四季常餐 (德輔道中)

营业中

休息中

好食既餐廳梗係要回頭支持下，今日食咗個常餐。不過等位都有的耐，都要等15分鐘，好彩今日唔多趕時間。因為好嘅野都值得等嘅。蕃茄牛肉通粉。紅卜卜既湯底拌著一粒粒嘅蕃茄蓉，望落感覺好足料。牛肉都有10件8件，真係貨真價實。牛肉食落口軟淋得黎又有咬口，蕃茄湯酸味味而且好濃郁番茄味。滑蛋配多士。多士烘得香脆，上到枱依然見到牛油正在與多士融為一體。我自己鍾意加啲砂糖係面，鹹鹹甜甜又香脆。自己滑蛋尚算合格，因為佢係滑蛋唔係牛奶炒蛋。

中環食個早餐後上班兩個人，8:05來到不用等位由A至H餐可選擇，粉面類可加配煎蛋多士職員有問，但餐牌上不見。窩心的搓手液每個座位附近也有提供搓手液進食得安心放心！芝士鹹牛肉蛋三文治🥪重量級，份量好足！好味的！四季茄牛通牛肉不錯，有肉感，不會太綿！通粉失手了，太稔，粉粉的，不ok留意背後的水杯與餐具是待應主動提供的奶茶，不錯👍🏻飲到茶底係唔同既🤓⭕️進店前量度體溫 ⭕️全店職員戴上口罩✅每張枱上也提供酒精搓手液⭕️座位間有距離感及以膠板相隔✅每枱主動提供以熱水杯浸著餐具

當日落雨濕濕，在中環辦完公事後就找間顏色店醫肚，內心的鬧鐘跳出了幾個寶號，最後選了四季常餐這茶餐廳落腳。據小妹所知佢都幾紅，之前限聚令限枱令下，食環同Green object 一日光顧三次，揸住把軟尺當令箭，左度下右度下，好彩食肆都係跟足規矩，不過光明正大打開門做生意，可能招人妒忌啦。據報導說生果報業大亨兒子開的店～所以就poo 來poo 往，彈出彈入個不停。入到去餐廳，待應哥哥隨即被再三告誡千萬不要在食物未黎之前除口罩，都明白的驚弓之鳥係特別謹慎，眼見所有食客都係跟足規矩的。枱面有酒精搓手液比食客自行消毒雙手然後再進食午饍。當日餐廳大約有三成滿啦，又或者係過咗飯鐘所以未係最滿嘅時間，小妹點了海南黃油雞飯及凍奶茶一杯，呢度嘅凍奶茶係冇冰嘅所以係最正最好飲拍得上Iron Man嘅「藍」興集團冰鎮奶茶。然後等一陣，飯和飲品都來了可以除下口罩享用美味的午餐。先試一塊雞，雖然都已經知道佢係雪藏雞但係都不至於太差，至少雞肉連皮係黐埋一齊唔會分開，冇食到有雪藏未呢點係讚嘅，然後雞油飯香，唔會太硬或太黏，小妹最近居家抗疫研究了不少食譜，雞油飯連埋雞湯斑蘭葉煮，其實都幾考功夫因為又要煮到個飯軟硬適中但

口味既野，好個人如果你鐘意食比較糊狀既scrambled egg，呢款就岩你啦。雖然餐廳話無加牛油，用既係純蛋漿，信唔信呢？咁如果無油，點解硬係食到陣牛油/奶油味呢？食完好有罪惡感，完。

Lunch time 來到四季常餐，食個叉燒炒蛋飯！因為避開午飯期間，所以人也不算很多，入店都要先量體溫，消毒雙手。喜歡這裏的常餐是因為佢速度夠快，啱晒想速食的打工仔，而且縱觀周圍餐廳，四季常餐出品的常餐質素最有保證！同事點了特濃沙嗲牛麵，我則點了招牌的叉燒炒蛋飯。飲品先送到，常餐都會跟多士和炒蛋，但今日的炒蛋做得有點水份太多，不太靚，食落口好濕！麵就保持一貫水準，夠濃味。我的叉燒蛋飯，叉燒不算很多，但炒蛋做得不錯，很嫩滑。飯也粒粒分明，配上自家特製甜豉油，真的很好送飯，所以我食清光。再飲埋一杯熱奶茶，感覺十分滿足。

見到有蕃茄牛肉通做早餐嘅餐牌所以又要入去試吓。店舖嘅裝修幾有現代嘅冰室feel。餐具好乾淨，值得一提嘅係店員會用熱水裝住啲餐具俾你，係疫情底下，感覺份外細心，衛生方面加了不少分數。我點左一個番茄牛肉通粉同埋一杯凍奶茶。凍奶茶嘅味道感覺上茶底欠缺左一種苦力味。同埋吾加冰感覺上好似吾夠凍。講返個番茄牛肉通，通心粉嘅底幾好，湯底方面，佢算係偏酸嘅，牛肉一食落去就知道係靚料，有牛肉味，油脂分布平均。呢個價錢我覺得雖然份量少左啲，但係食得出係心機野。

