四季常餐 (德輔道中)

营业中

休息中

記得喺威靈頓街開張嘅時候要排超過半個鐘，搬鋪後有排人流少左，但最近大家撐完阿爸撐阿仔，基本上每次路過都大排長龍。 🍽四季茄牛通配招牌炒蛋+多士相信常餐係唔少人嘅comfort food，除左茄牛通外，可以揀沙爹牛肉公仔麵同忌廉火腿通。呢度嘅炒蛋好出名，黎過幾次質素都好穩定，無落牛奶花奶都夠滑溜，不過調味就重手啲。比起炒蛋，我更欣賞嗰兩塊多士，包身鬆軟，搽滿牛油再烘脆，配炒蛋食好滿足。茄牛通用坑紋通粉，落左大量茄膏，朋友覺得好酸但我接受到，正正常常。常餐包一杯熱飲，個紅茶底就麻麻啦。 P.S.佢地朝早嘅蛋治餐好抵食，係附近返工嘅朋友不妨支持下。

又到lunch time時間，要諗下食咩好🤔中環有得食常餐既餐廳唔多，最後同同事一致決定食《四季常餐》。由於食11點半既關係，無乜人堂食，入到餐廳唔洗等就有位🥰疫情既關係，入到餐廳侍應幫我地量左體溫先。眼見每一枱都加左隔板同埋提供消毒搓手液比客人用餐前後使用，甘樣大家堂食都安心好多👍🏻四季茄牛通配招牌炒蛋➕多士🔺💲48新鮮酸甜濃郁既蕃茄配上微鹹腍滑既牛肉，原來可以甘夾😋👍🏻蕃茄🍅啖啖茄蓉‼️酸酸甜甜好開胃🥰不過個湯底略嫌太杰，稀返d會比較好。通粉份量適中，可惜今次煮得太腍，口感有啲粉糯feel。🥺 滑牛肉唔un，幾好食👍🏻炒蛋口感超滑溜，且富有濃郁既蛋香，重點係無加忌廉/牛奶都🉑️以炒得咁滑，真係令人一試難忘‼️多士都幾厚身，外脆内軟😍同事教我vintage d既食法，唔講真係未試過甘食。將適量既糖加上牛油🧈多士上面，原來都幾好食架‼️😳 係中環黎講，CP值都幾高，而且平、靚、正👍🏻 係我all time fav既餐廳🥰

我以前真係勁鐘意食四季😭 每一兩個禮拜就會食一次😢 尤其係中環返工嗰陣 食到店員都認得🥺真係有四季嘅質素 茶餐嘅價錢(๑•̀ㅁ•́๑)✧ 用料方面真係冇得輸😛但自從凍檸茶單嘢就唔敢食🙊 依家希望已經冇事•̀.̫•́✧午餐真係日日都咁多人 所以我多數都係去食夜晚😚❣️常餐 四季茄牛通配招牌炒蛋加多士 $48超高質！ 十次有九次都係食呢個餐٩(˃̶͈̀௰˂̶͈́)و茄牛通勁足料用茄蓉茄膏煮🥺 牛肉又多又軟身同其他茶記爭太遠🤟🏻 佢個多士亦都好出色～ 全香港應該得佢用呢個包 包身鬆軟 烘完又好脆😆 我鍾意加埋炒蛋一齊食💛用嘅係日本蛋 份量好多又夠滑 係偏鹹咗啲姐👅奶茶同檸茶都唔錯😆 值得一提嘅係佢哋嘅嘢飲好大杯好抵飲👍🏻

Seasons is one of the newer Hong Kong "cha chaan tengs" that have be serving slightly pricier and upscale versions the usual local fusion fare.  Staple items such as the ever-present "satay beef instant noodles/scrambled eggs/toast" set (or BBQ pork macaroni if you choose) are all there, mostly with a slight twist such as a thicker cream soup for the noodles. All quite tasty and the better taste is worth the higher price than counterparts it its vicinity (I'm looking at Wing Lok Yuen in particul

念念不忘必有迴響，前幾日食過一次之後想試下佢另一個早餐 -- 四季厚蛋治 (餐包) - 黑松露芝士好奇佢會係點，於是就叫左來食了。服務員先用杯裝熱水同餐具俾你洗浸餐具用 ~四季厚蛋治 (餐包) - 黑松露芝士 跟熱咖啡先講杯熱咖啡平時覺得茶餐廳咖啡係唔可以叫來飲的 -因為係統一地難飲苦澀 哈哈但今日需要D 咖啡因，飲落口發覺，佢冇其他茶餐廳咖啡咁苦澀飲完覺得同平時自己在家沖的味道差不多 (咁當然我都係隨便在家沖，但) 這是飲得落口的平實味道。然後講佢個餐包，諗住黑松露可能只係炒蛋上有D 黑色一點點就算。揭開麵包睇睇，原來唔係剩係見到幾粒黑點，真係幾香黑松露味 P食佢個餐包，佢烘熱俾你，有著餐包的微軟又有少少烘熱脆的感覺。食著個又熱脆的餐包，混和嫩滑有汁的炒蛋，配搭芝士鹹香，仲有少少黑松露的香一口一口咁食，覺得係有D 驚喜的。p.s.如果時間唔啱堂食，叫個外賣厚蛋治跟餐飲都係$20，真係幾抵食!

