嘆甜品

营业中

休息中

朋友鍾意食甜品，帶我去 #嘆甜品，位於屯門青菱徑既甜品舖，餐廳擺放很多可愛貓咪擺設真喺超級可愛，店主應該喺愛貓之人，甜品非常吸晴，真喺打咭able! 珍珠滿盛愛玉最愛台式芋丸同黑珍珠，口感軟糯Q彈，愛玉晶凝通透且渦溜溜，感覺大滿足！榴槤忘返 + 桃膠足料既榴槤好香滑，配搭順滑桃膠，夠晒滋潤!小食: 炸魚蛋燒賣，炸過既魚蛋同燒賣好煙韌，BBQ 蜜糖雞翼好惹味。飲品拿鐵咖啡，嘆埋咖啡就最完美。嘆甜品 地址：屯門青菱徑3號東威閣地下G02號舖

今日去咗一間屯門，我好鍾意食嘅甜品店，第一次喺下午茶時段去食，原來佢係會有下午茶餐，選擇得好多，仲要可以連埋嘢飲，真係幾抵食😍焦糖脆脆香蕉鮮忌廉窩夫配曲奇味雪糕佢哋嘅窩夫真係我嘅至愛，每一次去都會好想食！佢一出到嚟個樣都已經好靚，砌咗一個笑哈哈嘅樣，佢哋嘅焦糖脆脆都整得好好，將入面所有材料同時間放入口去食，真係好滋味！🥰心太軟配曲奇味雪糕而佢哋嘅心太軟做得真係非常之出色！因為一切開入邊嘅朱古力醬就已經漏晒出嚟🤤加埋凍冰冰嘅雪糕一齊食，真係非常之正！😍兩個都係下午茶餐，佢哋都可以配飲品😚我哋一杯揀咗水蜜桃乳酸，另外一杯係芒果乳酸，兩杯都酸酸甜甜好好味！😋我哋都叫咗兩款嘅下午茶小食，包括喺BBQ蜜糖雞翼，同埋炸薯條，兩款都新鮮熱辣咁整到出嚟，非常之好味！特別係蜜糖雞翼，佢整得個味好夠，蜜糖亦都唔會太甜😋朋友見到佢有椰皇食，就忍唔住叫嚟試吓試下😌我哋叫咗「椰皇芒果小丸子」，芒果好甜，小丸子亦都好煙靭，加埋啲椰汁真係好好食🤤真係好推介大家去呢一間甜品店去食😚

同朋友仔好耐冇見，食完麻辣米線，想搵個地方食下甜品，傾吓偈，係虹橋呢間嘆甜品都數一數二岀名。好，坐低睇下有咩好食先。雖然呢度最岀名係窩夫，但今日想試下其他野，原來都好出色。珍珠滿盛愛玉，天口㷫，食呢個真係透心涼，第一啖好有驚喜，並唔係普通甜水，係有檸檬汁既，好fresh，頭先喉嚨仲有啲辣辣地，即刻爽晒！雪糕香蕉船配雲呢嗱、士多啤梨雪糕，好似番番去細路仔果陣，真係好色彩繽紛，colourful，厚厚cream仲有兩球雪糕，幸福滿滿！法式焦糖燉蛋配芒果雪糕，焦糖碎脆好甜甜，加埋燉蛋一齊食，又甜又香蛋味。除左雪糕，仲有奶油cream加餅乾碎碎，一個甜品有三種享受。

相信屯門區最出色既甜品一定係嘆甜品價錢唔貴, 選擇多, 而且坐得舒服8點幾食完飯呢度就開始爆場了,我地嗌左2樣甜品焦糖布丁配雪糕 $42呢個布丁勁出色, 原本第一下以為個布丁會好硬, 但其實佢係上面焦糖部份係硬係中間部份都仲係軟淋淋的, 成個布丁勁香既蛋香味, 質素拍得住日本食的配左既係曲奇雪糕, 曲奇口感同香味心太軟呢度最出名既就係呢個心太軟, 等得亦都比較長時間因為係即點即整哇 個朱古力勁流心!! 勁香既朱古力味而且配有雪糕, 呢一個揀左係榴槤雪糕榴槤味唔太重, 但係好香滑心太軟大推!!!

作為一個麻糬窩夫愛好者😂見到點會忍到呢😆尋晚喺屯門食飯所以留肚特登過嚟食， 唔好睇佢係一間小店但係賣相同質素都非常高🥰甜品嚟到嘅時候我真係好surprise因為比相裏面現實版係更加靚， 整到好似個花仙子咁😂靚到真係唔捨得食☺️而且佢哋嘅Toppings 你自己可以加入奶蓋同埋麻糬添，佢哋一份甜品兩個人都夠食份量超級多🥳除咗甜品🍧🍨之外我哋都叫咗兩份小食同兩杯無糖嘅嘢飲， 炸🍗雞翼炸得好香口而且好乾身一啲都唔油膩， 豬皮蘿蔔魚蛋🍢啲魚蛋大大粒雖然係小食但係份量都好足😊下次試埋佢其他甜品， 佢哋有好多種類數都數唔晒😂

