咖喱至尊

营业中

休息中

友人說這兒的咖喱非常著名，不少大埔地道人士會來這邊吃咖喱，又或者買多個咖喱回家加餸。於是我們點了個二人餐，有三餸一湯，與及每人白飯一碗。足料蘿蔔豬骨例湯，阿姐自稱例湯非常之靚，比她還要靚😨， 確實這個例湯味精不多，有蘿蔔、豬肉在內。咖哩羊肉，咖喱果然不像印度咖喱又或者日式咖喱那麼稠、那麼杰，有種比較水狀的感覺，巴基斯坦咖喱應該就是這樣，用來撈飯味道不錯，味道也不太辣，還有薯仔，軟林林。羊肉微香，不算羶，羊肉味還好，出色的是其像羊腩煲的羊肉部分，有些還黏著羊皮，質感一流。西蘭花鮮魷，沒有什麼難度，西蘭花上面有不少蒜頭粒，味道香濃。已小菜來說，相反先有的先有數量不算太少，絕對不吝嗇。沙薑雞，如此餐廳說是名菜的話，那就真的不太吸引；因為所謂的沙薑雞，雞味不算太濃郁，我甚至乎認為沒有什麼味道。但是員工阿姐非常之有禮貌，安排得宜，肯為客人留下內裏的座位。其實我們這張圓桌紙，可以供三位客人坐下，但是我們兩個坐下之後，店員亦都沒有強硬塞入其他客人，服務非常不錯，令到我這位外面來大埔的客人感到賓至如歸。

新年第一日約左班粉絲去HAPPY,HAPPY前咁啱要先到大埔搞少少野,對新一年食乜野做第一個午餐感到又期待又迷茫…大埔區乜野都有,樣樣都想食,就喺呢個時候就遇到友人甲,佢推介我可以去試一個好出名的咖哩…用著試新野的心情去到餐廳,簡單的茶餐廳格局,細細張的圓枱圓櫈,一坐落,服務員姐姐就過黎問我要乜野,我睇下又睇個價錢比我的感覺,每樣菜式都好有大碟,我一個人真係試唔到咁多,於是就點左佢地的招牌咖哩牛腩河…之後又問我係咪茶餐,我唯有話係LA…之後大姐仔就話有杯餐飲跟,之後不加思索地點左杯熱檸水好快就上枱了! 就係好快的快餐~咖哩牛腩河 – 原以為係咖哩濃汁,一睇就知係一般牛腩湯河加上咖哩汁,感覺有點越式OR泰式,面頭加上新鮮的青瓜同洋蔥,食落好清新,粗身河粉好有口感,唔知係咪有意煮得唔係太熟,有點硬硬的..咖哩湯味好清淡,咖哩味唔重,感覺就如車仔檔的咖哩汁,難以想像係餐廳主打,可能係我想得太多了,牛腩份量算多,而且好大件,可惜入口又硬又韌,咬到牙都軟..唔知係咪茶餐價,所以品質會和價有少少不同..可惜我冇機會見識到熱檸水果真係水滾茶靚,一般我都係先拎開檸檬到小碟,待水涼DD先再放落去,可是今

又到開飯時間，去來去去都係大埔中心搵食，咖哩至尊緊係中學回憶，真係一d都冇變 只係價錢變左42蚊一個飯 個人最推薦咖哩豬扒飯 真心好好好好食 但就逼d囉成日都要slim咁坐 但真係大埔平民食堂！

家住大埔的原因這間小店已經光顧了超過十年之久除了味道佳價錢公道 更加因為食開有感情之故小小一間店 環境不能要求幾乎每次都會點的咖哩牛腩飯$42附送熱飲 凍飲加$2價錢都因為歲月流逝而經不起通脹而加價不過依舊平靚正咖哩底濃郁 不會死辣辣度因人而異可以選擇我會要普通辣 多菜牛腩非常入味 煮得夠耐 唔會好難咬一啖咖哩飯 一啖牛腩絕配～飲品方面不要有任何期待這裡是我指定飯堂之一假日午餐必到

又係下午茶時間，今日想食咖哩，咪黎呢度品嘗。呢度既咖喱雖然稱呼為至尊，但其實很平民化，就不上係正宗咖喱，我叫左咖喱雞扒意粉，雞扒，意粉同咖喱完全分開煮，所以雞扒唔會入味，因為碗粉最後先淋咖喱汁上面。咖哩絕對係港式，因為完全無香料味，無椰香味，我諗只有香港人先可以接受，雞扒就係雪藏雞，因為食落仲有陣雪味。唯一優點係抵食，不過同質素係成正比既。

