嚐越 (已結業)

又接honey收工，係附近都間間食到慣，今晚就食越南菜，同佢一齊食咩都特別開心。兩個人叫一個大蝦撈檬，略覺蝦少咗d酸牛肉湯，我中意酸味，飲咗好多，honey就麻麻了。仲有大蝦菠蘿沙律，賣相幾靚，菠蘿夠甜，樣樣都好味，唔係點做我哋飯堂唯獨是d侍應叫極都唔理你，睇到當睇唔到

好少可食越南野會遇上咁差嘅一間。本人住九龍，因此會經常在該區搵野食，因為比較中意食粉麵所以越南野係我地嘅不錯選擇。膽粗粗上開飯喇搜尋該區的越南野，跟手就出左呢間，見近近地就一於睇場戲再黎食個飯啦。一睇完戲就馬上黎呢到喇，由於已經差唔多9點所以冇咩點等位就有位了。一坐低即刻叫左個芒果沙冰先，嘩 一飲就出事，如冇記錯呢個沙冰索價接近50元，怎可能比如此食材，最基本應該要比新鮮芒果啦，所做飲左兩啖就直接放棄了！得個甜字，用果汁開的，本人覺得呢個價錢應該要拍得住許記先好！另外我友人叫左杯青檸梳打，味道正常,我唔加以評論了叫左個魚沙律，尚算即唧即整，係腥左小小手，而且炸粉太多了！食上去感覺食粉多過食魚，冇記錯索價118/128仲要再加一😥食越南野當然要食番茄蟹粉湯檬啦（個名應該咁上下）索價過百。番茄湯不夠濃郁,蟹肉或蟹粉都食唔出，所以太碎掛。我覺得湯一定要夠濃先好食的，否則就唔洗食番茄湯了。再叫左個拼盤啦，有庶蝦，蒸粉包，春卷。粉包太油了，而且內裡的肉碎太多，咬落口很「銀」我覺得可以有好大空間，春卷係全晚最好食的，夠香脆，味道同其他越南店差唔多！總括，冇下次的一間越南野

嚐越位於德福廣場2期, 即係UNIQLO果面既廣場, 今日黎到大概晚上8:15 , 入面已經滿座. 不過出面唔算好多人等位, 大概10分鐘到就入到去秘製肉骨茶 $88其實個人未試過真正既肉骨茶係咩味道, 不過朋友話正宗應該係好重藥材味, 而呢度既肉骨茶色水好深而且味道都幾濃, 味道適中不過唔係藥材味濃綜合左朋友+個人既感覺, 唔屬於正宗既肉骨茶味, 如果想飲正宗既肉骨茶呢度未必滿足到大家!🙈平順札肉撈檬 $68撈檬汁重要以碎辣椒, 蒜茸, 青檸/檸檬汁, 魚露, 糖, 醋同水等等製成味道唔辣帶有少少酸酸地, 夏天唔想食熱辣辣既粉麵叫一個的確幾開胃!👍🏻👍🏻👍🏻撈檬食落味道都唔錯, 中規中舉唔算太有驚喜💮不過比個小Tips大家~~因為撈檬汁有一粒粒既關係, 個出口位比d一粒粒完全塞住晒, 感覺有dd污JO🙁🙁🙁, 所以強烈建議大家直接抆開個蓋倒出黎!香草燒蝦餅 $68原來個名叫燒蝦餅, 一直以後係炸蝦餅.. haha😅食落唔算好香口似係輕輕煎過, 味道一般, 點埋個雞醬食會好味d咖哩麵包蝦🍞🍤 $108呢個咖哩麵包蝦賣相真係幾吸引! 😍😍😍切開麵包麵面既咖哩溢出, 咖哩唔算好傑身味道一d

約左個朋友睇早場，專登早少少嘆個早餐先！喺德福兜左個圈都唔知食乜，見到嚐越有個宣傳牌，就上去睇下，見無乜人，時間又差唔多，就入去食。好耐無食過肉丁麵，都知其實好唔抵，但係真係太想食，就蓋住價錢叫左！店員都貼心既，問我隻蛋要全熟定太陽蛋，黎到賣相整齊幾靚仔，可能因為塊生菜😂麵底係出前一丁麵，似屋企煮咁。奶茶不過好失，碎冰太多，愈飲愈淡！始終要面對現實，40蚊一個早餐當然就唔抵啦，不過都明白租金貴，10年都唔食一次都ok啦！