天氣咁熱除左飲奶茶消暑之外我諗甜品舖就係另一個唔少人既選擇啦🍨呢間嘆甜品之前已經有食過，所以今日自己一個收工淨係想輕食一下就諗到紅橋呢間甜品舖除左有甜品仲有小食🍢。🐒蒜味鹽焗雞腎(6件)💰$26🐒蒜蒜蒜辣雞翼(4件)💰$28本身無諗過佢地有咁多熟食選擇，但一睇連椒鹽粟米都有🌽真係好特別，如果好似我咁唔想咁油膩唔食炸物既話都有各款口味既雞翼同埋唔同嘅小食可以揀，就好似我今日食嘅呢兩款雞腎同埋雞翼佢哋都整得好入味，而且價錢仲非常之親民🤩。🐒桃膠雪燕椰皇(熱)💰$58甜品方面雖然天氣好熱，但係我都揀咗一款好滋潤嘅椰皇🥥佢嘅桃膠同埋雪燕係另上，咁樣好方便我可以食到蛋白同時都食到桃膠同雪燕🥣唔會要我食晒上面啲配料先食到下面啲蛋白，呢個位好sweet，而食落都唔會太甜同埋even我食哂啲小食先食椰皇佢都無凍左♨️

好少見甜品店下午三四點已經坐左8成客人流已係信心保證👍🏻椰皇楊枝甘露🥥🥭拆開食同加埋一齊食都得！加左球芒果雪糕🍦椰皇鮮奶蛋白非常滑，好清新😋楊枝甘露加埋一齊食口感非常特別，鮮甜配淡香👍🏻夏天食一流！芒果蘆薈小丸子芒果好新鮮，夠甜👍🏻另加左雪燕同椰果，口感更加豐富😊鮮果飄雪🍉🥭🍈好繽紛👍🏻生果都係好甜好新鮮既😋再配埋牛奶雪花冰，冰凍又鮮甜！整體黎講，係一間性價比高，難得地食物質素亦都幾高嘅甜品店😊座位都算多，好適合夏天gathering👍🏻

天時暑熱，想同男朋友搵個透心涼嘅地方歇腳，意外發現間位於屯門紅橋嘅甜品小店。幾十蚊嘅價錢就可以享受高質雪花冰與繽紛多彩的窩夫😋🧇焦糖酥脆香蕉奶油窩夫（$58➕$2豆腐味雪糕）即叫即整的窩夫裝點焦糖香氣十足的酥脆表層，搭配鬆軟柔潤的新鮮香蕉片和細緻綿密的奶油。視覺與味覺的完美結合，令人難以抗拒。下午茶時段享優惠價錢，仲包埋一杯野飲🥭芒果飄雪（$62）這款雪花冰成就芒果的豐富層次與清新滋味。牛奶雪花冰的柔滑潤澤，搭配芒果的香甜濃郁，以及金柚肉的微酸爽口，讓每一啖都彷彿置身芒果雪景🍨和風飄雪（$58）融合多種東方經典元素。牛奶雪花冰的細緻柔滑，與麻糬、甜煉奶、紅豆及黃豆粉的芳香醇厚交融，再配上雲尼拿雪糕的清爽，呈現出和風特有的溫潤甜美

🚇交通：乘輕鐵到景峰站，過馬路下斜波，就在齊記美食旁邊。🏠環境：室內面積不大，座位分左右兩邊，以白色為主調，牆上有許多貓貓裝飾，看來老闆也是愛貓之人。🤵🏻服務：QR Code下單，不收取加一。🍽️下午茶：提供各款中西式甜品或小吃。🥭芒果飄雪🍨 $62牛奶雪花冰加上粒粒鮮甜芒果肉、柚子肉、芒果醬和芒果雪糕🍦，整體清甜冰涼☺️，是消暑良品。🍫榛子朱古力石板街窩夫🧇 $65 + 麻薯$6自選一球：朱古力雪糕，賣相十分吸引🤩，有粒粒爆米花🍿、杏仁片、四格窩夫🧇淋上朱古力🍫醬，內有軟綿的麻糬，窩夫🧇口感較鬆軟，整體來說不錯👍！🍵果漾蜜桃●烏龍（熱）$8普通熱茶一杯。🥢台式拼盤 $45有炸雞🍗、炸花枝丸和紫薯波波，三款都炸得外脆內軟，😍最喜歡花枝丸，有章魚🐙肉，十分彈牙爽口，雞塊夠酥香帶點黑椒鹹味，很好吃😋！

