壽司櫻 (已結業)

終於限聚令到12點可以同朋友聚下點知幾個都想食omakase 對於吾食生嘢既我預左又係得鰻魚飯食 不過食乜冇所謂 聚先係重點-上到餐廳即刻有熱毛巾同熱茶提供侍應過黎介紹menu 我直接表示完全吾食生嘢點知佢居然話可以叫師傅幫我寫个1280既熟食set佢仲好細心咁問埋我有咩係吾食既(抵讚)大家order好後五分鐘就上前菜 事不宜遲相機食先侍應過黎每樣介紹菜名(原諒我冇留心聽)話左至右開始食 我個份同朋友們係吾同既(左)師傅幫我將北寄貝整熟左加海藻 酸酸甜甜(中)雞肉上面有海膽醬 呢个好好食(右)蟹湯凍 茶碗蒸-正常秋刀魚卷-呢个一定要讚師父起左骨 真心好好食海膽帶子-正常黑松露龍蝦-嫌黑松露味吾夠鰻魚豆腐-呢个推薦!魚湯烏冬-个湯正到不得了 我食吾哂烏冬但飲哂碗湯蜜瓜-好甜!-總括黎講係好滿意既一餐 服務好味道好1280有咁多嘢食係抵既 一定會再黎幫襯

嗨嗨大家好😉自己本身都好鐘意食日本野，omakase 不在話下，經朋友介紹去試呢間「櫻」。首先環境唔錯，感覺衛生乾淨，好怕一啲壽司店有陣味（食開嘅朋友會明😜）。好，入正題！睇完menu，刺身壽司熟食都好多選擇，但我重點出擊，食時令野！🤩我點左個$1480嘅omakase😋前菜有鮑魚，阿波尾雞刺身，已經流哂口水🤤之後隻岩蠔不得了！🤯想食多幾隻😂刺身都好新鮮 ，特別鐘意金目鯛，深海池魚，右口魚！師傅話啲魚都係即日到，所以覺得自己直情係日本食緊😂到熟食，鰻魚豆腐出色，仲有和牛😋師傅話都係時令野會轉，上星期有魚鮫又有龍蝦食，但今個星期轉左和牛，希望下次試到其他🤤幾款壽司都好正好新鮮，師傅撻隻赤貝係砧板仲識郁😆，秋刀魚係今期時令魚，個櫻花蝦拖羅超好食！重點推介🤩海膽我貪心叫佢加左碼😂仲有幾款唔特別講（有番啲神秘感😆）食完主食，仲有個超好飲嘅魚奶湯！一個好濃好重味嘅魚湯！正到爆！🤩（掛住飲唔記得左影相😅）最後食埋個蜜瓜，超滿足😋💪🏻總結：食材：真係好新鮮冇得彈！🤤服務：師傅都好細心講解啲魚比我聽，個女侍應招呼好周到🙏🏻環境：舒適寬躺，衛生乾淨👍🏻價錢：呢個價錢食到呢啲野真係好驚喜！🤩

日本旅行去唔成...唯有食下日本野滿足一下自己啦岩岩星期六同幾個朋去去左銅鑼灣新開既Omakase試下，最近有個超鐘意食omakase既朋友食過話正，話要食好快啲去食，如果唔係又要有排book檯。我地就早一個星期book都仲有位，不過好彩有預早book, 因為都差不多坐滿，同埋bar檯唔多位，如果唔係就要坐car位，無得咁清楚見到師傅既手勢。環境唔錯，都幾闊落感覺幾開揚幾舒服，唔係果d靜英英好高級食到好緊張果種地方，我自己幾鐘意呢種氣氛。野食方面佢又兩個set, $1280同$1480 我地都係揀左$1480食頭盤已經有驚喜，個阿波美雞輕輕smoke過，作為頭盤好合適，之後刺身款款都好出色好新鮮，尤其係貝類新鮮到不得之了個生蠔都好好食！係我最鐘意食既岩蠔！其中一個朋友唔食蠔，師傅都好細心幫佢換左另一款刺身。刺身總共有7款之後有天婦羅同埋燒KinkiKinki之前係日本食過，今次竟然係香港食好食到好似去左日本咁！配上師傅秘製醬汁或者就咁食，真係好似兩道菜咁，有唔同既風味。同埋仲有個魚湯，超鮮甜好味...最後就係食壽司.........幾款壽司都好好食，個飯係我鐘意既赤醋飯海膽壽司真係好好