德褔商場2期正值改革中, 所以已有好幾間食店租約期滿後不獲續約.  我住附近多時但從未幫襯嚐越, 今天反而是同事很喜歡越南菜所以特地來試.  不知下次再來嚐越是否仍存在.  午餐時份在附近的幾家食店要輪侯是司空見慣, 還好嚐越的服務員態度不錯, 等亦甘心.  不到5張枱我們就被安排坐下.  我們都爽快地點了自己想要的午餐.我要的是"鮮黃牛脊河粉", 午餐$77(另加一)包一杯熱飲(凍飲加$3)再包一個小食 - - 我要了炸雞槌.同事點了"牛肉撈檬", $75(加一)我的鮮黃牛脊河粉是薄薄的半生肉片, 湯底很清淡, 是我想要清清地的口味, 不過有些人可能會嫌太淡.  但我就反而寧願淡也不想太鹹.  炸雞槌是小小一隻, 恰如其分.  我亦試了一件同事的牛肉, 想不到亦很林.  同事要了炒菜作為跟餐小食, 可是太油, 吃不到一半就放棄了.每人80多元的一個麵食午餐, 雖包飲品及小食, 我覺得有點over priced.  我看其他網友的食評, 同一個午餐幾個月前才$65.  我認為價位在60多元會合理得多. 

今日黎到九龍灣行下街打下機夜晚發現原來德福廣場有得食#越菜！！就試下你啦～😂😂#南乳吊燒鷄隻鷄原本都已經好入味皮薄香脆 一d都唔肥(岩曬怕肥女仔)👏加上南乳一流！😍😍😍😍😍哈哈～我試果陣重要50%off！！！ #原隻菠蘿咖喱海鮮炒飯真系足料菠蘿好多菠蘿同蝦酸酸甜甜夠2～3個女仔食😉😉最後 #春卷炸蝦(5記得真明)配左個特製汁都黎開胃～*ps～一定要熱食啊！😔(小編當時食完飯先食，有小小林左)整體都ok而且價錢又抵食😜順路可以去試試😝😝

天氣有點熟，想吃清淡的菜，來到德福二期自然而然来到嚐越。   嚐越是位於四樓一處當眼的地方，白色的外圍有夏天的原素，有視覺享受。 地方空間大，非常舒適。周末中午期間，有九成位子已經坐滿，好在不用等位便安排入坐。    有女侍應穿着越式的服裝，非常養眼。不想考慮太多， 叫了午市Lunch Set;A) 越南厚切扎肉(小食)+嚐越脆春巻捞檬+百香果梳打=HK$75.00/Set; B)網絲蝦巻籃(小食)+炭燒豬頸肉撈檬+百香果梳打=HK$72.00/Set。小食越南厚扎肉只是一小片, 扎肉雖有伴菜，但是，一看表面上一層油，咬下去也很肥腻。   相比之下, 小食網絲蝦巻籃(3件)扺食許多。起碼有3件，非常香口，外表炸的好像芋角，咬下去煙韌，蝦味重。主菜-嚐越脆春巻捞檬,味道清新, 春巻已切開, 不像中國春巻, 咬下去比較少了香脆,多了一份煙韌的感覺。滑身的捞檬再加上桌上的捞汁倒入碗入, 非常好味。 主菜-炭燒豬頸肉捞檬的豬頸肉燒得很乾, 雖說少了豬頸肉的香味，但完全不肥膩。當然也少不了捞檬汁帶出捞檬的香味, 生菜的份量也不少。 配上炸蒜後，相當醒胃。我們都不約而同的點了百香果梳

阿囡今晚話想出街食，於是我地兩公婆就去咗阿囡公司附近嘅德福商場邊行邊睇吓有咩好食 行行吓阿囡就到，於是我地就齊齊睇吓有咩啱食，就後就揀咗呢間餐廳 入到去坐低後就見到呢個牌，咁有半價就梗係要試試，於是就叫咗半隻嚟試吓 送嚟時個樣都幾靚，份量唔算少，食落皮脆肉嫩，咬落仲有鮮甜嘅肉汁，滑溜之餘亦好入味，廚師調味及廚藝確係有一定水準，另外南乳醬汁亦十分美味，不會太咸外更帶點甜，我最為喜愛，單食或送飯食都係一流 讚！阿囡亦叫左水晶軟殼蟹米卷，味道咸香得宜，軟殼蟹炸得香脆可口，米卷軟糯清香，加上甜甜酸酸的醬汁下，尤覺滋味無窮 老公就揀咗咖哩麵包蝦，有成幾隻大蝦，仲有青椒、紅椒同翠肉瓜，麵包更吸收晒啲咖喱汁，輕咬蝦肉又爽又彈又滑，而蔬菜也很爽口，食起來層次豐足又夠飽，啱晒鍾意海鮮又鍾意食麵包嘅老公大人 之後阿囡仲叫咗個原個菠蘿咖哩海鮮炒飯，呢個飯份量十足，有成6至7碗飯咁多，入面仲有帶子、鮮蝦、蟹肉、菠蘿、紮肉、提子乾同鮮菠蘿粒，食落鮮香十足，而且仲有2大隻勁爽口大蝦，真係幾好食 一輪食食之後就被我地大食一家掃清光，呢餐幾好食，又坐得舒服，唔錯唔錯

