喜記蟹將軍 (iSQUARE國際廣場) (已搬遷) 新店位置

想食海鮮又唔想煮，又唔想去街市買完再要洗再煮再洗，就梗係去買外賣啦🤪 其實計落都貴唔過自己買太多，但就肯定好食好多。同埋食海鮮其實係屋企方便好多，因為可以用手食，拆完殼又可以即刻洗手。叫左個豪華2人餐，外賣自取價仲有85折，拎到番屋企仲新鮮熱辣辣。喜記正宗炒辣蟹~隻蟹都幾大隻，好粗壯的蟹鉗😍 炒辣粒脆脆的，好惹味，不過辣味越食越有。椒鹽波士頓龍蝦~ 龍蝦啖啖肉好大件。超多蒜頭，仲有粉絲鋪底，正呀！！豉椒沙蜆~ 雖然炒蜆唔算大隻，但勝在每隻都好好肉、無沙。豉椒味炒落唔太重口味，唔錯。蒜蓉炒時蔬，食下菜平衡下好d既🤣招牌蟹油炒麵~ 其實都已經飽飽地，不過又好香，忍唔住食左幾啖😂 仲有芽菜增加口感。計返啲海鮮料，原來size都幾大，所以自己買都超碼五嚿水，所以我覺得而家真係唔算貴。建議外賣自取，就算搭車都方便喺正地鐵樓上👍。

難得開返晚市終於可以同埋屋企人出去食餐飯啦😂.🔸豉油皇煎虎蝦美味指數：🌕🌕🌕🌕呢隻虎蝦真係夠哂肥美！外脆充滿豉油香，肉裡蝦肉爽脆鮮甜最重要係啖啖蝦肉呀😋.🔸豉椒炒聖子皇美味指數：🌕🌕🌕🌕呢碟炒聖子又有另一番風味濃香惹味，肉質爽甜鮮嫩師父仲好細心咁拆開比我地，大讚呀👍.🔸瑤柱蛋炒飯美味指數：🌕🌕🌕🌕係咁多款炒飯中，最愛之一就係瑤柱蛋炒飯雖然吾似其他炒飯咁口感豐富但係蛋香味係最重架！米飯粒粒分別，配上白雪雪嘅蛋花加上瑤柱嘅鮮香，一食上癮😈.🔸蒜容粉絲蒸波士頓龍蝦美味指數：🌕🌕🌕🌕🌕粉絲盡吸蒜蓉香同龍蝦嘅鮮味就咁係，鮮香十足送飯食，同樣一流😎波士頓龍蝦啖啖肉，肉質嫩滑鮮美～.🔸蒜蓉炒時蔬美味指數：🌕🌕🌕🌕食小炒必配炒時蔬色澤翠綠，質地脆嫩✨.🔸薑蔥炒蟹美味指數：🌕🌕🌕🌕論蟹，其實點整我都中意食😂而薑蔥炒蟹，以「鮮香」為賣點薑同蔥嘅香氣滲入蟹中而蟹肉絲絲清甜，撈埋呀醬汁一齊，勁惹味😋

星期六日屋企人咁岩聚埋一齊, 又好想食得豐富D, 就決定叫喜記蟹將軍試下啦夏日海鮮宴8人餐,  外賣價只需$2198,  好多地區係上門免運費既, 但我地加左$200 元運費送去新界區, 咁多個人除曬其實都好少錢!👍避風塘炒辣蟹(1pc): 十分香口!!炒得好入味又唔會太腍👍薑蔥炒蟹: 蟹肉點整都咁鮮味, 醬汁又唔會蓋過原來的鮮味, 呢個口味juicy D, 食到D汁都lim埋!😆👍上湯龍蝦: 非常鮮味, 保留到龍蝦原味, 又唔太dry👍翅撈飯: 豪華級享受, 個個爭住食👅👅, 個茨汁整得好好味, 翅好大塊十分超值, 個飯底炒得又香又乾身👍豉椒炒蜆: 蜆十分乾淨無沙, 細心的餐廳質素~ 其他食物: 金銀蒜蒸勝瓜同豉油雞一D都唔馬虎, 雞又滑, 勝瓜個汁調得滋味!海鮮最緊要新鮮好味, 呢間餐廳的海鮮全是游水的, 值得再叫!!!

