團日式拉麵

营业中

休息中

荃灣真係好多美食😆最近又發現呢間非常日本風格既拉麵店😍食物好味之餘仲好有玩味！竟然係去自動售賣機買票～～～好似日本既拉麵店一樣盞鬼😆😆😆辛味拉麵😡🌶🍜肉碎、香蔥同埋辛辣既湯底有微妙既化學作用，令人大快朵頤🤤🤤🤤🤤超級開胃 辣得好醒神！面質係我鍾意既-剛剛好,有彈性不會太軟，正！櫻花蝦拉麵🦐🦐🦐🦐🦐超多櫻花蝦，啖啖都有🌊海既鮮美塊叉燒都好得，不肥不瘦但超香溫泉蛋有幾滑溜不言而喻🤤🤤就連梳打水都係日本直送貨，精緻+玩味😍以呢個價錢黎講，呢間超值得大家一試！

呢間日式拉麵店喺荃灣街市一條巷仔，因為見佢擺喺店外部自助售票機幾過癮，朋友又想食拉麵，就入左去試試。店內環境好似日本拉麵店，有張Bar枱，電視又播住日本節目，令人感覺好似去左日本咁！因爲唔知道原來本身拉麵已經有隻溏心蛋，所以仲每人點多左隻，點知好有驚喜！蛋白外層好夠味，蛋黃爆漿流心，食左兩隻都覺得好正！拉麵有得比你揀曲麵/直麵，我地都揀左曲嘅 可以掛得到多啲湯魚介拉麵湯底好特別香濃，值得一試，而黑蒜油拉麵湯底唔會太油膩，好濃郁！另外我地每人仲點左支汽水，呢度嘅汽水都好少可以喺香港見到，柚子同桃味都好突出，又唔會太甜，好飲！食完碗熱辣辣嘅拉麵再飲冰凍汽水感覺好爽

之前朋友係網上睇到香港都有得用拉麵機買拉麵，佢話個feel好似去咗日本咁，就係一部拉麵機吸引咗我地去打卡食拉麵，食完覺得唔單止打卡好正，佢啲拉麵都好好食 湯底濃郁叉燒大大件真材實料㗎。中間個部就係拉麵售票機啦，真係似足日本咁 好得意。叫咗個黑蒜油拉麵同埋辛味拉麵，黑蒜油湯底好濃郁淡淡蒜油香，曲麵煮得適中無過淋情況，溏心蛋夠流心蛋白充滿醬油香，叉燒大大件入口軟嫩香口，正。辛味拉麵就無黑蒜油咁濃，但湯底帶辣度 會越食越上癮，直麵無咁軟身偏硬啲啲，係食極都唔會厭嘅味道！

近期去了一間人氣拉麵店, 係荃灣橫街, 都有唔少人排隊, 的確係隱世拉麵店喎!係拉麵店門前放置了售賣機, 好有GIMMICK 喎!, 走日本風!點左野食畀左錢之后, 大約等左30分鐘就入得,點了黑蒜油拉麵, 坐低一陣就食得了, 一股香濃的黑味隨之而來, 好香, 先飲一口湯, 香濃的黑蒜湯頭, 好吸引, 麵底好掛湯, 彈牙, 麵既蛋香再配濃湯好享受!豚肉好淋身, 入口即溶, 好邪惡呢!待到最后食埋個流心蛋, 煮到蛋白凝固，而蛋黃則是呈液狀或者是膏狀, 好正宗, 半熟的美味口感，令人難以忘懷

