嘉豐點心專門店

营业中

休息中

講嘢食質素、味道、賣相之先，餐廳食物衞生更加係基本。一坐低見枱面有隻曱甴想調位，我都未不滿嗰隻曱甴，個阿姐店員竟然搶先冇禮貌聲大大咁講：「車曱甴，正常啦！」聽見佢講正常梗係非常驚訝，繼續應佢：「吓正常？」佢繼續非常冇禮貌兼趕客咁講：「你屋企都有啦！」跟住就望住佢一路眼超超𠵱𠵱哦哦。嚟食餐飯姐，撇低態度，呢間鋪對於食物及環境衛生之見解，真係令人嘩然！！！即係去得小店唔係要求你打晒蠟咁，但都唔係咁串咁冇品？？？各位睇路啦！

I had a terrible experience at this restaurant. The staff were more focused on eating their own food than serving customers. No one bothered to guide us on how to order or pay, which was infuriating. To top it off, the rudeness and impoliteness of the staff made us feel completely unwelcome. This place needs a serious wake-up call. If they can't treat customers with basic respect, they don’t deserve anyone’s business. Avoid this restaurant at all costs!我在這家餐廳的經歷非常糟糕。員工們更關注自己吃飯，而不是為顧客服務。沒有一個人告訴我們

去香港住酒店，一起床打算去附近食少少野就去拜年，點知偶遇一間設早茶又有茶記美食既點心餐廳~就你啦🤩一睇到餐單，眼仔都放大左👀太平啦‼️居然系香港找到甘平既早茶，每樣野都系20幾蚊😆餐單最最新奇既系有「鵪鶉蛋燒賣」，入面有2粒鵪鶉加上蝦，真系好特別，一入口爆汁，蝦的鮮味，加上鵪鶉蛋白既微甜上同蛋黃既微咸，多重體驗刺激味蕾，系幸福啊哈利❤️！「滑雞扎」好似鮮竹卷，不過入面有好多滑雞，一口實現肉肉自由，而且帶有鮮竹卷既鮮甜多汁🤤其他菜色都在水準之上！比起好多酒樓更好食！

.九龍城老字號 之外賣！🏍️feat. #嘉豐點心專門店 （九龍城）.老字號嘅嘉豐點心專門店單單係九龍城同一個area就有幾間鋪頭.. 你都知幾旺㗎啦..今次買外賣返去孝敬兩老😆..買咗比較出名嘅兩款菜色.1.原汁牛腩飯 $52✅✅✅✅✅.呢個價錢份量都真係幾足下..佢嘅牛腩部位同切法都有別於其他食開嘅牛腩..切法好似切平時啲「燒腩肉」咁..加埋佢每塊都有肥瘦分佈..口感真係唔話得.. 牛香味好出🥹🥹..瘦肉唔算太淋.. 但肥膏基本每塊都有就中和咗個口感.. 顯得好好入口...加埋面頭嘅炸蒜 & 附送嘅辣椒油.. 呢個真係必點.. 又係第二個層次...由於齋餸會貴好多.. 所以我就叫咗牛腩飯.. 呢個份量係本身叫呢個飯就會有嘅量.. 其實好夠..大概160g淨肉.飯我無計kcal.. 佢有比一盒滿滿嘅飯 有350g..大家自行計算啦🤣.2.蝦餃皇✅✅✅✅✅$45.份量都係唔話得..最surprise係佢嘅餃真係皮薄餡多..🫡唔膩..蝦鮮彈牙.. 又大粒..真係幾高質..個人覺得都推薦！.卡路里係per dumpling..平均一個50g.結合味道 & 價錢.. cp值佢哋係真係高嘅..

食就食過呢間好多次但係食評就真係第一次寫九龍城之前有好多細間嘅點心舖，宜家執得嘅都執晒疫情嗰陣想飲下茶食下點心/發掘到呢間懷舊兼即叫即蒸嘅點心舖頭外賣同堂食都咁唔錯/價錢都親民大眾化以下就係經常嗌嘅嘢✨雪山叉燒包/雖然新式嘢但係大大個好食✨鮮蝦腐皮卷/外面好脆/炸到好乾身✨鮮蝦菜苗餃/係非常之大隻/一啖係擺唔晒入口/我諗呢間可以話係九龍唯一蝦多過菜嘅菜苗餃✨家鄉鹹水角/好煙韌/餡都算多/可能因為咁所以都好油✨米皇布拉腸/腸粉皮好出色/就咁豉油已經好食✨蘿蔔糕/就反而麻麻地/比較粉