昨天我跟小朋友去了位於Kln Bay的一間餐廳：嚐越，生活裡面總是有很多的挑戰和新的嘗試，我是一個用於挑戰的人，經常會突發奇想的品嘗新的美食、來一段新鮮的旅程、發展一個奇怪的朋友等等。嚐越的半隻南乳吊燒雞，顏色方面看起來真的系好靚咯，而且每一塊肥瘦均勻，大小平衡，以前的我是不喜歡南乳的味道的，但系尼道南乳吊燒雞令喔覺得南乳的味道都系好好味，吊燒雞的雞皮部分不會燒的過火，食起身是很香嘴的，而且吊燒雞的肉質也冇一般燒雞的那種嚡嘴的口感，燒過後的雞肉沒有了太多肥油的緣故，不怕油膩，搭上酸酸甜甜的醬汁真系令人食指大動，忍不住食多咗幾快。杭報香芒很糯米系小朋友要點嘅，心的造型睇落好吸引小朋友，黑糯米也是很有口感，甜甜的味道小朋友好鐘意。咖喱麵包蝦，簡直系小朋友殺手，一直都話要食哩個，好趣致，裡面的咖喱蝦都系十分的入味，蝦的個頭還算可以，外表的麵包拌咖喱都好食。

復活節前夕，費事再煮飯啦, 一於出街食~去左德福第二期的嚐越 (搬左位，之前係角落的) 好彩未到七點就到，唔使等就有位我地食完之後已經排左好多人~呢度有成張園枱，適合一家大細亦都有4人卡位，可以情侶對坐~ 眼見2個人一張枱都無話要搭枱，OK啦~是晚以飽肚為主，阿囡又唔係好食得辣~所以叫左2個粉~鮮黃牛脊河粉~湯底幾好味，不過牛脊肉略厚，全熟後就有D 嚡同 UN~唔係想像中咁滑~牛河中有唔少芽菜同3粉蘿蔔，蘿蔔幾淋幾入味，不過好細舊，多D就好了~HAHA 呢度既小食同粉麵差唔多錢見叫個豬扒小食都 八十八蚊，咁不如叫個豬扒檬粉啦~豬扒有濃香香茅味，而且好淋，阿囡差唔多一個人食哂~@@ 檬粉唔會淋到一PAT PAT ，混埋牛脊肉河的湯底，好好的配搭~ 嗜辣的朋友可以叫待應攞番辣醬(是拉差醬) , 因為枱面無放的~呢個係我食越南必備的~ 少少辣吊吊味，成個粉即刻好味哂~是日見好多人都叫雞，原來做緊特價~我地都唔執輸，叫左半隻 (特價HKD 80) 南乳吊燒雞上枱時已經被佢D脆脆皮吸引啦~ 皮好薄，又唔多膏~因為似風干，唔係油炸，所以一D都唔油膩而且雞肉仲好嫩滑~南乳唔係搽好先燒，而係分開沾，不

病左成個星期，食藥食到口到苦埋，趁住好番D梗係同朋友食餐好喇!!!朋友十分細心，帶我食越南野，酸酸地開胃D!點菜時見到餐廳做緊優惠，南乳吊燒雞半價，原價$160半隻宜家$80就食到，梗係唔執輸叫半隻試下喇!!雖然係得半隻既份量，但份量十足!!!好抵食!!!吊燒雞皮脆肉嫩，入口食到雞皮脆卜卜"爽爽聲"，十分新鮮，忍唔住食哂D雞皮!!! 再點上甜甜地既南乳醬，更加惹味無窮!必食之選!!! 原個菠蘿裝滿炒飯，每粒飯都均勻沾上咖哩，金黃剔透，面頭仲有豐富既海鮮，如:大蝦、帶子、魷魚等，單係賣相已經十分吸引!!值得一提既係海鮮十分新鮮，一D腥味都無! 炒飯炒得夠乾身而且鍋氣十足，咖哩味香濃，但又唔會好辣，又唔會遮左海鮮既鮮味同菠蘿既果香。岩哂唔食得辣既朋友仔!!薄薄既米紙包住軟殼蟹、檬粉、青瓜、生菜、甘筍絲，用料同層次豐富，入口口感極佳!主角既軟殼蟹炸粉唔會好厚，十分香脆!再點上越式酸甜醬汁，油膩感覺更加大大減去!!!整體黎講，餐廳食物既水準十分高，價錢又大眾化，值得一試再試!!!

