喜多郎日本料理

营业中

休息中

今日攞咗半天假，兩口子入西貢走走。而家西貢假日有很多遊人，平日嚟自由自在，唔駛同人逼。入到嚟已經係午飯時間，老公想食日本菜，便去喜多郎望望，午餐也多選擇，價錢由$58起（註：我沒有影背面平D的套餐）。難得入到嚟，我哋揀咗2個貴少少的套餐。唔知是否平日，很少客，只坐了幾枱。吉列豬扒定食（$98）包有刺身，白飯及一杯熱飲或雪糕。今日刺身是劍魚，有點令我喜出望外。大部分餐廳套餐的剌身都是三文魚，竟然有劍魚。魚生新鮮，除咗魚味，有豐富油脂香! 👍🏻👍🏻👍🏻豬扒亦炸得香脆，表面炸粉很薄（有圖為証），肉質鬆軟juicy (雖然有少少不及日式炸豬排專門店），豬扒很香又有肉味，簡直齒頰留香。旁邊小碟有日式炸豬排醬，汁面還加上芝麻碎，點咗是另一甜甜地的味道。Yummy! 椰菜絲沙律也新鮮好味，平衡了炸物的肥膩感。😋😋😋另一個劍魚腩西京燒湯烏冬（$98）老公很喜歡。首先烏冬湯清清地，而烏冬質地彈牙，有咬口，不是平價的貨式。最令人驚喜的是劍魚腩，燒得啱啱好，很香。食落超級肥美，配上西京燒醬，甜甜地，魚汁與醬汁一齊流入口內，完全唔停得口，只嫌6粒太少。😋😋😋餐飲都叫了熱咖啡，日式咖啡有獨特的香濃味，我們倆個都

西貢嘅日本餐廳唔多，所以冇乜考究就幫襯左呢間野啦，點知原來係一大伏。 餐廳門口嘅餐牌嘅菜式大概80幾蚊，我地見價錢合理，於是入去啦，點知入到去大部分都係貴價野，同門口嗰啲菜式似乎有所出入，個人認為有誤導人之嫌！ 食物質素真係非常一般，魚生唔夠凍，熱食就係凍嘅，份量得嗰少少，但係價錢比市面貴兩三倍，譬如一個鍋得幾條菜再加少少魚等等，同我對「海鮮鍋」既理解有唔同，仲要收二百幾蚊。 最頂唔順嘅就係每當我地考慮緊點某一碟菜嘅時候，侍應就會不斷干擾，推介過另一樣餸，但係價錢可能貴三四倍。例如我哋想叫帶子壽司，侍應就叫我哋叫鐵板帶子，好彩問一問價錢先，否則就中招。最後埋單每個人接近$500，非常不滿，好似未試過咁差嘅日本餐廳，一定冇下次。見到餐廳週末晚上都入座率低，我唔覺得出奇了。

服務態度極之差，魚生又貴又唔新鮮，裝修環境完全唔值呢個價錢，叫一件壽司就比兩件，魚生超唔新鮮。飯又硬，豬扒又薄又冇味，唔知食緊咩肉，湯烏冬冇味，好似用清水煮，又凍。⋯⋯收咁嘅價錢連外國種嘅日本米都唔俾你！

昨天晚上到這間日本料理吃晚飯，坦白講，作為一個香港人，日本料理吃得很多，一般較有質素的日本料理對於餐廳員工的態度、食物的質素、餐廳的環境也應該有一定的要求，但這間餐廳員工的服務態度非常差，食物質素也一般，尤其是員工的態度，那個女侍應黑口黑面，問她餐牌上食物的收費，她的態度十分差，回答不清楚，加上食物質素真的一般，價錢又頗高。故此，我同自己講，永遠永遠不會再去這間餐廳，亦都永遠永遠不會推介這間餐廳給任何人，因為，在我的過往歷史中，很少去過這樣低質素的日本料理餐廳。