.之前我地去行山，由中環出發去山頂再去香港仔，出發前就黎食左個午餐，常餐份量唔算太多，食完去行山岩岩好～-《沙嗲牛肉公仔麵》$48唔似普通茶記只有死咸既沙嗲醬，沙嗲醬充滿花生醬香味，而且食落都會食得到有花生碎，味道少少似印尼沙嗲串燒既味道。牛肉唔算多但每片都幾大塊下，煮得幾軟淋唔會過韌但味道略為普普通通，個人認為濃郁既沙嗲醬先係精粹！麵底煮得岩岩好，啲麵唔會煮到散哂同埋過淋，好岩我鐘意食硬麵質既人食。.《蕃茄牛肉通粉》$48普普通通既蕃茄湯底，蕃茄味道偏酸，似係地門既茄膏味，幾塊牛肉都算大片，但牛肉同啲蕃茄味唔係幾夾，似係加上去唔係一齊煮，不過質地就幾滑同幾軟熟，但我地都唔太推介呢個蕃茄牛肉通粉。.《炒蛋多士》跟餐強烈推薦大家黎到要食常餐，就係為左呢個炒蛋多士！先講個炒蛋，用左日本蛋、湖北蛋同美國蛋溝埋做蛋漿，煮既過程無落到忌廉同奶，都可以煮得好滑溜而且蛋味非常之濃郁。但都有幾多蛋漿既關係，唔建議放上多士一齊食，因為會令到塊多士變淋。多士同一般茶餐廳同，食落口感有啲似酥皮咁一層層，似多士形狀既牛角包，烘得好香！-👅味道：7.5/10🍱賣相：8/10 .🏠環境：8.5/10未搬鋪前已經幫

又到lunch時間，四圍搵下野食。一到lunch就周圍都係人，有個同事提議去食常餐，聽真啲原來係四季常餐。Lunch hour我哋一行五人，其實都唔係易搵位，不過嚟到嗰陣，等咗兩個號碼就，叫做都幾快可以入座。除咗入座之外，佢上菜都好快，5分鐘就好快就嚟到你面前。滑蛋叉燒飯。一大片好似奄列咁嘅樣蓋住個飯，食落口叉燒依然保持佢嘅蜜汁叉燒味，而個滑蛋的確真係好滑，兩者炒埋一齊之後，味道依然保持各有特色，最後個醬汁，鹹中帶甜，同個炒蛋好夾

醜聞事件曝光後不少網民投訴「四季常餐」中環店終於關門，老實說有邊間餐廳內𥚃不污糟，只是眼不見為淨。現在只有一間餐廳在德輔道中88號，地點交通更方便，因為醜聞受到影響少了好多食客，但我每隔一段時間都會去食個早餐或午餐。因為價錢經濟又抵食，食物又好味道。吸引我去食是常餐招牌滑蛋厚多士和午餐牛油渣叉燒飯 。常餐：特濃沙嗲牛肉公仔麵+招牌滑蛋厚多士炒蛋做得滑滑溜，多士厚身香口外脆內軟，公仔麵煮得不會太腍。沙嗲係靈魂，自家製沙嗲醬好濃郁帶點鮮味好味好食過很多茶餐。

小編呢幾個月因為疫情關係都少左出街食，近日好似情況緩和左D，就去做下瑜伽同埋幫襯呢間餐廳因為O系我瑜伽中心附近。好方便。次次經過都想試佢地既早餐（小編試過佢地既午餐都唔錯既），好啦今日終於有個BREAK至做下一節瑜伽，所以就去試佢地既早餐啦。我呢D偽作素食者（阿旺記打手鬧我係WOR），雖然唔食牛但仍然好喜歡叫沙爹牛肉麵但唔食D牛，哈哈。因為真心覺得沙爹同公仔麵系絕配。今日四季常餐既沙爹牛面比我一種“嘩”既感覺。完全係以前細個食既沙爹牛面味道。兒時回憶翻曬黎，真係好開心。食過旺記都覺得好味既，但呢度絕對比起旺記更高水準，其他早餐我唔知，但如果淨系計沙爹牛肉麵質素既話，阿旺記可以褶埋收工啦。呢度沙爹牛面好味道原因有３，　１：沙爹醬濃淡適中，唔會死咸，好香，好花生香味。 ２：面煮得剛剛好，最重要係佢地都係用普通即食麵唔係咩野出前一丁又收多你４蚊但D面質又唔見得特別煮得好。呢度就算普通公仔麵都超級正。 ３：湯底唔係清水或者淡而無味，或者要靠出前一丁包湯粉去調味，佢地呢度湯底都好有誠意。整體而言，連埋服務態度，座位舒適度，呢度小編起碼比９５分（１００分滿分），扣左既５分系佢地杯熱檸檬茶極度難飲，

