夢咖啡館 (已結業)

Caramel Banana Waffle with Ice-cream | 焦糖香蕉雪糕窩夫 $66其實款款都幾吸引揀唔到最後揀你啦香蕉!!🍌上到黎好香焦糖香蕉味同埋我覺得好靚😍香蕉上的焦糖好脆，有四片都唔錯waffle出面夠香脆，但入面好鬆軟蛋味香同雲尼拿雪糕同少少杏仁食好夾呢種花型waffle成日都賣到好貴我覺得呢度呢個價錢好低食，仲係好食添👏四個字：無得輸😏

係openrice見到呢間cafe，覺得好吸引，但去過甘多次西九龍都唔覺有呢間。今次山長水遠特地去細心搵，終於搵到，其實就係轉角位。舖未好細，所以佢d枱係密密麻麻。好彩我地去果陣係下午茶時間，所以等一兩分鍾就有位。但張枱仲係癡癡地，唔太乾淨，侍應都係d掛住挽手機ge後生女。我地坐係大玻璃窗隔離，可以睇曬外邊d野，感覺好free。叫左士多啤梨窩夫、朱古力沙冰、薰衣草茶。薰衣草茶大概貴朱古力沙冰十蚊，不過餐牌寫明薰衣草茶可回沖一次。等左一陣，朱古力沙冰好快黎。飲落好濃朱古力味，個味好真，唔會係d好假好cheap嘅朱古力味。之後窩夫接住黎，係水滴型，好特別。中間放左球士多啤梨雪糕，有士多啤梨圍住個窩夫，砌得好令。窩夫外邊好脆，入邊幾鬆軟，唔會話好硬，所以好快食完。食到一半個薰衣草茶仲未黎，追左幾次先有。我本來以為佢係一壺甘上，原來係有埋火係下邊，熱住佢。我好surprised，好吸引其他食客嘅目光。雖然個idea係好正，但因為係熱住，所以倒落個杯仔飲果陣要等佢涼d先得。就係甘樣一路等，壺茶一路係底熱住，越熱越濃，最後濃到苦。壺茶未飲曬就要求回沖，可惜回沖完都係甘濃。而且可能壺茶製作需時，加埋

睇野真係唔可以睇表面，去到西九龍中心，諗住試吓隱世拉麵，好衰唔衰叫夫人幫手開個openrice睇地址，佢睇到排響隱世拉麵下既dream cafe，佢就突然話想轉食cafe。一入到去，環境都唔錯，見到個帶位妹妹，就知呢間野唔係食service。好啦，睇中個手工漢堡個名改得好霸氣，就試一試佢。嗌左十聲之後，忙住打機既兩個waitress妹妹終於過黎落單，落完單佢又走返去拎返部電話打機。等左十幾分鐘個包終於到喇，餓到hihi既我，一手就拎條薯條食啦，嘩，乾左d喎，不過味道還可以啦，似紫菜shakeshake薯條囉，之後切個包黎食，唯一可以讚個汁，其他都係中下水平，包身鬆又冇彈性，生菜底同麥記完全一樣味，最大獲係個牛，細舊得黎又鬆散，散到係搵把刀一切即粉碎，似碎牛漢堡多d。呢個包，竟然收我$88蚊，我去西貢食個超好味漢堡都係五十蚊咋，紅磡時新好味過佢十倍都係廿幾咋，佢咁既用料，咁都好意思收88蚊，好野！食完個包，夫人嗌左個太極窩夫。完全冇期望下，食呢個窩夫，覺得合格啦，雖然窩夫硬左少少，但算脆口，香蕉都幾結實唔會林，雪糕好有拉力，味道唔錯。滿意！埋單盛惠百九幾蚊，唉，真心覺得唔抵食又完全唔值囉

食飽飯唔夠半粒鐘又話去食甜品 同行團友戰鬥力非凡 冇計跟大圍 況且甜品對於我嚟講有莫名嘅豁免權 就算飽到呢~Hehe 都可以照食叫咗個焦糖香蕉抹茶窩夫再加多個scoop 甫上檯 碟嘢幾靚仔 最底係窩夫 放有原條開邊香蕉係面 上面再淋上熱焦糖 再係之上加上兩球雪糕球 最後on top加上cream同D 碎almond 成舊嘢幾似Tsum Tsum 𢳂下𢳂下都好食 只要用料靚D 相信唔會差得去邊 條香蕉因為焦糖凍咗變成一啖食落去邊脆邊軟 效果幾過癮 如果條蕉再熟D會重正 之後到窩夫 唉 塊餅烘得過咗籠 外面硬裡面都係硬 又冇乜味道 結果竟然臨門一腳 撻Q