常餐 - 就是常常都有的餐式。食得常餐，不求菜式驚艷，但求閒時想起就可以食，可以飽腹，味道平實中為自己帶來心靈中的一點日常安慰。突然想食公仔麵 - 平時都忍住唔食，今朝特登去食下。7:40左右去到，有人在門口等緊外賣，我入到去都有要好幾枱客了。可以睇下餐牌先。款式唔多，可以揀的亦唔多，冇得你又米粉粗麵又腸仔又雞扒又魚柳，專注係做果十隻手指數得曬的菜式。目標好明確的叫左個特濃沙爹牛肉公仔麵跟招牌炒蛋多士同奶茶。先上返杯奶茶，平平實實，不過不失咁。上喇上喇招牌炒蛋配多士炒蛋好滑嫩又好香蛋味，炒得剛剛好，食到蛋汁但又唔會剩一堆汁在碟上。配個牛油多士就好夾 不過可能有人覺得牛油少左D。我就覺得剛剛好特濃沙爹牛肉公仔麵沙爹醬好濃味但又唔會死鹹，牛肉量好夠又夠腍。公仔麵剛剛好唔會太生唔會丸腍，夠彈牙好好口感。雖然本身我期望好味精式的公仔麵味道，但佢為我帶來好高品質的沙爹牛麵，足矣~好飽足的一頓日常常餐、四季常餐p.s.員工服務好好，對服務好上心，人手唔多做唔停，但會好有心好著緊食客食物齊唔齊。

🐖🍳🍚 叉燒炒蛋飯配秘製豉油汁-四季常餐由開張到宜家都一直咁多人排隊，一定要12點衝去排隊先會食到🤣 叉燒比起平時嘅燒味較腍身，唔係煮到好乾食到痴牙咁👍🏻 蛋炒得好滑，連埋秘製豉油汁一齊撈飯食好正呀!!😍🤤💛-🍴9/10

今日午飯時間諗唔到食乜，對中環唔係咁熟路嘅我，同事介紹我去食四季常餐，冒着蕩失路嘅機會，嘗試行去食，因為食兩點嘅關係，去到店面幾乎冇人等位，店內格局開陽，坐低之後餐牌幾乎通粉、意粉類都係有牛肉，最後就揀咗同事都有介紹過我食嘅叉燒炒蛋飯，因為怕食唔晒所以落單時我都會叫小飯，之後我就後悔啦。叉燒炒蛋飯到咗之後，當然要影返張相啦，點知食咗第一啖！出事喇！平平無奇既叉蛋飯！點解咁好味！個秘製醬汁真係再三回味，蛋滑，叉燒又新鮮，唔痴牙！我外出食飯以黎，未試過食完仲覺得唔夠！食完之後先醒起，我無帶現金... ...細細聲咁問店員：你哋呢到收八達通嗎？🙈個店員見望一望我食到勁乾淨既碟，就笑咗笑答：收八達通嫁！之後就好開心咁埋單走人

因應疫情嚴峻關係、小編都係wfh但逢禮拜一都會返公司幾個鐘、一來為左d reporting既野o係公司做方便d、二來小編都要落街買野食所以就順便啦。今日禮拜一當然又係返工既日子、小編做完野之後就已經2:30，剛剛好可以買埋個tea set至打道回府慢慢嘆其實好耐之前都已經想試四季既下午茶餐因為佢地個瑞士汁炒牛肉通粉好吸引，但當然又係例牌小編唔食d牛肉啦Pecastarian呀！哈哈哈哈小編另外再order個正蛋治因為真係好鍾意食佢地既蛋治、蛋味唔係話極濃o個隻但好合我口味、生熟度適中唔會太生or太熟剛剛好，滑dudu拎左外賣就即刻返屋企、一打開（見圖）真係留曬口水、炒通粉好x好味呀！小編最鍾意就係面頭d乾蔥、好惹味！食到停唔到！小編相信繼沙爹牛麵之後成為我既第二最愛蛋治一貫水準、蛋炒得剛剛好不過略嫌麵包唔夠脆但總體黎講係非常👌🏽，質素同堂食冇大分別。不過小編留意到最近有食評關於外賣質素既，小編認同如果外賣送到屋企發現賣相唔🉐️確實會好失望甚至影響食慾添，我都試過用delivexxx或者食物熊貓叫外賣、好多時候都係貨不對辦咁、以為係餐廳問題，但我自己會再落去餐廳一次叫外賣自取、拎返屋企係完

一個人食飯相對容易嘅有位👍🏻，唔駛等就即刻可以入座。叫咗個午餐加一杯凍飲，我會形容個餐係珍寶午餐🤤。肉醬意粉加杯嘢飲已經係一個正常嘅午餐，然後配多個下午茶份量嘅雞髀加蒜蓉包，咁就變成一個珍寶午餐，睇落已經好滿足。🔻原隻雞髀肉醬意粉🔻先來個蒜蓉包，淡淡蒜蓉香味，熱辣辣仲脆👍🏻，絕對唔係凍包，呢樣係有驚喜👏🏻。再來個雞髀，炸脾唔硬，嫩滑juicy又夠味😋，直頭覺得自己好似食緊下午茶🤣。黎到正餐肉醬意粉🍝，好肉，又係啖啖肉，蕃茄味唔算濃，真係意粉🤤。一個人食飯

