城寨風味 (已搬遷) 新店位置

上次食過九龍城的城寨風味念念不忘，喜歡它那古舊的裝修和有特式的經典菜式，餐廳匯集了各式的中式料理，包括江南各地名菜與小吃，杭州料理，也主理粵菜、川菜等特色菜餚，今次再來嚐嚐其他菜色。《秘制紅燒bb鸽 - $50/隻》店員介紹其招牌乳鴿，每人限購一隻，只限堂食，不設外賣，數量有限，售完即止，店員提示我們食乳鴿講求原汁原味，吃時要用手撕開，千萬不要用刀來切開以免流失肉汁。乳鴿賣相油潤飽滿，皮脆肉嫩肉汁豐富香濃，一隻都有點不夠喉。《土鄉煮糕蟹》店員介紹這道土鄉煮糕蟹，第一次聽亦係第一次試，糕蟹份量十足，蟹膏亦非常豐腴，底部原來是用上銀針粉，配搭好特別，湯底用上大蝦干，富蝦蟹鮮味，銀針粉亦特別入味，令人回味。《懷舊古法焗魚腸 $128》好耐冇食過這道菜了，十分懷念，這裏做得非常好，魚腸份量多而且入口，整體好汁潤一啲都唔干，蛋夠嫩滑。

好久沒有去九龍城吃飯了，以前每次落去唔係泰國菜就係火鍋，之後就是糖水一條龍。今次是朋友帶我去的，是一間私房菜館，而且餐廳名亦十分有氣勢“城寨風味”，來到餐廳裝潢佈置配合了城寨的歷史背景及清初江南的特色，以青磚紅泥牆及仿舊的裝飾配襯，很有味道。細看餐牌“城寨風味”匯集了各式的中式料理，包括江南各地名菜與小吃，杭州料理，也主理粵菜、川菜等特色菜餚。《原盅燉湯 - 螺頭燉竹絲雞 $68/位》打開盅蓋，香氣撲鼻，燉湯入口清甜滋潤，用上淮山杞子、薑、瘦肉和螺頭等加入竹絲雞燉上數小時，食材的精華全溶到湯內，飯前滋潤一下暖暖胃一流。《秘制紅燒bb鴿 - $50/隻》朋友說這裏的燒乳鴿一定要試，每人限購一隻，只限堂食，不設外賣，數量有限，售完即止。賣相也真的很吸引，咬開乳鴿肉汁豐富，肉質好嫩滑，好食到啜曬手指。《土鄉煮糕蟹 - 時價》少見咁有特色的菜式，蟹好大隻，份量好足，蟹膏特別豐盛，而且蟹肉出奇的滑，食得十分滋味；最特別是用上銀針粉，香港能食到銀針粉的餐廳不多，吸滿蟹精華的湯底溶入銀針粉內好鮮蟹味且入味，還食到有大蝦米的香，令人印象深刻。《懷舊古法焗魚腸 $128》每次見餐廳有焗魚腸都會想試，但好

朋友相約九龍城，第一個感覺就是以為吃泰菜，但原來他要帶我來吃中菜，而且是有「城寨風味」的中菜，令人相當期待。餐廳裝修有特式，感覺像步進了一間客棧。因為下大雨的關係，沒有平日的爆場場面，正好可讓我們慢慢享用美食。餐牌上的選擇多。餐前小吃有酸木瓜開胃。《原盅燉湯 - 螺頭燉竹絲雞 （$68/盎）》打開蓋已經聞到湯香，用料十足，有淮山杞子、薑、瘦肉和螺頭，當然還有竹絲雞。燉湯味道香濃，啖啖湯料精華，很滋補。《秘制紅燒bb鴿 $50/隻》必食推介！bb鴿燒得光滑油潤，正宗皮脆肉嫩，一咬即爆肉汁，實在滋味！好奇心下點了這款《土鄉煮糕蟹 （時價）》，除了有蟹之外，原來還有我喜愛的銀針粉！而湯汁就用了大蝦乾、薑、甘筍、蒜頭、西芹和草菇煮成，香濃吸引，銀針粉吸盡了湯的精華；而蟹被爆香過更添惹味。蟹肉一入口，實在有驚喜，味道極鮮甜而肉又嫩得滑溜，甚少遇到這種極滑得蟹肉，令人難忘又回味！《懷舊古法焗魚腸 $128》又是一道很讚的焗魚腸，時間拿捏得好令整體焗不會太乾或太濕。時間焗得剛剛好，不太乾亦不太濕，用匙羹撈開即聞到鷄蛋味香郁，魚腸亦多。入口蛋香夾雜著魚腸得甘香，完全沒有腥苦的味道，底部的蛋更香口。《泰

