哥哥添飯•妹妹泡茶

营业中

休息中

餐廳設計簡約大方，讓人感到寬敞大氣，營造輕鬆舒適的就餐環境。主打賣相吸引、份量誇張的台灣料理。雙層吉列漢堡芝士煎蛋魯肉丼飯頂層一塊脆邊煎蛋，兩大塊外脆內軟的日式吉列豬肉漢堡，中間夾住一塊熱溶拉絲芝士。人工手切半肥花腩油香撲鼻，混合粒粒分明日本珍珠米，吃起來黏唇迷人。招牌牛腱肉牛筋麵牛腱心軟嫩入味又有肉香，牛筋口感好冧而且軟滑，配上醇厚醬油的湯底，甘甜蓋過了油膩，食起來溫而不火，濃而不膩。滷豬腿拌芥辣汁魯肉丼飯經過濃郁滷水慢火烹煮，把豬腿外皮燉得軟滑鬆化，拌上特製日式芥辣汁更能醒胃提味。養生花雕醉雞濃湯麵陣陣酒香浸住嫩滑雞肉，不會過於刺鼻，醉雞外皮光滑富有彈性，肉質軟嫩保留肉汁並與酒香融合入味，亦不過於濃烈。重碳焙桂香烏龍奶茶(左), 甘香西柚百香果氣泡茶(中), 鮮手工製芋圓烏龍奶茶(右)

「哥哥添飯妹妹泡茶」開到嚟大埔啦 梗係要試試佢呢到menu同觀塘分店有啲唔同 仲有大埔分店限定嘅胡椒豬肚雞湯泡飯📍一人炸雞餐炸雞炸得金黃酥脆 onside仲有個芥末蛋黃醬 搭配的是一碗滷肉飯丼 滷肉肥瘦適中入味 超啱送飯 真係一個餐可以滿足要求 📍特級牛三寶面有牛筋 牛腱 牛舌 煮得好入味 特別係牛舌大大嚿好厚 真係原塊上咁 麵條煮得Q彈有嚼勁📍混一式綜合手工芋圓芋圓紫薯圓地瓜圓好煙韌 入面少少軟糯咁 又唔會太甜 再配埋珍珠同埋愛玉凍 口感好豐富📍百香果菠蘿氣泡茶好refreshing 又唔會太甜

哥哥妹妹殺入新界喇 自從係觀塘店食過之後就念念不忘🫣今次開到黎大埔呢個美食天堂 唔知又可唔可以保持水準呢不過分店食既野有少少唔同 特色台食比較少反而係走返街坊路線 主力食一啲地道啲既台式食物🇹🇼晚市時間見佢人流不斷 仲有唔少人等位似乎都幾深受一班街坊歡迎🤪我都要認真品嘗吓先😋➷🪐 胡椒豬肚雞湯泡飯雖然解唔透點解會有胡椒豬肚湯泡飯食但係味道又做得唔錯👍🏼胡椒湯唔會帶有過分既辛口岩岩好做到一個暖胃既感覺 加上帶有咸酸菜去調味湯底做到清香而不膩🤤雞件亦無過多油份滲出🐓無論係雞件 豬肚定係飯 份量都幾多 必定會好飽🤰🏼§🪐 雙層吉列漢堡芝士煎蛋魯肉丼飯配搭上比較新潮啲既魯肉飯🍚份量都幾嚇人雙層極厚身既吉列漢堡炸得香脆 麵粉厚度偏薄👍🏼應該係食肉獸既好選擇 因為單係兩塊漢堡都已經會好飽🤣魯肉帶有五香味 無因為芝士既加入而奪去咗應有既味道😌新元素既加入 都無減去台式風味 係幾得人喜歡既魯肉飯😋§🪐 大腸包小腸🪐 厚薯條套餐仲可以追加小食 基本既台式小食都有🍤大腸包小腸既煙韌口感 內裡包住油脂豐盛既台灣腸🌭熱辣辣既厚切薯條 一上枱大家都忍唔住要食😆想過吓口癮的話 都可以叫啲小食試吓 唔會太大份🤪§🪐