依家想食海鮮都好難😣餐廳都冇晚市，去街市買又驚，上網見到喜記蟹將軍有抵食既外賣海鮮餐食，重點係仲送去柴灣，岩哂我呢D懶人🤪唔洗落街都有野食，叫左個外賣四人餐 $1198 ，炒蟹、豉椒炒蜆、煎虎蝦、上海醬鴨、蒜蓉炒時蔬、蟹油炒麵，再加多個欖角骨.豉椒炒蜆新鮮飽滿沙蜆，冇咩沙同埋砂粒，用左秘制炒蜆醬炒作，豆豉同蒜味好香，蜆肉鮮甜🥰味道鹹香得黎又少少辣地，配飯好正.喜記炒蟹餐廳用左越南肉蟹去炒，比起其他蟹更鮮甜同埋結實，雖然係外賣但係一打開個蓋已經聞到香味，辣蟹色澤金黃，蟹肉鮮甜且保持多汁🤤剝開啖啖肉，真係好正.蒜蓉炒時蔬蒜蓉味真係好香，菜唔會炒到好老，食落冇渣，而且份量都唔少，食返D菜中和一下.蟹油炒麵好足料既炒麵👍🏻啖啖都食到有蟹鮮味，炒到乾身唔油膩，仲有D乾蒜粒添加味道同口感，份量仲要好多，食唔哂TIM.上海醬鴨幾有風味既小菜，濃赤的醬油色，有點油亮亮質感，食落有少少甜味，仲有幾隻蛋做配菜.煎虎蝦虎蝦大大隻，估唔到除左炒蟹之外，呢到既煎虎蝦都唔錯，唔會過老，仲保持到爽彈既口味😋

剛剛呢個星期六放監，諗住食餐好，選左呢間蟹將軍，諗住早啲食唔洗迫，5點半已經入座，入到去冇人好似包場咁，叫左4樣野，本來諗住叫5樣，honey話驚食唔晒，好啦，叫左蒜蓉蒸蟶子皇（我唔覺得佢可以叫皇囉，細隻到呢）重要唔新鮮，粉絲係硬嘅，叫左鹽水浸蜆（有沙嘅）椒鹽瀨尿蝦一隻（諗住320蚊一隻，應該幾大隻下，點知....失望到極點，唔抵食）蟹油炒麵，好有期望，其他人話呢個必食，又係失望囉，麵夠大碟呀，不過同出面嘅豉油皇炒麵冇分別囉，不過呢度有個優點，就係冇限你食幾耐，我叫左4樣野，食左兩個鐘,由天光入去食到天黑走，平均半個鐘先上一個餸，重要催先嚟，全張單8折，折完都要7百幾蚊，中伏啦，重要食唔飽。

昨天外賣送貨－個八人海鮮餐請客, 極度失望:整盒魚－舊魚肉都冇, 全部都係骨蟹肉縮曬水, 殼大肉少龍蝦只吃到厚厚漿糊芡汁的味道隻雞更加收哂水, 又乾又粗蜆很細, 實物同你post 相差大, 有點欺騙明白味道未必個個啱, 但食材質素同質量保證做唔到就不接受！