以前去九龍城，多數是去機場，所以好懷念以前好似見到一隻大鵬鳥係頭頂飛過的情境，自從機場搬走之後，已經甚少踏足九龍城。今次再去，係因為朋友有好介紹食好野，佢話我唔去就會後悔一世，講到咁誇張，咁真係點都要一試啦。去到目的地，坐低當然要飲杯靚茶，望吓裝修，感覺有點客棧既味道。坐近窗口可以望見街道，九龍城雖然再沒有大鵬鳥飛過頭頂的聲音，但四週還有很多的樓宇衹有四至五層高，保留着以前九龍城的獨特風格。首先上枱是螺頭燉竹絲鷄($68)，用淮山杞子，薑，瘦肉和螺頭加入竹絲雞燉至少三至四小時，啖一口清湯，感覺所有食材的精華全溶化於湯內，螺頭燉竹絲鷄滋補味濃，绝對值得一讚。懷舊古法焗鷄蛋蒸魚腸($128)，很少食到滿意的鷄蛋焗魚腸，一係焗得太乾，一係就魚腸太腥，一係就太多蒜頭兼水氣多，其實這款菜式，魚腸和鷄蛋絕對是價廉物美兼營養價值極高的食材，就衹是烹調的工秩繁複，烹調得好與否，就真要看看厨師的功力了。但這道鷄蛋焗魚腸時間焗得剛剛好，不太乾亦不太濕，用匙羹撈開即聞到鷄蛋魚腸的香味，不腥不苦。我喜歡灑少許胡椒粉於蛋面上，不因為怕腥，衹因為我喜歡胡椒粉的味道。很出色的紅燒乳鴿($50/隻)，記得童年時去沙田

呢間中菜格局夠哂中式,菜式都幾多選擇,重點係收得夜,岩哂附近食完糖水,飲完酒可以再黎食宵夜。兩個人,叫左兩個燉湯,係足料烏雞,味道好清甜!飲完都飽飽地,$68真係好大盅!之後黎BB鴿,香乳夠哂味$48一隻。係餐牌見到個菜名好特別叫做扎根香港,原來係五花腩加牛筋!味道都係夠濃味,配白飯一流!牛筋五花腩出奇咁夾!最後食埋個啫啫芥蘭煲,真係熱辣辣,好夠穫氣,我諗呢到嘅師傅都有番咁上下資歷,每道菜都好夠火候,呢一點對於中菜真係好重要👍

We've been eating few times already. The food standard is very consistent and good. Food quantity varies pending on the cook's mood, especially on vegetables. But mostly, the quantity is good portion. Price is on the medium high side. Service is definitely needs to be improved. We have been there more than 7 times. The manager n the servers are not in the good mood. The black pepper source BBQ duck n crispy pork are excellent dishes but takes long time to cook, at least 20 minutes. So o

食物好有特色風味，而且味道非常好。裝修格局有啲城寨特色。檯唔算太迫，但行人位置就唔夠，如果多人用大檯，就經常要就位俾人過。樓下門面有點怪，應該唔係城寨的。室內的冷氣機滴水問題，真的要改善，非常影響客人。

今日其中一個buddy提意今日出黎食番餐,咁我地星期五OT完就一齊食番餐好.首先我地一人食左半隻乳鴿, 我個人本身唔係好鐘意食的不過呢一隻味道好唔同. 佢既滷水味中帶左一陣玫瑰露的香. 食落去肉質唔會乾柴柴, 皮脆咬落去肉有爆汁的感覺. 令到我對乳鴿有一份新既好感.跟住就係原盅杏汁豬肺燉烏雞. 成盅湯都好足料,好味到好似飲緊牛奶咁.好滋補呀😍😍啫啫芥蘭㷛香口野味, 有咸魚的咸香,再加埋酒同薑絲的香味, 係油左小小不過唔油又邊好食呢?好surprise 既係中式酒家竟然會做出生菜包雜果沙律. 好新類的presentation 同味道. 呢個乳豬件皮脆豬件又唔肥, 唔加醬汁已經好夠味! 食到豬的原味又食到香脆! 最後呢個茄子又係不能錯過的系列之一. 一開始知道係茄子已經開心因爲我係茄子lover!! 睇個presentation 係好靚但係好似太多汁, 食左啖後真係番唔到轉頭呀! 面有一層蝦膠, 再加上一串串的鮮胡椒去煮個汁. 食落唔會咸但又令到淡淡的茄子加上左好多色彩,係送飯的最好朋友呀.

