團日式拉麵

营业中

休息中

在荃灣街市附近靜悄悄開了一間日本拉麵店🍜而最吸引人是門外有一部拉麵自動售賣機📺拉麵可選直麵/曲麵，如果有得選擇麵度的軟硬就更好。其餘更可選走蔥及走竹筍。付款後直接拿票入內，店員會安排座位，店內環境吾錯，走日本風的。大約有20個座位。開放式廚房可直接看到廚師煮麵。-濃湯魚介拉麵🍜 $80拉麵上枱後，魚介的香氣撲鼻而來，味道濃郁昇華。麵條算是幼身，廚師大方給了日式叉燒4大片，肥美多汁。溏心蛋不過不失，有點過熟。-辛味拉麵🍜 $85雖然看下去油很多，但吃下去不會感到太油膩。吃下去並沒有看下去那麼辣，如果掛汁力再強一點就更好了。愈食愈開胃。豚肉半肥瘦，吃下去油花分明，食落幾鬆軟。

又到左星期五 今晚約左好耐冇見嘅朋友係荃灣見面行街 一向都都知荃灣有好多野食可以掃街 估唔到被我地發現到有間拉麵店 點解會咁吸引到我地嘅目光 就係因為門口竟然有部售賣機 好似日本咁自己想食咩拉麵買咩飲品就先俾錢後交飛食野 入到去好有日本裝修***我地兩個人叫左魚介拉麵同黑蒜油拉麵 其實兩碗嘅湯底都好濃郁 麵質軟硬適中 可以揀曲麵或者直麵 叉燒都幾大塊 半肥瘦 食落比人感覺唔會話太肥 肉質鮮嫩軟稔 仲有隻溏心蛋 ***最後飲埋蘋果梳打同桃味汽水 蘋果梳打甜甜地 飲落同係日本係一樣😋

當人人都去食拉麵嘅時候， 我同朋友都一定要去見識一下， 但係今次我哋嘅目標，絕對唔係拉麵咁簡單。其一就係為咗見識下自動販賣機嘅威力， 朋友就係點左拉麵一大碗， 佢嘅評價 就係份量十足，味道不錯， 口感豐富， 可惜選擇不多。 而我 重點推介的，就是於自動販賣機內，銷售的蘋果汁。 口感一流 ，作為有氣嘅蘋果汁， 果汁量算係突出，足足有10個巴先， 果味十足。唯一可惜，帶有少量沉澱物，視覺上令到蘋果汁看起來比較混濁。下次再嚟到我叫拉麵， 再為大家好好推薦一下，另外，其實果汁喺某日本大型超市都有。

門口擺左部自動售賣機，好日本啊不過最大張紙幣只可以入$100蚊，無散紙就唯有向鋪頭到唱左先買啦運作簡易，還選擇了曲麵黑蒜油拉麵，好香既蒜味不過我覺得櫻花蝦更好味，賣相靚，好多櫻花蝦，係食到尾，都仲有好多蝦好味呀，湯底又濃，叉燒又好味！阿信蘋果汁都OK既，不過飲落去比相像中無甘濃

販賣拉麵機 發現！竟然在荃灣發現了一間非常地道的日式拉麵店，連飲品都是日本直送（應該是，起碼啲包裝似係日本賣的）。最懷念的，店外擺放在日本處處可見的拉麵販賣機。湯底濃，不是隨便熬得出的味。塊叉燒厚身，有肉味，不是隨便入的貨（我估）。我選的湯底是原味，最平$80。不過老實講，有少少貴- $80 係荃灣大商場到食到拉麵，佢店的位置偏遠，又近街市，附近within $40一餐都大有交易。不過如果想係荃灣食番餐地道日本拉麵，呢間是不錯之選嘅。有4個男店員，我估是股東之一，好落力，要加油呀（正如筷子套上寫的「男人當自強」）

每次去到荃灣都必須要再試下用團 拉麵既自助售賣機 去食團拉麵😀當日黎到已經係兩點 所以人流唔算多但團拉麵還是一樣咁舒服😀今次飲信州蘋果汁 蘋果汁帶微酸但飲後蘋果甜味就慢慢出黎 好有味道今次食黑蒜油拉麵一上黑蒜油拉麵已經好香🤤🤤 雖然見到大量既黑蒜油但湯底絕不油膩 魚介鮮味都冇被蓋過仲提升了魚介味食拉麵最喜愛食曲麵 可以掛湯 今次既黑蒜油拉麵更是香濃非常拉麵必跟糖心蛋 掛住食面忘記食 最後先食呢個糖心蛋 居然仲係咁糖心果然好有水準🤤🤤🤤😮食完個拉麵 再用信州蘋果汁作結 😍正

