喜鳳冰室

营业中

休息中

本來決定去油麻地某一個出名既爺爺嗰度食嘢經過依間舖頭時見到裡面都多人,可能都有啲料到喎,就食依間先啦,下次先打擾爺爺~入到去,卡位已經坐滿,圓枱比較逼夾,不過無計啦直接叫咗個炒肉丁飯,特飲加6蚊,紅豆冰再另加2蚊,total加八蚊, 尚算抵玩.紅豆冰好似即沖咁,話咁快就出.竟然唔提供粗飲管,就好似食中餐唔俾筷子一樣,我覺得應該立法規管~另外,紅豆煲唔夠,仲係好硬淨.亦都因為粒粒分明,完全唔“粉”,紅豆融入唔到咖啡,純粹係紅豆格硬加入咖啡,味道係咖啡加冰水加紅豆,非常分明.肉丁炒飯就好好多,起碼夠晒熱,夠香口.其中一啖仲有未炒融晒既肉丁肥膏,係我眼中係神來一炒,果啖真係要用香醇嚟形容,其他不快即時煙消雲散.埋單嗰陣同侍應反映紅豆硬掘掘,佢都欣然接受並且話會跟進.雖然整體離滿意尚遠,但期待進步.

落足成日雨, 收工經過見呢間野ok企理就入去試下啦..坐低叫左個焗飯再上網睇下comment, 大鑊! 有兩個負評! 不過都冇計, 叫左唯有食埋, 即管睇下點.我坐圓枱搭枱, 一路見樓面同d客有講有笑, 都幾warm, 應該係熟客啦, 我地呢d生客咪四週圍望下, 牆身有幅手繪又幾得意(後尾先知係店主成個家族! 連家中寵物都畫埋! 又幾搞笑).突然間收銀姨姨走嚟叫我比把遮個幫我keep住, 等我食得舒服d..嘩茶記有呢d細心...到上焗飯, 之前有comment話佢酸, 咁我又特登食左先, 冇吖, 好正常呀! 要提一提, 個焗飯真係好出色, 好好味!凍OT, 唔混瀆茶色好靚!比錢時問姨姨拎番把遮, 同佢講你舖頭比人負評喎, 佢話呢區競爭越來越大, 都冇計.哦! 明晒!有下次呀呢間!

早餐叫外賣，等咗好耐就自然會打去問吓，竟然換來整緊，唔係好耐之嘛，之後cut線😡其實好唔好食已經其次，咁嘅服務態度，根本唔值得再幫襯。其實咁唔想做，咪講明唔做外賣，無人會話你。又要做又要發老脾，就算吧啦😡

見網上正評較多，原來又係一伏店入店睇完餐牌落order,到早餐黎到發現落單伙記寫錯,上餐果個唔知頭唔知路就話你冇講,一路行去廚房一路話你講錯,伙記自己落錯要食客受氣？我即場好多個黑人問號因坐近收銀枱既關係，連收銀果位聽到都要講番唔好意思，果種態度未食已經要你受氣因我食既時間是早上，叫了經典早餐火腿通粉-湯得咸味,火腿(酸)可能夏天少少變壞蛋-正常麵包-正常總結: 連最基本既禮拜都冇,睇怕都好難經營得長久

因為住喺附近，黎食過兩次，一次晚餐一次午餐。環境乾淨舒服，服務亦好，唯獨食物令人失望。第一次食北菇蒸雞，雞有一半都係無肉的頸/背，靠d汁先餸到碗飯。第二次食咖哩雞，由於係斬件雞唔係雞扒，部位同樣係果d無肉位，而最大問題係d雞骨/碎骨撈埋落d汁，食到好唔放心，未食過出面d咖哩雞係斬雞，雞殼d 碎骨同內臟仲清晰可見，而且d雞係完全完全無雞味。食完呢兩次之後，真心失望，我地唔會再去啦，都係行多個街口去舊式茶餐廳穩陣d.