我們當天一家大小在這里吃飯，也有行動不便的老人家，打算坐外面比較方便，由於老人家和小朋友都吃了飯，只有我們兩公婆未吃，所以就打算兩公婆吃算了，在order完後，有位高大的女服務員，不知是否老闆了，態度很差，意思說我們只叫兩個餐嗎，我見現場也沒有當眼的最低收費告示，而且你們餐廳也不是什麼大餐廳吧，服務員一聽我只叫兩個餐就面色大變，馬上要求我要必須再叫其他野，我見老人行動不便，算了，不理論了，再叫了點sushi。其實一進來此店時，見到有隻很大的狗就在坐的凳子旁，如果一拉凳坐下的話，也怕碰到狗狗，因此問此服務員是否那隻大狗就在我們的坐位旁邊? 她的態度已經很惡回應是，當下感覺是你經常接觸自己的狗當然無問題啦，但我們是第一次，你亦無打算怎麼安撫一下客人，最後，不看其他人留下的食評也不知道，原來你們的手法已經不是第一次，我叫的sushi明明是68元，結帳時見到98元，我問另一位女服務員是否我看錯了，她說問一下同事，一問完回來已是立刻改正給我另一張單，解釋是幫我下了三文魚的腩位置，真可笑，我叫的是三文魚壽司卷，你自己不問人的狀況下擅自order腩位，為何你不早說? 一聲不響就收多人錢，何況，我亦無

有一晚去咗清水灣兜風，然後落西貢覓食。見到呢一間餐廳，又好想食日本嘢就入咗去啦。門外見到午市套餐唔算好貴，但晚餐嘅菜單卻貴得有點驚人。但難得嚟到，就豪食一餐啦！叫咗新鮮生蠔，大大隻十分鮮甜，毫無腥臭味。但其中一隻生蠔有少少沙石洗得唔乾淨，同左職員講，佢再額外送多一隻俾我哋（當下打咗個突），然後叫咗一盤刺身拼盤試吓，坦白講質素唔高，刺生未夠凍之餘，連三文魚都食唔出肥美的感覺。有點失望。餐廳仲推介左一個手切魚生俾我地，話當日先剛剛送到，本身都抱有好大期望，但都失望而回，有點腥，無魚鮮味。主食中規中矩，但若然大家想入到嚟食刺身的話，呢間餐廳嘅價格同味道質素就不成正比，我不太推薦俾大家了。

We live in Sai Kung and come here every few weeks with our family. Food quality has always been excellent and the variety means all tastes are catered for: rice, noodles, yakitori, tempura, sushi. Only criticism is that service can be slow during busy periods.

見到依間野長期好多人排隊，裝修又幾靚，門口個手寫餐牌晚餐都係98-1xx 好似唔錯過一行4人入去try try 啦第一個尼既係燒雞泡魚干，收我98蚊直徑得10cm?!?!  無諗過細到咁，心諗可能好好味呢，一人啪一口，嘩！乜野來的？濕潤又凍既雞泡魚干都係第一次食第二個 係豬肉火鍋，份量足夠，但又係凍既？味道就正常啦之後係炒牛柳粒定食，個牛柳浸過牛油未乾，好漏，同埋都係凍既😂跟餐個烏冬就正喇，都係凍既，無味(咸味都唔夠)既，個溫泉蛋，全熟又甩皮甩骨既🤣食到依到，已經想走人了，無晒食慾依個時間大佬尼喇🤣玉子燒都係凍架不用懷疑🤣燒三文魚胶(原餐牌上係鱈魚定唔知乜魚，侍應話，無啊今日，得依個，好食架)尼到個樣正正常常啦，等你咁耐，點解都係凍既？😂都唔明點樣可以煎到咁難食🤣最後雪糕當然係冰凍既，終於有樣正常嘢！最後埋單8xx位位2xx其實無食晒，太難食轉場再食過無下次同場加影隔離枱問侍應: “依個Xx魚係咩魚尼架”侍應答”魚囉”A le ga do gojaei mas🙏