九龍城 經常幫襯嘅 點心店其實疫症期間見到好多小店執笠😢過咗依兩三年都可以屹立不倒嘅小店, 咁證明佢有返一定嘅實力同吸引力👍🏻以前喺附近返工 午餐都會同同事過嚟食吓點心…轉咗工之後就少咗過嚟Lu 雖然隔咗一段時間冇幫襯 都keep到水準👍🏻我哋今次三個人 叫左7樣嘢燒賣棉花雞 我最鍾意就係食棉花(魚肚)😍吸晒啲汁最正鮮蝦菜苗餃 推介👍🏻好足料鳳爪排骨飯鮮竹卷煎蘿蔔糕 呢度啲蘿蔔糕係偏淋身少少 味道一般 (我個人就比較鍾意啲硬身少少)春卷好脆 即叫即炸

好多酒樓、點心舖都話自己啲點心係即點即做，究竟又會有幾多間真係咁做，不過呢間我信！之前有個朋友推薦我食呢間既點心，位於九龍城叫做「嘉豐點心專門店」，試過第一次之後，好快就再嚟食第二次，因為真係幾好食，仲要價錢大眾化。佢哋除咗蒸既點心係即蒸之外，啲炸嘢都係即炸，嚟到樣樣都熱辣辣，其實每樣食物嚟到夠熱就已經加分。飲茶我最鍾意食就係沙律明蝦角，但係都唔容易食到，好似好多地方都唔興食咁。居然呢到有得食，勁like😋 ，而且仲要幾好食👍🏻。沙律蝦角、鮮蝦腐皮卷同至尊蝦餃皇，我覺得係出色👍🏻。脆皮韮菜餃勁大隻，食一件都夠喉😅。流沙奶黃包同埋黑椒蒸爽肚正常嘢，算好食。不過有兩款點心我唔係咁鍾意食：豉汁蒸鳳爪，唔入味，豉汁同鳯爪好似分開咁。另外一款就係蝦子燒賣皇，無論味度、口感都唔鍾意，淨係得個大粒，吸引唔到我。

嘉豐點心專門店地址: 九龍城啟德道19號地下呢間點心專門店喺九龍城都幾出名，同區開咗兩間舖頭，都睇得出佢好受街坊歡迎，朝早去到都坐得幾滿。 🍖🍤蟹子燒賣皇 $30呢度嘅燒賣比較偏傳統嘅味道，係完全似足係細細個去酒樓食點心嘅味道，燒賣偏乾身有少少甘味，但係都食得出佢豬肉切肉嘅香味，同埋蝦嘅鮮甜。🥟🥟鮮蝦菜苗餃 $26呢度係菜苗餃好大隻，裏面有好多蝦，但係就唔係好夠菜，可能唔夠濕，食完之後個口有啲有啲口渴。另外個皮有啲易穿。🍘🍘家鄉鹹水角 $22呢度鹹水角係必食，佢炸嘅熟度啱啱好，個糯米皮唔會炸到太乾，食落去好煙韌，而且佢個餡好香冬菇同肉碎味，男朋友係一路食一路笑，佢都未試過對住我笑到咁。🫔🫔濃湯鮮竹卷 $24呢度鮮竹卷個腐皮好香口，但係食落去又唔會好油，我覺得應該係喺佢個上湯嘅味道朔晒入去啲腐皮度，令到佢爽口得來唔會太濕，另外入邊嘅餡都好好味，好足料。🥓🍗香茜牛肉腸 $23呢度個腸粉皮做得非常之滑個原因係因為佢真係落得幾多油，但係食落去你又唔會覺。入邊啲牛肉就不過不失啦，最出色依然係佢嘅腸粉皮。🍰🍰香滑薑汁糕 $21食落去唔會太甜，而且好煙靭，佢嘅千層做得好出色，食落去一層層口感好好。千

九龍城出名係搵食首選無論泰菜、串燒都係香港出晒名同同事OT完之後都唔例外衝去九龍城食好西🤤.行行下無啦啦比我發現到呢間點心店舊式裝修 睇落好似唔錯一於入去試吓先!.入到去啲枱唔多 又有少少密好在我地宵夜時段食客只佔舖內一半 唔會太逼.Menu就係點心紙 選擇唔算好多仲有一張牛腩麵menu 應該係隔離舖煮完會拎過嚟果種!但我一心黎食點心架嘛🤣 唔會比佢distract左.芝士蝦春卷外面脆卜卜 入面熱辣辣食既時候要小心🤣.香茜牛肉腸腸粉皮又薄又滑裡面既牛肉滑脫脫 又juicy配埋少少既芫茜香 豉油又甜甜地好match 正🤤.燒汁茄子炸完之後勁脆 有煎釀三寶既感覺軟林林 勁好食.古法馬拉糕比起出面既馬拉糕偏深色好重黑糖味 甜甜地幾好食🤤.鮮蝦菜苗餃餃大大隻 蝦肉彈牙 菜又多 食落感覺健康🤣可惜皮太濕 筷子一夾就爛.黑椒蒸爽肚同個名一樣 真係好爽口 口感又滑食得舒服.山竹牛肉球牛肉有淡淡芫茜香 又滑溜入面粉紅色 蒸得岩岩好.豉汁蒸排骨排骨好入味 又滑 肥肉較多.藥膳鳳爪好濃嘅藥材味 鳳爪起晒膠食到啖啖骨膠原 美顏一流👍🏻👍🏻👍🏻.總括嚟講 點心抵食夜媽媽10點幾仲可以食到咁好味既點心真係冇得頂

