夏雪 (已結業)

第一次黎，為咗紫薯心太軟而黎；入店時即刻問有冇紫薯心太軟，惡劣服務員話有，叫我喺度等等，我即時停低企喺度等等；跟手佢即刻隊個menu黎，我接咗，點知就有個細menu跌落地，跌落隻腳度，鬼死咁痛；原來惡劣服務員將兩個大既大約A4 size既menu擺喺面，然後個細既大約得A4 Size 既1/3既細menu擺喺底🙄鬼睇到你下個仲有個細menu咩🙄隊俾人嗰陣又隊得衰，咁咪跌囉～🙄呢一下都仲未嬲，當佢冇心；咁個menu跌落地，惡劣服務員去執，我梗係企開少少讓俾佢執啦！跟住咪企定定等佢量體溫囉～量完我之後，惡劣服務員竟然無啦啦發惡鬧我指住我左手邊：「企喺呢度呀！」因為佢量唔到企喺我後面既男朋友！我即刻勁嬲！😡我男朋友超級好脾氣既人都反佢白眼覺得佢態度好有問題！🙄首先，如果佢想人地企喺特定某個位置，佢可以指示清晰、說話清楚咁表達叫人要企喺邊個位置，而唔係就咁一句叫人企喺度等等！其次，佢可以態度平和咁講野，叫我讓開俾佢去量我男朋友體溫，而唔係發惡咁鬧客！一入黎呢間野就因為啲垃圾服務態度勁反感！啲野食再好食都無用！平心而論，紫薯心太軟味道係ok,再配埋豆腐雪糕、真紫薯窩夫、哈密瓜呢個配搭係唔錯！紫薯

·呢間嘅waffle真係好好食，外脆內軟🥺💛雖然呢份嘅價錢比較貴，不過佢有心太軟，朱古力雪糕，仲有兩塊waffle其實都差唔多等於出面嘅兩份甜品🤣兩個人share就啱啱好～·魔鬼窩夫 $108———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍夏雪（大圍）大圍積富街31號益富閣地下3號舖💛罷市、店內張貼文宣———

·呢間嘅waffle真係好好食，外脆內軟🥺💛雖然呢份嘅價錢比較貴，不過佢又有心太軟，又有朱古力雪糕，又有兩塊waffle其實都差唔多等於出面嘅兩份甜品🤣兩個人share就啱啱好～·魔鬼窩夫 $108———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍夏雪（大圍）大圍積富街31號益富閣地下3號舖💛罷市、店內張貼文宣———

大圍收收埋埋唔少黃店，今次去嘅甜品舖係西環打響名堂，果時一直想試但又懶得過海，拖左幾年終於食到。一入門口就見到墻上有大大隻連豬，佢地多次罷工又撐醫護同黃媒，難怪下午茶時間去都要等位，原本打算叫一客窩夫同兩杯飲品，店員就推薦半份窩夫嘅tea set，因為可用半價加配飲品，平左又可試多隻味，一舉兩得。綠茶窩夫(半份)：話明係綠茶而唔係抹茶所以對本身無咩期望，食落又比想像中好，雪糕奶味同茶味各佔一半，又唔係好假果啲帶花香或煙燻嘅味道，以綠茶甜品黎講算唔錯！夏雪嘅窩夫係有麻糬餡嘅所以特別好食，外脆内煙韌，面頭灑滿綠茶粉同糖霜，配黃豆粉蕨餅同紅豆蓉，蕨餅有咬口，紅豆蓉就甜左少少。紫薯窩夫(半份)：呢款配豆腐雪糕，豆腐味幾出，仲有粒小番薯同一大片哈密瓜，無浸糖水，清甜解膩。窩夫即叫即整，熱辣辣有蛋香，但當日呢個甜品有少少意外，紫薯餡有酸味，同店員反映後佢地即刻表示可以換款或取消，我地太飽揀左後者，到埋單果陣發現佢地連跟餐飲品都無收錢，我地一心黎支持黃店，話想比返飲品錢佢地都唔收，唯有下次再黎懲罰啦。黑芝麻latte：面頭打左層奶泡，味道濃郁，食到一粒粒芝麻碎，唔甜，推薦。.焙茶latte：呢杯無咁