疫症期間都不敢周圍去，眼見最近社區連續多天沒有新增個案，今日終於外出用餐 輕鬆一下。來到位於中上環的「四季常餐」，一入去店員便走上前幫我們量度體溫，餐桌上提供了消毒洗手液、紙巾，店員更遞上熱水清洗餐具👍🏻👍🏻黎到「四季常餐」當然要食常餐 - 濃湯番茄牛肉通粉湯底好厚身，酸酸的 濃濃的茄膏味道厚多士好厚身，好脆，但又唔會太脆，岩岩好另外我點了熟蛋- 特濃沙嗲牛肉公仔麵沙嗲湯底十分濃，好正！ 牛肉份量多 好大塊 好正👍🏻招牌炒蛋好滑 真係好好味， 下次會再黎食 😋👍🏻

琴日大食妹同朋友仔去中環搭船, 所以就過咗去四季常餐食早餐<特濃沙嗲牛肉公仔麵>大食妹一如既往咁嗌左份沙嗲牛肉公仔麵彈牙嘅公仔麪, 配上超級濃郁嘅沙嗲汁, 超級好食四季嘅沙嗲汁有陣陣花生醬味, 配上大大塊牛肉, 幸福感好高早餐只要$38, 仲有野飲都幾唔錯<四季茄牛通>至於朋友仔就嗌左份招牌嘅四季茄牛通茄牛通份量較沙嗲牛麪少, 但蕃茄底同樣超揼本, 酸酸地好開胃牛肉同沙嗲牛肉麵係同一隻肉, 朋友仔話配上通粉都幾唔錯

想食常餐，不想走遠，就來到了新開的四季常餐。新店比舊店大一倍，乾淨企理。食物選擇和舊店一樣，都是主打常餐和幾款客飯。和同事點了2個常餐，我是雞湯火腿通粉，同事則是沙嗲牛麵！上餐超快，落單2分鐘即送上枱，果然是中環的節奏。這裏的炒蛋多士做得好到位，多士香脆鬆軟，炒蛋夠juicy。沙嗲牛麵個汁超濃，雞湯通塊火腿都是用靚料的，所以質素絕對有保證。一個餐索價$48不算平，但質素穩定的話也是值得。唯一可惜係杯奶茶不夠濃滑，不然這個餐也十分令人滿意的。

曾經位於威靈頓街嘅四季常餐係風靡一時嘅「打咭食店」，憑住出色嘅港式常餐為中環帶嚟一股新風氣。可惜最近因為一啲負面消息而導致結業。今次突然諗起佢嘅炒蛋同奶茶，決定去為於德輔道中嘅分店回憶。同往日不同，假期嘅早上四季常餐顯得有點冷清，雖然仍然有七到八成入坐率，但卻欠缺店外嘅一條條長龍。超濃沙嗲牛肉麵沙嗲牛肉麵可能係港人常餐特餐嘅至愛，而呢個特濃版嘅沙嗲牛肉麵亦不負所托，成功刺激我嘅味蕾。首先係牛肉嘅份量充足，而且沙嗲味比平常沙嗲牛肉麵濃得多，整個湯底都係沙嗲味。不過牛肉略嫌未感覺到特別新鮮或有鮮滑牛嘅彈牙。真．忌廉雞湯通配火腿移風易俗從來係難事，而去改變一般人對湯通粉嘅感覺亦殊不簡單！一般茶記嘅湯通粉都係無味、無味、同無味。但係四季常餐嘅忌廉雞湯通粉卻係非常濃厚，每一口都會有想繼續食衝動。唯一挑剔係通粉可以再彈牙啲，會令成個麵嘅層次再提升。炒蛋、牛油多士及凍奶茶炒蛋一直以嚟都係四季常餐嘅佳作，而今日亦唔例外。超滑嘅炒蛋亦都帶有豐富嘅牛奶味，加上搽上一層薄牛油嘅多士，絕對係港人至愛。而凍奶茶亦一如以往嘅出色，茶香奶滑，亦唔會添加任何冰塊，keep住奶茶嘅香濃。味道 ⭐️⭐️⭐️⭐️服務 ⭐️⭐️⭐️⭐️環境

Craving for local Hong Kong style lunch, and walked pass Seasons Cafe. Was debating whether I shall come for a try, given to their iced lemon tea incident. Since there is no queue at all, went in for a try anyway! Told myself - just don't order any iced lemon tea! HahaIn my first visit, I came to try out their beef macaroni with tomato sauce. Am not a big fan of tomato sauce items, not sure why did I order that actually... haha! That was fantastic, in which was a surprise to me! The toast was wa