哥哥添飯•妹妹泡茶大埔大明里6號寶豐樓地舖之前去過觀塘間分店覺得質素唔錯最近發現大埔都開左一間 二話不說要去幫襯下舖頭裝修好簡潔 食物款式同觀塘分店都有分別招牌牛腱肉牛筋麵首先就咁飲左啖湯 覺得味道可以再濃些少連埋麵去食 反而覺得岩岩好 吸晒湯既精華 好入味喎而且牛𦟌同牛筋都好大件 又夠淋 夠晒豐富皇牌椒鹽雞腿排魯肉丼飯椒鹽雞腿排外脆內嫩入口有椒鹽既香味魯肉都夠多 可以撈勻送飯蜜糖芥末蛋黃醬炸雞山有幾款口味揀 唔怕唔岩心水一黎到真係成座山咁 唔怪之得叫炸雞山店舖好貼心附送埋手套方便用手拎住黎食仲將雞件切到大小適中既size 食起上黎唔會好麻煩炸雞皮非常香脆 雞肉嫩滑 配埋蜜糖芥末蛋黃醬 味道更濃郁大腸包小腸份量岩岩好 配料都好豐富台灣腸燒得香 肉質軟硬適中又唔會比d糯米搞到頂住頂住老細萬歲黑糖珍珠奶茶巨峰波子蘆薈梳打飲品依舊出色 珍珠夠煙韌 好有咬口茶味比較香濃 比起平時d珍珠奶茶更香

全店以橙色做主題 當然唔係大快活 而係「哥哥妹妹」.《雙層吉列漢堡芝士煎蛋魯肉丼飯》嘩嘩嘩 賣相相當吸睛滿滿嘅濃郁入味魯肉飯上面有兩塊厚厚的吉列漢堡扒夾住塊芝士上面仲要再加多隻太陽蛋邪惡嘅軸心 真係非常之滿足.《煎封比目魚排拌飛魚子魯肉丼飯》比目魚煎得好靚 魚皮略帶香脆裏面嘅魚肉 嫩滑可口魚油滲晒落啲魯肉飯到一次過滿足你鮮味同惹味.《鹽燒牛舌》厚切嘅牛舌 燒到外脆內軟一啲都唔硬 好軟腍 讚讚.《花枝丸酥》表面酥脆金黃 唔會太油質感彈牙 海鮮味道濃郁.《自家製香滑芋泥烏龍奶茶》芋泥味道香甜 質感綿密唔會一舊舊 融合係奶茶當中.《靚靚桃膠烏龍奶茶》真材實料 好多桃膠飲得出奶茶香

暫時未去到旅行，就去食吓台灣嘢，解一解旅行癮。鍾意食香口嘢，所以就點咗個蜜糖芥末蛋黃醬炸雞配飯。果然不負我所忙，真係非常好食！炸雞唔單止炸得外脆內軟，唔會過油，而且蜜糖芥末蛋黃醬，調味剛剛好，唔會太辣，或者太甜，味道剛好可以解炸物嘅油膩。真係食多一碟都仲得！而芋圓烏龍奶茶亦都好出色。雖然要加26蚊，但係物超所值。因為芋圓係手工制，食落煙煙韌韌，而且芋圓煮得啱啱好，唔會太生成口粉又唔會太冧成口漿糊咁。烏龍茶底都好夠味，正。我仲叫咗一個混一色綜合手工芋圓。有好多餡，除咗芋圓，仲有紫薯圓，地瓜圓，紅豆，愛玉凍同蘆薈。食一碗就有齊咁多嘢，啱晒貪心乜都想食少少嘅我！總括嚟講呢度食物質素高，坐得都幾舒服，真心唔錯。