日式餐廳好多時都會專注某一類菜式，不過我都鐘意樣樣都試下，西貢喜多郎就係有多種選擇嘅日式餐廳。Menu 有刺身、壽司、拉麵、鍋物、串燒，應有盡有！今次是享用午餐，點了一份豬軟骨拉麵及天婦羅蝦冷蕎麥麵。豬軟骨湯底濃稠，豬軟骨入口即溶，拉麵亦軟硬適中，只係温泉蛋已經不再流心了。天婦羅蝦有3隻，算係唔錯，不過Size就小左少少，蕎麥麵份量足夠，加上冷麵汁，非常可口清新！

My daughter and I ate here today. We ordered the tamago, which in the picture was rectangular. It came to us in pieces and skewered.We also ordered tempura and breaded pork. They were so so.The greatest disappointment was that they served us iced tea with a DIRTY spoon.Secondly, the sushis we got were warm: california rolls and avocado rolls.Be careful! The normal avocado roll is only $68. I pointed to it, but another avocado roll dish with crab came, and I was charged $198!!!!!! She gave me a $

雖然疫情放緩了，已經好幾日是新增零個案，但去商場已不是我杯茶，反而入郊外，舒展身心，運動一下才是假期最喜歡的活動。今日在西貢行山，回程不如先食過晚飯才走。記得以前在馬鞍山的喜多郎食過午餐，水凖不俗，見它搬了入西貢，就來試試其晚飯。店舖有室內及室外，設計十分之日系，明顯比以前馬鞍山店高級時尚。室外位置雖然在馬路旁，因外面有籬笆阻隔，感覺舒服。它的碗碟也很精緻，美！餐牌選擇很多，因已有點累，見二人套餐只係$498，有5道菜，另加400次咖啡，抵！沙律菜有羅馬生菜丶火箭菜丶牛油果丶迷你蕃茄及雜色椒，加上芝蔴，伴以日式沙律汁，鮮味可口。👍🏻👍🏻👍🏻朋友選了加州卷，同樣好味。蟹柳伴以牛油果，裏面用紫菜包著，外面是香滑的日本米飯，加埋魚子，口感豐富。而旁邊的蛋卷，混和用味醂調制的漿汁，甜甜地，十分之好味。😋😋😋接著的鹽燒魚鮫，更為出色。一上枱已聞到陣陣魚香，而魚鮫咬落，滿口都是油甘魚獨有的香味。魚肉厚厚，但很滑溜，其調味啱啱好，不點醬汁都已經令人食唔停口。👍🏻👍🏻👍🏻配上較為清淡的茶漬飯，簡直一流。為免單調，茶漬飯加入脆條及紫菜，另其更香及更有口感。😋😋甜品是我至愛的綠茶雪糕配紅豆，再伴以火焰日本

去到西貢逆向思維揀左日本菜☺️食店裝修具有傳統日本格調(被木造日式燙門吸引住🤣)點知比隔離搶先一步🥺結果就坐咗喺室外。至於Service都唔知話佢好定差，一個侍應服務態度超好;另一個侍應嬲嬲豬😂.——————————————————————▽ 《吉列豬扒蕎麥面》/ 🤎🤎🤎🤍🤍(天氣咁熱所以揀咗冷麵，係唔錯嘅！因為鰹魚醬油有層次，另上配料: 葱、wasabi、生鵪鶉蛋、仲有黃薑，可因個人喜好落，但唔知點解撈埋覺得味道有啲奇怪，有啲酸😳 吉列豬扒炸到外層好脆，皮唔太厚，只可惜肉質太硬🥺 但欣賞佢另上沙律醬同日式燒醬).《肥牛壽喜燒鍋w/ 🍚》/ 🤎🤎🤎🤍🤍(肥牛岩岩好，唔會煮得太耐變老👨🏼‍🦳湯料配菜好足夠，湯底亦唔會太鹹。👍🏼位係牛肉蘸生雞蛋🥚👉🏼perfect match!不過如果可以有個石油氣爐自己操作會更開心啲). 《抹茶芝士蛋糕》/ 🤎🤎🤎🤍🤍(係實淨嘅質感，同時食到抹茶同芝士味😋不過抹茶味可以再濃啲)