今日同事帶我嚟九龍城食點心佢話呢度點心好食又抵食嚟到有兩間舖都叫嘉豐睇名一間係點心，一間係粉麵原來兩間都可以飲茶，同事話粉麵果間闊落啲-呢度格局都係街坊飲茶聚腳點咁，好地道睇睇點心紙，都幾多選擇而見到隔離枱食緊牛腩河除咗點心仲可以叫粉麵，幾方便～-落單後等咗陣先有野食，呢度寫明即叫即蒸茄子釀魚肉厚切茄子，魚肉份量十足，食落啖啖肉蝦餃皮薄餡靚，蝦夠爽同彈牙唔係間間有嘅鵪鶉蛋燒賣好大粒，蛋夠香，下面的豬肉鮮嫩多汁燒賣皮薄餡料十足，肉質鮮嫩桂花椰汁糕賣相吸引，桂花同椰汁好香，甜道剛好雷沙湯丸外皮有黑白芝麻香氣，食落酥脆糯米皮非常煙韌，餡料係黑芝麻整體點心不錯，價錢實惠茶錢$6仲免加一，可以再來～

燒賣是早茶必點，上面有魚籽增加口感。燒賣肉緊實，一隻兩啖搞掂。鳳爪皮軟，夠腍夠入味，醬汁惹味。腸粉皮都滑，份量都夠兩個人食。蝦餃皮有少少厚，入面的餡都夠彈牙。總體好抵食！

同朋友行完山想飲茶，就來左嘉豐呢度，平時睇距都好多客人架啦，因為確實又平又好食。我地叫左成圍台就知道有几抵食啦。滴點心真係一流，菜苗餃皮薄，蝦又好食。滴豬手比較軟糯入味，最緊要個生菜，好好味，五同平時滴耗油的感覺。

一個人收工到呢間點心專門店點左雲吞麵及油菜，之前都有去食過，食物質數ok。惟今次問伙記攞杯滾水居然話要計茶錢！試問出去任何餐廳叫侍應攞杯水都唔係過份！？又唔係要添茶點解要收茶錢？真係離哂譜！

因要到九龍城睇中醫，便打算在九龍城飲茶，見網友們推介這間便試一試。 我叫了叉燒包、蝦餃、 鮮蝦腸粉、 燒茄子、四寶雞扎、和煎蘿蔔糕。 蝦餃的餡料滿滿是彈牙蝦肉，皮的口感煙韌但略厚身，味道ok。 鮮蝦腸粉的皮口感ok。燒茄子茄子不是淋身有咬勁， 鯪魚肉嘅面料ok有葱味， 唯獨炸得唔夠脆。 四寶雞扎的餡料有魚肚、雞柳、 火腿和芋頭，魚肚和雞柳juicy，芋頭也很好吃。 今餐最好吃的點心。 叉燒包和煎蘿蔔糕的味道得一般般。整體覺得點心ok，帶有懷舊的味道 ，我會再幫襯。

其實九龍城就唔係得泰國嘢食嘅，今次就想推介下呢間👧🏻間唔中去點心舖😏🌟至尊蝦餃皇蝦餃係超級大隻飽滿！保守估計都有最少兩隻蝦🦐。蝦餃皮薄晶瑩剔透，在澄麵加持下份外煙韌。蝦肉彈牙，調味適中唔會太重胡椒粉味👍🏻🌟鵪鶉蛋燒賣鵪鶉蛋燒賣喺酒樓買少見少，呢到有得食緊係要食下！燒賣底層嘅豬肉唔鞋口，加埋鵪鶉蛋嘅蛋香，所有罪惡感拋諸腦後。肥豬肉比例唔算多，碟底冇咩油（試過喺點心外賣店買成碟都係油😖），可以放心食😝🌟雪山叉燒包講真佢就冇某雪山叉燒包創始介店咁好味。墨西哥包柔軟，外皮酥脆。叉燒包內餡醬料唔太足夠，較為乾身🤏🌟鳳爪排骨飯飯蒸得乾水粒粒分明，充滿米香。鳳爪排骨醃得入味，份量頗多，加上調較過嘅鼓油，真係會忍唔住食多幾啖飯🍚