今日同老豆出旺角食飯，原本都諗住食大家樂大快活搞掂佢，但途經一間叫喜鳳冰室野，覺得裏面都幾多人幫襯，應該都唔差得去邊，所以入左去。因為想食得清清地，我地叫左一條清蒸海斑同梅菜蒸肉餅飯。對嗰條清蒸海斑，老豆有以下評價：《我覺得條魚蒸得火喉岩岩好，魚肉剛剛離骨，d薑蔥夠多，豉油唔會咸，出去酒樓食呢條魚應該要$138，呢度$108連湯連飯連野飲，幾唔錯。》對嗰碟梅菜蒸肉餅，老豆又有以下評價：《我覺得呢道菜煮出80年代既感覺，當時我就係食呢d。佢d豬肉係真係用手剁，唔係用機攪，攪到一餅餅好似粉漿咁，呢個好有口感。》呢間餐廳令我有喜出望外既感覺，如果平時同差唔多年紀既人揾食，應該一眼都唔會望呢間餐廳。老豆俾既評價，我明，我真係明。我係度諗，畢竟我都開始大，開始體會到珍饈百味都比唔上一味家常菜更令人回味。

老公好喜歡呢間茶餐廳，星期六如果我冇節目，午餐通常都會帶我黎😋呢間冰室每次黎都好多人，通常都搭枱，不過佢地D午餐唔錯，有五款選擇，我今日就嗌左三號餐，薑蔥霸王雞脾姜蓉飯😋😋其實呢個價錢係旺角區已經係屬好扺，所以成日咁多人而且味道唔差㗎，我鍾意佢個湯夠火喉又夠熱辣辣，但好似冇落味精，唔喊嘅湯，而且仲有西洋菜味紅蘿蔔又新鮮👍🏻雖然個雞脾有DD鞋鞋地，不過唔怕，D鼔油同D姜蓉補上，也不錯老公個二號餐都係唔錯，白汁底有肉粒，分量又夠大碟，所以眼見好多麻甩佬來開餐

是日在油麻地辦完正事 在附近揾食先店子不大 桌子密集 加上適逢午飯時間 擠迫是必然的 但員工態度不錯 店子衛生情況也合理例湯- 節瓜甘筍南北杏煲唐排 湯不算細碗 而且湯料也足 飲完無口乾 不錯是日午市快餐- 椒鹽豬扒飯 $44 對快餐期望不大 但豬扒一入口 眼前一亮椒鹽味恰到好處 豬扒厚薄適中 份量亦不小 惹味抵食之選！是日午市快餐- 芝士焗香草免治牛肉法蘭克福腸飯 $47 OK餐可免費轉意粉 但飢餓的我選了飯汁料香 而且是炒飯底 香腸不多 但已很夠飽了 若論好味 會較推椒鹽豬扒飯！粟米蘑菇炒蛋方磚 $33 OK被openrice的照片所騙 以為是很「罪惡」的一道 但結果是蛋很薄 粟米蘑菇很少 而且整個都已經放涼了 多士硬硬的 失望😞有心菠蘿油 $22 被炒蛋方磚打擊後 加上這菠蘿油燒焦了邊的賣相 本無期望 誰知能收復失地 整個都是熱的！外皮香脆 沒想像中的乾 夾層的番茄 蛋加上牛油 清新與罪惡交融 讚！還是會再來的 小店加油～～

This cafe is nice, clean and friendly place, so I’ve decided to write a review about it. This cafe is family owned and operated. The staff is nice,courteous and helpful. Most of the staff can speak English and they even have an English menu. I have been there for breakfast which they have wide verity to choose from. Lunch specials which changes every day and they have a wide variety for tea time. They also have a set dinner menu which changes every day. A few of my favorite choices are sets: Bre

前兩日表弟請食飯，帶咗我嚟呢間餐廳。由於係lunch time，都幾爆棚，不過都好快有位坐。我地叫咗兩個快餐，表弟食嘅類似係咕嚕生炒骨嘅嘢(唔記得咩名)，試了一舊，d排骨冇雪藏味，調味酸甜度啱啱好，good！我叫嘅係 番茄牛柳拼咖哩班腩芝士焗飯，好夠芝士味，班腩夠軟諗，熱辣辣咁上嚟，令人胃口大開！另外佢地嘅服務態度真係要俾個like！員工冇話黑口黑面，都有少少笑容。老闆娘好熱情又有禮貌，又收銀又落手落腳招呼人，多謝曬呀thank u呀句句不離口。我地兩個人坐嘅係四人台，我嘅背囊又大又重，放咗在另一張凳度。佢地地方唔大，但客人較多，後來有一個食客同我地搭台。後來再有食客嚟，我諗住我將背囊拎開俾人坐啦。但個老闆娘同食客講叫佢等多一陣，好快有位。佢見我拎開背囊讓位，就話「唔洗啦唔洗啦，我都想你食得舒服d！而且入面已經有位啦！」講真，已經好耐冇食過服務態度咁好嘅茶餐廳，我真係為呢間爆燈第一次寫食評就獻俾佢啦，希望以後越做越好啦