荃灣向內出名多拉麵店作為一名業餘嘅拉麵達人 當然要一試公司同事力推嘅團日式拉麵依間咁『別樹一格』嘅拉麵店就好似漆黑中嘅螢火蟲一樣 咁鮮明咁出眾事關佢連落單嘅過程都跟足日本嘅拉麵店 客人首先要到門口嘅自助販賣機下單付款 然後才入店就坐鋪頭裝修以簡潔為主 配合日本【斷棄離】的概念座位也算寬敞 不論朋友聚會還是自私食也適宜主食拉麵暫時有四款： 魚介拉麵($80) 黑蒜油拉麵($83) 辛味拉麵($85) 櫻花蝦拉麵($88)值得一讚自助販賣機細心到可以自行選擇走蔥 直／曲麵小編比較鍾情原味嘅拉麵 所以點了魚介拉麵拉麵終於到啦 濃烈嘅魚介氣味已沾滿整個環境賣相非常精緻 除咗最基本嘅叉燒 半熟蛋 紫菜之外 更配有木魚絲湯底味道十足 不過稍微唔夠濃 可以再咸啲整體上唔會油膩 啱晒香港人口味 麵底我選了直麵 硬度適中入口有嚼勁同麵香 掛湯能力也不錯半肥瘦叉燒沾上秘製醬汁，口感一流，肉味十足。溏心蛋表面十分軟滑 咬落去蛋香四溢  做到流心嘅效果醬油也十分入味富士山柚子梳打飲料方面 不得不讚佢有多達14款日本入口嘅特飲e.g.靜岡抹茶可樂 招財貓梳打 信州白提子梳打等等柚子控嘅我當然唔執輸試下佢嘅富士山

今日要黎荃灣做d野，又想食拉麵，搵搵下就搵到呢間，見到有拉麵售票機好似幾得意咁，就黎試下啦！希望唔好係Gimmick野！呢度係楊屋道街市後面，都算幾隱世下！唔係專登搵都唔會留意到！佢門口掛住個紅燈籠，同埋拉麵售票機，所以係門口買左先入去。魚介拉麵我地叫左呢個係直麵，魚介不嬲我都喜歡，而呢度都無令我失望，真係幾好食！而佢拉麵包埋一隻溏心蛋，唔洗另外加錢叫，我覺得好OK!櫻花蝦拉麵呢個要左曲麵，麵質會硬少少，櫻花蝦好多，好rich!其實個叉燒個炭燒味都好濃，係幾好食，仲切得幾厚，但湯底我都係覺得魚介岩我d!蘋果梳打係幾好飲！

女兒很喜歡食日式拉麵, 上次跟她去日本, 拉麵店都有自助售賣機, 她感到十分有趣, 時常提及, 得知荃灣這間拉麵店有部自助售票機, 當然要帶她來試試.​門口大大部售票機, 自己一手一腳揀好麵質, 湯底, 配料, 飲品等, 就可以付款, 然後入座.​拉麵店一般的拉麵種類都不會太多, 而這裡主要提供四款: 魚介, 黑蒜油, 辣味和櫻花蝦拉麵. 麵質有曲和直, 另外也可追加紫菜, 溏心蛋, 替玉等.​我們3人點了2款拉麵櫻花蝦拉麵 - 一來到已飄來濃烈蝦香, 每碗拉麵均有溏心蛋一隻, 2片叉燒, 2片紫菜和蔥花. 湯很香濃, 大量的櫻花蝦唔止賣相吸引,亦令成碗拉麵充滿蝦的海鮮香味, 好香好濃味. ​選了曲麵 , 貪其掛湯能力較強, 能瑣住湯汁, 吃起來更滋味. 麵質點了普通硬度, 也夠煙韌彈牙, 唔會過生或過熟, 好有水準.​叉燒大大片, 半肥瘦, 香軟有口感, 又入肉味. 而溏心蛋半熟, 拿捏得非常好, 入口半固體很有口感.​魚介拉麵 - 有好香既鰹魚湯底味道, 比起櫻花蝦湯更清, 不鹹不膩, 是截然不同的兩種口味, 幾有驚喜. ​這碗選了直麵, 掛湯能力稍遜, 但又有另一種口感, 配合清

果日約朋友響荃灣搵食，見到網上好多人讚呢間日本拉麵夠特別，引入咗日本嘅拉麵售票機，令你好似去咗日本食碗拉麵咁樣，我哋當然要去試吓😛一去到已經見到有人龍響部拉麵售票機前排緊隊入錢買拉麵，真係令我諗起以前響日本都係咁樣買拉麵🍜好懷念啊！而且部機嘅運作都好簡單，只要選擇自己想食嘅拉麵和飲品，入錢再攞張單入去比店員就完成，好方便！成間拉麵店嘅裝修由內到外都真係會令到你覺得自己置身在日本食緊拉麵，真係機票錢都慳返！不過裝修都係其次，最緊要都係碗拉麵好食，我同朋友各自點左一款拉麵，櫻花蝦拉麵（$88）同埋黑蒜油拉麵（$83），以我咁大食同埋咁鍾意食拉麵，食一碗又點夠喉呢？最後我重點了多碗魚介拉麵（$80）當獎勵下勤奮工作的自己😋飲品方面佢全部都係日本進口，我就撳咗一支靜岡蜜瓜梳打（$18），朋友就揀咗信州蘋果梳打（$22）當製作緊拉麵的時候我哋先試吓兩支嘢飲，朋友嘅信州蘋果梳打幾好味喎！👍蘋果味够岀😜反而我嘅靜岡蜜瓜梳打就有啲似藥水，同我想像嘅靜崗蜜瓜味有啲出入😢下次會試第二款嘢飲！朋友點嘅櫻花蝦拉麵來到，會比上面大大堆嘅櫻花蝦所吸引，真係幾慷慨，平時人哋嘅櫻花蝦只是細細一份，我估佢呢度有人哋嘅好