屯門中西式甜品小食店台式拼盤 $ 45分別有地瓜球3粒＋炸花枝丸3粒＋鹽酥雞 配泰式辣醬，佢仲有好多種唔同嘅拼盤，令到你可以一次過享受到唔同種類嘅小食，所有炸物都炸得啱啱好金黃香脆，地瓜球餡料夠晒豐滿，一咬落去超級香，鹽酥雞都啖啖肉夠晒Juice！香芒蜂蜜水晶 $ 43甜品一定要嗌，芒果夠晒新鮮香甜，加埋蜂蜜水晶真係一個好好嘅配搭，淡淡嘅蜂蜜香氣配上鮮甜嘅芒果兩種味道真係好配合！大小團圓（湯圓＋小丸子）（熱） $33另一個我哋叫咗熱嘅糖水，係傳統嘅湯圓，有花生味同芝麻味湯圓揀，熱烘烘嘅薑汁糖水底，配上大大粒嘅花生湯圓真係好滿足！榛子朱古力石板街窩夫 $65最後我哋都叫咗一個窩夫，佢有唔同嘅雪糕口味可以配搭，我哋就揀咗豆腐雪糕 +$2，另外一定要睇一睇一定要喺窩夫內加麻薯 +$6，因為成個層次口感真係會更上一層樓，榛子醬淋晒喺窩夫嘅表面然後一口咬落去配搭住煙煙韌韌嘅麻糬，隨着朱古力醬同雪糕滲透落去窩夫同麻糬入面，真係超級滋味！嘆甜品 (屯門)屯門青菱徑3號東威閣地下G02號舖

坐落於屯門的「嘆甜品」近日推出了令人目不暇給的期間限定甜品 - 「岩鹽奶蓋無花果乾麻薯窩夫配日式焦糖燉蛋」。這道精緻誘人的甜品融合了中西元素,無疑會令味蕾大飽口福。首先,窩夫內裡綿密濕潤,配以香醇可口的岩鹽奶蓋,整個組合相當唔錯。無花果乾同乾花則為窩夫增添了自然甜蜜的風味同花香,而加錢增加嘅麻薯碎更為整盤添上了特有嘅口感層次。而最值得一提的,莫過於精心製作的日式焦糖燉蛋。蛋味非常濃郁順滑,溫潤滑嫩,令人回味無窮。加上表面的焦糖層,增添了一股微苦的餘韻,完美平衡了整道甜品的甜度。整體而言,「嘆甜品」這款期間限定甜品集中西美味於一身,每一種元素都能充分爆發它的特色,從視覺到味覺,都能帶來極致的享受。

我每次嚟虹橋都係睇中醫我唔係屯門長大，但我每次過嚟虹橋都會幫襯依間舖頭📍嘆甜品 舖仔細細，坐位唔算多，但係坐落都幾舒服❤️舖頭有好多貓貓佈置❤️店員有禮貌❤️我每次嚟到都係食窩夫大件埋樣唔錯依間窩夫即叫即整

甘岩黎到屯門搵朋友佢介紹我食依間嘆甜品一齊食個下午茶我地點左幾款甜品同小食估唔到下午茶套餐做到7 點好抵食！店內好多貓貓裝飾有各種神態好可愛🧡港式脆脆。奶醬丹麥吐司奶醬好足料多士夠厚身又鬆軟面頭仲有d 焦糖脆脆完全係邪惡之選所以我揀左個豆腐雪糕清清地無甘膩～🧡鮮果飄雪好耐無食過棉棉冰～～棉棉冰係牛乳味再配上多款生果有士多啤梨，提子，西瓜，火龍果等等夏天熱個陣，食依個真係透心涼～～🧡腐竹薏米雞蛋糖水腐竹煮到溶哂配搭薏米一齊食正！仲有大大隻雞蛋～🧡鹽酥花枝丸花枝丸食落外脆入面仲有大大條花枝面頭灑上椒醬粉都夠味🧡藤椒麻辣雞翼面頭灑上辣椒碎雞翼入面嫩滑唔乾唔錯🧡白桃烏龍🧡金鳳鮮茶店內仲有多款果茶選擇食左甘多甜品梗係揀番d 無糖平衡一下

今次二訪屯門糖水舖「嘆甜品」，原來宜家有下午茶套餐供應，價錢更划算，決定叫多啲當晚餐 ❤️上一次試過竹炭黑芝麻窩夫，今次轉換口味試一試 🧇 岩鹽拖肥Orea鮮忌廉窩夫，拖肥醬和Orea餅乾配上外脆內軟窩，甜度適中，口感豐富。另一款甜品 🍵 伯爵茶心太軟配雪糕，切開流出朱古力，流心心太軟合格 💚 入口香濃茶味，不會太膩！最優惠套餐一定係小食🍟大多數都半價！藤椒麻辣雞翼炸得香脆，灑上孜然粉和辣粉，香辣口感越食越上癮。佢算唔算辣得呢蒜蒜辣雞翼 ；叫埋炸魚蛋燒賣，食得飽飽💕

ෆ 嘆甜品 ෆ 今日去咗屯門食宵夜😋朋友介紹呢間甜品小店～聽個名諗住應該全部都係食甜品點知原來都有好多小食選擇😍我就揀咗我嘅最愛芒西🥭💖好多芒果 粒粒都好甜另外仲試咗椰汁紫米露 傳統糖水真心冇得輸🍧@tandessert ෆ 嘆甜品 ෆ 屯門青菱徑3號東威閣地下G02號舖#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先