前日同表弟2個人去咖哩至尊食晚飯,貪佢平靚正。基本上的次次去都一定係食碟頭咖哩雞扒飯中辣,不過今次同表弟2個人落去, 就叫左個2人世界套餐。經佢推介之下, 我地order左咖哩雞扒 + 泰式豬頸肉。個咖哩雞扒一貫高水準啦, 不過想講o既係, 經表弟推介之下第一次試佢個豬頸肉,真係好唔錯, 呢度個豬頸肉係用油炸o既, 同平時食開o既燒豬頸肉好唔同, 整到又香又脆又入味,加埋佢個泰式辣汁簡直係「perfect池」。最難得o既係, 佢上碟時一d都唔油林林, 總括黎講絕對係有驚喜。餐飯我同表弟10分鐘就搞掂左, 非常滿足。2個人都係120蚊左右。而家咁多連鎖飲食集團, 樣樣野食都係量化, 好似呢d有質素小店而家真係買少見少,所以我依然會繼續幫襯。  

來到《咖哩至尊》當然是要食咖哩la～以前小時候來食印象覺得很辣今日來到點了個下午茶咖哩牛腩飯配熱奶茶（36元）點了餐後1-2分鐘就到個飯。。。快到呢除了飯牛腩及咖哩外，還有幾粒青瓜，番茄，洋蔥粒及傻仔試一試咖哩～唔太辣及無太多香料，只可以話比港式咖喱還好味 無以之間比我見到有一瓶疑似辣椒油物體，😏拿來看看像咖哩醬的東東，試了一下是辣的咖哩醬，好咸😅這個混埋個咖哩牛腩到好味好多 牛腩都很多，而且好淋，正丫

今日同朋友去左食咖喱，本來我係想食咖喱飯既，但見到有咖喱魷魚面wor 就當然要試下啦，而朋友就叫左咖喱雞飯。 見到d魷魚好大舊呀，又冇腥味又好咬，就覺很好抵喇。 因為我唔食得辣，所以就覺得太辣，好在有杯凍檸茶飲下，先食到成碗。

突然好想食勁辣咖哩，又唔知上水邊度有好味咖哩，唯有返去我熟識既大埔搵食啦 ﹗都有段長時間無黎幫襯喇。一黎到剛好有張大枱，唔洗等真爽 ﹗見姐姐們好忙喎，突然間勁多外賣。佢地叫我等等先，搞埋少少野就過黎幫我落單。攞晒啲 menu 參詳一下先，大致上菜色無咩改變，只係價錢加左少少啦。記得早前依個抵食二人餐係 100 蚊有找架，依家加左差不多 10 蚊咯。食左咁多次都係食咖哩，間中都叫過下小炒，其他野真係無點試過呢。咖哩牛腩飯大辣炒底跟檸底罐裝可樂，炒底加 HKD7 蚊、罐裝可樂加 HKD3 蚊，是但無所謂。咖哩牛腩飯大辣炒底，嘩 ﹗炒得咁鬼靚呀 ﹗仲有埋蔥花添 ﹗依 HKD7 堅抵比啦，師傅好有 heart 喎 ﹗食左幾十年炒底，從來未見過送埋蔥花架，而且依碟飯炒得乾身有鑊氣，飯粒嚥靭飽滿，食落足滿蛋香，Very Good ﹗我要大辣唔該。其他食客聽到好似好驚訝咁，大辣之麻。睇黎係因為大部份食客都只係食中辣、小辣、唔辣掛。咖哩牛腩要撈勻晒去先食架 ﹗濃郁印度香料咖哩味道，大大羮辣咖哩配啖炒飯送入口，好食到震呀 ﹗不停食不停食，撈飯撈飯，完全暴走狀態，大辣咖哩辣得夠刺激又興奮 ﹗邊食邊冒汗，滿

平時經過已經好想入去食，加上見呢到有咁多人讚好，今日中午就決定係到食。 坐低叫左個午餐B(巴基斯坦咖哩牛腩飯），黎到既時候貌相都好正咁，但食到落口完全係兩回事，咖哩香味已經無，味道連一少少辣味都無，最大問題係D飯唔係熱唔係暖，竟然係凍，唯一牛腩都算淋，但我應該唔會再黎呢到。 出櫃檯埋單果陣，已經同個職員講埋單，佢竟然仲企係到同個同事係到傾，我足足企左成分幾鐘佢先慢慢行過黎收錢，失望……