等男朋友放工一齊dinner! 剛剛好係深水埗就openrice search一下附近有咩食啦。估唔到西九龍都有間有水準既cafe! 因為無預計到甘好食，所以無影到相! 我同男朋友本身諗住是但食，叫左個handmade burger, 南瓜蟹肉意粉，抄雜菇。特別推介南瓜蟹肉意粉! 我相信大家都食過好多得d蟹肉係面但無蟹味既意粉。呢間Cafe做得好好，一啖已經成陣蟹味係個口入面喇! 另外個burger都好好食，唯獨我個人比較鍾意件漢堡扒熟d....始終唔知係咩野牛撈埋一齊嘛。佢地個薯條係連薯皮的，再加上一d辣粉更加好味! 另外個雜茹好有牛油香味，但就真係太多油了XD樣樣都好好食呀! 我會再黎咖! 下次想試下佢地個pancake甜品! 好似好吸引甘!

英倫早餐 ($88)💁🏻晚上餓了就想吃All Day Breakfast店內提供三款早餐 最推薦的是這個內有煙三文魚、炒蛋、火腿、炒菌、煙肉、牛角包和薯餅☺️我最喜歡的是炒蛋熱烘烘的炒蛋滑而微散而入味的煙三文魚也是另一個賣點British BreakfastIncludes smoked salmon, scrambled eggs, ham, bacon, mushroom, hash brown and croissant💁The best part will be the scrambled eggs because it almost melts when having itAnd smoked salmon is also another selling point!炸美國瘋薯條 ($36)瘋薯上面灑上少量芝士碎及刺激口感的調味粉☺️沒有另加芝士但覺得還好Fried Crazy American FriesFrench Fries with little Cheese and seasoning😳need extra cost for extra cheese but witho

睇開飯啦見到好評，而且睇到個店名好似不錯。有次去深水埗就決定食這間，因為一直已經想試。我覺得去到算易搵，而且好快有位。入到去氣氛算不錯，坐左個自閉位，正合我意。餐廳播放一些舊歌，我覺得不錯。之後打開餐牌，發現多道菜，我只可以選擇得兩至三樣，因為起碼有５道菜都係有海鮮，而不嬲我對海鮮有敏感。頓時想離開，因為最普通卡邦尼意粉都要$66，另一款可以食就係黑松露菇意粉，好似要$8X，如果再加埋杯野飲$3X，咁食個LUNCH未要過$100，唔多抵喎。最後我選左最普通既卡邦尼意粉，黎到賣相還可以，但食落偏咸。飲品選熱紅棗茶，還可以，起碼肯定唔係沖劑。整體除左環境和服務，其他唔值，應該唔會有下次。

係西九行街,媽媽同妹妹話帶我去距地上次去過既cafe,估唔到係一堆堆密雜式既細舖裏面有一間cafe,距地話呢到d窩夫幾好食,我地3個人叫左兩個窩夫,原來有最低消費,所以叫多杯凍檸荼$33焦糖香蕉waffle$62,窩夫好濃蛋香,焦糖醬再加呍呢拿雪糖竟然唔太漏,而且仲令我一啖接一啖!但雪糕細球左d,唔夠送個waffle朱古力香蕉waffle$62,唔知係咪食完第一個巳經無咁餓,覺得呢個無咁好食,但其實都唔差,但朱古力雪糕上到黎巳經溶溶地,每舊上面都有一篤cream同香蕉,相比第一個係豐富d窩夫全部即叫即整,所以黎到熱辣辣外脆内軟係西九大出血完黎呢到hea下都不錯呀!順帶一提,cafe裏面d香水味濃左d

＠Cafe Dream・夢咖啡館 （7樓蘋果商場7002-7003號舖）位於7樓Cafe Dream・夢咖啡館，試咗幾款菜色，是Carbonara、蟹肉南瓜忌廉意粉，雞翼同魚柳。比較欣賞的是Carbonara同蟹肉南瓜忌廉意粉，因為意粉汁好厚身，味道很好！