同朋友去街前諗住食個早餐先去叫左個常餐😊佢同一般常餐冇分別都係包左多士同炒蛋不過佢哋有烏冬可以選擇嘅🤗🤗都仲有好多可以揀嘅 佢哋算係一間唔錯餐廳嚟架啦因為 侍應嘅服務態度都好好整體嚟講都算Ok最緊要係油痳地黎講乾淨🤗

喜鳳冰室油麻地上海街368號地下八時入席。開飯啦！叫了個蝦仁炒滑蛋，蝦仁有10隻左右，大大碟蛋，蝦也算大隻。例湯次次一樣，可不可以下次有D新意？好味的，只是太咸了。是否煲了成日了？有豬骨，小塊粟米，紅蘿蔔令湯很甜，只是煲得太耐太咸了。蝦仁比上次好一點，但還是不太新鮮。食得出落了幾多燒酒去炒的了。如果可以再新鮮點會給高些分數。壁畫自畫，有誠意。75元連湯加一碗白飯，做街坊生意，油麻地，好像貴了少許。

喜鳳冰室 G/F, 368 Shanghai Street, Yau Ma Tei 星期日懶懶地工作到2時多才去吃飯。叫了一客黑椒牛扒煙肉，本來不想寫Blog的了，心想只是普通茶餐廳貨色。首先，來一個玻璃汁黑椒，倒是第一次，一般的黑椒都是棕黑色的。忍不住要拍張照了。 味道是甜的，我是欣賞的，只是太甜了，只能給3分。 但精采的竟然是那個送的例湯，鮮甜，沒有味精，平實，贊！ 這才令我留意他們的裝修。果然是有心。 鋪仔細細，坐得也舒服。跟著撞到工作上的朋友，他們遲食飯，坐下叫了另外2個套餐： 蝦仁炒蛋，馬拉戔炒通菜。賣相A，蝦大大隻，菜味道剛剛好。 但是可愛的大蝦仁竟然出了小意外！味道變了，我們都冇食蝦仁，睇得不食得。希望餐廳可以留意番，因為其他方面真是不錯的。第二次去食下午茶，西多士弄得很好，夠多蛋！和他們傾計再發現到原來牆壁上的牆紙是他們自己畫了，再印出來，這些真是叫有Heart了。

一般人對扺食夾大件都予以正面評價。年紀越來越大，對扺食仍然追求，但對大件越來越有保留，尤其對於邪惡食物。喜鳯的鬼馬西多士用薄薄的兩片方包製作，非常輕怡。夾心的醬料可選果占、花生、咖央、藍莓、柚子、香橙。要解食西多的口癮，身體健康對邪惡食物的配額不多時，不仿考慮喜鳳。

喜鳳冰室，名稱與感覺，與上海街絲絲入扣。小店要用心經營，已淪為濫調。用心與否，在細節和新意。淺啡色調的餐桌與座椅，一塵不染的地板，冰室乾淨明亮。食物命名頗顯心思，「黃袍加身」是不同的蛋包飯，「日日有焗開」是焗飯麵類，其他還有「朝朝見麵」、「混醬厚多士」…..等。早餐之中有「用心波蘿油」，雖然波蘿油是十大邪惡食物，但好奇「心」用在何處？決定一會。波蘿包頗大，表皮柔軟，不是傳統的厚脆。經過煎烘，軟中帶脆，有口感和好感。最特別是在包之中，除了半厘米厚的牛油外，還有煎蛋和蕃茄片，令波蘿包加上七、八個趣。友人說香蔥咸牛肉炒蛋方磚也是美味但邪惡的家族成員，咸牛肉不是她杯茶，叫了個香蔥粟米蘑姑炒蛋方磚，店員溫馨提醒不是套餐，飲品另計。基本上香蔥粟米蘑菇炒蛋是個完美組合，蔥香蛋香粟米甜，方磚外脆內軟，實而不華，簡單中見用心。其實餐廳用心處處，先說menu，封面和封底是舊香港街景的單色線條漫畫，像武林秘笈。秘笈頂端還加了五個黃色醒目分隔，標明早、午、晚餐、下午茶、小食飲品等，方便查閱，盡顯手工和心思，茶記絕無僅有。全店最大特色是一幅巨型漫畫，重現昔日香港風貌；單層巴士、當鋪、唐樓、大排檔、龍爭虎鬥電影海