台灣嘢食好啱口味，真係食極都唔厭，今日嚟咗試左呢一間台式食品餐廳。我哋點左：👍🏼紅燒手切牛肉麵牛肉煮得好淋身，入口即融，好正。而且食到牛味，證明好新鮮。而個湯底都好濃郁，好夠味，估計淆咗好耐先serve。加埋有蟲草花，夠哂養生。點可以唔叫台式飲品呢？我哋點咗：👍🏼桃膠烏龍奶茶本身好擔心會好似一般台式飲品咁樣太甜，不過呢杯就茶味好香唔會過甜，讚！而眾所周知桃膠美顏又養生，啱晒女士啦。小食方面：👍🏼花枝丸粒炸過的花枝丸加上表面椒鹽，好香口又彈牙👍🏼綜合手工芋圓有芋圓 ，紫薯圓，地瓜圓，紅豆，黑糖珍珠，愛玉同蘆薈粒粒，真係一次過滿足曬所有願望 。👍🏼沙嗲牛肉串沙嗲汁味濃郁，牛肉唔會過熟過硬👍🏼吉列漢堡煎得外脆內軟，而且份量都幾足！呢度環境乾淨衛生，而且職員有禮貌，上菜速度都算快，值得再食！

[ 哥哥添飯•妹妹泡茶 ]之前食過呢間台灣菜嘅觀塘分店，原來佢地進駐咗大埔，當日去食超旺場呀，食物款式同觀塘店略有不同。✿ N4. 特級牛三寶麵牛腱牛筋牛舌 $98三寶有牛腱肉、牛筋&牛舌🤤特別推薦牛舌，大大塊好厚身👅另外仲有d蟲草花做配菜，湯底濃郁，麵條喺扁身，入口爽口。✿ J2. 原粒胡椒豬肚雞湯麵 $63呢款喺大埔店冬日限定😝幾鐘意個胡椒湯底，飲落唔會太辣口。豬肚同雞既份量都幾多。✿ 花枝丸酥 (3粒) 追加$18花枝丸炸完都好爽口彈牙。✿ 沙嗲牛肉串(2串) 🍢 追加$24估唔到食台灣菜都有串燒食🤣沙嗲味濃郁，幾惹味🤭🤭✿ 巨峰波子蘆薈梳打🍇 跟餐$25餐廳有多款汽泡飲品，全部大大杯，有成700ml。巨峰梳打好香甜，仲有粒粒蘆薈，好有咬口。✿ 重碳焙桂香烏龍奶茶🥤跟餐$16奶茶香濃，有淡淡碳焙過嘅味道，再加埋鳥龍&桂花香，推介！總結🫦同觀塘分店各有特色，幾推薦大埔分店限定嘅胡椒豬肚雞😋😋✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿哥哥添飯•妹妹泡茶地址: 大埔大明里6號寶豐樓地舖電話: 62860988✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

🚩哥哥添飯 妹妹泡茶估唔到依間餐廳喺香港已經開咗三間分店～實不相瞞係我讀緊書嘅時候曾經都係呢間餐廳嘅員工，負責沖下奶茶仔咁😆嗰陣時仲要係得一間分店，睇嚟佢依幾年嘅生意都幾好🥹〰️〰️〰️〰️〰️〰️〰️〰️〰️〰️〰️〰️〰️〰️〰️🌈原粒胡椒豬肚雞湯 $75呢款係大埔分店限定嘅產品～先講份量方面真係超級多，滿滿嘅一碗料雞肉用嘅都係肉嘅部份，唔會比好多骨頭你酸菜食落偏甜，爽爽脆脆不過胡椒湯飲落比較溫和，我都係鍾意偏辣一啲嘅胡椒湯味🌈 特級牛三寶麵牛腱牛筋牛舌 $98估唔到呢度嘅牛三寶，竟然有牛舌牛舌兩片都係超大超厚，咬落爽爽彈彈唔會靭牛腱牛筋都係淋而不爛湯底就普普通通不過不失🌈花枝丸酥3粒 $ 18呢款有少少失望花枝丸咬落有啲粉頭嘅質感，唔係爽口彈牙個款🌈大腸包小腸 $ 34首先配料好豐富，有少少滷肉粒增香台灣腸都做到香甜多汁唔知點解糯米腸嘅腸衣好靭，差唔多係咬唔開個款😵‍💫不過裏面嘅糯米又好軟熟🌈芝士肉鬆蛋餅 $ 26芝士嘅鹹香配上甜甜地嘅肉鬆係絕配嘅組合如果大家想食小食都推薦大家揀依款🌈紫芋地瓜球3粒 $ 15老母親就係喜歡食依啲芋頭番薯嘅組合🤣唔知大家屋企嘅皇太后係咪都係咁地瓜球做到外酥裡軟，芋頭味都幾香濃🌈