一向黎荃灣都會去眾安街搵食，今日就唔覺意行過左少少黎到街市附近。係街巿入面既一條巷竟然俾發現左一間拉麵小店！門口擺放住一部自助販賣機。購買流程簡易，先購票，然後入座將票卷交俾職員就可以。販賣機操左原理非常簡單，同日本既玩法類近。先放入紙幣，然後按下食物鍵，再於屏幕上點選所需的名項要求。拉麵店座位較一般闊落，坐得舒舒。亦設置了一部電視，播放著日文歌。雖然食物選項不多，但總算更易突顯小店特色。係唔錯既餐飲經驗！______________________________🔸魚介拉麵 $80賣相不是走誇張路線，湯底醇厚濃郁。經過十小熬製，再加入鰹魚粉，味道更鮮。配上直麵，更容易主注品嚐湯底和配糖料上。溏心蛋的控制做得非常好，更有流心效果！🔸櫻花蝦拉麵 $88湯底濃郁帶點鮮味，拉麵頂上放滿櫻花蝦乾🌸🦐麵底選了曲麵，會比直麵彈牙少少，口感會豐富啲。叉燒肉有微微燒過，好香既火炙味。大大兩塊夠淋，厚薄適中。唔洗加量都有好多蔥👍🏻🔸信州蘋果梳打 $22 / 櫻花可樂 $22同一般拉麵店一樣，有不同日本直送既汽水飲品。款式高達十四款！較外面多選擇。一碗熱辣辣既拉面加枝凍冰冰既汽水，爽啊！．by VIN環境

於荃灣新開張既拉麵店，值得一試新拉麵店位於荃灣楊屋道街市附近，離荃灣西地鐵站大概十分鐘步行路程。一到拉麵店門口，就比部自助拉麵販賣機吸引，經老闆親切介紹先知道要好似日本當地一樣，要先係自助拉麵販賣機買飛。（photo 1)拉麵既口味主要有四種：1. 櫻花蝦拉麵2.黑蒜油拉麵3.辛辣味拉麵4.魚介味拉麵我自己就簡左黑蒜油拉麵同招財貓梳打呢度都想提提大家，因為部自助拉麵販賣機只係收字幣，所以最好預備些較小幣值的紙幣，如果唔係就好似我咁....(photo2)（好彩最後老闆都換番紙幣比我..）入到店坐底，發現入面的裝潢充滿著日本當地拉麵小店樸素的風格，我好喜歡。(photo3)店員會黎收飛，仲會問你想要直麵定曲麵。簡單黎講，曲麵較直麵粗同彈牙啲；直麵就係幼身啲同淋啲。食客可以按自己需要或跟隨店員推薦選擇。坐在一陣就上菜啦：黑蒜油拉麵(photo 4)招財貓梳打(photo 5)黑蒜油拉面湯充滿香濃既黑蒜油味，曲麵吸收哂湯既精華，十分好味。另外，碗拉麵的豚肉更加值得一贊，豚肉半肥瘦，又大塊，但係又唔覺油膩。正！

今日去咗朋友屋企玩食晚飯嘅時候佢就話附近有一間好有日本風味嘅拉麵店 佢帶我地去食餐廳嘅裝修都幾靚入到去佢點餐哂方式係好特別嘅係同日本一樣㗎！係用拉麵機點餐成件事真係好似置身在日本一樣咁我就叫咗櫻花蝦拉麵 同埋信州白提子梳打而朋友就叫咗黑蒜油拉麵同招財貓梳打梳打嘅樽好靚 真係好想帶返屋企收藏我叫嘅櫻花蝦拉麵 個湯底非常之濃郁而且好香 而且仲有好多櫻花蝦又有兩舊叉燒 呢個價錢來講真係幾抵不得不讚嘅半熟蛋都係幾好食

