大丸和風食堂 (已結業)

很有日本風的日本料理店，今晚又去尋找美食位於旺角通菜街的「大丸日本料理店」……藍藍的燈光，很搶眼，也令人置身於日本街頭一樣，很有和風味！#海膽（大板）：海膽大大片，配米飯及紫菜是一流。海膽新鮮很 creamy，秒殺了#海膽（大板）：食海膽有不同食法，大家會選擇哪種食法？#天婦羅蕎麥麵 ： 天婦羅有大蝦，南瓜及青椒，配上蕎麥麵都很不錯。想吃得輕量又健康，不油膩的，便選擇吃蕎麥麵啦# 牛油帶子 ：有鑊氣的牛油帶子，一上枱已經很有氣勢，大大粒帶子，配上新鮮蔬菜，很香口惹味。# 牛油帶子：有鑊氣的牛油帶子，一上枱已經很有氣勢，大大粒帶子，配上新鮮蔬菜，很香口惹味。#鰻魚炒飯 ：各人吃有不同口感，我就比較喜歡珍珠米粒的煙韌口感，粒粒分明及有口咬。。。份量可以多的話，男仕比較喜歡。#鰻魚炒飯 ：各人吃有不同口感，我就比較喜歡珍珠米粒的煙韌口感，粒粒分明及有口咬。。。份量可以多的話，男仕比較喜歡。日本炒飯跟廣東炒飯是有點分別，就是說有文化差異，香港是共融社會，接受程度是很大的#菠蘿梳打#蘋果梳打食物吃了令人有開心感及滿足感，尋找美食的同時，而又吃了意想不到的美食會更加令人開心萬分。#重拾拍拖情懷 #

黎到旺角餐飲選擇非常之多，每次朋友話要食日本菜，除左放題，我會黎呢間大丸和風食堂，餐牌選擇多之餘，食物水準都keep得幾好！首先點頭盤點左黑松露三文魚沙律：每次想食三文魚，又唔想叫刺身，就會點呢碟三文魚沙律，口感比較豐富一點。鹽燒鯖魚：每次必點item. 鯖魚夠熱辣辣，一啲都唔腥。黑椒石鍋牛肉飯：冬天咁凍，梗係黎返碗熱辣辣石鍋飯，份量好多，適合二人食用。天婦羅拼蕎麥麵：蕎麥麵，份量一樣好多，沾上胡麻醬，非常之match! 而天婦羅亦都十分香脆，唔會食到成口粉嘅感覺。

今日行過嚟到呢間新裝修嘅日式料理店，入嚟環境都幾舒適，座位都唔少！我哋點咗個北寄貝刺身，幾新鮮甜口好爽口！跟住我哋有點佢啲壽司，啲醋飯整得幾正宗，用料新鮮，食得出食材係高質，帶子都好甜口好大件！另外有點咗個牛柳粒石鍋飯，飯量十足，牛味都好夠，呢到夠曬兩個人食！鍋物有點咗呢個泡菜豬肉豆腐鍋，啲泡菜辣得好過癮！另外小食都有點呢個芝麻雞翼，炸得好香口，配埋佢個蛋黃醬一港！最後有試左佢嘅牛舌，夠曬厚切，好重牛香，燒魷魚夠曬大條好入味！值得一試。

陪朋友去旺角買聖誕樹，之後佢話請我食日本野，通菜街就有間大丸和風食堂 ，無論環境和食物都唔錯，置身其中就好似去咗日本居酒屋。特盛海鮮丼配味噌湯，特盛海鮮丼面上鋪滿多種海鮮，每樣都超新鮮，赤蝦鮮甜爽脆，蝦味濃郁。帆立貝味道鮮甜，肉質扎實爽脆。三文魚肥美，魚脂甘香，三文魚籽粒粒飽滿，晶瑩可口。玉子切粒口感滑嫩。和風炸雞肉汁豐富，脆香嫩滑，冇骨啖啖肉，配以醬汁調味，濃郁惹味！名古屋芝麻手羽先3隻，芝麻味特香外皮金黃酥脆，咬開內裡藏著雪白嫩滑的雞肉，非常香口。點些醬汁更好味。凍咖啡冰凍香濃。