例湯？唔飲真係唔知係咩湯，不過有陣時飲左都未必知，到底依碗係咩東東呢？味道幾清甜，滿意。青紅蘿蔔瘦肉湯，見到湯渣喇，原是晚例湯也。西蘭花炒鮮魷，夠晒鑊氣，熱辣辣，正 ﹗鮮魷同西蘭花都爽口鮮甜，好好味。二人套餐一小炒一咖喱兩白飯兩飲品都係九十幾蚊 ﹗超值又好味 ﹗ 巴基斯坦咖喱雞扒中辣，一向都食開大辣，唔知點解叫左中辣。諗左好耐唔知食咩咖喱好，咖喱魚、牛腩、青口、海鮮、蝦、雞、雞扒，最後諗住雞扒唔洗輪骨囉。上次食中辣真係辣到颷汗，但今次都唔辣既，睇黎佢地既大中小辣係隨意架喎。咖喱好好味，佢同飯係絕配，撈飯食一流，忍唔住整多半碗飯，飽死喇。雞扒係炸架，表層及大部份範圍都乾爭爭，裡面小部份肉嫩滑有肉汁。只係將雞扒浸落啲咖喱度，並無一齊煮過、炒過或炆過，所以咖喱還咖喱、雞還雞啊 ﹗即係雞扒搽左咖喱汁係表度咁囉。以後都係獨孤一味食牛腩好喇 ﹗或煮食雞，唔好食雞扒。

舖位較細，只放到四張小圓枱，幸好空氣都夠流通。粉葛湯，是晚例湯，夠清甜，唔覺有味精呢，好好飲喎。西蘭花炒鮮魷，西蘭花好爽甜啊 ﹗鮮魷未夠爽口，口感嚥嚥靭靭，依碟菜都幾好既。食二人套餐包一個咖喱一個小炒兩碗白飯連飲品 HKD100 有找，都好抵食。巴基斯坦咖喱牛腩大辣，牛腩炆得又棉又腍又入味 ﹗推介 ﹗勁喜歡印巴咖喱既濃郁，多種香料味道豐富，激辣由胃開始散發全身，每次都食到全身發滾，連頭皮都滴汗，好正呀 ﹗一碗激辣咖喱可以送到兩碗飯呀 ﹗印度薄餅，一份得兩塊。估計係微波爐叮熱既，無可能係即做啦 ﹗熱辣辣嚥嚥靭靭，朋友仔愛撕出黎點咖喱汁，我就鐘意卷住牛腩加大量咖喱，好好味 ﹗不過會食到周圍都係囉。

咖喱牛腩大辣，好辣呀 ﹗最初食落口時都可以，之後慢慢係體內發滾，越食越辣，漸漸滿頭大汗，依啲正正係印度香料咖喱既精髓 ﹗大辣先最好味，配埋超軟棉牛腩，好食到唔停得口 ﹗個汁唔好浪費，留起去撈出前一丁食，正呀 ﹗

咖喱雞大辣 super hot curry chicken ﹗好好好辣 ﹗今次特別重手，還是我無撈飯食呢？香辣無比，越食越辣。溫度由胃擴散到全身，額頭跟背脊不停流汗，好刺激又好好味 ﹗印度香料濃郁多變，非常喜歡。雞肉大大舊、啖啖肉，肉質夠棉滑，正呀 ﹗ 近來著左魔咁，經常黎幫襯，越辣越高興 ﹗

咖喱牛腩併魚塊大辣 super hot curry beef with fish filet，牛腩炆得入味又腍，好鬼好食 ﹗魚塊粉較多而口感偏鞋，都係雞牛最好味 ﹗下次試埋海鮮先得。二人套餐一送一小菜兩飯包凍飲都係 HKD99 ﹗勁抵食，又好味，晚晚爆場。 金銀蛋浸菠菜 preserved egg salted egg with spinach soap，咸蛋黃切到一條條好得意，金銀蛋大路質數，可以啦。菠菜夠爽嫩，清湯底美味，各樣都恰到好處。以前我食唔到菠菜陣草青味，係近年先開始食菠菜架乍，細個覺得陣味好難食的啊 ﹗依家就幾鍾意食。