平時係火炭食開 最鍾意食佢個青咖喱因為價錢抵食而且味道又好大埔開咗新舖頭緊係要黎食諗住係WhatsApp落單快會快d 睇下睇下menu再落單已經差唔多到見WhatsApp未有人覆叫左我老公去舖頭叫見到佢個餐牌寫左外賣自取有9折但係又無俾9折我地問個個收銀姐姐我見佢呆一呆一然後佢話要平台落單先有🥺個下有d唔開心 因為明明個到都無寫只限平台下單落完單問佢係咪無餐茶佢又呆左落完單20分鐘後先問我地飲咩餐茶不過我地都會繼續幫襯但係都係寫返火炭個間因為真係好食丫麻

平時行開都唔覺，原來呢度開咗一間新嘅台式餐廳，而且夠晒熱氣邪惡，真係好吸引，於是試吓. 呢度主打係炸雞，而且大大份，仲有唔同味揀，我哋揀咗呢個四重芝士牛油炸雞山，一個人真係食唔晒，好彩三個人分， 份量都幾大。 炸雞啱啱炸好，牛油脆皮非常甘香，加上落重本嘅芝士粉，味道 香濃，而且雞肉都好滑我自己就食呢個原粒胡椒豬肚雞湯泡飯， 胡椒味非常濃， 夠辣又夠香，加上雞肉好滑，一個人食真係好滿足飲品方面叫咗呢個甘香西柚百香果汽泡茶，顏色夠晒靚，仲加咗少少愛玉落去， 味道好有層次， 加上 梳打水氣泡，口感十足 另外偷咗朋友呢杯重碳焙桂香烏龍奶茶嚟飲咗啖， 都算係台式奶茶店入面飲過數一數二好飲嘅培茶， 真係好有炭培味， 值回票價

哥哥添飯•妹妹泡茶新既大埔分店，人流多但係等一陣位就入得～❤️招牌牛腱肉牛筋麵 厚切牛𦟌大大件好軟淋又入味，牛筋又軟又黏，麵既質地好Q彈，湯底好濃味又帶有少少胡椒粉味，好有台灣既感覺🧡經典鹽酥味炸雞配古早味哥哥魯肉飯 雞球比平時既鹽酥雞大1倍以上，仲有成隻雞膇，炸到好酥脆，但雞肉依然好嫩滑，魯肉飯味道濃郁💛花枝丸酥 跟餐可以加配既小食，彈牙又香口💚自家製香滑芋泥烏龍奶茶 自家製既低糖芋泥，烏龍奶茶茶味清香💙燒仙草奶茶鐵觀首 茶味濃郁，奶味偏淡，再加埋仙草喱啫，唔錯唔錯