行過見到佢門面幾靚，而且依個位好少有咁大個鋪位，見野食都唔貴，比佢引左入去。入面環境都乾淨企理，有d日式擺設，有卡位空間感大👍🏻佢d刺身飯一d都唔貴，叫左個蔥吞拿魚蓉don同埋火炙三色don，一樣都係$118。火炙過既三文魚同魚背魚油香突出，加左香甜既沙律醬，但略嫌有點多醬，不過拌飯都幾好食。蔥吞拿魚蓉don 口感黏黏的，份量多鋪滿飯面，足以拌勻成碗飯，加左芝麻同蔥更香。壽喜燒牛肉鍋上枱熱辣辣標哂煙，醬油湯好香，蔬菜同豆腐都足料，天氣凍左叫番個黎暖下胃就最岩👍🏻

同朋友去旺角剪頭髮，順便行吓街，女人街因疫情始終都係冷清，中間檔口仔好多都冇開，因此兩旁店舖中比我哋睇到一間日式料理叫大丸和風食堂，燈光明亮，裝潢設計有如日本嘅居酒屋，朋友話想試吓，我也樂意奉陪！餐廳座位以卡座為主，坐得舒服，主打日本菜，有拉麵、刺身、壽司、炸物、串燒和酒等。大蝦天婦羅，外皮炸漿又薄又脆，不油膩，蝦肉爽口。加州卷，壽司飯入面包住紫菜、蟹柳、青瓜和雞蛋，表面灑上少許橙紅色的蟹籽，口感豐富。鹽燒油甘魚鮫，非常美味嘅油甘魚鮫，最適合就係鹽燒，充滿油份而且啖啖肉，外層金黃香脆，灑上適量海鹽十分惹味。火炙黑豚拉麵，醃滷過的黑豚透過高溫直火炙燒後、將豚肉油脂逼出後所呈現的外皮微焦、內部多汁軟嫩、同時帶有微甜滷汁香氣的絕佳口感。濃郁的湯頭加上Q彈的麵條，讓人垂涎三尺！

如果想食日本嘢， 行行地都要三四百蚊落樓， 如果係食壽司店仲貴， 但係估唔到呢間餐廳啲嘢可以咁平， 而味道又唔差。餐廳位於旺角通菜街地舖， 起排檔嘅轉右就見到， 雖然門面覺得好似好細咁， 但係原來內有乾坤， 入面嘅座位好多， 基本上唔使排隊就入到嚟。 最啱行完街上拿拿林搵嘢食。😂😂一拎起個餐牌第一個感覺就係， 啲嘢真係好平下， 一個牛肉鍋只係58蚊，就算係有四種刺身嘅拼盤， 都只係108。 咁我梗係要叫黎試一試太平但係質素唔差，三文魚份量都算大，而且仲有油甘魚甜蝦同埋吞拿魚添。❤️❤️牛肉鍋方面，雖然味道稍稍淡，但係牛肉份量都冇手軟， 58蚊冇投訴。除此之外我哋都叫咗天婦羅烏冬同埋壽司，其他嘢都正正常常，總括嚟講呢間嘢性價比極高，啲嘢真係好抵食，如果月尾想食日本嘢呢個係一個好嘅選擇。👍👍

今日另一半話想食日本野，但又唔想食放題，所以去左旺角花園街果邊搵下有冇日式餐廳，見到呢間好似新開冇幾耐，所以就試下佢！餐廳都幾有日本風，座位都幾好坐，價錢親民，定食$60幾都有刺身盛（四點）有四款刺身，各款都比放題質素既好，特別係三文魚腩刺身，好厚好肥美黑松露三文魚沙律三文魚份量好多，配上黑松露沙律醬，令沙律變成開胃小菜芝麻雞翼雞翼新鮮炸起，外皮脆口，肉嫩有汁黑松露炸薯條薯角新鮮出爐，外皮香脆內裏薯蓉軟淋，配上黑松露醬，令薯角更惹味！壽司（三文魚，帶子，天婦羅蝦）各款壽司都有相當嘅水準，特別係天婦羅蝦壽司，酥脆嘅天婦羅蝦配上軟熟壽司飯，口感特別特盛海鮮丼有三片三文魚，兩隻帶子，甜蛋，甜蝦同三文魚子，刺身新鮮，米飯粒粒飽滿又帶點醋味牛肉壽喜燒肥牛上枱時處於七到八成熟，高溫既壽喜燒湯汁令牛肉慢慢淥熟，剛熟既牛肉配上生雞蛋，令牛肉更滑又有蛋香，另外蔬菜都吸左唔少壽喜燒湯汁，變得香甜