之前喺日本食嗰啲拉麵之後一直都對日本嘅拉麵念念不忘喺香港好少可以搵到好似有售賣機嘅拉麵今日我同朋友經過荃灣之後就見到有一部拉麵售賣機放咗喺門口我哋兩個都好想試吓究竟係咪同日本嘅一模一樣 所以就決定入去食啦！入去之前記得要喺門口買咗飛仔先買完之後就可以行入去比師傅隔咗一陣之後店員就會將碗拉麵放係你面前😗我今次就叫咗辛味拉麵，朋友就叫咗魚介拉麵辛味拉麵有一團辣嘅肉碎 同埋芝士粉係上面 對於我呢啲咁鍾意食芝士嘅朋友簡直加哂分👅❤️我就叫咗曲曲地既麵比起我朋友叫既個一款直既拉麵就更加掛湯😌但係對於我來講呢個辛味拉麵就唔係好夠辣🤪不過入門階級嘅朋友一定食得🧚🏻‍♀️朋友個碗魚介拉麵 我淨係試咗一啖湯 感覺都唔會好油膩而且好容易入口 我哋兩碗都一樣有嘅糖心蛋就非常好食十足10日本嘅蛋咁🙊追求日本風嘅朋友一定要試吓🤡

拉面黎講，我都算係一個專業食家！今次想介紹下荃灣區既隱世拉面小店，佢個位置係喜樂冰室附近，唔係一個顯眼位。而我就被佢門前既日本拉面機所吸引！黎呢度食拉面，要自行係售賣機付款取收據，再入座交俾waiters，waiters就會幫你落單喇!我點左最貴既櫻花蝦拉面，湯底用海量既櫻花蝦調味，食落又幾重蝦味！由於湯底已經好濃味，我就點左清淡d既直面黎食！面頭有兩大塊肥豚肉，仲有隻糖心蛋！食完已經好滿足！另外，呢度既飲品都幾特別，全部都係香港好買唔到既日本drinks黎!

環境:店舖得二十幾個座位，環境乾淨企理，不好既地方就係得拉麵枱個邊有5~6個位有勾放袋，其他位係無地方放袋，如果一袋二袋的客人很不方便。服務:落單係好似日本甘用拉麵機落單，可以入紙幣付款，很方便同容易使用。一入到去俾單店員，就會安排座位同俾茶客人。食物拉麵有得簡曲麵同直麵同走蔥，推薦選擇直麵，但麵口感硬軟就無得簡。魚介拉麵的湯幾濃味不錯，估吾到拉麵包既蛋係做到流心，蛋值得一食，肉的肥肉做得很平均。

响幾個月前，家姐曾經約我嚟呢度試，因為網上報導過門口有一部自動販賣機，但因為熱潮而等位被我拒絕，今日嚟估唔到熱潮咁快熄滅，平日6點半到，入面只得三枱客，幾驚有伏，但既然嚟到兼食評唔錯，就即管一試啦。魚介拉麵 (直麵) $80🥢🥢🥢🥢我比較鍾意食清湯底嘅拉麵，所以揀咗呢款，湯底由豬骨＋魚粉製成，飲到好香魚味😋，唔咸唔油唔口喝；直麵較幼身同彈牙，口感同一蘭拉麵差唔多，吸湯度ok；至於豚肉，肉嫩兼有兩大塊，炙燒過好香口；仲有一隻無切開嘅流心蛋，先食到外層醬油味，繼而食到內𥚃流心蛋香，不過如果有得揀溏心蛋就perfect 😊櫻花蝦拉麵(直麵) $88🥢🥢🥢阿sir較重口味所以揀咗櫻花蝦湯底，湯底由豬骨＋蝦油製成，蝦味非常濃郁，每啖麵都帶有蝦咸香，但食到尾會覺得越食越咸架，口喝又未至於嘅，所以鍾意食濃味嘅人必試二人共消費：$168

