喜記蟹將軍 (iSQUARE國際廣場) (已搬遷) 新店位置

依間餐廳可以訂房，10 人用餐地理位置又夠方便，係聚會用餐嘅唔錯選擇。不過今次都係第一次黎，整體感覺唔錯。喜記避風塘炒蟹 大size2隻兩隻蟹，分開放，咁就清晰啲睇到晒成隻蟹，冇多冇少，夠均真😁 蟹鉗非常巨型，肉都幾甜，仲可以食埋啲蔥，避風塘口味超香口！椒鹽瀨尿蝦賣相已經非常強勁😆 賴尿蝦好大隻，要同佢做足熱身先至拆殼，肉質鮮甜，爽爽地，超正！蒜蓉粉絲蒸聖子蒜蓉粉絲都好多，配搭肥美嘅聖子，口感唔錯。如果多啲汁，送飯一流。豉椒炒蜆酥炸日本蠔熱辣辣，酥脆， 蠔都算幾肥美👍🏼👍🏼蟹油炒麵衣蝶個樣有少少似豉油王炒麵，但係佢叫做蟹油炒麵😆😆花甲雞褒呢個煲賣相比較精緻，除左花甲同雞件之外，配菜亦都幾多，好似青椒，菇。不過食嘅時候就要小心啲有冇貝殼碎。一大班人食飯，又唔使自己埋單，仲要有多款海鮮，真係幾唔錯㗎😛

今日同阿爸慶祝生日，一行7人揀左尖沙咀喜記。我地叫左8樣野，豉椒炒蜆同椒鹽鮮魷，有d細碟，但幾惹味。秘制蔥油雞一隻，雞滑夠大碟，幾正。酸菜魚，墊底既油麥菜入哂味超正，魚肉滑。柚子骨一般酒樓水準。蟹粉西蘭花，都好食，西蘭花吾會太硬。蟹油炒麪，超正，帶點點既辣，惹味。翅撈飯，讚，可以令人食到幾碗飯。但可能所有野都較重口味，所以要飲好多水，佢既茶種類都多。另外想讚下佢地既服務態度，雖得2，3個職員，但都好有禮貌對待客人

好耐冇成家人出街食過飯，今次終於可以成家人 齊齊整整食餐飯啊唔知點解屋企人都好鍾意食蟹，所以今次就揀咗一間專食蟹嘅餐廳我地總共6個人，叫左6個菜式同埋1個飯蒜蓉粉絲蒸波士頓龍蝦龍蝦好新鮮，龍蝦肉好彈牙，肉質鮮甜蒜蓉好入味，粉絲吸收哂龍蝦既精華，好好味呀蒜蓉粉絲蒸日本元貝元貝大大隻，幾厚肉，蒸得岩岩好，唔會韌同樣有蒜蓉同粉絲，一樣咁好味欖角骨啖啖肉，肉質鬆軟，雖然經油炸香過，但 都唔會覺得油膩薑蔥炒蟹隻蟹好大隻，薑蔥炒特別香，蟹多肉又鮮甜仲有膏添正宗 喜記炒辣蟹炒辣蟹相對 薑蔥炒蟹會較惹味，少少辣，我覺得岩岩好加埋個炸蒜一齊食別有一番風味蟹粉燴飯大家都食到乾乾淨淨，蟹粉好香，係炒飯底，仲有粒粒蟹肉撈埋一齊食味道好夾蟹粉扒西蘭花西蘭花好爽口，蟹肉都好多個醬汁好夠味彩椒斑球斑球啖啖肉唔會有骨又唔會腥，仲有冬菇同三色椒等等配菜大家都食到好滿足呀原來Openrice訂座有 75折優惠，好抵呀

同家人食生日飯, 一早買定6人餐COUPON又先打電話問些問題.到場只有3-4枱有客侍應都只有2位....套餐內只有1隻中蟹, 一心諗住加散叫的蟹, 但到場..又話要預定, 又話無奄仔, 咁都無法...係自己唔清楚, 一開始就先上蟹同魚, SIZE真係(蓋只有女人手的拳頭大小)...好難分夠6人分量......然後即上飯.饅頭, 豆付, 牛肋肉都未上....見到其他枱都上其他小菜.....唯有同(僅存2人)好辛苦先找到他們..同他講...其他都未上, 仲要同他講逐樣講...(唔係套餐咩, 一定唔會漏單...實知咩未上菜)最差係: 套餐寫明12 饅頭: 上來的時侯, 將饅頭切成片圖， 我們都沒有追究， 但這是應該出現嗎?