個人推介指數分7(10分為滿分)- 記得年青時到日本, 第一次嘗自助購票式拉面, 非常新奇, 及後某日本自助拉面品牌來到香港,  排隊的人龍長得沒盡頭. 所以熱潮過後, 直到現在也沒有光顧過. 直到早前在荃灣無意中發現一所相類的拉面店, 看到那售賣機, 未食已經很興奮. 吃罷後感覺也十分量好, 畢竟拉面店最重要的也是那碗熱呼呼的拉面.今天工作過後和一位同事找地方開餐, 無意中在遠處發現一部似層相識的機器在一所拉面店前, 心中已經暗興奮, 於是馬上拉同事進去, 重温年青的和風味. 店內環境光鮮, 沒有面壁坐, 食客可和友人邊吃邊暢談, 只要在外面選好你的喜好拉面, 安坐在座位, 熱呼呼的拉面就會送上. 自動售面機操作很簡單, 主要選擇湯底, 面的種類配料, 再放入金錢就是, 全程不需半分鐘. 温暖提示, 最好用指甲去按會流暢些.先來兩枝果味梳打水, 在工作一整天後飲啖甜味梳打水, 妙不可言. 兩款提子味甜中有一點點果酸味, 也同樣開了我的胃口.同事點了辛味湯底, 高湯的顏色是深紅色, 筆者只嚐了一口, 不能辛辣的我反覺不錯.老實說, 是頗辛辣 (對我來說, 同事說可再勁些), 但湯底很香

久唔久就想食下拉麵，得知荃灣呢間拉麵店引入自動販賣機，放工就黎潮聖一下，平時係日本食拉麵就㩒得多，係香港都係第一次。成間店主打4款拉麵1. 櫻花蝦拉麵 ($88)2. 黑蒜油拉麵 ($83)3. 魚介拉麵 ($80)4. 辛味拉麵 ($85)麵底可選直麵或者曲麵。*販賣機只找硬幣，如用大紙，可搵店員幫忙唱散再購買。今次同男友分別試咗黑蒜油同櫻花蝦拉麵。每碗拉麵包括基本配料，一隻溏沁蛋，2片叉燒。2碗麵個湯底都好濃郁，但比較油膩。值得一讚係個待應，態度好好，又成日主動加水。

團曰dkny食之前睇過其他人既相覺得賣相唔錯，而自己又特別鍾意食拉麵，所以無乜點掙扎已經同朋友衝咗入去。不過比店員帶返我地出去㯲機，點餐機只係得幾款麵，似足正宗日本料理店面好細，基本上招呼到二十人已經係極限，我地星期六兩點左右去到，人唔算多，店員安排咗我地坐吧枱位置漁介拉麵聽講呢度嘅湯底煲左好耐，魚介湯汁絕對係重點，一碗沾麵既質素如何，除左麵條之外 絕大部分都係取決於湯頭 ，魚介湯頭好濃郁，真係充滿濃濃既魚香味。不過個人覺得有點油，如果油份控制得好啲就近乎完美～ 魚介湯鮮美滋味 😋拉麵沾上香濃暖暖既魚介汁麵條口感煙韌彈牙，厚身既麵條掛湯，啖啖都食到濃濃既魚介湯汁，味道豐富。加上兩大塊叉燒，叉燒軟熟，帶焦香。一隻溏心蛋滑溜帶蛋香，外貌靚仔夠糖心，幾滑身，好好食今晚真係超滿足，連朋友都大讚好味！服務員態度親切，而餐廳食物又有一定質素 😋 我會再同其他朋友去食多次 🍜

幾個月前經過這地方，已被店外的自動販賣售票機吸引，但因為時間唔就，一直沒有機會去試，今日終於試到了。有四款拉麵可供選擇，我揀了魚介拉麵；麵的湯底是很濃的豬骨湯，不太油膩，配了魚介粉及木魚調味，肥瘦剛好的叉燒有好幾塊，溏心蛋咬開會爆漿，麵的份量好夠，爽口彈牙。店員好nice, 下次有機會一定再來試另一款拉麵。