壽司德 (已結業)

嚟到尖咀知道Li間食店係附近,就去試吓Lunch先,星期六比較靜,一個人坐枱比較好,Li道有十幾款Set Lunch唔知食咩嘢好,就叫部長介紹一下,佢話Li道係Sushi店當然食魚生寿司,佢仲介紹一款新嘅吉列海鮮套餐俾我,但都係想食寿司,於是就向佢查問寿司餐嘅分別,佢非常詳細講我聽,差不多擾攘咗十幾分鈡先落單。大約等咗十分鐘左右午餐嚟到,寿司睇嚟好好食,一啖入口,醋不太酸好好味魚生都很鮮甜,尤其海胆,本身已經好鍾意食,向部長查詢Li隻係咩胆,佢話係九洲嘅;其他例如燒拖羅、海鰻、深海池魚都very good。甜品可以揀咖啡或生菓,我揀咖啡,因為係UCC炭燒咖啡,而且唔係每個餐都有,要係Grand Menu入面嘅Lunch先有,點解咁清楚?咪就係個部長話過我知,佢仲話如果想食到D時令菜式,佢哋會盡量幫客人預訂;遲D真係要試吓Dinner。最後真係要讚賞吓個位部長,對於我Li D問題食客不厭其煩咁回答咁多問題仲係笑容滿臉,俾着係其他,晨早黑面鬼啋你。

被人放了半隻飛機，一個人找地方吃午飯，醒起有興趣的這家壽司店就在老尖，就走過來了。下午二時多，店子約半滿，被領到一張二人檯，見環境不錯，有微弱的陽光透進室內，又清靜，立即打消坐壽司吧的念頭。餐牌上有個自選壽司定食，可在十幾款中揀八件，海膽、拖羅等一件要加$20。另外有款雜錦壽司定食，一樣有八件，但款式是指定的，包卷物及茶碗蒸。女侍應介紹得頗清楚，但當我追問時，她只表示不知道是什麼壽司，沒有進一步幫手的意思，稍欠主動及醒目。反正是日有點懶慵，就點了雜錦壽司定食，交由師傅「發板」。等待的時間比預期長，希望是慢工出細貨吧。先嚐茶碗蒸，加了紫蘇葉，份外清香，但蛋的滑和香依然突出，非常滋味。美中不足是當中的蝦粒和魚粒，吃得出不大新鮮。主角壽司就好得，作為午市定食，材料非常新鮮，壽司飯亦握得恰到好處。特別推介玉子，鬆軟又有蛋味，讚！不過壽司好像比較大件，加上還有鐵火卷，份量十足。連定食附的生果，賣相也很精緻。服務員其實很有禮貌，但有一點令人費解：壽司本身已加有山葵，奇怪的是，我沒有要求，女侍應卻無端另外給我一碟山葵，莫非是對港燦的特別照顧？整體而言，這頓午餐給我的印象很好，超額完成，有機會一定會再

門檻唔算高,裝修雅致,面積頗細,招呼OK,食物種類唔算少,而且未淪陷到要賣切合香港人既三文魚,真有吉士。講返食物,刺身拼盤有2件tuna, 4片帶子,一束貝類切條,兩款白身魚(1薄切、一厚切),2件小蝦,散叫壽司有2件海膽、1件toro、1件鯖魚、2件牡丹蝦、2件魚,全部新鮮;另叫了天婦羅冷蕎麥麵,有一只蝦,一件南瓜及一件青椒,加一客油追魚天婦羅,麵既質素同係東京食一樣,可惜天婦羅就比較油身,之後成晚喉嚨漏住,質素不及本地頂級專門店出品。

早前六叔入醫院治療肺炎引起各大小傳媒機構的關注，出院後的活動也有不少報章的報導，八卦的小頭從這些文章得知六叔和張小姐等友好來光顧這店，各位身家豐厚又懂享受生活，這店的質素應該不錯罷。照例又來吃午餐—不能常常到日本料理店吃晚飯，會破產的啊！到達時是一時多，壽司吧只有一位日本客人，有點擔心，難道今天選了一間地雷店？既來之則安之，生死有命，食運由天，就和老公各點一客特上壽司定食（$200）。http://www.imagestation.com/picture/sraid214/p5acaf119bfed6e7366b4cdb091c5d005/ed218bc1.jpg拖羅有少許筋，但仍不失肥美，稍嚼即溶化而釋放鮮味可口的魚油脂。蛋卷甜而不膩，質感鬆軟，不像大部份店做的太過結實。其他魚類如吞拿、油甘、穴子都是魚味鮮美的高質素材料；穴子的醬油非常香甜。而海膽可能是我在香港吃過最鮮甜的—當然我不是吃過很多店，也不是專家，但當時感覺如此。赤貝和帶子又是味道鮮濃，我最愛赤貝和海膽，而老公對帶子的印象深刻。有少許瑕疵的是我覺得貝類壽司的山葵多了一點，略搶了味，老公則認為壽司飯份量多了一點（我倒沒這感覺

離開香港幾個月,一返嚟即時要去寿司徳食嘢,一去到只見吧枱餘2個坐位,想即時坐低,一位應該係經理嘅小姐礼貌話已俾人訂咗,但如果唔介意可以坐普通枱,冇辨法鬼叫我冇訂枱（以前冇訂枱都有位,一位侍應姐姐話依家多咗雜誌報道,尤其早排六叔出院後都有光顧一兩次,被傳媒報道後,香港客人多咗.）講返食嘢,經理姐姐介紹我哋秋刀魚刺身、深海池魚刺身、鮮北寄貝刺身、象拔蚌刺身等,所有刺身非常鮮味,尤其秋刀魚刺身,經理姐姐話,全年只有這一兩個月可造刺身,另外鮮北寄貝刺身都好好,因其他日本菜大多是急凍貨色,再點寿司經理姐姐介紹燒拖羅寿司、和牛寿司、蒸鮑寿司、海鰻魚寿司及我指定嘅日本花蝦寿司和葱拖羅飯,全部都好味寿司飯醋味剛好唔會太酸。最後Ｏｒｄｅｒ　Ｄ熟食有,石焼牛肉、馬頭魚焼、沙槌天婦羅等,甜品就Ｏｒｄｅｒ　日本宮崎出産萍果茫,總括全晚食品及招呼都依然保持水準,失望嘅就係冇得坐吧枱,所以各位食友去之前記得Ｂｏｏｋ位。

終於可以係開飯呢度搵到Sushi Toku,因為成日同老婆去呢度食魚生壽司,覺得好好味,所以想在此同其他人分亨吓!　星期四晩上,同老婆又忍唔住ロ想食魚生,有諗過去"見城"或"松戸",但始終都係去Sushi Toku,因為呢度比較多魚類揀同埋德永先生會推介新鮮好味嘅魚生俾我地,首先食樣貌十分醜的石頭魚,魚肉好鮮甜,比我想像中美味好多倍,跟住就係象拔蚌、原隻北寄貝、深海池魚、呑拿魚腩,都保持到高水準.至於壽司就更加不用多講,是德永先生的拿手好戲,食過就知乜野叫做壽司!!

睇雜誌後見到有間新"野"於是同班Friend去試吓,除試雜誌介紹的菜式,仲試埋九洲海胆、平政魚、針魚、日本花蝦、海鰻魚及最得意的醋伴白魚苗,侍應姐姐話全部係時令魚生。環境有D似私房菜,好有日本Feel,而且好多日本客入,但唔使驚埋單都係毎人約$350.