疫情嚴重 無咩事都係留反係屋企食飯，但煮飯煮到攰，又想食下重口味有鑊氣既中菜，就試左屋企附近既蟹將軍外賣自取😜有幾款外賣套餐選擇～我地3個人就揀左個2人套餐share食，外賣特價 $950! 套餐有炒辣蟹或薑蔥炒蟹/ 椒鹽珍寶賴尿蝦/ 炒聖子王或北海道扇貝/金銀蛋浸時蔬/ 蟹油炒麵或瑤柱蛋炒飯或避風塘牛河～我地揀左炒辣蟹，好香口，蟹肉新鮮彈牙，鑊氣十足，依d真係屋企食吾到架😭之後仲有椒塩賴尿蝦，都係一樣好新鮮好入味😆另外亦揀左蒜蓉粉絲蒸扇貝，扇貝大大粒，好厚肉，加埋d蒜好正！最後仲有招牌既蟹油炒麵，好大碟！炒麵啖啖都有蟹鮮味，同平時豉油王炒麵吾同架🤣加埋d乾蒜粒好香好正！希望疫情快d過去，可以落去大魚大肉新鮮熱辣咁食！😫

而家疫情愈嚟愈嚴重都係乖乖地留喺屋企，但又想食好啲，所以嗌咗喜記嘅尊尚豪華宴外賣套餐喺屋企慢慢歎！有專人送到府上，連偏遠地區都送仲係免運費，只要乖乖喺屋企等食就得，而且送到仲係熱辣辣，認真方便！.尊尚豪華宴外賣G($1098) 2位用.喜記正宗炒辣蟹1隻香味無比，香蒜辣椒粒甘香搶口，辣而不過油，辣得過癮！兩隻蟹鉗好大隻，鮮甜多肉，蟹肉肥美結實，鮮味十足，滿口留香！椒鹽珍寶瀨尿蝦1隻瀨尿蝦大大隻又啖啖肉，肉質鮮甜，口感爽脆，用椒鹽嚟炮製增加咗咸鮮滋味，香口惹味。豉椒炒蟶子皇蟶子肉鮮嫩肥美，爽滑彈牙，鮮甜可口，極之鮮美。金銀蛋浸時蔬菜嘅份量多，蛋白嫩滑，汁濃味鮮，鹹鹹地，味道清爽 。招牌蟹油炒麵穫氣十足，炒麵夠爽身有口感，亦唔會好油膩，而且用咗蟹油去炒食落有蟹嘅香味，寧舍香口！

疫情影響底下少咗好多出街食飯嘅機會🥺但係成日都掛住一啲好特別嘅嘢食所以突發奇想想叫下外賣但係屋企住得比較遠 但係居然比我發掘到一間媽咪又鍾意食嘅餐廳 😍而且送外賣嘅範圍連偏遠地區都包括埋(青衣 , 沙田, 馬鞍山etc)最重要仲要免運費!!首先要讚下佢哋😛因為連屋企人都話佢哋食物嘅包裝好用心 包得非常衛生 所以都好安心咁樣食外賣首先我哋呢個餐第一個係蒜蓉粉絲蒸波士頓龍蝦😁佢哋蒜蓉同粉絲嘅調味真係做得好出色!!粉絲吸晒蒜蓉嘅精華而且波士頓龍蝦非常新鮮整出嚟肉質鮮美又彈牙 勁正!!第二個我哋要做避風塘炒龍蝦😛因為喺香港食到正宗避風塘嘅菜式真係唔多機會今日即管一試果然冇嗌錯!避風塘香味撲鼻而來 而且鑊氣夠 加埋龍蝦嘅肉質啖啖肉 真係好夾 相信一家大細都會好鍾意食😎第三個就係豉椒炒大蜆首先佢哋嘅大蜆洗得非常乾淨完全冇乜沙石😛豉椒嘅味道都幾香 炒嘅時候亦都好細心成個處理都做得好好👌薑蔥焗沙巴龍躉魚同埋滑蛋叉燒嘅味道都好高質之後自己好鍾意嘅係椒鹽骨😎因為除咗肉質好鮮味之外就係佢哋嘅份量好足夠 椒鹽嘅味道令到豬肉嘅香味更加提高💕送飯真係👍而且唔少得嘅梗係一個蔬菜要咗金銀蛋浸時蔬好開心嘅係就算外賣過咗

