾。四周乒乒澎澎聲此起彼落。因環境噪吵，人們傾談只好又再提高聲量。感覺就好似係街市食飯，只想草草吃完趕快離開。

第二次食和平飯店，之前一早訂了枱。平均味道中上，性價比高。不過略嫌比較嘈。雞絲粉皮，味道正常，唔會太少醬，份量大碟。松子魚，比我想像中大條，甜甜酸酸，啲肉唔會太實，味道適中。擔擔面，炸豬扒啲肉有少少乾，但未去到柴嘅感覺，味道普普通通。賽螃蟹，大大粒蛋白，好嫩滑，味道唔錯。小籠包，一籠有四粒，皮唔係太厚，但未去到好薄，冇咁容易穿，食落去勁多肉汁，但又唔會太鹹，好食。上海炒年糕，味道適中，年糕煙煙韌韌。豆沙鍋餅，唔係特別脆，但冇乜油。高力豆沙，炸到好鬆軟，不過太少餡料。五個人食，平均每人$16x .

身為一個住深水埗嘅街坊，成日夜晚都諗唔倒食咩，呢一晚係南昌站一出上左vwalk，就直接行入去和平飯店同朋友食。今日同平時一樣，都係唔滿，直接入去就可以。相對上一次黎食，今次朋友想食得清淡少少，就叫左嫩雞湯煨麵食平時我係完全唔食煨麵，因為都會想像倒D麵太淋就好難食，今次反而有少少驚喜，佢唔係淋得太誇，我估係因為個麵質比較好，而湯底方面，係有少少味精嘅魚湯，唔算好咸，而菜同雞都同個麵好夾，如果想食清淡D呢個絕對係一個好選擇。當然每次黎都唔少得嘅小籠包。食得太開心，食左2舊先記得影相今次饅頭炸得好好，完全做倒外脆內軟，仲要多左碟奶黎點。

回家路上係v walk搵食，因為自己都有KABU金會員，就直接入去和平飯店食下。其實以前都食過好幾次，質素都保持得唔錯，好少炒車。不等你小籠包 黎得和平飯店嘅D上海店，小籠包係一定要叫。佢皮唔算係特別薄，但係佢至少唔會令你感覺到厚。汁水十分多，溫度亦好再，基本上係辣口嘅溫度。生煎牛肉餅  我本身都係鐘意食D小包類嘅野食，生煎包小籠包一律唔放過，今次呢個生煎包嘅牛肉版，溫度都係即整即出爐，相對係乾身少少，但係入面牛肉餡係有汁，咸味亦剛剛好。排骨擔擔麵 呢個係用KABU會員嘅劵換的，擔擔麵花生味好夠，有微微辣味，佢湯頭唔係杰個D，反而我鐘意。但係炸排骨相對之下就有D失手，明顯係炸過龍，黑黑地，超級乾，介口個隻。上海脆皮豬手第一次係和平飯店係呢個炸豬手，因為係屋企都係好難整倒。今次呢個豬手炸得剛剛好，豬手嘅筋並無因為炸而變乾，保持左個口感，但調味略微重手左少少，每食一舊都飲杯茶。

適逢周日，想同朋友係返工之前食一轉上海菜，特登黎到深水埗V Walk 和平飯店。6點左右黎到無需等位。餐廳環境舒適清雅，窗邊亦有不少雅座。靠牆梳化位亦相當吸引。餐枱枱面看似雲石風枱，帶一點現代高貴感。菜餚味道亦令人滿意，要特別一讚小籠包，皮薄餡靚湯汁鮮甜。四川擔擔麵亦專為港人口味作出調整，微辣之中亦不失本來風味。松子桂花魚比起印象中在又一城王家沙食到的要略失色，但都值得一嚐。另外要再讚上菜速度，落單一兩分鐘已陸續上檯。下次重臨會試埋宮保雞丁、和平炒飯！

和平飯店〖南昌 V-walk〗══位於南昌的中餐館, 亦是牛角集團旗下的餐廳！餐廳的位置其實不算不方便，只是南昌站這個地方。。。真的很難會特意過去🙈~涼拌三小碟 $138我選了鎮江肴肉，雞絲粉皮及醉雞；味道很不錯，但份量真的太少，完全不值這個價錢蔥油淋雞(半隻) $158蔥油味道不算香濃，可能蔥油份量不多；反而雞皮炸得剛剛好，脆脆香香的，雞肉的水份及油分亦能剛好鎖住，不會炸得太乾，味道很不錯！軟殼蟹炒年糕 $96軟殼蟹有1隻，開邊後一人吃一邊剛好，年糕份量很多，吃完絕對會超飽！醬油炒年糕的味道還是比起上海炒年糕更遜色，傳統炒年糕的味道似乎更好吃！新豬肉小籠包 $38皮是薄的，肉汁亦很多，一咬下去湯汁傾瀉而出，可惜肉味不夠香濃，不確定是否因為使用"新餐肉"?但整體質素算中上，值得一試

去到Vwalk想食餐坐得舒服又高質素既晚飯揀左和平飯店，生日時黎食過一次，記得佢d野幾好食。今次叫左平時食上海野必叫既四樣菜蟹粉小籠包雞絲粉皮花雕醉雞四川擔擔麵佢既茶飲落去似玄米茶、好香第一樣黎既係花雕醉雞冷盤、酒味香醇、開胃第二樣係雞絲粉皮青瓜、花生、花生醬，唔洗講咁多，就係好味第三樣係蟹粉小籠包包皮薄得黎唔會一夾就穿皮薄餡靚又多汁第四樣係四川擔擔麵擔擔面我試過好多間有啲好辣 有啲唔夠麻醬味今次食口感每啖都有花生碎花生醬潔身口感加埋微辣帶到湯底嘅味道好好食，哩個湯底可以送幾碗麵食

上海小菜最出名嘅就係小籠包，而今次俾我搵到一間價錢唔貴嘅上海餐館👍 一坐低就已經問你想飲咩茶，跟住就可以用QR code點嘢食啦，好方便😊 試咗佢最出名嘅「不等你小籠包」，皮薄多汁，果然幾好食！ 而上海嘅點心當然都要試埋佢嘅「生煎包」啦，新鮮煎出嚟嘅好好食👍 除咗點心之外，仲有湯麵同埋炒飯，我就揀咗「排骨湯麵」🍜 上海湯麵好有質素，而排骨都唔會太炸😆 最後都叫咗一個小菜 -「宮保雞丁」🐥 分量就夠晒大啦，一定夠晒飽，不過佢就唔係好似平時嗰啲用腰果，佢地係用花生嘅🤣

今晚食咗二人信用卡套餐，埋單大約$500+套餐裏面嘅菜式選擇都幾多👍🏻 最好食，就真係我哋所選擇嘅兩個主菜 - 黃金蝦球和糖醋魚柳，後者真係好好味，雖然回鑊用醬汁再兜一兜，但依然咬落好乾身好脆！👍🏻👍🏻👍🏻湯，我哋要咗腌篤鮮，好夠味，趁熱飲！👍🏻反而熏魚係最差，好腥… 而且個汁唔惹味… 呢一個菜式令我好失望😮‍💨