城寨嘅菜式真係算一絕，基本上都好高分。不過都係嗰句，因為食物比較大份，多人一齊去分享更好。又嚟先食嗰石鍋花膠，今日好似淡味啲，花膠實啲哩隻乳鴿真係無得輸，正到爆。皮非常脆，一扯開啲肉，肉汁就滴滴答答，肉質又嫩，鴿味濃郁，又唔會肥本來我有間最愛雞粥，承認係感情居多。不過宜家我比城寨哩個鮑魚雞粥嘅味道取代咗我廿幾年嘅感情。因為真係好好食，粥底香濃雞味，棉到一個極點，唔會放久了便水米分離。我打包放咗入冰箱，兩日後解凍食依然一樣正。雞肉亦嫩滑彈，鮑魚就正常，不過好似有少少腥。豬仔脾唔係唔好食，不過佢似炸非炸嘅皮我有點疑惑，又唔係脆，但又溶溶爛爛嘅炸粉漿碎

餐廳座位設於2樓, 舊中式裝修, 真係好貼題, 幾有城寨風味. 但座位太迫, 坐得唔係咁舒服, 同後面枱差不多背貼背…都只怪土地問題…招牌即燒乳豬- 乳豬皮夠鬆脆, 唔太肥膩七味黃金豆腐- 外面薄薄的炸皮, 外脆內軟, 豆腐滑到 差D夾唔起金沙蝦球- 味道唔錯, 但太太太油膩喇! 一放入口就成口油…我地6個人都食唔哂菜甫蠔仔煎蛋- 半煎炸蠔仔餅加埋菜甫, 香口得黎又鮮味城寨風味雞- 超!級!失!望!以為係招牌野, 點知…只係一隻咸係蒸雞..D雞肉又”鞋”又冇雞味頭抽龍鬚炒麵- 炒得夠乾身, 頭抽味香濃, 唔錯

 聖誕同屋企人唔食西餐食中餐！唔怕同人迫之餘又唔會坐地起價～之前都有去過城寨風味，記得啲菜式比其他餐廳特色啲健康啲，而且又可以度身訂做！  今次帶屋企人食特別啲！喺門口巳經有大大個餐牌介紹！係連我自己都未食過嘅「富甲天下」！想知究竟係乜就睇落去啦！ 七味黃金豆腐 $68 ［分數：8.5/10］ 先食個小食-七味黃金豆腐！出面好多時都係炸豆腐粒，而呢到就會切成一件件。外層脆皮好薄，但入口仍然好脆！而豆腐就好嫩滑，熱辣辣好好食！ 川貝海底椰燉鱷魚肉1鼎 約$65/位 ［分數：8/10］ 燉湯就揀咗川貝海底椰燉鱷魚肉，鱷魚肉同川貝一樣可以止咳，加埋海底椰啱晒冬天飲！而且一盅盅咁上，夠晒熱飲完暖笠笠～下一道菜「富甲天下」同鱷魚都有關係㗎～ 富甲天下＄1688 ［分數：8/10］ 重頭戲嚟喇！「富甲天下」！碟邊仲有隻鱷魚襯埋添～而中間一大塊凹凹凸凸嘅其實係鱷魚背膠！因為佢本身無乜味，所以主要靠個汁嚟提味，所以望落會有啲似炆花膠咁。 富甲天下＄1688 ［分數：8/10］ 背膠入面一粒粒凸起嘅野原來係好似核咁，唔食得嘅～而背膠我會覺得似花膠同海蔘嘅混合體，口感似海蔘，但又帶點花