夏雪有多款甜品供應，花多眼亂，雪糕要揀，醬汁要揀，甚麼味的窩夫要揀，最後選擇了雜果草莓醬朱古力窩夫，冷熱交融，好味。綠茶心太軟，日式班戟，綠茶雪糕，紅豆，小丸子及蕨餅，包羅萬有，呢個適合同朋友一齊分享。一個人食應該會好膩，還有一杯茶，飲完都猜不到是甚麼味，清清的味道，只肯定不是綠茶。

夏雪，大大話話由堅尼地城開始，已經食左四五年。想當年堅尼地城仲未有咁多甜品糖水舖，搵下搵下見到有間夏雪幾特別，出名在呢甜品大大份，窩夫又夠脆。的確，諗返起堅城果度都係一種回憶，無論係味道定環境。佢後期係大圍開左一間分店，其實當我嚟講仲方便左，而且地方又大左，等位時間又少左，照道理應該好正先係，但係，唔知點解始終欠缺啲嘢，欠缺嘅可能係一種感覺！環境：老老豆豆，環境真係好一般，講衰啲直頭冇乜心機裝修咁，唔係話堅尼地城裝得好靚，但係點睇都多啲心思！食物選擇：由一開始堅城店，佢其實都叫多食物選擇，當然有招牌窩夫，但仲有好多正野例如心太軟，特色飲品，咖啡等等，不過食下食下，發覺食物選擇愈來愈少，以前每種食物都有幾種味，仲有啲配埋新鮮生果，而家以心太軟為例，大圍店只剩下紫薯一種口味。食物：紫薯心太軟：份量都大，原來仲配埋窩夫，難怪價錢去到差唔多成舊水。窩夫唔洗多講，好脆好正，外脆內軟；蜜瓜香甜多汁；不過可惜主角心太軟較膩，紫薯過濃，食到最後比較頂胃！香蕉朱古力麻薯窩夫：呢個甜品都幾有驚喜，窩夫入面有麻薯，食落外脆內煙韌，感覺幾特別，口感好有層次，未試過嘅朋友可以試下！不過講真，呢度冇乜嘢可以選擇，

星期五放工想食甜品抖抖...因為之後係大圍仲有野做，所以近近地搵間甜品舖食吓野先好耐之前都食過呢間夏雪，不過係夜晚食今日去到，店員去到首先幫我地量體溫，可能行去嘅時候熱得滯，過咗37度，店員叫我抖抖先再量，揀住野食先...佢好好咁同我講其中一個Menu就快收番，如果要揀的話就要快d order，但最後我地揀咗其他野食。可能係下午茶去食，所以唔係太多人，環境好舒適一入到去就聞到濃濃嘅咖啡味，好香，我都鍾意飲咖啡嘅...但係個陣已經5點幾，再飲夜晚就會瞓唔着...今次叫咗香蕉朱古力窩夫同白桃乳酪沙冰香蕉朱古力窩夫以為個窩夫底係撈埋香蕉，好似香蕉朱古力蛋糕咁。原來係分開嘅...窩夫底係朱古力味，香蕉切片伴碟，一邊香蕉面有焦糖，一邊係普通香蕉，窩夫外脆內軟，用料十足，唔係食空氣。白桃乳酪沙冰友人一飲話係童年回憶，但我就唔係太清楚haha我就覺得夏天飲真係唔錯，野飲下面係乳酸沙冰，上面加一球白桃嘅雪葩定係冰，我覺得上面球白桃可以skip，杯野飲都已經唔差。