諗唔到去邊食飯，所以來了好多西方貢友有介紹過的這家 喜多郎。魚生好大件，不貴，但質素當然比不上Omakase 但都ok geh. 生蠔🦪冇乜鮮味 可以不試串燒不錯 特別是牛舌 下次會試埋個sukiyaki

雖然細佬出生的季節跟我完全不一樣，是在嚴寒的冬季，而且在農曆新年裡面的年初七「人日」出生。所以對他來說，在農曆新年裡面實際收到的利是錢，都比我收到的利是錢還要多。另一方面，他的飲食喜好跟我不一樣，我喜歡食酒店自助餐，他反而比較喜歡食日本菜，尤其是限時之內任食日本菜的放題料理，我們兩人在飲食上的習慣喜好，可以說是完全南轅北轍。到了今個農曆年裡面的「人日」生日，阿媽跟他還有我三人，在西貢區內的新日本菜料理餐廳「喜多郎日本料理」裡面，替細佬慶祝生日。老豆適逢需要入院接受化療治療，所以無緣享用慶祝細佬生日晚餐。說回「喜多郎日本料理」，只要住在西貢市中心超過九年以上的居民，或者曾經九年前住過在西貢市中心的人，都可能知道「喜多郎日本料理」，曾經九年前在西貢市中心裡面營業過。不過，後來「喜多郎日本料理」忽然選擇了離開西貢市中心，搬遷到馬鞍山購物商場「馬鞍山中心」裡面營業，「喜多郎日本料理」以前在西貢的舖位，後來曾經變成了甜品店「嚐X」。跟著西貢分店「嚐X」最終還是敵不過現實，店舖業主收回舖位的決定，最終被迫結束營業，離開了西貢市中心，「嚐X」離開了西貢市中心之後，現在舖位已經變成了糧油雜貨店。至於現

啱啱上返Openrice先發現原來依間嘢利用蠱惑嘅營銷手法呃錢原來已經唔係第一次。話説前日我地一家四口經過門口 見到有個午市特價套餐(星期一至五) 大約有10款套餐, 而價錢大約$5x-$7x, 咁我哋就入餐廳就座。其後店員A呢 就拎咗一個正價餐牌俾我哋睇咁我就問佢 請問有冇門口嘅特價餐牌店員A答: 無, 你照樣叫喇, 大部份嘅餐都有做特價, 到你埋單嘅時候我哋會計返個折扣價俾你。咁我當時就已經覺得奇怪, 如果我揀咗啲無特價既餐 到時咪要收正價 貴好多, 感覺好似想音人揀啲冇特價嘅餐咁, 因為正價嘅餐 其實同特價係一樣 只係價錢上有差別, 而且部份更差一倍價錢。咁為免揀錯, 咁我就再問佢有邊啲餐係特價, 佢就只係答咗三四款(事實上有10款起碼),而佢當中答咗一款話: 哩度有個牛肉火鍋 特價$78 (正價$148) 仲可以轉豬肉。如是者我哋叫咗三個套餐, 包括上述豬肉火鍋。其後店員B, 就拎住一個不知名餐牌 同 我哋睇嘅正價餐牌過黎同我地講: 你地想要邊隻火鍋 因為一個可以轉豬肉 而另一個唔可以,咁我哋答話要可以轉豬肉嗰嗰餐, 因為之前店員A 曾經指出 正價餐牌內嘅牛肉火鍋套餐係$78