中秋佳節快來臨、朋友或者屋企人都會一一相約吃晚飯，為了各人都可以見面，所以就和朋友提早慶祝中秋節———————————-我們四個談心的女人，朋友一早就在openrice卜好枱，因為有75折，正👍⋯⋯我昵個朋友好細心，每次見面佢都係搞手而且唔使我哋唸去邊食，佢一個搞掂哂，唔該哂我呢位老友🥳—————————-🟫喜記正宗避風塘炒辣蟹：話明係蟹將軍，當然要食蟹，幾個朋友都鍾意食辣，所以我哋就叫咗避風塘嘅口味，蟹嘅肉質好鮮嫩，而且仲係啖啖肉，味道就更加唔使講，好味道⋯⋯—————————🟨蒜蓉粉絲蒸日本元貝：蒜蓉粉絲蒸元貝，四個人食啱啱好.。每人一隻，又大隻又鮮甜。蒜蓉味就更加香口惹味😋———————————🟪油鹽水浸蜆：平日食蜆多數食豉椒，而家食油鹽水煮，更加食到好新鮮又鮮甜嘅味道，蜆肉仲要好大隻，真係好正😙——————————-🟥水煮魚：鍾意食辣，水煮魚就一定要叫，而且我哋幾個又鍾意食魚，好足料嘅魚，而且肉質食落好鮮嫩好滑溜，味道好惹味，仲有好多酸菜同埋好多材料配搭，配搭嘅材料亦都令到個水煮魚好惹味😋———————————-🟧 醉雞：花雕嘅香味令醉雞食落好吸引，而且雞肉好滑，食到好香嘅雞，

今日屋企人生日 人數眾多所以book左一間房 分開兩張枱坐 環境都好優美又乾淨齊整我地每張枱都叫左一隻中size 蟹喜記避風塘炒蟹炒過的蒜頭辣椒 又脆又香蟹肉鮮甜 份量中隻 味道濃郁 而且鑊氣十足 吸收晒濃濃蒜香味避風塘炒牛仔粒牛仔粒好有牛味而且唔會太乾爭爭加上避風塘口味 正～醉雞雞肉嫩滑 花雕酒味香濃作為前菜豉椒炒蜆 每隻蜆都大大隻蜆肉鮮甜 足料既豆豉味道正正是港式風味胡麻醬豆腐又是一道冷盤 豆腐豆味濃郁胡麻醬嘅調味恰到好處水煮魚入面有芽菜魚肉生菜魚肉非常入味 湯底麻辣配白飯一流最後仲叫咗個金銀蛋娃娃菜海鮮我哋就叫咗個蒜蓉粉絲蒸蟶子粉絲吸收晒海鮮嘅精華而且新鮮又大份 非常滿足的一餐

呢晚同朋友來到尖沙咀喜記蟹將軍，前一日提早預訂時令奄仔蟹2人餐，準備同朋友食餐好。百味豆腐：表面有不少炸蒜頭粒、辣椒粒、蔥花，外面炸得香脆，內裏嫰軟，惹味得忍唔住食完一粒又一粒。清蒸奄仔蟹 2隻/牛油鹽燒奄仔蟹：餐廳有貼心提供一次性手套濕紙巾，亦有蟹夾開蟹殼用，方便客人衞生進食。奄仔蟹細細一隻，蟹膏飽滿，蟹肉多汁，滿足食蟹膏慾望！蟹肉扒時蔬：白滑蟹肉可以帶出西蘭花鮮味，西蘭花嫰綠新鮮清爽！蟹粉燴飯：好多鮮燈蟹粉伴住飯，真係好好送飯~