出啟德吃晚餐@Deli Viet九龍灣德福廣場II期4樓413至414號舖去了九龍灣的啟德遊輪碼頭看風景, 沿路看到海景開揚,不過那裡食肆少, 還是坐小巴回九龍灣商場享用晚餐好了。兩個女生食量都不算大, 先來個菠蘿柚子蝦沙律$98,最愛吃水果沙律, 能多元化補充維他命及纖維, 酸甜多汁的菠蘿同柚子,切成大大塊水嫩嫩, 加上了整個菠蘿殼做容器, 真是賞心悅目的一件事,隨意叫了一份主食, 蟹膏湯檬粉HKD80 因為多了 蟹膏價位比普通湯檬粉貴了一截,先喝一口湯味道酸甜具蕃茄,有趣的是打了蛋花, 不過蟹膏味並不明顯。檬粉吸收了湯頭精華鮮甜又滋味, 檬粉充滿彈性, 仲有碎蟹肉同好多雜菇, 但喝到尾會覺得很鹹。再加了半隻南乳吊燒雞,有PREMONITION $80半隻, , 雞皮好脆,仲有陣陣八角架香氣,肉燒過後都好嫩,南乳香就來自蘸醬, 仲幾分似甜醬,但本身雞味已足,南乳醬就顯得過濃了。很明智的沒有困在遊輪碼頭吃晚餐, 這頓晚餐每人平均消費只是$150

環境:裝修清新雅緻。賣相: 點了烤豬肉湯粉絲，似雲南小鍋米線，不似越南野，幾得意。味道: 雖然豬肉很滑很香口，但是味道很淡，食唔出係豬肉。粉絲非常滑口彈牙，湯很清甜，粉絲索曬湯嘅甜味，好正。馬拉盞炒菜非常惹味，馬拉盞醬魚香味十足。同事的芋頭蝦卷，炸得好香脆，無咩油，只是芋香味太淡。分量: 分量少，價錢稍貴，但仍值得推介。

蝦餅，其鬆軟的蝦肉配以酸辣醬，沒有一種過於油膩的感覺，作為飯前小食十分理想。炸蝦捲，炸得爽脆，而且外皮包住，令整個蝦捲的不止煎炸的口感，還帶有一點香口的新鮮感。炒雜菜，吃得出的牛油香，是基本的烹調方式，的確香口。菠蘿炒飯，經典的東南亞菜式，但這道菜特別之處在於大蝦，肉鬆和一點蛋白，這不單調的配搭比起平常一般吃到的多一點點鮮味。雜菜炒金邊粉，素食者也適合，對於食肉獸而言較有特色，清淡又帶點惹味，的確是一試上癮。甜品時間，點了椰汁榚和芒果紫米榚。芒果紫米榚似芒果紫米露，煙韌的紫米配上芒果雖然不是新口味，但可觀性高而味道也不錯。

今天公司開OT，老闆請我們到嚐越吃越南菜，大家都擧手贊成!我第一次，感覺很是舒服，我們3人很餓点了4個菜!先來頭盤是南越蒸粉包，一碟2個用架子剩上，粉皮很薄也很正宗，內面包有素菜和鮮肉，味道清新!我們來了椒鹽軟殼蟹，炸得又脆又甘香, 而且軟殼蟹味鮮，咬下脆卜卜，很香口!我們3人叫了2個鐵煱火車頭，超級大碗，裏面有牛肉，牛筋，牛百業和牛丸，我們覺得牛筋特別爽，又很軟，牛肉很有牛味，而且真的很大碗，很抵吃!最後來了大海口，裏面全是海鮮，有大大隻的海蝦，蜆，青口和魚肉，加上粉絲，香草和葱花，真的是鮮上加鲜，太有特色!我們叫的椰青和雪梨薑花蜜很解喝，今天品嘗了一道特色越南菜!