大丸和風食堂門口設計比較日式，入到餐廳內就會比較港式，數張卡位檯，牆上掛咗唔同嘅日式旗幟同壁畫，環境闊落寬敞，同朋友傾吓偈都係一個好地方。室津生蠔 $78生蠔大大隻好肥美，入口爽脆，風味甘甜，帶有好清新海水味及微微嘅海鹽味道。䓤吞拿魚腩軍艦 $40蟹膏軍艦 $26海膽軍艦 $44軍艦無輪係吞拿魚腩蓉、蟹膏定係海膽份量都好充足，而且都好新鮮，吞拿魚腩蓉加埋蔥會微微辣味，蟹膏有入濃烈嘅蟹味，而海膽有陣陣鮮甜海水味。魷魚壽司 $18帶子壽司 $32醬油七味燒左口魚邊壽司 $36魷魚鮮甜、爽口、帶子厚切，啖啖肉、左口魚邊加上醬油非常惹味，每款壽司都各具特色。鹽燒日本手羽 $32日本手羽燒到外皮香脆，肉質仍然保持嫩滑多汁。直送黑豚腩肉串$38黑豚腩肉食落好香豚肉味，肉脂比例適中，唔會太乾，都唔會太漏。月見免治雞肉棒串 $28免治雞肉棒混入咗雞軟骨，食落除咗好腍但又有雞軟骨嘅爽脆口感，雞肉棒外加上燒汁，再點上生雞蛋，層次好豐富。雜錦天婦羅 $68天婦羅有蝦、冬菇、南瓜等等食材，天婦羅炸得好鬆脆同好乾身，唔會好油膩。照燒魷魚筒 $88魷魚筒燒得好香，口感爽口䐷牙，面頭擦上燒汁，非常惹味。

🍴室津生蠔（兩隻） HK$78蠔身肥美飽滿，口感軟滑，略帶甜味。🍴魷魚壽司（兩件） HK$18、帶子壽司（兩件） HK$32、醬油七味燒左口魚邊壽司（一件） HK$18、蔥吞拿魚腩軍艦（兩件） HK$16、海膽軍艦（兩件） HK$44、蟹膏軍艦（兩件） HK$26帶子大件夾鮮甜，相當唔錯。左口魚邊燒一燒油脂香氣十足。🍴雜錦天婦羅 HK$68除咗菇、番薯、南瓜、茄子、青椒等蔬菜，仲有三隻大蝦，夠晒豐富，炸得乾身，無乜多餘油分。🍴鹽燒日本手羽 HK$32、月見免治雞肉棒串 HK$28、九州直送黑豚腩肉串 HK$38雞翼表面燒得乾身香脆，雞肉唔會太乾。雞肉棒軟滑之中帶軟骨嘅爽脆，撈埋蛋汁更加香甜。腩肉啖啖肉，近肥膏位置寧舍甘香。🍴照燒魷魚筒 HK$88魷魚唔算大隻，但燒得夠香又唔韌，魷魚鬚特別脆口。📍大丸和風食堂旺角通菜街75-77號地舖

📍大丸和風食堂, 旺角首先鋪位好大，坐得好舒服，大量卡位。💜角切魚生飯分量10分充足，魚生都新鮮，壽司飯近乎有三碗，男士食都十分之飽肚💜芥末八爪魚，夠芥末味，好食！💜牛肉鍋，同樣係非常之足料，好多牛肉，又嫩口；仲有菜、菇、蘿蔔、芋絲。我唔配白飯都好飽🤪🤪🤪💜牛舌都好林，同樣地份量好足，總共有六舊💜唔想檸檬汁嘅雞翼好清新，係必叫嘅菜式；唔會太乾又易咬 舖頭嘅裝修都好特別，有日本夏祭嘅感覺🥳