最近因為疫情問題，冇得出街食，但甘岩撞正屋企人生日，又想食好D。於是小編就去左間餐廳，外賣左D鑊氣小炒番屋企食。餐廳做緊外賣優惠，菜牌外賣自取 全單75 折，真係好抵! 外賣既食物衛生。  🦀避風塘炒蟹主角來了，大量既炸蒜和辣椒融和既味道，用黎送飯食真係一流。蟹鉗勁大隻，蟹殼金黃又卜卜脆，蟹肉鮮嫩入味，非常惹味呀!抵食!🦞椒鹽龍蝦椒鹽將龍蝦既鮮甜味道變得更加突出。餐廳仲好好既用鍚紙包住，夠曬保溫，吾驚d熱氣走曬就冇甘好味，番到屋企都仲係熱立立。🥢豉椒炒蜆 好夠鑊氣，蜆又新鮮，食落吾腥。🐚豉椒炒蟶子皇好足料呀個蟶子皇，每隻蟶子皇都有個盒甘長，份量夠曬大，啖啖都係肉。🐷椒鹽骨 依個係呀妹Order的，一打開已經聞到好香，岩曬又想食肉又中意lung骨既人。🍝招牌蟹油炒麵 炒麵食得多，用蟹油炒既都係第一次。個味道比普通果D更有風味，食落仲冇甘油膩添。

疫情越嚟越嚴重 如非必要都唔會出街食餐餐都係自己煮 但係食得多都會悶上網比我見到喜記呢個超抵嘅海鮮套餐 仲要送上門免運費住新界地區佢都肯送 嚟到仲係熱辣辣嘅😍七餸一麵同汽水四罐 有龍蝦有蟹有蜆除返開都係每人三百幾 呢個價錢去茶樓食都未必得 好抵！而且屋企有老人家同小朋友 佢哋胃口冇咁大 所以五六個人食都夠-#龍蟹宴B ($1488 - 4位)#喜記正宗炒辣蟹話明係餐廳嘅招牌菜 果然冇令人失望 蟹肉鮮甜同肥美 炒得有鑊氣 香料同蒜蓉都好香而且唔會過鹹 拆開蟹鉗 會見到蟹肉雪白色 每食一啖都充滿避風塘嘅香味 最出色嘅係經過猛火炒但係保持多汁-#椒鹽波士頓龍蝦仲有得揀蒜蓉粉絲蒸龍蝦 不過我覺得椒鹽吸引啲 龍蝦肉質爽甜 椒鹽嘅鹹香更加突顯龍蝦嘅鮮美同多汁-#蒜蓉粉絲蒸北海道扇貝唔鍾意食呢個嘅話可以揀豉椒炒蟶子王 一樣有四隻 每人一隻啱啱好粉絲煮得入味 軟身 老人家都啱食 扇貝蒸完但係肉質仲好彈牙 面頭嘅豉油汁令到成個菜式惹味啲-#豉椒炒大蜆用左大大隻嘅沙蜆 全部開晒口而且冇夾雜砂粒 食落厚肉唔黏牙 比起花甲更加鮮甜 用黎餸飯一流-#椒鹽鮮魷每次去大牌檔都一定會叫碟椒鹽鮮魷炸到酥香嘅魷魚 加埋蒜