同男朋友搵野食, 行左成座西九龍, 都係好似呢間CAFE吸引D。 不過入面太細啦, 每次容立到十幾個人, 雖然夜晚成8點幾9點, 都仲要等位, 等左半個鐘。因為本身果日腸胃麻麻, 無咩胃口, 所以都唔敢叫太多野食, 唯有淨係叫左一碟意粉同埋一碟餅(唔記得叫咩名魯)。間野得3定4個人, 而出面樓面就係兩個女仔黎。 點完餐, 個女仔話個明太子意粉要等(好似20定30分鐘), 所以就上左個餅先。個餅個賣相幾好, 個雪糕係抹茶來的, 仲有D紅豆。 個名好似叫紅豆抹茶唔知咩餅 (記性差哈哈)。不過我怕滯, 無食個CREAM。 將件餅撈埋雪糕食真係幾特別。 舊餅硬度適中。食完上面果碟, 碟意粉終於黎啦。香噴噴, 個賣相又幾令, 同埋D蒸氣上升果時, D紫菜絲郁下郁下, 好生動好搞笑 XD至於個味道呢, 佢有D鹹鹹地既魚仔(?)同一塊塊果D, 鹹左D, 如果唔係咁鹹既就更好。而個粉真係好好味

難得出現起深水埗，當日係極度想去食豆品，可惜腳踏四吋高踭鞋，仲要背住5kg野，所以決定去附近商場好好食個飯算。本來打算去食碗拉麵，但係當時約下午四點，隔離既拉麵店落緊場，於是我就誤打誤撞到呢間餐廳。話說當日去到時，餐廳幾乎全滿，但幸好有得搭檯。餐廳起商場一角，位唔算多，有小小逼。我叫左兩樣野，明太子__意粉同埋焦糖香蕉雪糕窩夫意粉我覺得真係不錯，有幾分似wired cafe剛開店有既明太子意粉。$70 絕對抵食窩夫一向都係果幾樣材料，不過值得一提，呢個窩夫真係脆

一客5隻CHICKEN WINGs，醃得非常入味，甜度適中。唯雞翼比較細隻，食完有D唔夠喉 窩夫一共有8格，每格都一塊香蕉、CREAM同棉花糖，中間仲有一球CHOCOLATE ICE－CREAM，配以朱古力醬作點綴，賣相極FIT。先講下個窩夫，熱辣辣上枱，外脆內鬆化。算是高質窩夫。另外不得不提D CREAM，唔會太甜，夾埋WAFFE一齊食，可以話係岩岩好呀再講下餐廳個DESIGN，作為西九龍中心的小店，本身都唔期望作有太大空間。而餐廳裝潢就似樓上CAFE，整體黎講"COMFORTABLE"。店入面唔係好多位，食飯時間可能要等位

咁我地一開始係俾個手打牛肉吸引入去既，手打牛肉wo 點諗都好好食喇。一黎個賣相都可以既。一食入口就衰喇。利申，我都好中意食m記既人黎。哇，佢個包一食入口，完完全全係巨無霸既味！仲要去外賣個隻。包係普通包味，冇話好似pizza express 咁，不過唔緊要。但啲生菜完全係巨無霸搬過黎咁，都算。牛肉我覺得冇咩牛肉味，我朋友就覺得似生肉貓量。薯條就更加唔好提喇⋯你可以話宜個餐不過不失，但咁既價錢可以食三四個m記餐都開心過佢卡邦尼意粉盛惠$66💰算係正常餐廳價錢但一上枱比想像細好食既唔緊要.....一食落口好濃郁既卡邦尼味入面完全帶一陣陣酸味omg...都唔知格左幾多個夜晚...老實講我自己係屋企都有煮下卡邦尼意粉真係唔知要點煮擺幾耐先有果種酸味炸薯條我無預期過佢要好好食...但係都唔係好似買m記外賣拎番屋企林曬果隻掛...仲有佢完全係白烚薯條既感覺😷急凍翻叮薯條黎...

工作需要隻身嚟到深水埗, Openrice一吓附近有乜好食, CAFE DREAM幾高分, 門面同裝橫亦唔錯, 感覺幾舒服, 可以一試!CAFE其實好細, 我目測估得50呎, 但桌椅唔多, 坐低都冇乜壓迫感, 感覺好cozy! 估唔到深水埗都有D咁有感覺嘅CAFE! 最重要係唔駛等位! 本來想食Waffle點知賣哂, 咁只好食cheese cake伴雪糕, 味道合格, 雪糕較易溶, 另外跟一杯抹茶奶, 抹茶奶仲拉埋花, 個人覺得味道唔夠甜! 不過成個set total look 觀感好靚~ 適合相機食先。雖然今次食嘅嘢冇乜驚喜, 但有機會會試吓其他嘢食。

It has been a long time that havent come to Dragon Centre. Cafe Dream is such a beautiful and new cafe. The tables and chairs are designed stylishly.The food was served fast. I ordered the Swiss Chicken Wing with garlic spaghetti. The portion was enough for one person. The chicken wings were small but they were in good taste.