今次去左食呢間係荃灣既拉麵，好似去左日本咁！要係門口既自助販賣機到買拉麵同野飲，仲有追加啲咩都可以係果到買！其實我個人唔係好敢係香港食拉麵，因為我試過好多間，都係一般般！仲要次次食既麵質都唔係日本食果啲！香港好多時係直麵！而日本多時係用曲麵！大大不同！手麵條質地：而呢間拉麵店係比客人自己揀要直定曲麵！可以滿足到本地人習慣，又有得比客選擇其他口味！好貼心！湯底方面：係好濃厚！好好味！係淆左好奈既湯底！用心之店！大讚！飲品：佢只有汽水飲料，但全部麵真係日本品牌同日本反貨！服務：雖然係自助形式點餐，但係同時佢地送餐同收拾都好好禮貌！總結：推介！價錢正常！味道好！服務同衛生好！會再反去食！

與同事們正苦惱下午到那裡吃午飯時，突然記起公司附近新開了一家拉麵店，裝修十分有日本風味，一於試一試！店面與日本拉麵店十分相像，門口有一排小小的長椅，營造出休閒氣氛最特別的是店子是用售票機點餐！眾所周知日本大部分拉麵店都是以此形式經營，但香港十分少有，想不到有店子會專程引入，十分有特色！拉麵選擇不多，有四款，但都十分吸引，而且可選曲麵或直麵，很貼心點了一碗櫻花蝦拉麵（$88），一上枱已經嚇一跳，好多櫻花蝦！呷一口湯底，味道十分濃郁，但不油膩，很容易連湯都喝光。豚肉十分軟滑，微微烤過，入口極之香。流心蛋亦處理得剛好，讚！飲品都十分特別，全部都是日本汽水，和朋友選了靜岡抹茶可樂及赤富士汽水，味道都不錯值得推薦！

午飯時間係荃灣食lunch，路過呢間拉麵店，仲有部去親日本都成日見到既拉麵自動販賣機放係門口，就決定入去試試佢！排左一陣隊，大家都用左d 時間係部機度買野食，拉麵只有四款選擇，飲品就比較多有十幾款揀。留意番部機係唔收$500同$1000蚊紙架...係門口買完就入去坐低等開餐。快子套上寫左有趣既日文金句。叫左碗魚介拉麵，湯底濃而不膩，食到魚既鮮味，麵身有得揀曲麵或直麵，任君選擇，個人推介曲麵，可以更加吸收魚介湯底既精華。日式叉燒有兩塊，份量剛剛好，肉質唔會太淋或太韌，係煮到恰到好處既叉燒。拉麵既精粹 - 溏心蛋，內裡仲係流心既狀態，半生熟既蛋黃拿捏得剛剛好。極具特色既日式汽水，唔會輕易係其他地方搵到。

之前已經save低呢間拉麵，今次荃灣體育館打波前黎試下。原來之前都有經過，每次都唔覺多人所以冇諗住試。呢度有自助拉麵機自己先買飛，本身已有蛋一隻。好搞笑地找少左一蚊，尷尬咁問職員拎番。我揀左櫻花蝦幼麵,湯還可以，都夠熱。雖然麵冇硬度揀，但比想像中煮得好，幾有我想要既口感，偏硬個一種。雖然整體印象唔深刻，但都幾滿意。份量都幾夠，我平時大食慣。老公揀左魚介曲麵，我試左一啖，我覺得我碗好食d。價錢八十幾都還可以啦。食既時候播緊忍者亂太郎,宜家個腦又loop緊。

平時堂食拉麵係食完就賣單，但依到好特別係好似日本咁有部拉麵售票機，真係好似去咗轉日本咁 好搞笑，依到嘅拉麵好味之餘舖頭設計仲好適合打卡添，絕對要同朋友嚟食一次。依個就係售價機，真係好過癮。叫咗個黑蒜油拉麵，黑蒜油味好香同豚骨湯好夾，飲落好順口而且味道超級濃郁，叉燒大大件應該有燒一燒個面因為有少少火灸香，麵條軟硬適中帶點咬口，溏心蛋好好食 流心程度100分。溏心蛋嘅蛋白好入味，蛋黃好滑仲會有少少黏口。辛辣拉麵比較無咁膩，可以一啖接一啖咁入口，湯底仲要帶啲辣味，浸味好令人上癮。仲叫咗兩枝嘢飲葡萄梳打同蜜瓜梳打，葡萄梳打唔藥水味，飲落就清啲無咁甜膩，蜜瓜梳打就比較甜，但蜜瓜味唔假 飲落喉嚨好舒服，食濃味嘅拉麵最好就係gur一gur佢。