美食哥倫布今次去咗九龍城搵野食!有乜好野食？一齊睇下啦!上次食完私房菜，今次就嚟個半私房菜啦！因為今次衣間可以walk in又可以訂定位叫餐廳寫定菜單！小食鹵水豬仔腳細細隻好可愛～原來係暖嘅，整得都幾入味又唔會好硬，可以慢慢食，一邊食一邊等朋友就啱晒川貝海底椰燉鱷魚肉又潤又止咳！每人一盅，入面好多料好清甜好好飲！衣個天氣飲就一流原來因為佢又橙又綠嘅顏色，所以叫做彩虹豆腐！豆腐切得好薄，而且好滑！個汁酸酸甜甜好開胃！其他顏色就係青椒黃椒粒！清得嚟又好濃味屋企人鐘意食得清淡啲，食完清清地嘅豆腐，再黎多個蟲草花海參絲因為我唔太食西芹，所以淨係食啲蟲草花同海蔘絲爽爽地，幾好送飯！泡飯清淡得黎好魚甜！原來係魚米龍躉泡飯！好多菜粒同龍躉粒！真係啖啖都係料！出去食飯原來都可以好健康，啲料養身，又唔會好油，健康得黎又好食！

今日搵個同事傾野係九龍城跟住周圍行搵地方食野，跟住突然見到呢間餐廳朋友話好想入去食，今日咁岩見到就走左入去試下。跟住經介紹，原來餐廳俾好多媒體報導過,不過由於我地第一次九龍城食私房菜，所以有啲期待 蟲草花海參絲海參絲一啲都唔會乾身，啖啖都好脆身，而且連蟲草花都炒得岩岩好，夠晒份量，餐廳果然係即叫即炒。彩虹豆腐首先切得要夠好，而且夠晒嫩，份量亦都好足唔會太小，不過本身個味道酸酸甜甜，作為一個小菜真係唔錯架。富甲天下富甲天下食嘅係鱷魚背後的軟骨，最緊要係香濃，呢個軟骨廚師整得真係唔錯，味道又夠香濃，而且軟骨入口又夠軟身。魚米龍躉泡飯餐廳龍躉泡飯全部即叫即整，龍躉保證新鮮，泡飯熱辣辣嘅同時又夠份量，味道真係令人一試難忘二個人食幾樣野已經食到飽晒，真係好滿足，而且走嘅時候仲要留意到原來餐廳仲有好多好野食，搵日再黎食野先 

家姐放工，好少一起行街，今次行九龍城，行完街要在附近食好西了。地點在觀塘，環境很美麗，很受食客的歡迎，有機會一齊食，心裡帶點開心，家人好滿意。(什菜煲) 十分大件呀，什菜多，嫰滑彈牙，增添口感，確配合正。(錦江海鮮豆腐煲) 一口咬落去，確鮮味嫩滑，海鮮味香，豆腐多，不會太油膩，家人一人一口，確不同。(牛展)不會韌，口感不錯，一會兒巳食清了，如多一點會更好吧。 (城寨石鍋花膠) 招牌菜當然不同吧，色澤佳，花膠味香，肉質爽滑，幼滑度高，確惹味，招牌菜當之無傀。 

之前聽人講九龍城有個私房菜好出位，之前已經一直想食放題，但係一直都就唔到個朋友，咁岩今日終於去到喇。一入去都令人覺得都幾大，地方俾人感覺都算寬敞。真係幾舒服架杞子淮山煲雞呢個絕對值得讚下架，入口都幾鮮甜，入口好濃藥材味，感覺都真係幾真材實料。酥炸豆腐呢度酥炸豆腐都做得唔錯架，皮脆內嫩架，而且夠有晒熱，果然係有水準荷葉花旗參蒸雞呢度嘅熱菜真係幾多款，都算係咩都可以食到啲，就連花旗參蒸雞都有，一見到緊係要試下喇，師傅整到都好香花旗參味下，又唔會太咸，啲雞仲要超級滑富甲天下另外仲可以唔提下呢個富甲天下，富甲天下係呢度嘅名菜好小地方有架,所謂富甲天下就係食鱷魚背隻層皮，咬落充滿骨膠原，而且好彈牙下，個味道都幾特別下。今日做完野係佐敦周圍行，本來諗搭西鐵走，跟住突然見到呢間餐廳.之前係朋友度都有聽過，今日咁岩見到就走左入去試下。一入去可能我地都比較早，所以唔洗等都已經有位。