中環區好食又抵食既外賣真係十隻手指數得晒 其中一間我和味龍非常推介既係《四季常餐》 顧名思義 佢地主要係賣常餐今次叫既係「真 · 忌廉雞湯通配火腿」配招牌炒蛋+多士 真係冇呃我 通粉既湯底堅係濃郁既忌廉雞湯 我飲到一滴都冇淨 而炒蛋香滑 蛋有蛋味 似係日本蛋值得一讚既係送到黎d食物依然係熱 多士亦唔會因為焗得耐而變得難食 而因為通粉同湯底係隔開左既 所以d通粉唔會浸到稔另外佢地既茄牛通同沙嗲牛肉公仔麵都好出色 不過前一晚食得太多牛所以今次冇嗌到 茄牛通個湯底好惹味 次次食都飲晒個湯底 係略嫌偏酸 未必人人接受到 而牛肉亦食得出係偏靚既牛肉 而沙嗲牛肉公仔麵牛好嫩滑 食落新鮮 唔似坊間部分茶餐廳咁為節省時間同成本而用罐頭沙嗲牛肉 而沙嗲醬有花生香味 好香好濃郁

滑蛋炒叉燒飯幾乎間間茶餐廳都有，但點樣可以整到出奇制勝就真係好考功夫，而四季常餐就做得好出色。一般既茶餐廳都會炒得蛋過熟，叉燒又用上瘦叉燒，真係食到怕怕。但四季常餐用上半肥瘦叉燒，而蛋就炒得半熟十分嫩滑，配上蔥料去炒，再加上秒制豉油汁，色香味俱全，真係食到停唔到口。分量亦十分之多，一個女仔一定食唔晒。最難得既係價錢同一般茶餐廳無疑，仲要位處德輔道中，位置十分方便，lunch都係$5x, 完勝其他茶餐廳！

好食嘅嘢唔介意一食再食👍🏻，就嚟一星期食一次，今次就試吓個咖喱牛腩飯🥰。🔻咖喱牛腩飯🔻要讚嘅係色香味俱全👍🏻。香🤫，香飄飄咖喱。色好靚，橙橙黃黃既咖喱，加上椰奶，形成一陣漸變色，異常誘惑🤤。醬汁好出色🤣，味道濃郁，較杰身，一的都唔稀👍🏻，而且咖喱油同咖喱醬嘅比例好好，互相輝影👍🏻。薯仔大大件，有咬口。牛腩炆得淋，一咬就咬得開，一的都唔un👍🏻。牛腩固然好食，但係我覺得薯仔仲好食，最滿意就係，有足夠嘅醬汁俾你送飯👍🏻👍🏻👍🏻

由於疫情，叫左food panda 外賣，黎到之後打開，真係講左句粗口。份量少得可憐，個滑蛋燒叉飯少到得一細舊，相信去過堂食既人都知道係幾大份、大家可以參考返堂食既相片，仲要係貴左，成6-70蚊都可以比啲咁既質素人，我唔會再幫襯佢外賣！另外個茄牛通得半碗，賣相勁差，個餐明明寫火腿炒蛋，但黎到得炒蛋，無左火腿，仲要得好薄既炒蛋，真係差到不得了。大家唔好再叫佢既外賣。味道亦差左好多、個茄牛通係溝水咁既味，一啲都唔濃，個蛋又唔滑。成件事好求其，收呢個價錢真係唔洗指意有人幫襯外賣。

人在中環，兼好耐冇食茶記d常餐。見好多 comments 話四季常餐d沙嗲牛麵好正，所以就去試試。常餐都係通粉/麵，炒蛋+多士同埋野飲，就分開兩個category 評吓。講吓個炒蛋+多士先，烘底都好撞手神，叫左兩個餐一塊燶d一塊冇咁燶 ，多士偏厚身，都食到內脆外軟嘅感覺。炒蛋滑身，蛋味濃，冇油益味，唔錯。個沙嗲牛麵我真心讚👍👍，平時d連鎖茶記嗰d沙嗲牛麵係得嗰好少好少沙嗲咪又死咸，牛肉又細塊又薄切切。但呢度嘅沙嗲汁好濃厚，唔會死咸，令我諗起九龍城好出名嗰間邊爐個沙嗲湯底😍。d公仔麵麵煮得啱啱好，牛肉大塊同厚身，$48呢個價係物超所值。茄牛通個湯太酸，出面好多好食過佢，不過牛肉好大塊同用有坑紋嘅通心粉，係有誠意嘅，改善埋個湯就perfect 喇。野飲就...因為冇茶走，我唔開心，所以唔評🤣野食幾好，環境都舒服，但希望d侍應態度再好少少，同埋有送錯餐都隔離枱嘅情況，希望之後會有改善。