今日係婆婆80歲生日大壽 婆婆一向好鍾意食蟹同海鮮 所以屋企人就提議黎左位於尖沙咀既蟹將軍食晚飯 今次婆婆生日 起新加坡返嚟嘅舅父一家人都一齊嚟咗慶祝 我一行20人 我哋成家人訂左兩席 包左兩間房同婆婆慶祝 餐廳更加好貼心幫我哋打通兩間房 避風塘辣蟹 見到每枱都一定叫一大碟炒蟹就知道蟹將軍既炒蟹真係好出名 呢這一大隻的辣椒螃蟹，蟹殼直徑約有12、13公分，蟹螯也非常肥滿 避風塘炒辣蟹既味道中融入左螃蟹的蟹膏，一拆開蟹鉗就見到雪白鲜嫩既蟹肉亮晶晶既泛着光 每食一啖都充滿避風塘嘅香味 雖然螃蟹經過猛火炒，但蟹肉仍然保持多汁，放入口中好似瞬間會融化 蒜蓉粉絲蒸扇貝10隻扇貝每人一隻啱啱好上面嘅粉絲煮得好入味軟身有汁 扇貝蒸得岩岩好肉質仲好彈牙 淋上面既扇貝粉絲的豉油汁亦都超惹味 扇貝完全吸收到汁 而且粉絲亦都唔會過硬清蒸沙巴龍躉清蒸沙巴龍躉份量好足夠有幾斤重 一上菜嘅時候見到超大條蒸既時間火侯岩岩好 令魚既肉質極嫩滑，魚肉好新鮮每一啖都好彈牙 配上既魚甜豉油可以令到魚肉嘅味道更加提升金牌牛肋骨剛剛烤熟的牛肉色澤金紅 吃起來口感飽滿 脂香濃郁 充分醃製過使肉質變得更加細嫩滑口帶着一點油花和嫩

食評如下：由於疫情嚴重，選擇叫1488的龍蝦蟹外賣套餐，結果食到成肚氣！首先，豉椒炒大蜆，其實係細蜆，而且有沙，結果成碟唔食得！菠蘿生炒骨和鮮魷，份量小到好似前菜！而最期待的避風塘炒蟹，蟹肉竟然是鬆的！即完全唔夠新鮮同肥美！以炒蟹為招牌菜，竟然可以咁樣？！ 除了一碟炒麵似樣，其他都令人非常失望！這種價錢，連500元的價值都不值！本來是一個本來非常期待的晚餐，變成家里投訴各種菜的時候！今時今日仲這樣做生意，不要說回頭客，簡直令人失望到第一次來寫食評，以免大家中伏！

我很喜歡吃海洋，特別喜歡吃蝦兵蟹將。朋友介紹這間餐廳最近正在做優惠，有一個夏日海洋餐，有我喜歡的蟹，於是與家人到來吃一餐。海鮮餐有八個菜，首先來個胡麻醬豆腐開一開胃。避風塘炒蟹：香辣惹味，精隨就在於滿滿的油蒜酥。上湯龍蝦：龍蝦肉質爽甜彈牙、鮮美多汁、蝦味濃郁。油鹽水浸蜆：用最簡單的油鹽水煮就原會蓋過新鮮蜆肉本身等鮮甜味。七彩炒沙巴龍躉魚：肉質嫩滑且鮮甜，而且骨不多。秘製豉油雞：雞皮香滑，雞肉嫩滑又入味。金銀蒜蒸勝瓜：保留勝瓜應有的清甜。翅撈飯：上湯濃郁，十分足料，米飯顆粒分明，彈牙可口。

我全家都好鍾意食海鮮，所以今次家庭聚餐我哋八個人就揀咗嚟《喜記蟹將軍》度食晚飯。餐廳推出左個八人份量嘅夏日海鮮餐，我哋諗都唔使諗就全家同意點呢個。頭盤胡麻醬豆腐，啱晒炎炎夏日，麻將調校得剛剛好，配搭幼滑嘅豆腐十分惹味醒胃。爸爸喜歡吃香口野，我同佢都最鍾意食避風塘炒蟹，這道菜唔單止炒夠晒鑊氣，香料同埋蒜蓉芬香撲鼻，而且蟹嘅鮮甜都得以保留，蟹將軍果然名不虛傳！豉椒炒蜆香口撲鼻，蜆肉鮮甜彈牙。表妹最愛嘅係七彩炒沙巴龍躉魚，充滿馬來風情。特別值得一提嘅係廚師細心地將秘製豉油雞分成兩碟上，令到我哋唔需要將張枱轉來轉去，豉油雞甜而不漏，配上金銀蒜蒸勝瓜同埋翅撈飯，令呢一餐飯畫上完美嘅句號。