這天肚內的貪吃蟲筋又發作，想到已經很久沒有在以前常來的永光中心用膳，好奇有沒有新的店，在網絡上誤打誤撞搜尋的情況下，找到了這間新開的壽司店。在疫情嚴峻的情況下開業，實在勇氣可嘉，決定一試。週末午膳時間來到，來到的時候剛剛開始營業，我是第一位客人。為了能夠全面品嚐店裏的料理，決定要$680的廚師發板午市套餐。前菜三點下了單以後大約等了10分鐘左右，第一道菜式，前菜三點就上桌了。由左至右分別是煙燻阿波尾雞、蟹肉水雲、胡麻菠菜。前菜放在小木盒內上桌，底層鋪墊了葉子，增添鄉土氣息。煙熏阿波尾雞(左)阿波尾雞是日本德島的特產，屬於鬥雞的品種，是日本阿波鬥雞與白普利茅斯洛克雞的混種，在德島的自然環境中飼養80天以上，低脂味濃，肉質富有彈性。由於這種雞擁有可愛的小蹺尾，出產自以阿波舞聞名的德島，因此命名為阿波尾雞。在這裏我獻出了我的第一次，第一次吃雞肉刺身。生雞肉薄片卷入了香草， 在上面淋上煙燻醬汁，入口肉質結實鮮美，加上煙燻的香氣，令我以為自己在吃煙燻魚肉，而不是生雞肉。和魚肉相比，這款雞肉刺身越咀嚼味道越濃郁，我很滿意這次雞肉刺身的初體驗。蟹肉水雲(中)水雲乃沖繩特產的海藻類，因為這種海藻在海中

又到左星期日，終於可以出黎透透氣，平日做野太忙，處理屋企裝修又忙，難得尚有少少喘息空間當然要捉緊，一於就去朋友介紹銅鑼灣新開張既 壽司櫻 Sushi Sakura.餐廳裝修樸實，瞬間令人置身於日本，伴隨住日本音樂創作歌手山下達郎輕快既音樂，真係可以令人忘卻疫情下種種不快，盡情享受美食。鑑於今日陽光普照，酷熱之下難免眉濕額汗，所以一到餐廳即時Order冰凍既啤酒，爽快！餐廳午餐定食選擇豐富，除左壽司或刺身外，仲有和牛定食同湯烏冬等等選擇，而今日決定食Lunch Menu既壽司12点，因為食壽司先可以了解一間餐廳既用心、服務同埋細節！七色芝麻菠菜 with 沙律，一個好好既開胃菜，酸酸甜甜，菠菜外型好靚又吸睛！日式燉蛋柔滑，味道平均，口感Q彈。面豉湯味道回甘，目的是為了品嚐即將出現既主菜前清一清口腔，好好感受食材。主菜終於出現！肥美！新鮮！就係我眼前美食既代名詞！伴碟裝飾精美，以及店員都好清晰咁指導我應該係邊度開始食，同埋每一件最佳食法，店員既用心，店員既服務為我帶黎香港少有既溫暖感覺！輪到壓軸出場既根室海膽壽司 同埋我最鍾意既 蔥吞拿魚腩手卷！！唔講唔知，原來呢個吞拿魚腩手卷入邊嘅壽司飯

終於有返夜晚堂食  之前朋友食完佢地上門Omakase話幾好食  所以上去試下  上到去裝修都幾靚  環境幾好  不過可能因為啱啱有返堂食  唔多人  所以都食得安靜舒服  服務都唔錯  前菜擺盤都靚  同埋竟然有鮑魚  三點前菜都滿意嘅  之後上刺身都食得出係新鮮  師傅都有遂樣介紹  輪到熟食  其中一道鰻魚豆腐  真係好食  天婦羅都ok嘅  之後壽司都新鮮  有魚有貝  海膽都甜  最後個櫻花蝦拖羅有驚喜  睇得又好食 總括黎講 環境加服務加食物 性格比好高 又飽 試過同價位Omakase黎講 係抵玩嘅