那天約了朋友食早餐，所以點了一個all day waffle breakfast，份量很豐富，材料十分充足，而且食物顏色繽紛，看見食物也很開胃，食物味道非常不錯，食了一個很滿足的早餐。早餐當然要來一杯咖啡，我點了一杯latte，不過不失，畫花很美麗。侍應生態度良好，還有店內的佈置很美麗，很有心思的餐廳。其實之前也試過來吃甜品，已經覺得不錯，waffle最好食，其他甜品也不過不失，可以來試吓佢嘅甜品。這間餐廳我一定會再來。

人就係咁衰格，有啲餐廳開喺你屋企附近既時候又唔食，到佢執左又想試下。夏雪就係其中一間，估唔到嗰陣佢喺西環成日要排隊，都會執。呢日同女朋友拍拖去踩單車，夜晚去左大圍食晚餐同埋甜品。再次見到夏雪就入去試下啦，都要排一排隊。我地要左一份抹茶特盛，造型就攞滿足嘅，味道就中規中矩啦，主要係佢個抹茶🍵唔夠好味，所以無論整成點既形態都唔會特別好食。食材配料都多，有心太軟、雪糕、丸子、蕨餅同銅鑼燒等。另外，我地要左Affogato，賣相亦係唔錯，適合打卡，可以自己Mix & Match，不過同樣地，味道好普通。甜品舖整體一般般，兩款甜品都不會讓你有encore的感覺，質素soso。如果唔使排隊，都可一食，但價錢定價都唔算平。

1. 紫薯窩夫+豆腐雪糕窩夫中間有紫薯蓉 紫薯味又甜又香濃窩夫外脆內軟 好正😋😋如果個人鐘意再甜啲 可以淋埋楓糖🍁加上豆腐雪糕好清新食落唔會覺得膩仲有兩粒原粒紫薯 配合蜜糖😋至於蜜瓜 食左咁多次 都係咁清甜成份甜品令人感覺好豐富好滿足👍🏻👍🏻.2.伯爵茶窩夫+咖啡窩夫+咖啡雪糕兩款窩夫茶味同咖啡味都好香濃 幾有特色 唔會只有蛋香味咁單調 雪糕咖啡味好濃郁 仲加入左碎碎 令雪糕口感更有層次水果就用左菠蘿 但菠蘿上有一層薄薄既焦糖 燒熱左嘅菠蘿 甜味同香味都更特出👍🏻👍🏻.環境方面少少文青feel同朋友一齊傾計食甜品係正既員工都係年青人 都幾friendly

#All Day Waffle Breakfast 🍽🌞🌝佢一上台真係超豐富呀！色彩繽紛又吸引！🌈😍成份嘅全日窩夫早餐，包括左 #香腸 、#炒啡菇 、#煙肉 、#茄汁豆 、#焗薯 、#炒蛋 、#煙三文魚 、#沙律菜，當然唔少得 #窩夫 配 #忌廉芝士醬 ，咁樣數一數係有9樣食物加1個醬，真係好誇張🙈.成份早餐每樣食物都好唔錯，當中有幾款小編特別推介👍🏻1️⃣小編平時唔係好鍾意食腸仔，但佢呢度嘅香腸煎得外脆內Juicy，唔會好油同好鹹，好味道😋 2️⃣炒啡菇真係同想像中咁好食！🍄 菇味濃郁又多汁🤤3️⃣佢呢度嘅焗薯係好似IKEA嗰款蔬菜薯餅咁，不過口感就會偏林少少同埋比較多洋蔥，雖然小編唔係好好洋蔥味，但係都覺得好唔錯🙊4️⃣炒蛋好香滑🍳😝5️⃣沙律菜配合埋應該係柚子醋嘅source好開胃🥗🤪6️⃣最後梗係要分享吓佢個窩夫配忌廉芝士醬啦！🤣 其實小編大約兩年前同朋友嚟過夏雪食甜品放題，當時覺得佢嘅窩夫非常之好食！💯 今次唔食甜品，轉食我All Day Breakfast，可惜嘅地方係佢今次嘅窩夫好似有啲偏乾，而且佢比嘅忌廉芝士醬比較少，唔能夠伴曬兩件窩夫一齊食⋯😣🥺 同行嘅朋友仔同小編講佢以前嘅忌廉芝士醬係會額