最近又再做返學生，終於嚟到開學日，今日梗係要食返餐好嘢鼓勵下自己❣️好開心今日嚟到尖沙咀iSquare的- 喜記蟹將軍，他們的海鮮超級高質🦐🦞🦀❣️環境、服務和食物質素都相當高質❣️相當優秀👍🏻👍🏻❣️📌肉蟹🦀大/$850來到喜記蟹將軍，當然要食佢哋最出名的肉蟹🤩👍🏻 叫咗呢隻大肉蟹，非常新鮮，肉質結實，味道濃郁！最鍾意佢哋呢隻避風塘炒蟹的烹調手法，相當惹味，一邊吃一邊舔手指，回味無窮🦀🦀🦀😍📌喜記椒鹽富貴蝦🦞🦐2隻/$640另外叫咗呢兩隻大飛龍富貴蝦🦞，椒鹽做法，配合海鮮真是100分👍🏻👍🏻惹味勁香❣️新鮮、爽口、啖啖肉🤩❣️📌蒜茸粉絲蒸扇貝2隻/$116另外點了兩隻大扇貝，扇貝當然是要配合蒜蓉粉絲蒸，蒜蓉香濃，扇貝新鮮可口，粉絲吸入了扇貝的鮮味和精華，入味好吃😋📌蒜茸粉絲蒸蟶子4隻/$312大蟶子也跟着扇貝同樣做法，鮮甜可口，啖啖肉，吸入了蟶子精華的粉絲同樣好吃😋📌青島🍻$30如此美味可口的海鮮當然要配合啤酒🍻啤啤佢！冰爽清涼，配高質海鮮，我今日真係超滿足，超開心🥳！

🎂爸爸生日，我哋一家六口出街食飯慶祝，揀咗尖沙咀isquare嘅喜記蟹將軍，因為有朋友食過話唔錯。我哋最後決定散叫，點咗8個菜式。椒鹽魷魚魷魚新鮮彈牙，外層炸得脆卜卜👍蔥油雞蔥油雞非常香，雞肉肉質嫩滑，送飯一流。七彩炒沙巴龍躉龍躉肉質彈牙，炒過更加香。蒜蓉粉絲蒸元貝屋企人好鍾意呢道菜，所以每次出街一定嗌， 呢度蒸嘅火候啱啱好，非常好味。胡麻醬豆腐 清新健康嘅菜式。避風塘炒辣蟹辣度好適中，屋企人都話好食，蟹肉新鮮 ，好肉地。避風塘波士頓龍蝦龍蝦彈牙加埋避風塘嘅製法，非常惹味，食到唔停蒜香骨蒜香骨好juicy，非常香口嘅菜式。

我爸爸60歲大壽，因為佢好鍾意食蟹所以我哋今日就全家嚟咗喜記蟹將軍食佢嘅招牌炒辣蟹！隻蟹好大隻，肉質鮮甜同多肉！配埋辣椒好香😍 除咗蟹之外我哋仲好鍾意食啲好辣嘅嘢，所以叫埋麻辣小龍蝦。雖然龍蝦細細隻，但份量多，其實加左麻辣嘅香氣之後係好過癮，傾吓計不知不覺就成兜都食晒啦🙈之後媽媽好鍾意食雞所以我哋就叫咗佢嘅秘製蔥油雞。雞肉嘅肉質嫩滑，配埋蔥油香好出色，我阿媽自己一個人食咗半隻😂 最後我哋叫咗兩個骨，分別係香烤柚子骨同埋欖角骨，柚子酸酸味味好開胃呀！兩樣都好好食，好推薦！因為今次係阿爸生日所以我哋包左一間房同佢慶祝，人均消費$400左右，私隱度好高，爸爸好開心🥳 我哋覺得唔算貴，因為佢嘅蟹同小龍蝦真係好好味😋

同朋友嚟開尖沙咀行街，經開見倒有間主打避風塘炒辣蟹既餐廳好似幾吸引，所以就決定一試，味道果然有驚喜，環境都夠闊落，一邊食一邊同朋友吹水都好正㗎～！今次係同四個朋友一齊黎食，散點菜式，選擇都好多下喜記避風塘炒辣蟹 黎到當然要食佢地既炒辣蟹，中蟹一隻$700元，份量充足，食落去好惹味香口，蟹肉都幾多下，小編幾欣賞佢地夠鑊氣，餸飯一流蟹粉扒冬瓜件夏日炎炎食冬瓜就最啱啦，蟹粉配合剛剛好食落好滿足，味道唔會話太重口味蒜香骨蒜香好吸引，食落去肉質不會太硬，值得一試蒜蓉炒菜心當然都要叫番啲菜啦，菜心夠新鮮！​​