平時去開旺角食日本嘢都係食拉麵，今日平時食開間舖頭冇開，花園對面開咗間新嘅日本餐廳，感覺到幾似日式居酒屋，門口掛滿左燈籠🏮感覺都幾開心我哋今日叫咗好多嘢食，有雞皮餃子、天婦羅烏冬、魚生飯、壽司、壽喜鍋、雞軟骨。☺️☺️每樣嘢食嘅質素都超乎預期👍🏼壽司件件厚切！滿足感爆登，帶子嘅鮮味喺口入邊發發出嚟，好正！🔥🔥魚生飯嘅魚子好飽滿，就好似一粒粒紅色嘅珍珠😋😋天婦羅烏冬嘅天婦羅都係新鮮炸起，而且粉漿嘅調配啱啱好，做到外皮香脆，內裏juicy ，坊間好多舖頭都未必做得到🧐壽喜鍋就啱晒冬天食，食完個人暖笠笠，入面仲有唔同嘅新鮮蔬菜同大量牛肉，價錢又唔貴，屬於必叫之選。🤩🤩總括嚟講，真係好過食連鎖店！

自從疫情之後，已經好耐無去旺角女人街附近行街，怕人多來來往往。今日因為要去旺角辦d事，同朋友沿途經過見到呢間日式食店，見到門口都好日式feel，咪入去試吓囉。店舖四周都擺滿日式擺設，日式燈籠，牆壁擺左好多日文標貼，喺呢度食野，令你好似置身日本小店中，暫時未去到日本嘅話，就慰藉吓家鄉情先啦。我地叫左灸燒三色卷，有三文魚卷，帶子卷，同埋吞拿魚卷。每個卷物上面都有放沙律醬。食落都幾好味。另外，燒物方面，真係好選擇。我地就有叫燒羊架，燒鰻魚，燒和牛等。刺身又點會唔叫呢？當然，就喺叫左我至愛油甘魚刺身啦。好快我地就食飽返屋企。大家經過呢度附近，都可以入嚟試吓。

同朋友想食日本嘢，咁就book咗呢間日式餐廳呀，但認真， 佢啲出品真係唔得。呢個真係比較正常嘅，但係食落去冇咩鮮味，而且份量真係偏小。嗰兩隻蠔呢，我唔知係咩原因佢要不停咁沖水，真係食得出完全係淡水，而且唔知係咪因為沖水太勁，之後基本上係完全冇味。然後海膽嘅份量有好細，紫菜係琳嘅，真係唔知點…你話整體環境可以啦，日式茶餐廳嘅感覺，好處係可能冇乜人，所以都幾安靜，但係咁嘅價錢同感嘅食物質素真係唔值得，所以都應該唔會有第2次。

好耐都冇出過旺角，竟然朋友都係咁話，就決定今晚黎旺角搵食。黎到女人街，搵到呢間大丸和風食堂，睇食評唔錯，就入黎試下。坐底見到menu都真係幾大眾化，睇落都價錢ok,唔會好貴。黎到份量都幾多㖭。呢個火炙三色卷，有吞拿，帶子，同三文，真係幾好食，咁多件仲要有三種刺身，真係好抵食。鰻魚炒飯一向都好鍾意食。 鰻魚粒都算多，仲有粒粒洋蔥好香口，而且佢炒得幾均勻。唔錯。牛肉壽喜鍋，勁多牛肉同菜，好豐富呀。 仲有大隻蛋係面。個鍋黎到仲好熱，所以係睇住啲肉熟，感覺正。肉唔會煮得太老。吉列黑豚，可以用黎配埋炒飯，一流。 而且佢粉醬唔太厚，又冇咩肥，炸得好好味。最後仲叫埋明太子釀雞翼，大大隻爆多涵，而且仲唔覺熱氣，真係幾出色。今晚真係食得又滿足又開心。