話說好耐無接過包生放工，諗住sweet下比個驚喜佢。包生十點放工話口痕想搵野食，就決定去食個甜品啦。其實我本人真係唔太好甜品，中式都還好，西式我真係麻麻。不過主子話想去食，我又有乜法子唔去呢。我地叫左2個甜品加一杯涷飲。呢個mixed earl grey and coffee waffle with coffee flavour ice cream and bbq pineapple真係正，個咖啡味雪糕好食到我地問佢係咩牌子，但係超市無得買，只做食市批發。我就比較鐘意earl grey waffle，配咖啡味雪糕剛剛好，可以唔使落maple sauce都得。cream brulee and apple crumble with vanilla ice cream - 呢個就相對失色。apple crumble太甜啦，雖然cream brulee可以溝返淡口中既甜，但我食個apple crumble真係食得好辛苦。even mixed with vanilla ice cream 都係太甜。同埋係我個人覺得apple crumble 係要有cinnamon 先好食。this vanill

抹茶紅豆麻糬窩夫 $80依間既窩夫真係食幾多次都覺得好正😍 依家仲要入面有埋麻糬餡🥰 窩夫外脆內軟之餘仲食到麻糬果種煙un口感🙆🏼‍♀️ 而且仲食到陣陣香濃既抹茶味🤤.柚子cheese cake $55第一次試cake有驚喜🥰～ 三角型造型😍 柚子醬點綴係cake既中間，賣相已經好吸引我🤤 食落好滑同埋唔會好膩🙆🏼‍♀️ 真係啖啖都食到柚子果陣香中帶酸既味，仲有層薄薄既餅底，增加口感🙈 因為無晒柚子雪芭所以配佐豆腐雪糕 但食落都幾match好清新🍃.總結，依間甜品真係整得好有誠意同好大份😍 環境又舒服，好適合去同朋友飯後聚一聚🥰除佐窩夫正之餘，佢個心太軟都好正🤤 仲有仲有！咖啡控記得試下佢地啲咖啡 都係佢地另一主打黎🙆🏼‍♀️

下午茶去左大圍食好西，搵左間cafe 食窩夫，餐廳細細間都有兩層，位唔算多我地都等左一陣位，入到去已經聞到香噴噴嘅窩夫味。我地叫左個抺茶特盛，好豐富有抺茶心太軟一d都唔甜好好味，本身係配pancake，因為今日冇所以可以改窩夫仲正，配抺茶雪糕簡直一流，仲有小丸子同蒟蒻一d都唔甜食多多都冇問題，配左杯綠茶完全好清香。飲品叫左一杯cappuccino 同一杯巨峰提子梳打，咖啡好好飲，梳打好解渴👍🏻👍🏻👍🏻

繼續係沙田友推介，呢間有人情味既小店💛💛💛佢地主打窩夫，心太軟，雪糕，咖啡，不過除左甜品，佢仲有牛角包，同全日早餐， 我覺得都好多選擇！我今次試左出名既紫薯窩夫（原來有半份揀，啱晒我呢啲又想食又驚食唔哂既人） 及巨峰提子梳打😋窩夫入面有紫薯餡，整得又脆又好味😋。配上豆腐雪糕，蜜瓜及紫薯仔。整得好靚又有誠意。蜜瓜大嚿又清甜，豆腐雪糕豆腐味好重，配合窩夫食，好適合😋😋😋 專登叫巨峰提子梳打，等成個餐都係紫色💜💜💜💜 中午客人唔多，得一個老闆做哂廚房，收銀，侍應，不過所有窩夫都係即叫即整！餐廳有兩層，牆上都貼有很多文宣，另外有有一些關於餐廳漫畫海報，令我覺得餐廳好有活力！大圍美食，真心推介！