難得阿爸平日放假，一於帶屋企兩位長老出街食飯，阿爸鍾意食海鮮，咁就揀左喜記蟹將軍，打電話訂位時職員有問食唔食瀨尿蝦，因為要提前一日預訂，$320隻 8 寸長，既然帶兩老出去食飯緊係食埋啦原來餐廳已經可以坐12人，岩哂飯聚，不過我今次都係四個人椒鹽瀨尿蝦真係夠長，啖啖蝦肉配埋上面既炸蒜好惹味🍤清蒸海魚蒸得剛剛好，夠滑又唔腥，阿媽大讚，魚頭魚尾佢包辦左😂蟹油炒麵好大碟，炒得夠乾，而且配料又夠多😋正宗喜記炒辣蟹，必食!!!打開隻蟹鉗好大舊肉，而且好鮮甜，加上辣辣地好正，送啤酒一流，果然係招牌菜👍🏻金銀蒜粉絲蒸日本元貝亦係必食推薦，夠大隻，一隻一碟上，上面好多粉絲我鍾意，因為可以吸哂d汁，最精華就係食粉絲😆阿爸已經問下次幾時再來食😂😂😂

正值父親大人生日，而疫症漸趨緩和，一家人在久未外出用膳的情況下，都有點懷念街外飯香的味道。然而近日在網上可到這家餐廳在做優惠推廣，對於咱家喜愛海鮮的情度，尤如天降福音。我們當天選了炒辣蟹六人套餐，總共九道菜式。諗廳另設有二人及四人套餐，適合不同人數用膳。招牌避風塘炒蟹：來剽這裏當然要吃蟹，另有薑蔥選擇。由於我們一家都是辣魔，所以選了避風塘炒蟹。蒜蓉粒爆得十分香脆，蟹肉彈牙惹味，而且由於㨂選了大辣，一口蟹肉一口辣蒜，吃到出汗十分過癮。秘制豉椒炒硯：份量挺多，硯肉飽滿鮮甜，醬汁亦相當惹味，用來和飯實在一絕。蒜蓉粉絲蒸北海道大扇貝：吃過濃烈惹味的菜式，轉投清淡的海鮮亦毫不失色，六色大扇貝個頭名符其實，扇貝肉質彈牙不鬆散，有口感之餘多汁清甜，最後吸滿精華的粉絲更是一絕。清蒸沙巴龍躉魚：龍躉給我感覺一般肉質徧榎，但這條卻十分滑嫰，而且鮮味十足，十分驚喜。最後還有蔥油雞、蒜蓉炒時蔬，瑤柱蛋白炒飯及海鮮粥，對住六個人來說份量絕對足夠，父親大人亦十分滿意這次的生日飯局。

帶屋企人去🦀將軍食好野～主要係貪佢菜式選擇多，環境又夠開揚、舒適👍🏼👍🏼食物質素都好出眾必試『招牌喜記炒辣蟹』睇賣相都知惹味🤤大大隻蟹食落啖啖肉，好滿足！『薑蔥焗沙巴龍躉魚』通常蒸魚先原汁原味但原來薑蔥焗都好正表面佈滿蔥香之餘入面仍然保持到肉質鮮嫩愛魚之人必食之選❤️❤️主菜方面揀左『招牌蟹油炒麵』外表同普通炒麵差唔多但食落有驚喜啖啖蟹油香味食到停唔到口🤩另外仲叫左幾款海鮮：🌟油鹽水浸大蜆🌟蒜蓉粉絲蒸日本元貝🌟椒鹽鮮魷🌟上湯波士頓龍蝦全部都鮮味十足，又夠鑊氣而且份量好足👍🏼👍🏼👍🏼仲有兩款小菜：🌟金銀蛋浸娃娃菜🌟菠蘿咕嚕肉蟹將軍好就好在唔係淨係得海鮮正連普通小菜都好有水準食完咁多海鮮食啲清甜嘅蔬菜作為今餐嘅總結😊😊

琴日係男朋友生日，知佢鍾意食海鮮所以訂左喺國際廣場嘅喜記蟹將軍同佢慶祝，見到佢時令奄仔蟹套餐，所以提早一日訂咗。啲職員都有禮貌，又會安排口罩信封俾我哋放口罩，衛生得來又窩心。枱面有好多俾我哋剝蟹嘅工具，所以都唔會麻煩。首先有蟹肉扒時蔬🥦，我哋嗰日係西蘭花，啲蟹肉味道好濃郁，有啲汁浸入西蘭花入面令到食落去嘅時候好滿足。仲有百味豆腐，呢個少少似避風塘炒豆腐，豆腐外皮酥脆，加埋香料好惹味。主食有蟹粉燴飯，飯桶男朋友見到呢個雙眼發光，炒飯底加埋滿滿蟹粉真係食到停唔到。最後當然唔少得奄仔蟹，有清蒸嘅同埋牛油鹽焗，可以試兩種味道各兩隻，一款比較鮮甜，另一款就有鹹香，蟹都好新鮮。🦀