# 𝕿𝖆𝖎 𝕻𝖔 2023新年快樂第一篇食評，祝大家兔年充滿活力，「兔」氣揚眉，最緊要平平安安，笑口常開！ 「哥哥添飯·妹妹泡茶」係大埔開左新分店了！佢喺觀塘同火炭已經有好岀名嘅口碑，而且今次選址方便，就係大埔墟大明里，見個價錢唔係好貴，一於入去試吓。☺️今次試左：1-原粒胡椒豬肚雞湯麵 🍜（大埔店冬日限定）凍冰冰想食啲暖笠笠嘅嘢，而且見係大埔分店限定，就試下個胡椒豬肚雞湯，除咗麵仲可以配飯，個湯好重胡椒味，而且酸菜同豬肚份量都好足夠，豬肚好淋，雞都好嫩滑，麵係用上海麵，非常暖胃飽肚，好想飲晒成個湯😋另外養生花雕雞都係冬日限定。2-正宗紅燒手切牛肉麵 HKD96牛肉份量十分多，一碗大約有五大嚿左右，而且有啲蟲草同雪菜，同出邊一般牛肉麵有啲唔同，湯底好清甜，有少少藥材味，牛肉煮得好琳又入味，個糖心蛋勁正。3-＋芝士肉鬆蛋餅 HKD26台灣嘢當然要叫蛋餅，肉鬆好豐富，入面仲要爆曬芝士，勁好食 🤤4-🥤重碳焙桂香烏龍奶茶加豆花，燒仙草奶茶鐵觀音之前已經聽過佢啲飲品好正，佢d飲品配料都好特別，最鍾意係有得加豆花，而且甜度少冰都有得自己選擇，外賣拎走都可以，個人10分推介奶茶，唔甜又重茶味，好有台

新年假期搵食，好多餐廳未開市，營業嘅餐廳都排滿人龍，位於大埔墟新開業嘅哥哥添飯·妹妹泡茶都座無虛席，客如輪轉，咁啱有位我哋就即刻入去試吓。店舖裝修以橙、白、淺木色新穎簡約風為主，佢哋主打特色台灣料理，有點fusion菜，見到牆上宣傳poster個鹽酥炸雞都幾吸引，QRcode落單。#經典鹽酥味炸雞+青咖喱素菜蛋飯 $88叫咗個一人炸雞餐，包括個人份炸雞、任選自由丼碗及餐飲，更可升級台式特飲。炸雞有四款口味可以選擇，我哋揀咗經典鹽酥味炸雞，份量都唔少，一咬落去熱辣辣，脆漿好鬆脆，調味夠鹹香，裏面雞肉嫩滑，好Juice，配菜係炸青椒，都做得好出色，外面炸得鬆脆，青椒炸得爽口。有五款丼碗可選擇，我哋揀咗青咖喱素菜蛋飯，青咖喱汁椰香味濃郁，唔太辣，撈汁送飯一流，蔬菜有西蘭花、椰菜花、菇絲同甘筍絲，仲有一隻荷包蛋喺面，份量都幾大，呢個餐絕對唔止一個人食，可以夠兩個人share食，再追加多兩款小食。台式烏龍奶茶，茶味濃，多奶香滑，有台式風味。#原粒胡椒豬肚雞湯麵 $63見到大埔店做緊冬日期間限定，就叫咗胡椒豬肚雞餐，雞同豬肚份量都唔少，胡椒豬肚湯底唔突出，有少少失望，因為諗住會食到個勁胡椒味嘅湯底

大埔都開咗呢間哥哥添飯。👍🏻想講性價比幾高，野食幾好食，炸雞高汁，但美中不足炸雞要等…牛腱+牛筋+牛舌三寶麵：好少地方既牛肉麵會有牛舌。值得一讚既係全部都好諗，配上酸菜+面條，冬天食暖立立，如果個湯可以濃少少咸少少就好。🍗鹽酥雞肉燥飯+薯條：想講等咗20分鐘左右先有，但等得值得。因為鹽酥雞的而且確炸得脆身，同埋一咬就散開見肉，而且肉係有豐富肉汁，係大埔少有好味既炸雞。🍚個魯肉飯甜甜地，咸到適中。另加既薯條🍟好大份同埋入面係好多薯蓉既粗薯。跟餐有野飲，兩個人200埋單。#哥哥添飯妹妹泡茶#大埔美食 #香港美食#香港好去處#台灣美食#hkfoodie#hkig#hkfoodblog#hkfood#hkfood